不知從那時開始

	2月28日星期一。好得閒。


呢個月冇乜點打日記咁呀完左啦。今朝煲碟煲到3點先去訓，係張床典左陣先起身。返到學校0岩0岩好，點知小云佢地4人集體遲到。=口=跟住merchan堂睇漫畫，懶理michelle。lunch就食得勁快，1點就返到學校。下就堂project，michelle又唔點名又唔上堂，都唔知佢想點，咁呀吉左成堂。最後上CAD堂，勁悶，小睡左片刻。(笑)之後咪搭車返屋企，傾下電話咁。勁悠閒的一天。 27/2 終於有時間打返日記啦。由放完假開始就冇停過，不停咁做功課。講下呢個幾禮拜做過d咩先：首先每日7點起身，做做到五點半放學，七點返到屋企，8點開始做繼續做，做到零神3點幾去訓，又再七點起身......日日如是。星期六、日更加唔駛講，又係功課陪我過。不過，咁辛苦都終於交左會考個project同埋present左英文個project啦。尋日present完再去荔景交埋project終於鬆一口氣，於是就一個人去左旺角逛。(冇計，同學仔要返工同返屋企補眠)基本上由1月開始我冇點行過街囉，唔係做project就係test，都冇時間，終於行返夠本。4點零返到屋企先補眠。夜晚就睇電視啦，原來忙完之後我發覺真係好得閒。之後睇"天殺!死救反擊戰"，無論睇幾多次都係咁好睇呢!!睇左無記套"鋼練"，都ok啦。但估唔到佢雙語廣播喎，咁梗係聽返原音啦。至於E神唱OP就不予置評啦。之後睇VCD睇到2點幾先去訓，今日仲5點先起身。仲有，原來有個字我直讀錯。崎字正確讀係"畸"，例如崎嶇。我一直以為讀"奇"，好似山崎(奇)麵包、濱崎(奇)步咁。我查字典都係讀"畸"，究竟係咪有兩個讀音呢?! 唉，咁耐冇打日，唔知仲有冇人睇呢?! 9/2 我發覺一放假就冇乜動力去做功課，好想快d返學呀。(因為返學我先會俾心機去做功課,而家日日係屋企"量地") 今日整紅豆湯丸。wahaha，本來真係想整紅豆餡既湯丸架，點知......煲左紅豆沙。之後諗到隔左d水包都ok啦，又點知......老爸將糯米粉攪錯左做粘米粉。最後......紅豆沙得手，湯丸...殘念。(苦笑) 今日都冇咩野做，懶得交關。今日冇人黎拜年，基本上都唔祈望豆到利士架啦。(想信唔過$300大關囉,創新低呀陰公) 部小腦中左毒(XD)，一定睇得"豉油網"多啦。(騙你的:P)阿哥已經攪好左少少，但......唔知幾時會壽終正寢呢?! 8/2 成個月冇打日記啦，得閒死又得閒病。前排病到七彩仲要考試做project，忙到就黎瓜柴；唔係我唔想打日記，而係成個1月都好忙。每日7點幾起身，係學校做到5點半先走，返到屋企7點食飯，之後繼續做project，星期六又要補課，星期日又要繼續做功課。未做屎真係不幸中既大幸。其實星期六已經放緊假架啦，不過自己又懶；係屋企"量地"量左3日，諗起d功課仲未做完真係又想x過。今日又俾d奪命追魂電話嘈醒左，play左陣電腦就走去拾房啦。(年廿八冇拾到,成家都拾哂,唯獨我間房未拾,兩位阿姐唔得閒拾唯有我去拾啦)咁呀攪左我成幾個鐘，掃左成袋塵出黎(冇誇張)。拾完咪又反電腦囉(仲唔做功課?!)。點知睇睇下話ZONE解散!!呢隊係我唯一鍾意既女子組合，鍾意左佢地3年啦!!話解散呀解散，有D唔開心添。