|  |
|
| 09/24/03 Wed 熱
你咁八掛, 又想偷睇我個日記 !!! *_*
09/12/03 Fri 涼
其實.... 我有D心事好想搵個人同我傾下, 但我又不知道邊個人可以同我傾, 我又不知道點樣去講我呢個心事... 其實都唔係咩大件事, 只係我真係好想好想見到佢... 可能因為我近來壓力大, 好想有個人可以在我身邊陪住我, 支持我; 但可惜, 個答案係~佢唔會返O黎.... 點解佢會選擇唔返O黎, 我唔敢去問, 可能係因為某個原因, 但佢只係同我講佢無plan定返charlotte, 唔通佢唔會想返O黎見下我???
其實本來我以為佢知道我好想見佢, 所以佢今朝一大早就起左身, 我以為佢準備返O黎charlotte, O個時我真係好開心, 我仲以為佢會比個surprise我, 但點知, 原來佢一大早起身唔係因為返charlotte, 係因為佢要去一個party, 呢個失望, 真係有令到我唔係好開心.....
我其實真係好需要有個人可以陪下我, 一個可以令到我安心既人去陪我, 我真係好想緊緊咁摟住一個人, 因為我需要一個膞頭... 所以, 我今晚選擇緊緊咁摟住Sandy, 因為我會覺得好安全....
其實我好恨有一晚放工既時候, 有人會在個parking lots到等我放工, 比到我一個surprise, 我真係好想好想有一日會發生, 因為呢種感覺好開心, 好正... O個種感覺, 我永遠唔會忘記....
09/10/03 Wed 涼
近呢幾日返學真係有好大好大的壓力, 壓力大得有點兒令到我不知所措, 不知如何是好... 好以D功課做來做去都好以都不完, D書好以睇來睇去都睇唔完, 總之好以有上千上萬的事情等住我去做, 但做來做去都是做不完的...
自己給自己的壓力已經夠大, 但自己還要去面對一些外來的無型壓力, 其實我已經好怕別人問我 : "你返學返成點呀?" "你做完功課未呀?" "仲唔去做功課?" "你明天返學返幾點呀?" "明天要唔要叫你起身呀?" "你溫左書未呀?"........ 我知大家都是為我好, 但我真係好想有個break, 我只係想返到屋企可以休息一下..... 我真係好辛苦, 但我真係好想撐下去..., 你明唔明呀??
其實我真係唔係好想一邊讀書, 一邊返工, 因為我根本唔夠時間用, 但唔返工又無錢去供車, 供屋, 比保險, 比credit card..... 其實在我真係好掛住我在香港返學既日子, 雖然係辛苦, 但起碼唔洗去擔心無錢去供車供屋, 起碼我唔洗返工, 唔洗受氣, 媽咪仲會每個星期比零用錢我, 每個weekend仲可以出去行街, 開開心心..... 係咪真係人長大了就要去面對呢D問題??!!!
明天是中秋節, 唔知點解, 我真係好想好想見Howrad, 我真係好想好大力咁抱到佢好緊好緊好實好實, 我好想好大力咁錫佢唔放, 我好想抱住佢一齊訓覺...... emm.... 真係好想好想....
有某個原因, 我好怕好怕別人叫我去 "堅強", (真係好怕好怕) 但今次, 我會同自己講: "希雯, 堅強D呀, 你一定做得到"
09/09/03 Tue 熱
今晚同媽媽, Jason, Vivi 去左 "天天" 到食飯, emm...都幾好食啦, 我都食得好飽, 佢地原來weekday dinner 都有生蠔食O家....
今晚我同慧慧傾電話O黎呀, 好開心呀!! 我真係好耐好耐都無同佢傾電話啦.... 無呀, 今晚好無聊, 又無人上網同我傾計, 所以我咪打電話比佢囉... 我地傾左好多野呀, 講返好多 "話當年" 同埋 "話今天" 囉...
嘻嘻, 但因為傾電話, 所以到依家成2:11AM 都未做哂D功課......
09/08/03 Mon 涼涼
今日好開心呀, 因為我今日終於自己做左份program homework啦, 仲係自己做O家, 我做完份program之後真係好Q開心O家.. 哈哈哈哈... 我個人好以一身鬆哂咁呀....
emmm....思思, 我地一齊努力啦!! 唔好放棄呀!!
仲有呀, 今日天氣涼左好多呀....記住穿多件衫啦....
09/07/03 Sun 涼
今日本來OFF既, 但要幫LILY返工, 因為佢返左大陸玩一個月呀!! 但點知今日唔忙, 所以可以早D返屋企囉.....
但點知返到屋企先發覺我原來有 "上千上萬" 既功課未做, 所以最後我連午覺都唔敢訓, 起身去開始我呢個功課漫長旅程.... 但話說我呢個漫長旅程原來都有好多人幫我O家, 邊個?? 咪又係我至愛O個2件囉..... Howard 同 vivi 囉, 嘻嘻... 佢地點幫我?? emmm....仲知我feel到佢地既care同love啦.... Thank you sooo much ar !! *kiss*
但其實今晚當我做做下功課時我都有流過下D馬尿咁囉, 因為壓力大O麻, 其實我都好想做好D功課, 科科拿A呀, 但有時我真係無能為力, 但又唔知點算好, 其實我好想好想好想下年12月可以畢業呀, 點解??!! emm...仲之有原因啦.......希望我真係可以做到啦..... 雯雯, 努力, 加油呀, 我支持你!!
09/06/03 Sat 涼快得要命
emm, 今日天氣好正呀, 因為可能秋天己經來臨LU, 真係令到我好掛住香港添... ^.^
但好可惜地我今日係要返工既, 仲係要返全日無breakO個隻, 好以坐監咁, 只可以好無耐地從窗口睇出去睇下D風景, 唔可以自己親身去enjoy下.. 所以當我晚上11點返到屋企時, 成個人都己經悶到傻左, 唔想講野, 唔想做野, 咩都唔想做LU....
Remark: 我今日係由早上11點返到晚上11點呀!! +_+
09/04/03 Thur 晴/雨
今晚好開心呀, 今晚同個FD出左街食飯 (當然係佢請啦, 呢D叫男仕風度O麻, 嘻嘻..), 但本來我地去 "天天" 食飯既, 但點知.... 佢唔識路!! 我7:10pm 己經出左門口啦, 但點知9:00pm 都未去到, 我坐係架車到成2個鐘, 真係坐到我個頭都痛.... 你地又知唔知我O個時諗緊D咩呀?? 咪就係~~ 亞桓(Howard)好叻仔呀!! 點解?? 因為佢唔會蕩失路囉, 佢就算唔識路佢都會好快搵到我地要去既地方O家....
最後, 我地都無去到 "天天", 我地去左Lone Star; 但今餐真係好正呀, 我真係未試過有呢種Feeling囉, 咩Feeling??!! 2個人食左2個沙律, bread, 2個14oz牛排, 2碟crab legs, 1碟大蝦with rice, 1個side order mushrooms.... 成張桌都係野食呀, 我地2個人食左$72呀!!! 但我地食哂全部野呀, 係咪好勁呢, 嘻嘻.....但我真係好開心O家!!!
09/03/03 Wed 晴
死啦, 我估我自己可能想病啦, 因為今日我成日都好以好缺水咁呀, 我飲左好多好多水呀, 但都好以飲黎飲去都唔夠咁....
我今日又好以成日都好想訓覺咁喎, 但訓極都好以訓唔夠咁, 所以我今日真係好爭取時間去訓覺O家....
但我自己唔係好想病呀, 所以我今晚食左 "綜合" 維他命, 維他命C, 維他命E, 仲飲左好多水, 仲飲牛奶添呀....係咪好健康呢.... ^.^
09/02/03 Tue 晴
近呢幾日有好多人都覺得我唔開心, 咁我係咪真係唔開心呢?? emm...少少啦, 但其實都無咩事既, 之前有人同我講左D野, 令到我有D不知所措之麻, 但我自己又唔想去想太多, 同埋又唔想令自己唔開心喎, 所以其實我咪無咩事囉....
所以你地唔洗擔心O家啦... 我係一個開心的小靚女O麻... 嘻嘻嘻.. =P
09/01/03 Mon ??
過去了，就讓它過去吧 要從失戀的痛苦中復原過來，只有一個辦法，那就是學習去接受事實。
事實是，這一段情已經過去了。
無論這個人有多麼好或壞，無論那些日子多麼快樂，現在已經過去了。
只有接受這個事實，你才可以忘記一個你應該忘記的人。
有些人看來很理智，他會在失戀後不停分析自已為甚麼會失戀，
又努力想和分手的情人再做朋友。他自以為已經復原了，
其實，他做那麼多的事情，只是沒法接受愛情已經消逝了。
當我們還去挽救，還去苦纏，還去找籍口，那只是我們不肯承認對方已經不愛我們。
有些人無法振作起來，一天比一天憔悴。
他抓住身邊幾個朋友不放，他們是他的救生圈。
無論朋友怎樣勸他，他只會重複地說同一句話:
「但是我真的很愛她! 我沒辦法把她忘記。」
你有辦法的，只是你不願意。你害怕當你忘記她，她也會忘記你。
什麼事情都會成為過去，每個人都會經歷過呢一個傷心的時刻,
浪費時間在夢幻之中, 那何必不去堅強的接受現實,
生活得比以前的另一伴更加開心, 更加快樂呢??!!
我們是這樣活過來的
心碎的時間和傷害的深度, 完全取決於你自己;
難的是, 如何從傷害中學習, 而不是從傷害中爬起 真的希望你們能明白我的意思。
08/31/03 Sun
從來未發生
08/29/03 Fri 晴
話說昨晚病左但無人理我, 但最後當我去睡覺時, 竟然有個人好溫柔咁理我喎, 嘻嘻.... 邊個??!! 妖, 你地都估到啦...... 所以之後咪好安心囉, 之後又點??? 哈哈, 梗係睡著左覺啦, 傻既.... ^.~
08/28/03 Thur 晴
當一個人病了的時候是最需要別人的關懷, 每一句說話, 每一個問候, 每一個擔心, 都會令人有一種安全的感覺, 甚至足以可以令到病人痊癒得更快。
最後我想講既係~~ 我今晚病左啦..... 但我感覺唔到一份特別的感覺, 反而我覺得今晚比平日的感覺更差!!
08/27/03 Wed 熱
今日真係好 "斜" 呀, 因為今日實在有太多事發生啦....
1) 一蕉早起身隻耳仔痛到亞媽都唔認得, 原來係隻耳環插左入肉呀
2) 煮完noodles之後原來我唔記得 "識" 火喎, 之後我仲去左返學添呀, 好彩亞哥返屋企時見到喳...
3) 我返工O個間餐館左面O個間舖頭火災呀...
4) 我返工O個間餐館右面O個間Gas Station 火災呀...
08/26/03 Tue 勁熱
今日唔知點解好掛住你添, 今日返工既時候真係有好大既衝動想打比你O家, 點解??!! 無呀, 因為我只係想話你知我好掛住你囉, 但我怕打左比你之後會比你話我浪費你D minutes 麻, 所以最後咪無打到囉.... 但我真係好想話比你知我好掛住你呀... 嘻嘻....
今日返學上中文堂, 嘩, 當時既我真係好Q想食左個老師, 因為佢真係好XX ( 都唔知點形容佢好), 但當時我真係有一種衝動想Drop 左呢堂呀....
今晚我出街街睇戲呀 (Freddy vs Jason), 好難得O家, 因為今晚有人請我睇麻, 邊個?? 咪我至愛既珊珊囉, 哈哈哈哈.... 套戲都OK既, 都幾嚇人囉...
08/25/03 Mon 晴
今日係第一日返學啦, 都OK 啦, D 亞SIR 同 MISS 睇黎都OK既, 但佢地第一日返學就要我地去睇書啦, 仲要睇幾十頁O個隻喎, 超.....
今日有人送左一支玫瑰比我呀, 哈哈, 咁就証明左我既"美力" 都好勁啦, 哈哈哈哈...
(emmm.....其實係學校D人搞唔知D咩活動時送O家喳, 嘻嘻嘻嘻..)
08/24/03 Sun 晴
Oh, 明天就開學啦, 我有無緊張?? 嘻嘻, 好以無喎, 但都有D可惜既, 因為又係黑暗既開始啦.....*嗚嗚嗚*
但我同自己講過我今個學期要勤力同努力D讀書O家, 因為我今個學期D書好Q好Q貴呀, 成$650 USD 呀, 真係好肉痛呀, 所以咪要讀返D錢返黎囉, 仲有parking 成 $235 USD (好彩可以同細路share喳), 仲有學費 $1,555
USD 呀, 今次真係唔宣佈破產都唔得啦....
有無人可以可憐下我, 捐D錢比我呀, 我最多比支旗仔你呀 *嘻嘻嘻嘻*
08/23/03 Sat 晴
哈哈, 今日睇套日本戲時覺得 "本村X哉" 有D動作都幾似我一個FD喎... 邊個???!!! emm......咪 "黑馬" 囉... 哈哈哈哈....
08/08/03 ~ 08/21/03 勁開心
亮麗的中午 輕輕的親吻 緊緊的擁抱 美味的早餐 有趣的電影 溫柔的對望 十指緊緊扣 真情的對話 興奮釣釣魚 醉fun fun落club 浪漫行沙灘 黃昏睇日落 傻更更行Mall 在雨中慢步
甜絲絲回憶 永遠留心中 只想告訴您 我會永遠愛惜您 無論天涯和海角 我願陪您去開創 千言萬語在心中 一切盡在不言中
( P.S. 要慢慢睇, 慢慢去感受一下我既回憶同感覺啦!! )
08/08/03 Fri 晴
Everybody, vaccation time啦, Final Exam is done today, 唔想返工, 所以我有一個星期放大假呀, 你地係呢一個星期都唔會見到我O家啦, 因為我會去"佛羅理達洲" 呀.... 大家記得掛住我呀.,,
08/06/03 Wed 晴
女人, 其實係一種很小器既動物, 尤其係對感情呢一方面, 特別係男朋友曾經深深愛過的前度女友; 無論自己扮作有多大方, 扮作毫不介意, 但點都好, 自己亦過不到自己心裡的關口....
對的, 信心, 我比之前多了很多, 因為這些信心是大家一起去建立的; 對的, 時間是可以把一切改變, 我亦相信, 但在 "他" 的回憶中, 偶然間亦會有 "她" 的出現吧...
08/05/03 Tue 雷雨
今日都過得幾舒服, 因為無功課要交, 所以我可以 "大覺訓", 嘻嘻.... =P 但我星期四有個Mock Interview, 星期五有個Final Exam, 但之後, 我就DONE!!!!
08/04/03 Mon 雷雨
今日Crazy Buffet終於都買左比人LU, 個新老細叫亞MING, 佢都OK既, 但遲D就唔知啦, 但我都希望佢對我地好D啦... 但聽講佢好以想裝修過間餐館, 所以我地都唔知佢遲D會唔會關門大吉一排添呀....
08/03/02 Sun 晴
今日好慘呀, 我明天有功課要交, 所以我今日成日都要坐係屋企到做功課囉, 我本來好想出去行街街O家, 但....
我呢份功課真係做左我成日呀, 我由2:15pm做到做到3:15am 呀...所以依家我好Q眼訓....
08/02/03 Sat 晴
今日返工我鬧亞MAN, 我今日真係好大聲咁鬧亞MAN O家 ~~~ "呢樣又做錯, O個樣又唔做得, 咁你究竟想我點??"... (當時我仲好大力咁拍table添呀)..... 嚇到亞MAN都走左呀.....
其實我呢幾日心情好差好差, 係因為近呢幾日好多功課做, D功課又無形間比左好大壓力我, 我近排又唔夠訓, 又日日都要返工, 遲D可能連份工都無埋, 返工時又要面對好多問題......
其實我真係好疲倦好疲倦, 我真係好想好想好想可以夜晚十點幾就可以去訓覺, 其實我自己都知道自己呢幾日成日都發脾氣, 但我真係唔知點算好, 希望你地唔好嬲我, 真係好 "對唔住"!!!
Howard, 其實 "對唔住" 呢三個字係最應該對你講, 因為你呢幾日真係受左我好多脾氣, 但你竟然一句冤言都無, 你亦都無鬧返我, 你仲可以好溫柔咁同我講野, 叫我去訓覺, 講笑話令到我開心, 你其實真係好好..... 其實O個晚你竟然講哂我近來擔心既問題出O黎時, 我真係有D愕然, 我真係有D感動, 因為原來你真係會記得我對你講過既每一句說話.... Howard, 好多謝你對我既容忍, 多謝您!!!
07/31/03 Thur 晴
今晚我好乖女呀, 因為我今晚幫我間房 "大掃除" 呀, 但都未算係好乾淨咁囉, 因為無咩時間呀麻, 但遲D啦, 遲D我間房就會好整齊O家啦..... =)
07/30/03 Wed 晴
頂!! 今日真係好人心惶惶, 點解??!! 因為今日一返工就有人同我講有6個人做埋呢幾日之後就踢炮唔撈啦, 仲有呀, 今日一返到餐館時就見到自己個老細係到包壽司, 你都咪話唔可怕, 可能我老闆聽日要包壽之外仲要炒埋中國菜添呀... 後日可能佢要包壽司, 炒中國菜同埋做Busboy(執碗) 添呀... 依家呢一刻我有咩野想同我老細講?? umm.... "老細, 勁!!!!!!!"...
07/29/03 Tue 晴/雨
今日一返到餐館就得知餐館真係買左LU, 唔怪得我一入到餐館時就一大班"老細"企係門口等我返工啦, 當時我仲以為我咁有面子有咁多人迎接我添, "超"......
07/28/03 Mon 酷熱
今日返工好Q舒服, 因為完全唔忙, 今晚我係可以同SANDY坐係到傾計傾左好Q耐都唔怕, 真係好正....
07/24/03 Thur 晴
今日返工, 好tired, 仲比D客人激到我死去活來, 依家最想做既一樣野係 ~~ "訓覺" !! 但明天有功課交, 我都仲未做, 死啦..!! 今日開始覺得原來日日都要返工返學做功課都幾辛苦.... 都係快D搵個男人嫁左去算LU, 嘻嘻嘻嘻... ^_^" !!
07/22/03 Tue 晴
首先, 思思, 生日快樂呀!! 希望你年年都有一個咁好既表姐啦, 哈哈哈哈...
第二件事就係~~~~ Bobo剪左個新髮型呀, Summer Look, 哈哈哈哈... 因為個個近來都剪頭髮呀麻, 無理由bobo咁 "輸蝕" O家麻, 係咪...嘻嘻嘻嘻...
07/20/03 Sun 晴
Msg From Dennis ~ "攪錯呀.....你當我死架.....夠膽死係diary當眾要男人......" 哈哈哈哈, 笑死我, 但你真係好Q 死"可愛"!!! ^.^
今日我表妹思思有個提早慶祝的生日派對, 地點係佢apartment內的泳池, 活動係一齊BBQ同埋游水, 人物有思思+David, Vivi+Jason, Kendi+Bryan, Mommy, Matthew, 亞豬同埋我.....好開心, 因為又有好野食, 又多人一齊好好玩!! 我地今日由中午玩到晚黑, 之後又睇VCD, 又一齊食糖水...嘩, 真係實在太好啦!!!!!!
07/19/03 Sat 晴
今日Bryan從NJ返O左O黎Charlotte, 最開心既人應該係亞B, 因為佢地終於可以O係埋一齊啦...
今晚見到佢地, 真係好為佢地開心, 因為眼見佢地真係好恩愛, 每分每刻都拖住大家隻手, 或者緊緊地抱住對方, 輕輕地親吻面頰, 真係好sweet好sweet, 真係好令人羨慕, 唔知我幾時先會有一個對我咁sweet既男人出現呢??!!!
P.S. 其實我真係好為亞B開心, 因為起碼佢終於搵到一個真真正正愛佢, 錫佢既人, B, 真心咁祝褔您!!!
07/18/03 Fri 晴
Bobo 病左, 我好怕佢有事, 點算好??
07/16/03 Wed 晴
今日惡夢終於過去啦, 辛苦左幾日, 唔訓唔食, 都係為左呢個死人Presentation, 今日終於完成左啦!! 但又唔係話好開心O個隻開心喎, 只係感覺到鬆一口氣囉, 但點都好,終於有覺好訓啦....
07/14/03 Mon 晴
Dennis呀, 我知你成日都有睇我個日記O家, 你係我個終實FansO麻.. 無呀, 其實今日好多謝你同我在 ICQ 傾計之O麻, 好開心呀, 因為你成日都可以令到我笑到死去活來O既.... =P 無呀, 想問下你想到我O地一齊點死既方法未之O麻??!! 無呀, 想快D同你一齊去死O麻, 所以咪依家係呢到比D "魚" 論壓力你囉.... 嘻嘻....
|
