雜誌刊登

2007年12月10日 星期一

東TOUCH刊登
『加洲紅復潮K歌王大賽』賽果

ISSUE654 11DEC2007

按圖放大

雜誌刊登

2007年12月07日 星期五

新MONDAY刊登
『加洲紅復潮K歌王大賽』賽果

Vol. 375 P.82

2007年12月01日 星期六

『加洲紅復潮K歌王大賽』決賽

圓滿結束

VINCIE主力改編的"憑著愛"，加上我同ISAAC的重新演繹，得到重編組的冠軍。
真係要多謝個朋友，事源係有個朋友話好耐無睇我比賽，話有個復潮K歌王大賽提議我參加。一方面我好想同ISAAC再合作，另外最重要既係我覺得VINCIE呢首歌真係編得好好，希望可以俾多D人聽到，所以就本著試下的心態去比賽，估唔到可以拿到獎。我不嬲都覺得呢D比賽好難嬴，而且今次D參賽者個個都好強，所以今次可以嬴到真係好好彩，全靠ISAAC和VINCIE既福啦 ! 呢個比賽，亦認識到一些對手，希望將來有機會合作 !

當日各入圍參賽者實力相符。經過梁漢文、謝茜嘉等評判
一番選拔後，3位復潮K歌王終於誕生喇!!

比賽結果如下 :

比賽通知

2007年12月01日 星期六

『加洲紅復潮K歌王大賽』

決賽

地點 : 旺角新世紀廣場

時間 : 下午3時至5時

23-06-07 星期六

「家變」

唉.....呢排家變咁x, 媽咪講親電話都哭, 本來佢既一番好意, 處處為我地著想, 點知會攪成咁....

19-06-07 星期二

「當你追求理想追求左幾年都唔得，就係叫做妄想@端午節」

今日睇左套港產電影，裡面有句對白：「當你追求理想追求左幾年都唔得，就係叫做妄想」，我追求左十幾年都係咁.....係唔係應該放棄呢 ? 我驚我堅持唔到幾耐，媽咪成日擔心我點生活，只顧唱歌、作曲、音樂，我希望唔使俾佢擔心，但係又唔想放棄音樂。

真係好羨慕d新人，可以在年輕時就入到行，有人棒，有人教，有人俾好多機會，我以前都無咁羨慕架，我覺得只要我努力，俾心機唱好d作好d，一定都會有人賞識，不過對於一個唔識玩樂器（我只識小小結他咋），唔識樂理既我真係有好多困難要克服，雖然幾經辛苦終於成為作曲人，但寫好多歌都唔一定有人要，幾十首都係得一首有人要左，仲要都唔知係唔係我黑黑埋個歌手，舊年年中plug完，主打歌都無出到karaoke，佢錄左３首歌架啦！但係之後無乜下文出碟無期......

我覺得我d歌又唔係咁差者，起碼當中有幾首歌拿去參加比賽都有獎項，不過有獎又唔=岩個市場既，可能我d歌太個人風格，所以我要開始寫多d度身定造歌，但係我又唔想寫太Ｋ太冇誠意既歌，唉....但係咁樣.....我仲有幾多時間可以係咁樣磨，我知道我現在沒有資格結婚生兒，因為我還在追求緊我既理想，我知道我呢舖賭得好大，如果呢兩三年都唔成功，我既人生都玩完，所以你話我點會唔羨慕個ｄ行行下街就被人發掘左做左歌手，或者朋友介紹，父母係邊個邊個，訪問佢佢就話從來都無諗過做歌手，唔覺唔覺就做左歌手，唔怪得咁多年青人發明星夢啦！有一句說話真係好好：「你究竟係鍾意做明星定係鍾意做歌手做音樂」，我一直都唔想靠關係，我一直相信靠我自己一定得，但係真係好難架，除非你好好運，我從來唔諗運氣，有就固然好，無就隨遇而安，但係我而家好想要運呀，求下個天俾ｄ運我啦！我唔想身邊既人覺得我無用無成就，我又唔係發明星夢，我從來都唔係咁諗，我只係想可以一直唱到歌做到音樂咋！係樂壇有個空間俾我生存到又可以生活到，呢個就係我既目標，我又唔鍾意同人爭，所以我唔會想做最top口個個，最top都要好叻先做到架，我目標係做中游位置！進可攻退可守！

唉.......

有運......有運......有運......

加油......加油......加油......

堅持......堅持......堅持......

「醜小鴨　自信或有天會幻化　變做天空裡白鳥......飛......啊......！」

23-05-07 星期三

「何謂愛•你懂不懂」

今朝突然諗緊, 有D人口口聲聲話愛你, 其實係想佔有你, 有d人接近你其實因為你有"利"用價值, 就好似歌迷愛偶像, 有d歌迷係愛佢地既偶像定係想佔有呢?

我突然又諗到一個發生係我身上既真實個案, 舊年同Vincie係海港城做完Show, 個反應都幾好, 有D觀眾走過黎讚我地, 其間有一個小女孩同佢朋友走過黎問我有冇出過碟, 我話冇(雖然2003年係隻雜綿碟出過一首歌, 但係我相信唔係小女孩所講既出碟), 然後小女孩就話:「如果你係歌星, 我一定做你fans」, 當時第一個反應係好開心, 我話多謝, 我會加油, 跟住第二個反應就係, 我係歌星妳先支持我, 我唔係就唔支持啦! haha

其實可以比如呢種心態, 就好似好多人鍾意LV, Bathing ape等等, 因為佢地係名牌, 如果有個平D既衫或袋, 用料同款都唔錯, 妳又會唔會鍾意呢 ! 識唔識欣賞呢 ! 會唔唔買呢 ! 又有D人會因為你係歌星先接近你想識你, 有D仲意圖不軌tim, 但如果你唔係歌星只係普通人, 佢根本就唔會對你有興趣, 眼尾都唔望下你, 態度變化好大, 咁佢究竟係欣賞你本人定係因為你係歌星先鍾意你接近你呀!

唉 !歌星咪又係人, 又係一種職業, 同律師, 醫生咪又一樣, 真係喜歡佢可以好�鄔M, 唔好好似以家咁, 我好討厭D人又偷拍又要知佢地d私事, 我真係冇乜興趣知佢地同佢地屋企人d私人野, 愛偶像係唔係就要千方百計想知佢既私人野, 又唔見佢地對其他行業會咁, 歌星明星都係人, 佢地點會冇壞習慣冇衰野永遠唔會做錯事呀, 最緊要睇佢工作先, 其次係品格, 好既就有分加lor, 應該分開睇佢工作同佢私人野, 不過你都可以先鍾意佢人品or樣, 最後先係佢唱得好唔好既...... 而我自己鍾意一個歌手會先睇佢唱得好唔好, 作曲既D歌好唔好聽, 去一間餐廳食野會先睇D野好唔好食, 唉! 做個有理智既粉絲啦 !

前晚去睇Sammi演唱會, 因為第一晚個場館開左燈Sammi都有出黎encore, 所以我個晚完左場開晒燈d人都唔走, 一路叫encore,叫左20min. Sammi最終都冇出黎, D人唯有走, 但走個陣我聽到好多人抱怨Sammi唔出黎encore, 佢下次唔Qx黎睇, 我心諗人地第一晚開左燈有出黎encore, 唔等如晚晚都要咁樣encore, Sammi都好努力又唱又跳左3個鐘啦 ! 你黎睇得佢都係鍾意佢��, 唔鍾意都唔會叫左20min. encore啦! 但係都唔體諒表演者咁落力演出, 仲要為左要聽多一首歌咁樣講野, 我知道香港有好多人都係咁, 一定要encore, encore到沒完沒了. 5月5日孫燕姿07拉闊, 孫燕姿病到死又咳都唱得咁好, D觀眾仲要一路encore, 孫燕姿已經encore左幾次, 佢地仲係要encore, 雖然咁表示受歡迎��, 孫燕姿話病緊不如放過佢, 佢地都係要encore, 孫燕姿唯有唱埋最最最最後一首歌先有得走, 雖然頭一兩次我有同我朋友叫encore, 但後來我見孫燕姿咁辛苦我都唔忍心再叫encore, 孫燕姿當晚既表現我已經好滿足, 香港觀眾睇show就係習慣要一路encore怕蝕底......

23-04-07 星期一

「美國簽証 - Part 2」

今日一早又去左美國領事館簽証, 去到交上上次佢俾我既信就可以入去, 入到去又要坐低等叫no., 今次有d緊張, 不過唔批俾我咪算囉 !

等左約半個鐘, 叫到我, 又係上次個肥鬼婆, 我俾左舊passport佢睇, 佢話我去得少地方, 因為我本舊passport只係有去singapore既紀錄, 我去左好多次台灣, 但係佢唔理我去過幾多次, 佢話我同個社會Connect唔夠(個陣我唔係好明乜野同社會Connect唔夠), 我想俾佢睇我銀行證明, 但係佢唔睇, 我話俾佢聽, 我寫歌, 參加好多比賽表演, TV, 報紙雜誌訪問過我, 我�垣狌證明俾佢睇, 我話我唔會去左唔返黎, 佢唔理我, 佢好堅決咁同我講"唔批俾我" 然後簽左張信係講唔批俾我既, 佢叫過幾年先再黎申請..... 我唔知可以再講d咩好, 唯有失望咁收番晒D野準備離開, 係離開前, 我記起要幫我大佬問佢個Passport用唔用得, 但係佢唔係好客氣咁同我講呢個係你哥哥的事唔係你自己的事, 叫佢自己黎問, 我話佢人係上海, 佢都唔理我.....我離開counter時, 知道其他等緊簽証既人都知道佢唔批我, 因為每個counter都係用咪講野, 我等緊個陣, 都聽到佢地既對話, 不過好似好多人都pass.....

唉.....好唔開心, 好似哀求佢俾我去美國旅行同消費, 跟著我諗下佢所講既"同社會Connect唔夠", 可能係話我無稅單, 佢睇我唔起? 諗到呢度真係幾唔開心, 我唔恨去美國, 不過如果我下次再去簽証, 一定唔會再俾佢睇唔起我.

20-04-07 星期五

「美國簽証 - Part 1」

今日為左下個月去美國玩, 所以要去美國領事館簽証, 去之前要做好多功夫, 先要上網填表, 係要填兩份, 我之前只填左一份, 所以後來就填返, 要去大新銀行交左錢先可以做網上預約, 又要特別去影証件相, 要2"x2"白色背景, 要公司證明, 等等...... 我媽咪好緊張, 話美國簽証好難批, 佢地好嚴, 驚你地去左唔返黎, 同埋恐怖份子, 我媽仲同我�咱酇orm俾佢個旅行社朋友睇下我填成點, 教我點填, 我心諗我去旅行去玩��, 咁都唔批? 我自己就唔係太緊張, 我又唔會唔返黎....

今朝一早到左美國領事館, 嘩! 交表都打蛇餅, 排左成個鐘, 到我交form, 但又要我補寫d資料, 所以我要行開填, 不過填完唔洗再排隊, 交完form, passport和銀行入數收據正本先可以入去building, 入到去又要等叫no. 等左半個鐘就到我去其中一個counter, 係一個身型肥胖既鬼婆, 我知道有d外籍人士識講廣東話, 但我呢個就同我講英文, 唉...我英文唔多掂, 唯有死頂.

佢覺得我去得好少地方, 我本passport係新既, 所以無乜旅遊紀錄, 我最近都係去左台灣, 不過我又真係好少去外地旅行既...... 佢話想睇我本舊passport, 所以今日唔批俾我, 佢俾左張野我, 我下次可以直接入黎, 咁我最快要下星一先可以補交.......唉....... 唔開心...... 我覺得佢可能唔會批俾我....我媽咪好想我可以簽到, 唉.....我唔想令佢失望.....

06-04-07 星期五

「Happy Birthday to Boris」

HAPPY BIRTHDAY

今日係我亦師亦友既BORIS生日, 我係1999年參加一個比賽開始認識佢, 話咁快都識左8年啦 ! 佢教識我好多野，亦幫左我好多，佢係我人生入面少數睇得起我，又會一路幫我既人，例如係餐廳唱歌，演出和錄音，佢都俾左好多寶貴意見俾我，雖然我仲未有乜野成就，離我理想仲有好遠和有難度，但係我都好多謝佢，至少我依家有既唔多唔少都因為佢，例如"醜小鴨"既誕生，如果唔係boris幾年前叫我寫隻歌俾佢聽下，我就唔會用幾日時間，不眠不休咁寫起呢首歌，亦估唔到呢首歌入到舊年CASH流行曲創作大賽決賽，我希望唔會令佢失望，

boris 係度祝你身體健康, 心想事成, 豬籠入水, 事業越飛越高, 日日是好日, 你至叻 !!!

16-03-07 星期五

「Happy Birthday to Isaac」

HAPPY BIRTHDAY

Isaac 生日快樂, 又大一歲啦 ! 做人處事要更成熟啦 !

祝你身體健康, 唔好成日病啦 ! 事事順景 ! 事業順利 ! 理想目標達到 !

03-02-07 星期五

「Happy Birthday to Fai」

HAPPY BIRTHDAY

識左好多年既舊同事生日, 我會約你出黎睇戲食飯慶祝架啦 !

快d搵到夾既女朋友啦 !

新聞後感 :

23-01-07 星期二

「殺60女子屠夫受審碎屍餵豬 　豬肉製腸 　震撼加國」

【蘋果日報】「在這場審訊中，你們會觀看到一齣恐怖電影，你們不能關掉電視機，也不能合眼。」加拿大史上最殘酷的連環兇殺案昨日（周一）開審，主審法官為免屠夫被告涉嫌殘殺超過60名妓女及女子的案情過度驚嚇，向陪審員作出警告。被告拒絕認罪，但他犯案情節的確如恐怖片──誘殺妓女及女子，然後碎屍攪成肉醬餵豬，再用吃了人肉的豬製造香腸出售。就算見慣血案的老差骨，在查案過程見到人體殘肢時也忍不住嘔吐大作。

相比起嚇怕港人的「雨夜屠夫」林過雲，加拿大這宗連環兇殺案任職屠夫的57歲被告皮克頓（RobertPickton），更堪稱是「魔鬼屠夫」。他被控於在1990年代期間在溫哥華鄰近地區DowntownEastside謀殺26名女性，但受害人數相信遠遠不止此數，警方估計可能超過60名妓女及女子受害。由於受害人眾多、皮克頓作案手法殘忍，主審法官擔心陪審團承受不了，決定分兩次審訊；第一次審六宗命案，第二次審二十宗。
案情披露，皮克頓會到溫哥華市中心流連，專向妓女或有毒癮的女性埋手，用金錢和毒品誘騙她們到他自命為「豬仔皇宮」的豬場，舉行荒淫派對。「豬仔皇宮」位於溫哥華以東32公里的科奎特勒姆港（PortCoquitlam），不但是皮克頓行宮，更是殺戮屠場，他就在那殘殺大批女人。

吃煙肉鄰居：毛骨悚然

殺人後，皮克頓更要讓受害人統統死無全屍。他曾向警方承認自己用碎木機將受害人屍體攪成肉醬──不是埋在豬場地下，就是拿來餵豬；以人肉飼養的豬成長後，更被宰製成香腸和煙肉，並在市面發售。其變態程度，直迫香港電影《人肉叉燒飽》的情節，令人惡心。一名不願意透露姓名的鄰居說：「我吃過他的煙肉，真令人毛骨悚然！我曾經過這個豬場，每次都覺得那充滿恐怖電影感，現在才知道那比恐怖電影還要可怕。」
儘管有那麼多妓女失蹤，警方卻一直沒算到皮克頓的頭上。1997年，一名叫艾斯特（Eistetter）的妓女，從皮克頓的豬場恐慌地逃了出來，當時她雙手被扣，肚皮血如泉湧，她堅稱皮克頓用刀刺她，皮克頓被控謀殺，但後來罪名不成立。直至一次偶然機會，警方因皮克頓非法藏有槍械，入屋搜查，赫然發現一張張失蹤女性的身份證，才揭發他的魔鬼罪行。

兩頭顱像豬頭般被斬開

警方派出專家搜尋，結果在雪櫃內發現人頭和肢體。加拿大當局用了6,100萬美元（約港幣4.76億）翻轉整個豬場，掘起了超過近38萬立方米的泥土和豬糞調查；法醫官進行逾20萬次脫氧核糖核酸（DNA）鑑證檢驗。他們越掘越驚心，因為幾乎每隔數周就發現新的人骨或死者的DNA樣本，但警方只能找到31名死者的零碎遺骸，其他失蹤者仍然下落不明。
除了埋屍外，皮克頓也喜歡收藏「獵物」。當局發現豬場雪櫃內藏有兩個五加侖重的大木桶，傳出陣陣惡臭，打開之下，連警員也忍不住嘔吐，因為面盡是人體手腳殘肢，和兩個失蹤女子頭顱──像豬頭般被斬開兩邊，另外還發現相信是支解用的削木刀。
皮克頓2002年2月正式被捕，被控謀殺，他否認有罪。雖然他只被控謀殺26名女性，但警方相信他的豬場正是溫哥華近10年來69名失蹤妓女的葬身地，她們都被埋在豬場，部份應該屍骨全無。農場原本用作宰豬，卻成為殺人工場，入口處仍然掛「物業由帶愛滋的鬥牛看守」的警告牌。

面對法官一臉陰森冷漠

這宗魔鬼屠夫殺妓案的世紀審訊，在卑詩省的新威斯敏斯特（NewWestminister）展開，皮克頓被當局視為極度危險人物，為免他突然發作，法庭要皮克頓在防彈玻璃內作供。但皮克頓面對法官和陪審員，一臉陰森，數百人爭入法庭聽審。如果罪名成立，他將是加拿大史上殺人最多的兇手。1989年12月，25歲的獨行俠勒平（MarcLepine）在蒙特利爾理工大學（EcolePolytechnique）槍殺14人，然後吞槍自盡。

加拿大魔鬼屠夫檔案

姓名：皮克頓（RobertPickton）
年齡：57歲
職業：豬農
被捕日期：2002年2月
被控罪名：謀殺26名女性
案情要點：
＊皮克頓在溫哥華鄰近地區兜搭妓女，載她們到科奎特勒姆港的「豬仔皇宮」豬場，加以殺害
＊將她們分屍，部份埋在地下，部份餵豬
＊長大豬隻被製成香腸和煙肉，推出市面發售
＊碎屍之多，法醫官要進行超過200,000次脫氧核糖核酸（DNA）測試
初步聆訊：2002-2003年
正式開審：2007年1月22日

22-01-07 星期一

「Happy Birthday to Lydia」

HAPPY BIRTHDAY

今日係農莊餐廳認識既Lydia生日呀 ! 祝妳生日快樂，身體健康，

多謝妳一路以黎咁支持民歌，咁支持我 !!!

^ ^

21-01-07 星期日

「Happy Birthday to Vincie & 馬仔」

HAPPY BIRTHDAY

今日係才女Vincie同埋我既中學同學生日呀 ! 祝你地生日快樂，理想達到 !

表演通知

2007年01月19日 星期五

Fenix (三黃) Annual Dinner

時間：7:45 - 11:30pm

地點 : 小白鷺餐廳

表演嘉賓 : BRYAN & JESSIE

13-01-07 星期六

「Happy Birthday to Jarvis」

HAPPY BIRTHDAY

今日係我小學同學Jarvis Lee生日呀 ! 祝你生日快樂，心想事成，越黎越型 !

05-01-07 星期五

「Happy Birthday to Car Car」

HAPPY BIRTHDAY

今日係我朋友Car Car生日呀 ! 祝你生日快樂，日日都咁開心 !

04-01-07 星期四

「Happy Birthday to Betty & Diana」

HAPPY BIRTHDAY

今日係我朋友Betty同Diana生日呀 ! 係呀 ! 佢地同一日生日，但係唔識大家既 ! 好啦 ! 祝你地生日快樂，越黎越靚，心想事成啦 !

02-01-07 星期二

「生日快樂」

HAPPY BIRTHDAY TO ME ! ^ ^

今日我生日，唉 ! 又老左 !

有條友大約1:00am係條街好大聲哎左Happy Birthday ! 哈哈 ! 痴線 ! 多謝 !

~澳門生日之旅~

^ ^ 都好特別同開心架 ! ! 勁開心 !

今年生日願望都係咁啦 ! 唔話你知 ! 我做到你就知 ! ^ ^

01-01-07 星期一

「元旦日」

HAPPY NEW YEAR

2007

新的一年又黎啦 ! 希望大家身體健康、心想事成、越黎越型、世界和平。

今年既計劃努力進行中，希望能夠達成，更進一步，更上一層樓 !

日日是好日 !!!