電台訪問 2006年11月18日 星期六 『香港電台第二台e個世界』
主持： 沈 達 元 / 李 慧 妍 "Lun" 你 首 歌 ： 播出時間：6:00 - 8:00pm (訪問時間6:38pm.之後約20分鐘) 地點 : RTHK radio 2 (live) 播出歌曲 : 醜小鴨、做戲(合唱版)、自卑男 估唔到星期一isong會打電話俾我話香港電台都係想訪問我, 今次約我星期六做訪問, 我星期六唔使返工所以今次我可以接受訪問啦 ! 但係今次係Live訪問, 第一次Live電台訪問, 唉......又係Live, 我唔係好識講野架咋!希望唔好講錯野啦 ! 講到晒我想講既野啦 ! |
||||||||||||||||||||||||||||||||||||||||||||
上回講到＞請睇10月17日 卒之星期三佢冇打俾我, 我亦冇佢電話(佢都冇俾我）, 星四中午佢都冇打俾我, 我諗都係cancel左或者再約過啦, ! 我冇理由去架嘛 ! 又唔知佢個高層係唔係想見我, 又唔知係邊度等, 卒之我落街食飯然後睇戲2:30場, 睇到三點, 佢打俾我問我係邊, 我話係屋企, 佢話「我唔係約左你咩 ?」我話「你都約得唔清楚」 佢話「我唔係約左你3點鐘天后等咩 ?」嘩 ! 咁都叫約左呀 ! 天后都唔細喎 ! 你一係之前就講明叫我去到天后打俾妳or等妳電話呀！ 乜野3點鐘天后等呀, 不如北角等, 沙田等, 佢仲唔覺有問題, 我又唔知佢個高層係唔係真係想見我，因為我諗佢地只係想搵未簽publishing既songwriter傾, 傾啱就可以簽, 我都講左我簽左, 妳唔係應該問完妳個高層佢係想見我再同我confirm咩 ! 我唔係發白日夢既人, 唔會妳一講tvb高層想見我, 我就仆倒去, 見都要約清楚架 ! 我咁大個人好少見人約人約成咁.... 跟著佢問我依家去要幾耐, 我話兩個鐘度, 因為我住得幾遠, only車程要一個鐘, 我今晚要返工又要見高層, 依家唔睇戲返去沖涼換衫上上落落都要一個鐘啦 ! 咁佢話算啦 ! 我話sorry呀.....仲要我講sorry, 妳約清楚就唔洗咁啦 ! 我唔會約左人又唔去架 ! 唉......我估佢唔會再約我見面啦..... 唉......輸左比賽之後咁黑既...... |
||||||||||||||||||||||||||||||||||||||||||||
2006年10月17日 星期二 「香港電台想由Eric Kwok訪問isong創作人」
今日isong打黎話香港電台想訪問isong既創作人, 而isong就揀左我接受訪問, 話到時Eric Kwok會聽我既歌講下評語同傾下計, 但要約今個星期四7:00~8:00pm. 唉.....我要返工呀, Eric Kwok得星期四得閒, 我又冇問可唔可以改10:30pm.(多數唔得啦!)我又改唔到返工日期, 我唔可以請假去接受訪問咁自私, 如果唔係幫我彈琴既琴師就冇左一日人工, 我唯有推左佢話「sorry呀, 唔得呀, 下次啦 !」佢話下次未必係eric kowk架啦 ! 我話ok啦下次啦 ....... 唉.....下次.....都唔知仲有冇下次.......
「TVB音樂版權部想搵我傾野 - 上集」 今日TVB音樂部A&R(版權部)打俾我話搵我見面傾野, 問我簽左publishing未, 我話簽左, 佢(係一個女人)話「咁呀, 高層都可能想見下你, 我再問下先, 你星期四下午兩三點ok唔ok?」我話ok, 佢話 「咁三點鐘天后等啦!」天后?邊度呀? 佢話茶餐廳, 我話ok, 當時我以為佢會再打俾我confirm高層係唔係要見我同埋約係天后邊度等.... |
||||||||||||||||||||||||||||||||||||||||||||
|
比賽通知 2006年10月15日 星期日 『第十八屆CASH流行曲創作大賽』 圓滿結束
由香港作曲家及作詞家協會(CASH)主辦，電視廣播有限公司及香港電台第二台協辦的 比賽結果如下﹕
雖然我輸左, 但都恭喜晒咁多位得獎者, 佢地實至名歸, 我亦得到一個難得既經驗, |
||||||||||||||||||||||||||||||||||||||||||||
比賽通知 2006年10月14日 星期六 『第十八屆CASH流行曲創作大賽』 決賽 地點 : 九龍將軍澳無線電視廣播城 時間 : 晚上九時半 (當晚賽事由無線電視翡翠台及香港電台第二台現場直播) 想睇電視宣傳短片？請等一下再Click PLAY
|
||||||||||||||||||||||||||||||||||||||||||||
比賽通知 2006年09月16日 星期六 『第十八屆CASH流行曲創作大賽』 入圍作品及網上投票發佈會 Date : 16 Sep 2006 (Sat.) <新聞稿> 香港作曲家及作詞家協會(CASH) 於9月16日假尖沙咀海港城舉行音樂活動公布「第18屆CASH流行曲創作大賽」之入圍作品名單及網上投票活動詳情。出席的嘉賓包括有CASH行政總裁楊子衡先生及香港電台新媒體拓展組總監杜瑞緯先生，創作歌手王菀之、方大同、張繼聰及藍奕邦亦出席表演並為入圍的音樂創作人打氣。 今屆「CASH流行曲創作大賽」銳意鼓勵本地創作，締造香港原創音樂競技場，故此，十首入圍作品全部出自本地創作人。而大會為進一步推廣入圍的作品及其創作人，今年更破天荒首次在總決賽舉行前公開十首入圍作品，並與協辦機構香港電台合作，讓全球聽眾在其網站上率先欣賞並投票選出「網上最受歡迎歌曲」，投票結果將會在總決賽上公布及頒發。昨日，十首入圍作品的創作人在活動上逐一介紹其作品，並與現場觀眾分享其作品片段。 「第18屆CASH流行曲創作大賽」由CASH主辦，香港電視廣播有限公司及香港電台第二台協辦，總決賽將於十月十四日(星期六)假將軍澳電視廣播城舉行，並由無線電視翡翠台及香港電台第二台播出。由專業人士組成的評判團將於總決賽當晚選出最佳歌曲冠、亞及季軍，分別各得獎金港幣三萬、二萬及一萬元正。熱愛音樂的您趕快登入香港電台網站(請按此)欣賞入圍作品，並投您喜愛的作品一票，截止投票日期為二零零六年十月六日。如有查詢，請致電2846 3298。 嘩 ! 今年十首入圍作品都各具特色, 好勁呀, demo又唱得好好聽, 好多仲係作曲人自己唱返, 勁 ! 不過決賽當晚TVB委派其他歌手唱我地既作品, 希望大家喜歡我地既作品同支持我地啦 ! |
||||||||||||||||||||||||||||||||||||||||||||
比賽通知 2006年09月14日 星期四 『第十八屆CASH流行曲創作大賽決賽當晚歌曲<醜小鴨> 由高鈞賢(Matthew)唱出』 當知道左入到決賽, 我就希望可以自己演繹返<醜小鴨>, 咁我就問CASH可唔可以自己唱返, 因為此曲我寫了3年亦唱了3年, 比較熟, 我怕找歌手(多數是新人)演繹, 在咁短時間內, 較難掌握此曲的難度, 味道和感覺, 而此曲是表達我自己音樂路上的辛酸, 由其他人代替演繹, 不夠自己演繹來得有說服力和真, 音樂要令人感動和有共鳴, 我相信自己演繹比找歌手演繹效果好, 如果唱此曲沒有感覺, 此曲便很悶了, 雖然自己演繹會有些壓力, 但咁難得和重要的音樂交流比賽, 我想由我自己說出我的故事, 我的感覺, 希望大會能準許我親自演繹<醜小鴨>, 就像倫永亮的<歌詞>和張家鉻的<爸爸媽媽>, 他們的演繹很感人很有說服力, 但.....CASH個邊話係由TVB搵人, TVB唔俾創作人自己唱返, 只有一隊組合可以自己演繹返, 就係V.O.X.......... 卒之今日CASH話TVB搵左05年香港先生冠軍 - 高鈞賢(Matthew)唱, 好難想像佢點樣唱我隻歌, 真係無乜說服力喎 ! 佢又高又靚仔又係香港先生但係唱<醜小鴨> ? 不過諗深一層, 佢觀眾緣咁好, 彈琴又咁叻, 如果到時佢自彈自唱都唔錯喎, 個feel一定會好正, 下星期一就rehearsal, 到時就會見到Matthew啦 ! 加油呀Matthew!!!!! |
||||||||||||||||||||||||||||||||||||||||||||
比賽通知 2006年08月11日 星期五 『第十八屆CASH流行曲創作大賽』 我入左決賽啦 ! 今日突然收到CASH打黎的電話，我一聽到係CASH打黎已經有ｄ緊張， 佢話我首歌入左決賽，咁我緊係超開心啦！但又要扮鎮定而略帶小小開心， 佢講完一ｄ事項就收線啦！ 自從得到民歌創作新曲新詞組冠軍＆原音2003樂隊比賽金獎之後， 下一個目標就係希望入到CASH流行曲創作大賽決賽，參加左兩年都落左選， 今年好幸運咁入左決賽啦 ！ 咁當然要多謝Vincie幫我編曲和彈琴，Joe幫我錄音，仲有評判既欣賞！ 今年增設網上投票環節，希望到時大家可以支持我啦！ ------------------------------------------------------ 由香港作曲家及作詞家協會主辦，電視廣播有限公司及香港電台第二台協辦的「第十八屆CASH流行曲創作大賽」七月三十一日截止報名。為了進一步鼓勵本地創作，今年大會只接受香港地區作品參賽；此外，大會更破天荒在總決賽前於香港電台網頁公開十首入圍作品，並增設網上投票環節，有關網上投票詳情將於稍後公布。 「第十八屆CASH流行曲創作大賽」決賽將於十月十四日（星期六）假九龍將軍澳電視廣播城舉行，當晚賽事亦會由香港電台第二台及無線電視翡翠台播出。 決賽當晚將頒發三個獎項： 最佳歌曲冠軍 - 港幣三萬元正 最佳歌曲亞軍 - 港幣二萬元正 最佳歌曲季軍 - 港幣一萬元正 |
||||||||||||||||||||||||||||||||||||||||||||
電台訪問 2006年06月30日 星期五 『商業電台MOTO903新樂潮-下集』
表演單位 : 劉智勇 (BRYAN) 播出時間：6:00 - 6:30pm 地點 : CR2 FM903 |
||||||||||||||||||||||||||||||||||||||||||||
電台訪問 2006年06月23日 星期五 『商業電台MOTO903新樂潮-上集』
表演單位 : 劉智勇 (BRYAN) 播出時間：6:00 - 6:30pm 地點 : CR2 FM903 |
||||||||||||||||||||||||||||||||||||||||||||
雜誌刊登 2006年04月04日 星期二 東TOUCH刊登BRYAN遊行潮拜演出
ISSUEV6604APR2006
按圖放大 |
||||||||||||||||||||||||||||||||||||||||||||
雜誌刊登 2006年03月14日 星期二 東TOUCH刊登BRYAN訪問
ISSUEV6314MAR2006
按圖放大 |
||||||||||||||||||||||||||||||||||||||||||||
Photo Shooting 2006年03月09日 星期四
今日應商台MOTO903新樂潮邀請到九龍塘影左幾張相, 唔知有咩用架呢 ! 佢叫我擺POSE, 我都唔識擺......哈哈 ^ ^ 唔洗３分鐘影完 lu ! 「would like to arrange a photo session urgently with you for future promotional use, here are some questions which we need to you feedback for our promotional editorial usage at East Touch. 」 |
||||||||||||||||||||||||||||||||||||||||||||
報紙訪問 2006年02月23日 星期四
東方日報刊登BRYAN訪問
按圖放大
|
