|  |
|
|
07/11/03 Fri 晴/雷雨
跟你一齊的短短幾個月是開心的. 怕失去你, 我真的很怕很怕, 但現在可能是接受現實的時候了.... 逃避?? 我會!! 因為我已經到達了不知應該什樣去面對你的地步, 我怕, 你會傷得我更深...
曾經有人對我說: "你跟他一齊的時候, 他一定會好幸褔!!" 但經過呢段日子既努力, 我可以話比你知, "他" 原來不會覺得幸褔, 他只會感覺到我給他的驚恐....
心痛, 真的很痛. 怕了, 真的怕了!!
07/10/03 Thur 晴
今晚, 好無耐, 唔開心, 原因有好多, 但全部都係自己問題, 但問題有太多, 一時間覺得自己好無用, 唔知自己應該點做才好....
其實自己唔係咁突然間唔開心, 起源係來自一份HW既TOPIC, 真係無從入手, 真係好迷失, 但明天就要交啦, 點辯...??!!
其實今晚真係好多謝亞B同Howard, 當我最無助既時候, 亞B申O左隻手出黎幫O左我好多好多, 真係無言感激!!! Howard, 當我最煩既時候, 佢係唯一一個人令到我可以笑, 令到我個心舒服O左好多, 仲比O左我好大既支持, 好多謝你地!!!
07/09/03 Wed 晴
Ewing, 生日快樂呀!! 希望您生活得開開心心啦(真心O家)!!!
其實7月9日呢個日子對我黎講一D都唔陌生, 可能因為記住太多年啦, 己經有一種無型既習慣, 但我相信, 呢個日子以後會 "有人" 比我記掛得更深, 係咪??!! =)
其實今次見返您覺得您好以有D心事咁, 但無論我點問您您都唔講, 但點都好, 衷心咁希望您會過得開開心心啦, 唔開心時可以打個電話比我O家, 隨時都歡迎您打O黎O家..... 同埋祝福您同您女朋友幸褔快樂!! 下次返香港叫埋佢出O黎食飯呀.. =)
P.S. 仲記唔記得個"您"字呀?? 哈哈....
07/08/03 Tue 晴
今日無咩野做, 最特別既咪我唱K唱左3個幾鐘囉, 仲要係同哥哥細路一齊唱喎, 哈哈, 幾搞笑....
07/07/03 Mon 晴/雨
今日係Summer既第一堂, 即係開學日, 我只係有一堂Business Communication, 返11:30AM ~ 1:00PM, 個亞SIR睇黎都好以幾好人既, 但佢個人又好以好講原則咁囉, 話1點鐘落堂就1點, 早一分鐘都唔得... cheap cheap !!!
07/06/03 Sun 晴
今日好舒服, 唔洗返工, 唔洗返學, 只係留係屋企行黎行去, 得閒就睡下午覺, 食下野, 好正...
由昨晚到今日, 都有人係電話到陪住我, 無論當我訓著左, 睜大眼, 起左身, 食緊野, 佢都O係個電話到, 比我覺得更加舒服, 因為... 可能係有安全感掛.... 但種感覺真係好正好正... =P
07/05/03 Sat 晴
BB, 生日快槳!! 希望你永遠都開開心心, 快D搵返個錫你既男人啦!! *KISS*
死啦, 我唔知係咪又有時差呢?? 因為我今日由中午4點就去訓覺訓到第二朝啦, 但半夜都有起過下身咁既, 但都唔係好耐咁囉, 死啦死啦, O係香港時又有時差, 點知返到黎又有時差, 點算...??!!
07/04/03 Fri 晴
今日係美國獨立日, 所以今晚有煙花睇... 今晚同左班FD出去玩煙花, 玩煙花途中, 我細路JASON好MAN咁同個白人吵喎, 因為........ 好長篇既故仔, 唔講LU....
之後我地去左亞A新屋, 好大, 好靚, 好舒服, 大家傾下計, 打下機, 食下野..... 感覺好舒服.... 所以我地舒服到大約凌晨5點先返屋企, 嘻嘻...
06/23/03 ~ 07/03/03
而呢個星期我去左香港呀, 唔...... 開心呀?? 又唔係話好開心既, 但又唔係話唔開心喎, 其實今次呢個TRIP比我想像中好得多家啦, 可能係因為要行好多好多路既關係啦, 所以咪成日都好tired囉, 仲要拿住好多好多野黎行喎, 真係好tired呀...
今次返香港可以話真係唔係好夠時間呀, 因為我有好多FD都無出黎見面, 真係好對唔住啦, 下年啦, 下年我返香港時一定會搵返你地出黎飲茶既...
06/15/03 ~ 06/22/03
呢個星期我去左New York呀, 好開心呀, 比我想像中更開心呀, 我去左好多地方呀, 食左好多好平好正既香港野食, 但除此之外, 有D野令到我更開心O家, 係D咩野??!! 嘻嘻... 你地自己估下啦...
06/15/03 Sun 晴
爸爸, 父親節快樂呀!! 但睇黎我老豆都唔會記得O家啦.. 可惜可惜....!!!
唔...... 我今日會同Kendi, Vivi, Howard去New York 啦, 會去一個星期, 所以我會6/22先返到屋企, 但6/23我就會返香港啦, 好開心呀.... 我今個Summer好以去左好多地方呀, "正"..!! 好啦, 我地下個星期見啦..... I Love Ya'll !!!!
06/14/03 Sat 晴
今日可能係我返工既最後一日呀, 點算好呢?? 我當然想開開心心咁過啦, 嘻嘻... 但都皇天不付有心人, 今晚個個都好快樂, 連周期性有 "大姨媽" 探訪既老闆Jason 今晚都好開心, 所以.......... "你快樂等於我快樂"
今日我終於送O左隻Bear Bear 比人Lu, 比邊個, 你估下啦, 嘻嘻!! 但我真係希望佢會鐘意隻Bear Bear 啦, 因為隻Bear Bear 真係好cute O家.....
06/13/03 Fri 晴
今晚, 我有心事, 好想搵個人傾下計..... 今晚, 我有105%估到我返緊工O個間餐館要買比人啦, 好煩好煩.... 今晚, 放O左工之後, 我地成班servers企哂係個Parking lots到傾傾我地既"前途"問題... 今晚, 發覺可能當我從香港返到O黎美國既時候, 己經變成一個"無業遊民" lu... 今晚, 發覺我真係好好好好唔捨得亞Man 同 Sandy, 因為, 我真係 好愛好愛佢地!!
06/12/03 Thur 晴/雨
今日係Vivi既畢業典禮呀, 真係恭喜哂佢啦, 個畢業典禮唔係好長, 又唔係太悶既, 所以都OK啦.... 之後今晚我地去O左食飯, 有成17個人添呀, 仲有呀, Bryan今晚就走啦, 但我仲未有唔捨得佢既感覺囉, 因為我知道我遲幾日又會再現到佢O麻, 但再下一次既分離, 我估我真係會唔捨得佢..... *crying* !!!
06/11/03 Wed 晴
今早返工, 好忙呀, 好忙呀.... 但忙得O黎都好開心既, 點解??!! emm... 因為開心囉!!! 無咩原因既... 可能今日Sandy返工掛.... (哈哈哈哈, 一個好白痴O既原因)
今晚本來應承O左亞XX去睇佢個Rap Show, 但可惜, 我又再一次......失約!! 真係唔好意思啦, 下次啦, 下次我一定到!!!!
仲有呀, 明天係Vivi (細佬女友) 中學畢業典禮, 真係恭喜哂佢啦.... Vivi, 你越O黎越老啦... 哈哈哈哈....
06/10/03 Tue 晴
今晚返工, 比三十幾匹十個黑人圍住, 好可怕, 真係講唔出既可怕同無耐... 之後我就比佢地搞到頭痛, 真係好Q頭痛個隻頭痛喎, 可以既話, 我估我會選擇逃避......
06/09/03 Mon 晴
今日好開心呀, 點解?!! 因為我今日買左隻Bear Bear呀, 隻Bear Bear仲係on sale 添呀, 只係$20喳, 哈哈哈哈.... 隻Bear Bear好大隻O家, 好鬼得意O家, 我真係好鐘意O家..... 其實我想要一隻大Bear Bear好耐O家啦, 但一直都唔捨得買比自己 (其實今日都唔捨得買比自己O家, 但真係好平呀O麻, 況且, 我可能會送比人O家, 因為用$20買隻Bear Bear 比自己, 好以好唔捨得咁.... 嘻嘻, 因為我係O個種捨得買野比人, 但唔捨得買野比自己既人囉, 但其實都要睇下O個個人係咩人先可以捨得去買O家....) 但點都好啦, 今日好開心呀....哈哈哈哈...
★我買的Bear Bear★ ★可怕的Bear Bear(超大)★
06/08/03 Sun 雨
今日唔舒服, 我D牙肉真係好痛好痛, 今朝仲痛醒左我添, 除此之外, 我今日又肚瀉, 又嘔, 好以有D其其怪怪既感覺咁, 好以唔知自己想點咁.....
今日成日都睡覺, 無野做, 好無聊...... 我今日仲無聊到唱K唱亞譚詠麟既"愛情陷阱"添呀, 可想言知我今日真係有幾悶.....
06/06/03
今日係我細路,Jason, 生日呀, 生日快樂啦... 雖然我地都無咩大事慶祝, 但我地都有CAKE 食O麻..... And by the way, today is Tri's birthday too, so HAPPY BIRTHDAY TRI !! and thank you for the gift you gave me tonight!!
06/05/03
Tri, Thank you for EVERYTHING today. I really have a lot of fun!!!
06/04/03
我右邊D牙肉 好Q痛呀.............
06/03/03
Today is my day ar!!! 我今日好開心呀, 昨晚等到我要等既電話啦, 今朝思思叫O左我起身4次啦 (因為好耐都無人係我身邊咁叫我起身啦, 感覺好親切), 返工又好Lucky啦, 今日返工又唔辛苦啦, 今日返工只係玩啦, 我今日好叻咁仲引到亞MAN同SANDY笑到流眼淚添呀... 哈哈哈哈...雯雯好叻女呀!!! =P
但今早我"介"親隻右腳呀, 仲流O左好多血添呀, 但我唔怕, 因為我大個女啦O麻.. 嘻嘻嘻嘻.. =P
↓ 睇O下, 要貼3塊膠布O家, D膠布上面仲有血O家!!! 仲好痛O家
06/02/03
今日覺得自己好可憐, 因為我今早一起身落床既時候, 發覺左自己兩隻腳都好痛好痛, 但隻腳痛都唔係最痛苦既事, 最痛苦既事就係我個口右邊好Q痛, 可能係因為我之前咬親右邊個嘴角D肉, 所以以家腫左, 連食野都食唔到, 所以我今日有80% 時間係睇住人地食野, 但自己又食唔到, 都幾慘!!!!!
06/01/03
平平淡淡的一日, 平淡到有D覺得無聊... 但又唔想出街, 可能想自己一個人靜下掛.... 今晚好早我就去左訓覺, 本來以為自己可以訓一覺好O既, 但點知...................... 我今晚失眠.....
05/31/03
思思, 我好掛住你呀, 你幾時先返O黎 Charlotte 呀, 我有好多好多好多野好想同你講呀, 我好Lost呀, 我好想借你個膞頭O黎用一用呀...... 思思, 我應該點做好呀?? 思思...............................
05/30/03
呢幾日唔知點解個人好以好Tired 咁, 今晚返工時仲無拿拿流鼻血添, 但咁都好既, 因為我可以早D返屋企O麻, 嘻嘻..... 今晚同O左亞B, Vivi, Jason, Howard, Bryan, 亞豬, David 出左去飲野, 大家坐埋一齊傾下計, 飲下野既感覺真係好正, 仲要坐埋係個湖旁邊喎, 幾正!!! 其實我好想好想係個湖邊到行下O家, 浪漫呀O麻, 但一來我怕無人肯陪我O麻, 二來O個陣時個個人都好凍O麻, 所以咪無出到聲囉...Cheap Cheap!! 係呀, 我返香港之前會去NEW YORK 呀, 我會去一個星期既, 咁各位朋友仔快D聽住啦, 我可能會係New York 到洗哂D錢先會香港O家, 所以到時我返到香港既時候記住 "請" 我食飯呀... 哈哈哈哈哈哈哈.....
05/29/03
哈哈, 今日都總算係平淡的一天啦, 因為今日成日都只係返工, 所以都無咩大事發生, 但今日唔知點解好以覺得好 tired 咁, 好以成日訓O黎訓去都唔夠咁, 死啦, 可能老啦, 點算???!!!!!
05/28/03
今日係好開心既一日, 因為我今日OFF, 所以我今日好優閒, 好"正".... 今晚同Jason, Vivi, Howard, Kendi, Bryan 出O左去食飯, 其實好開心, 我因為好以好耐都無同過佢地出去咁, 食完飯之後, 我O地仲去O左玩Bowling添, (哈哈, 但我只係一個陪襯品), 但我都好開心, 因為佢地好Q搞笑, 玩完之後, 就大家各自返屋企LU....
05/27/03
Emmm..... 呢幾日都可以算係黑仔啦, 昨晚我仲爆埋車胎添, 又要洗多百幾蚊LU, 點算???!!!
05/24/03
今日係平淡的一天, 但都可以算係開心O既, 因為起碼無咩野好煩呀O麻, 係咪??!! 呀, 係呀, 我有無同你地講我6/22返香港呀?!! 但只係返9日喳, 因為我唔想留在香港太耐呀, 因為我唔想有SARS囉, 我都唔想死O家, 嘻嘻.. 但我希望我返到香港時會見到哂我所有既朋友仔啦, 因為真係好耐無見啦, 好掛住你地呀... 但今日Sandy問我~ "返到香港, 會唔會見返以前個男友呀??" 唔....... 呢個問題其實都幾難答, 見唔見好呢??? 哈哈, 一齊隨緣啦....
呀, 今日真係好想多謝我個救命恩人 ~~ Howard 呀, 因為佢幫我搵到我個手提電話費既問題囉, 嘻嘻... 佢幫我慳左成$200 USD呀.... 哈哈哈哈....
05/23/03
今日係好黑仔的一天, 全日只係感覺到比人 "強迫性" 咁搶錢, 但衰到仲係要唔比錢都唔得O個隻, 明知比人屈, 但鬧佢地都無用, 好無耐.... 返工又係黑仔, 無拿拿食飯都可以比人鬧, 你話係咪衰??!! 連食緊塊餅乾都可以從個口到掉返出O黎, 你話死唔死.....
但今晚既運氣好以好返DD, 起碼無比機會人地去瑕我O麻, 放左工仲可以去享受下人生, 因為我去左浸溫泉O麻, 嘻嘻... 希望可以洗走哂D衰氣啦..
05/22/03
今日又係開心的一日, 因為我昨晚好以去左長洲到渡假咁, 好舒服.... 嘻嘻....
同埋今日係亞A既生日, so 係呢到, 好想同亞A講聲"生日快樂" !! 雖然我今日我無去到佢既生日DINNER, 但我都好愛佢O家... 嘻嘻....
05/11/03 ~ 05/19/03
呢個星期我放左自己大假, 我去O左 Miami 呀!! Miami之旅總括O黎講都好開心, 好relax, 真係好耐都未試過啦... Miami D 水真係好清O家, 真係可以睇到腳趾呀, hehe... 我真係好鐘意Miami既沙灘呀, 真係好靚, 好舒服, 好開心...!!! 但可惜既就係我今次無好浪漫咁去行沙灘添....嘻嘻..
今次既旅程中, 我亦有一晚飲醉左呀, 仲係飲得好醉添呀, 但都係好開心, 因為O個一晚我有一種好親切既感覺...
其實今次去玩, 真係有一種講都講唔完既經歷, 講都講唔完既開心, 但點都好, 真係好多謝每一個令我開心, 令我快樂既人!!!
P.S. 今次去Miami有一個好親身既經歷呀, 知唔知係咩呀?? 就係比 "白炸" 炸親呀, 哈哈哈哈..
|
