日記主簡介
| < 1 2 3 4 5 6 7 8 9 10 11 12 13 14 15 16 17 18 > |
2003 年 02 月 17 日 星期一 【晴】
hi~ 又係我啦!
我阿媽成日話我諗得天真,佢問我第日諗住做乜,而家仲未識行,我答佢咪做一份好工,可以care 佢地 lor~
佢話我成日冇諗自己的將來,我其實有諗佢唔知啫! 佢話以前有大機構或公司就會請我地 d 傷殘人士做下接線生,搞得掂普通應對就 ok !
而家好人好姐都炒啦,更何妨我地 ?鬼唔知咩! 我答佢答得咁白痴,都係想佢地唔好咁擔心我啫,你估我真係傻架咩 ! 我都快20 歲啦 ! 好大個啦 !
我老豆阿媽都開始老啦, 唔照顧得幾耐 ! 阿哥而家拍緊拖,話唔定第時佢成家立室,都照顧唔到我,我梗係唔係想靠阿哥啦, 唉~ 都係靠自己好 D !
唉 ! 都係怨自己唔生性啦,又唔長進 ! 只係差穩鎮啫 ~ 讀書又讀到........... 唉! 簡直嘔血~~~
其實我想都和朋友一起逛街.......唱k .............shopping............. ,其實我係咪咁鍾意 online ,icq,
listening radio, listen music 呢 ?!我可以話比大家聽,我唔係 lor ~ 我唔悶就呃你地
>>2003年02月17日Mon 16:57:41 (GMT+8)
2003 年 02 月 17 日 星期一 【晴】
小魔星昨天看了柯南日記,說自己幼稚,是真的
!!!其實我有反叛的一面,同柯南相比,柯南是好女仔,但她媽媽未發現到她是值得她proud of you ! 而我呢 ?我就係忤逆女!
唔知我好友們會點睇我呢 ?我也有同媽咪駁咀駁舌,頂頸, 包嗌頸出晒名,範範做晒! 所以我的而且確同柯南無得比 !
我試過離家出走一小時, 那次是我第一次, 因我行路行得行唔好的問題, 各執一詞, (當中經過我不詳述啦, 當中我又同阿媽駁咀及頂頸 ,當中也有打罵場面
! ) 結果我沉不住氣,走咗落街坐在公園裏(夜晚7點幾) " 若果當期時我遇到色魔或有精神病的人,咁我就嗚呼哀哉 ~ @.@~ "
第二日睇報紙話有色魔喺我屋企附近,真係好險呀! @.@ 所以我唔比我 D FRIEND 黎我屋企就是如此了,我擔心佢地女仔唔安全呀 ma ~
F.1 時返學途中, 我又因行路行得唔好的問題,再次和媽咪鬥氣及發佢脾氣, 仲 fing 開媽咪隻手自己返學, 途中仲遇到劉 sir tim (怖龍)
佢仲問我點解得我一個? 我呃佢話媽咪喺後面 ! 所以我咁鍾意 <反叛 > 依首歌,原因它講出了反叛少女的心態 !
"每次我說我不滿 尊長即加倍主觀
次次判我不對 太似冒牌法官
快要踢爆汽水罐 因抑鬱塞滿血管
成年人常令我煩悶 *"
我昨天看完了她的日記,覺我她比自己成熟, 自己好像一舊夢咁,又唔長進,又唔生性 ~ 唉~
*************** 鄭重聲明****************************
上述行為大朋友或小朋友切勿模仿, 因本人人頭豬腦,先做如此愚蠢行為! 本人是反面教材,所謂"一失足成千古恨" 請切勿模仿,請大家三思而後行 !
>>2003年02月17日Mon 16:24:26 (GMT+8)
2003 年 02 月 16 日 星期日 【晴】
小魔星:
今日睇了柯南的日記,知道有位舊同學的媽媽在兩個月前逝世了,其實我一直都想和這位舊同學聯絡的,但會考後,大家各散東西,都冇聯絡好耐了!又怕打電話影響別人心情,又我成績又不好!
(大家明架啦!)
原來大家都不敢打電話慰問她,我都係! 我是無意中在幾星期前先知此事,但我又怕未證實,所以不知如何是好~
現在知道了,更不知如何是好,我怕現在先打比佢,怕勾起別人傷心事,請你們教我如何做啦!
最後在此希望她能節哀順變,祝福她媽媽能上天堂啦!
>>2003年02月16日Sun 18:33:40 (GMT+8)
2003 年 02 月 16 日 星期日 【晴】
小魔星:
我今日睇了柯南的日記,不禁自嘆不如她那般成熟,從前的她對我而言, 只是一個只愛看愛情小說的女孩! 只愛沉醉於虛浮世界裏!現在我覺得她真的長大了,
原來只有我一人不長大,而且仲自己騙自己,愈來愈嚴重! 是的.......人是會變的,但原來一直不長大的只有我一人,像小孩般那麼幼稚!
其實我媽媽好欣賞柯南你,因你有愛心,又顧家.總而言之一句講晒------好女仔一名!邊個娶你就有福了!!!!!!!
你放心啦! 你媽媽縱有一日,會發現她有一個值得她引以為榮的女兒! 應感到安慰!引以為榮未必一定要有好大的成就的!從日常生活細節也可看出你是一個好女仔!
>>2003年02月16日Sun 18:05:46 (GMT+8)
2003 年 02 月 15 日 星期六 【晴】
小魔星:
我在此祝大家情人節快樂 ! 唔知大家有什麼節目呢 ? 我可能今晚會睇<無間道 >,我好開心呀! 等了這麼久, 終於有得睇了 !
>>2003年02月15日Sat 20:46:49 (GMT+8)
2003 年 02 月 11 日 星期二 【晴】
小魔星:
我今日推介的陳慧嫻的舊歌,係正歌0黎,係首快歌!
反叛
作詞：林振強 作曲：渡邊茂樹 編曲：渡邊茂樹
師長很關心的說 不溫書怎會做人
爸爸很緊張的說 不准穿短褲熱裙
媽媽天天訓導 說少女要留心
男孩如凝望你入神 萬別讓他接近
歌曲中詩般戀愛 篇篇很優美動人
枕邊的痴心小說 本本都使我入神
不清楚戀愛事 我卻有好奇心
然而常常像個犯人 樣樣被豁限真難忍
* 每次我說我不滿 尊長即加倍主觀
次次判我不對 太似冒牌法官
快要踢爆汽水罐 因抑鬱塞滿血管
成年人常令我煩悶 *
# 苦悶 心極悶 到處有太多審判
反叛 想玩玩 但被限制怎去玩
苦悶 心極悶 永要我早歸家去
反叛 想玩玩 實在我喜愛夜半 #
親戚都誇張的說 沙灘中充滿壞人
爸媽都關心的說 應專心家裡練琴
不清楚戀愛事 我卻有好奇心
然而常常像個犯人 樣樣被豁限真難忍
Repeat * # #
>>2003年02月11日Tue 21:00:25 (GMT+8)
2003 年 01 月 27 日 星期一 【晴】
小魔星:
小魔星我愈黎愈欣賞陳冠希啦! 雖然你們或許不同意啦, 就算我好友柯南在我面前或看到這篇日記,我知道柯南你唔鍾意佢,但我都要講架啦!
因佢同余文樂的風波, 鬧到滿城風雨!佢地二人都遭到其他人的批評,我都覺得武力是解決不到問題的 !
我欣賞陳冠希是因為有報道指譚校長指佢無家教,記者問佢有何睇法,佢答得非常得體! 他說:"不相信校長會講這番說話!
如果真的有的話,唔該唔好拖埋我的家人落水,因我的家人教得我好辛苦,要鬧就鬧我一個就夠 !
我都同意他的說法,因我都好討厭罵人, 鬧埋人地屋企人,我得罪你,都係我一個而已,做乜要鬧埋我屋企人,
特別有的人鍾意用粗口來"祝賀"人地全家嗰種,我非常討厭這類人!你要鬧咪鬧我囉,正所謂"一人做事一人當" ! 我欣賞他就是這點了!
>>2003年01月27日Mon 17:02:47 (GMT+8)
2003 年 01 月 27 日 星期一 【晴】
小魔星:
我都知我好耐都無寫日記,但因小女子近來十分忙碌,所以我在此都感到十分抱歉 !你們有無掛住我呢 ? 我就黎日記變週記, 週記變月記,月記變一年結算表!
唉!有陣時忙到分身乏術,忙到不可開交! 有陣時又無乜特別事情發生,故沒有寫日記!
我上星期五寫信比陳冠希,但唔知佢會唔會回信呢 ? 又唔知佢識唔識睇我嗰 d 好到不得了(0既相反詞) 的英文文法呢 ?不過,無計啦! 驚都無用,事關寄咗lu
!
好心急呀! Edison 快 d 回信啦! 你知道我在等你嗎 ?
>>2003年01月27日Mon 16:20:27 (GMT+8)
2003 年 01 月 13 日 星期一 【晴】
小魔星:
我今日好開心,因早幾日同一個 icq friend :Juno 傾到好投契,今日又遇到一個 icq friend:Yan,
我真係好開心! 講真我的生活圈子窄,所以沒有太多的朋友,只是舊同學和學校內的同學! 他們都我好好,但我有時也想識多些朋友,一起談天, 分享心事!
係要互相有交流那種!
>>2003年01月13日Mon 17:06:10 (GMT+8)
2003 年 01 月 06 日 星期一 【晴】
小魔星:
昨晚,我很開心,因為 <勁歌頒獎典禮 >陳冠希得到online歌曲獎,和無線邀請咗陳慧嫻新人獎,她肥咗又靚咗!
其實好多人都覺得奇怪,點解我會鍾意陳冠希和陳慧嫻,我因為覺得Edison有獨特0既思想,懂得反思,係一個有計劃的人,還有他雖是外國長大,但他都懂得積穀防饑的道理!成日都有人話佢寸,但他本是有外國人性格,鍾意說自己的感受!
而Priscilla則是很可愛的女人,因為她無架子,不會說自己是樂壇大姐大,而扮大牌;反而試過在 飛機讓位比Kelly
chen0既助手,方便陳慧琳的助手照顧Kelly,自己去經濟客位坐;還在當紅時,幫張學友的歌
所以我很喜歡他們!!!
>>2003年01月06日Mon 20:21:39 (GMT+8)
| < 1 2 3 4 5 6 7 8 9 10 11 12 13 14 15 16 17 18 > |
|
小魔星 夢中見到你, 我好開心 ! 即使有人話我吹緊肥皂泡 ! 但我也不理會 ! 只因我認真地愛過 ! 故事的感覺: 小魔星不懂自編自導自演 ! 熱情的真我誰可擋 ? |