<戰鬥篇2>
230E VS 白色斬尾EG思域
果晚我同幾個朋友去左大埔海濱公園傾偈，回程果陣我一路等緊有冇車可以同我玩，所以都係楂得慢D (around 80km/h) ......去到康樂園對出果條果陣，我見後面有部車黎緊 ，佢開得唔快，於是我就收慢等佢過我......一望......係一部坐滿人既白色斬尾EG;perfect! 果一刻我既火即刻被撻著，因為無數原因，我懀思域懀到入骨，果時我見倒D改左既思域，就一定會隊，呢次都唔例外，我諗都冇諗就一野響雙白線抽岀去隊佢，果一下真係好high，就係咁様，我就由半個車位既距離，隊到唔見左佢對尾燈，頭冚上既Benz章同佢個尾真係超近，我同佢太約只有一呎距離，甚至更少! 果時既速度太約係百三，咁樣隊住部思域，真係勁刺激;呢個時候，架思域上面既人開始回頭望住我，佢地同我地一樣，全車都係後生仔，當時我做左一樣好串既野:開高燈戔佢地。而家諗返，都覺得自己好衰咁......果陣我靜係諗住係咁隊部思域，隊到佢同我玩為止，但係佢依然冇乜反應，於是我又做左另一樣更加串既野:由快線抽去中線，同佢平排行，然後望住佢，同時佢地亦好奇地望住我，然後我就加速等佢追我，但係佢冇咁做，於是我就改變一下，收慢等佢黎，果然，佢響我左面過我，並且響我前面卒左一下，諗都唔駛諗，我一野抽左過去隊佢，而大家亦以百三四既速度巡航，果下真係好興奮，因為我幾乎真係推住佢黎行，同佢既距離真係超近，可惜去到冇幾遠，佢就轉上一個岀口，而我就直去返元朗~
呢次隊架EG，證明左自己隊車可以隊到好近，全程我大多都係用油門黎控制同前車既距離，而唔係用迫力! 呢次之後，我對自己既睇位更有信心，亦都造就左將來既故事。