2003 年 01 月 02 日 星期四 【晴】

小魔星:
hi!好耐都無寫日記啦 ! 昨晚<叱吒903>頒獎,陳冠希無獎攞,真係失望啦!不過,都有攞<新城勁爆>獲獎---四台聯頒0既卓越表現大獎!而且仲有無線和港台的頒獎典禮未開始,EDISON 我支持你!!!!

>>2003年01月02日Thu 17:35:06 (GMT+8)

2002 年 12 月 26 日 星期四 【晴】

小魔星:
小魔星今日好happy !因接到我的老朋友的電話,又icq,講起上來都好多年無見!我自從leave 幼稚園後,都無見面了!
她能這麼多年,還記得我這個老死!我真是很感激她----阿梅!
多謝你 !

>>2002年12月26日Thu 16:51:51 (GMT+8)

2002 年 12 月 24 日 星期二 【晴】

小魔星:
hi!我好耐都無寫日記,我早幾日得知 <無間道 >終於開拍前傳,還有得知陳慧嫻簽咗環球2年,真是高興!
我班有一個患有自閉的男同學,他很可憐!他常常給同學們欺負和譏笑,常常笑他是"思覺失調",其實他很叻的!只是做出一些令人難以理解的行為,故導致惹人當猴子戲咁睇,依個世界存在太多誤會,令到其他人把一些人歸立為一類人!雖然我不太清楚自閉是怎麼一回事,但一定絕不是思覺失調,好像以我為例,我是弱能人士,往往都有人誤以為是弱智的,其實弱能不等同弱智,但我不介意,因我知他們有誤解,故此我說實在有太多誤解,往往把一些人歸立為一類人!

>>2002年12月24日Tue 19:24:22 (GMT+8)

2002 年 12 月 18 日 星期三 【晴】

小魔星:
yesterday,我聽中文老師寫日記好有用,可以當天的事情,例如你曾經和朋友怎樣好,但一鬧番了,就忘記這些事情! 人往往一和人鬧番了,總是記住別人的不好的地方,所以當他們看了這些日記,就好像時光倒流,令你回到過去,從拾番曾有這份真摰,而且美好的友誼,和有個好朋友 !
所以寫日記可以留住美好的回憶,因人始終記憶力有限 !當從看這些日記,可令你回味一番或會心微笑 !

>>2002年12月18日Wed 18:33:30 (GMT+8)

2002 年 12 月 16 日 星期一 【晴】

小魔星:
Last night 我睇咗,真係好好睇呀!今日小魔星有功課要做,在此擱筆!
明天見! See you!

>>2002年12月16日Mon 16:48:01 (GMT+8)

2002 年 12 月 15 日 星期日 【晴】

小魔星：
　　　小魔星覺得這首歌好有意思，若果鍾意一個人的話，只要用心愛過每一天，即是結果怎樣，都無悔無憾！故此我想送這首歌比大家！

為情為愛
合唱：陳慧嫻/黎瑞恩

* (黎)人生的戀愛是多變
聚了又分開　只有恨怨
(陳)緣緣份份聚散　命運在轉
誰能預料或尚有明天
(黎)多少的戀愛是溫暖
盡覺是唏噓讓我心酸
(陳)但真心的相愛　不悔不怨
長流熱愛過美麗每天 *

# (合)如何為情為夢為愛守候
一生不悔彼此兩心擁有　真的愛
(黎)我怕沒永遠
(陳)不要嗟怨 #

(合)能地老天荒也共同渡過
人隨緣共愛走遠
Repeat * #

(合)能地老天荒也共同渡過
何妨為情為夢為愛守候
一生不悔彼此兩心擁有　真的愛
(黎)我怕沒永遠
(陳)不要嗟怨
(合)能地老天荒也共同渡過
人隨緣共愛走遠

(陳)永遠相信為夢為愛守候
一生不悔彼此兩心擁有
(黎)真的愛　盼會是永遠　風雨不變
(合)能地老天荒也共同渡過
人隨緣共愛走遠

>>2002年12月15日Sun 18:58:15 (GMT+8)

2002 年 12 月 15 日 星期日 【晴】

小魔星:
小魔星同柯南你一樣沉迷玩icq和寫日記,依家仲鍾意左留言.......哈哈!!!　＾０＾

>>2002年12月15日Sun 18:41:33 (GMT+8)

2002 年 12 月 15 日 星期日 【晴】

小魔星:
前幾日,我知道<無間道>就快拍前傅,是講述劉德華和梁朝偉所譯演的角色的少年時代的事,換言之前傅是集中在陳冠希和余文樂,而劉德華和粱朝偉就譯演曾志偉和黃秋生的年輕版,即是主角是陳冠希!
仲有新城廣播劇 <愛有一點藍 >即將會拍成電影,由陳冠希和鄭希怡主演的,依次真係開心死我啦!

>>2002年12月15日Sun 18:33:59 (GMT+8)

2002 年 12 月 14 日 星期六 【晴】

小魔星:

我曾經和一個男仔表白,當時在特殊小學時,認識這個男仔0 這個男仔很風趣的,所以我喜歡了他!
最初是暗戀他的,後來就變明戀啦! 即向他表白! 我是趁在小息,他在回課室執書包時,他是坐在靠向牆旁邊的,於是我就趁這時候,擋住條路,因怕他會走!所以我擋住他的去路!結果給我嚇親!Because I was face to face directly to tell him.
我成日聽人講話女仔追人是很cheap 同無矜持,我是不認同這說法的0因我覺得愛人無罪,點解要Label住依 d 女仔唔好? 我又不是向人投懷送抱,我只是向心儀的人表白! I just to say what I feel & I love him.無論個結果是怎樣,我只是想讓他知道,就足夠了!
點解一定男追女,女一定是給人追,唔可以女追男,男都可以給人追的!我覺得”女仔追人是很cheap,給人追先矜貴”這句說話令到有些女仔明明是鍾意人,都不敢向人表白,我們不是精品店裹廚窗的貨品,分貴定平,最緊要自己點睇自己!或者我是屬於感情路上的”野心型”啦!所以我會攞左先,我不會做守株待兔,做等愛的女人!我覺得做什麼令到自己有得去愛,而唔敢去愛!At least 讓他知道都好!

>>2002年12月14日Sat 19:01:33 (GMT+8)

2002 年 12 月 13 日 星期五 【晴】

小魔星:
上回我咪提過我地全班都好憎個嗰Miss Sabrina, 雖然她不教我們的,睇落好似無乜深仇大恨,但是我們的而且確好憎佢!聽同學講佢是在外國長大和讀書的,所以佢英文十分流利,佢今年先來香港,所以英文Level 高 D ! 但我覺得她似住自己在外國回來和英文 Level 高 D, 成日對我們的英文 Miss 話佢 d 學生點點點,又話佢的學生的英文的功課(自學功課)要限定他們在Christmas holiday前,要做夠15個鐘!又話我們Miss Lau 對我們太寬鬆,話我地Miss :咁樣都收貨?只識得喺度 Showoff 自己 d 學生點叻點叻,似住自己Level 高,比壓力我地Miss! 欺壓我地!
我心諗你Showoff 還 Showoff 呀!有乜理由批評我地Miss 的教學方式,搞到我地Miss迫我地增加這份功課的份量! 但Miss Sabrina 對自己的學生,只是2張紙就搞掂,正一雙重標準!佢對自己的學生咪重寬鬆過我地的MISS!
等於阿媽教仔,梗係教掂自己個仔先啦,有乜理由批評人地個仔,但佢有能本事批評人地的教學方法!真係見所未見,聞所未聞!

>>2002年12月13日Fri 22:35:30 (GMT+8)