不知從那時開始

	12月28日寒星期三日本人唱國語?!


31/12 呢個係2004年最後一個日記啦。回顧呢一年，究竟做過d咩呢?!唔~~18歲啦。第一次去澳門、第一次入馬會、第一次做暑期工......講真，好似唔多記得添。=口=" 30/12 今日訓到11先起身，打左陣機就同媽子出街逛。行到差唔多3點，媽子就去買食送、我就去粉嶺啦；超級凍呀，有d人(都估到邊位啦)又遲到喎。咁人齊就出旺角逛啦，唉呀。行街又咪係咁，睇下野買下野咁。行到7點就落尖咀搵返菠菜啦，一齊去左小熊國到玩；d熊仔勁可愛呀，真係玩幾多次都唔會厭。行完係星光大道影左陣相，就去搵埋阿柴、karmen。行完都差唔多8、9點囉，就去食野啦。咁阿柴同karmen唔打邊爐，佢地走左啦。咁我地就去左打邊壚啦，勁開心呀。我地勁攪笑，食淨個d由叫個果食返，咁阿菇叫腐竹姐、阿星叫咩呢??唔記得左(烏東姐?!)、曉盈叫丸姐、菠菜係竹笙姐、由於我叫個d全部冇黎，冇得叫。>_<打到11點半到就閃人，驚冇火車走嘛。搭火車個陣就交換"聖誕"禮物，我地三個勁攪笑，拎住份禮物狂影相。之後返到上水就同菠菜行返屋企，返到屋企都1點囉；又玩下電腦先，咁呀玩到3點幾先訓。 28/12 自己真係好懶呢，12點先起身。(今日好凍呀,好似得10度咋)起身之後一直煲concert，煲完返煲又返煲，仲煲埋上年同前年個隻。(汗")咁呀煲到夜晚，之後溫左陣書又上網。(大把野堆積未做,都唔知返學個陣點死)以下呢段日記俾阿星(此星不同彼星)見到佢會唔會同我絕交呢?!(因為佢勁討厭日本呢!!)0岩0岩下載左w-inds.係台灣concert唱既Long Road中文版，慶太唱得勁攪笑，九成聽唔明佢唱咩，我仲以為佢唱緊英文添。>_<一個日本人唱普通話，十個有九個字都有卷音，對我地都有少許難道，何況係日本人。(笑)可能夾硬將日文原曲翻譯返啦，所以唱起上黎有少少怪怪地。但我手頭上又有一隻fans自作自唱既long road版好好聽架喎，一定係作曲個果有問題啦。以下long road多個版本啦：原文(節錄) 夢がたやすく云えた頃地図も　時計も　逆さに見てた君を見つめて　抱きしめて…だけどホントは「自分」捜してた行き先告げぬ雲が雲にちぎれて　わかれてくあの日君に「サヨナラ」さえ言えずそして見失った…夢も　Wow wow ※失くすものさえ何もないから歩いて行ける　もう振り向かないでいつもの帰路(みち)も　眠れぬ夜もすべてが明日へと繋がっていく on My Own Road※ 原文翻譯個版本(節錄)：當夢想輕易地脫口而出時地圖和時鐘看起來都是相反的凝視著妳　擁抱著妳 ...但其實是為了找尋"自已" 不說出目的地的雲被風吹散　飄散而去那天連「再見」都沒有對妳說還有那些錯過的．．．夢想 Wow wow 因為再也沒有什麼可以失去了向前走　不要再回頭平常的回家路也好　失眠的夜晚也好一切都與明天非緊相繫著 on My Own Road 台灣concert既國語版本：當夢想很容易就說出的時候所有的地圖時鐘看來都是相反的就讓我凝視著你也擁抱著你其實都只是為了能夠找得到自己天空的雲從來不說哪裡去就這樣被風吹散消失了蹤影那一天連再見都還沒跟你說出口然後就錯過了那些我的夢Wow Wow 因為已經不知道能夠再失去什麼所以只管向前走多麼辛苦都不再回頭無論是回家的路或者失眠的夜晚全部都和明天有著緊密的關係 on my own road fans自作自唱的版本(節錄)：能夠輕鬆地說出夢想的時候凝視你連地圖和時鐘都已拿反了 (其實)在找尋自己 ??的目的雲和風刷身而過當我就感覺不到記得那天 ????再見都說不出口閉上眼夢都遺失了連可以失去的一些東西都沒有了我只能向前走再也不回頭 wow wow 常常走的路上睡不著的夜晚浮現出你的容顏在我心裡變成永恆無論有什麼?? 無論有什麼資格大步往前邁向明天請你別忘記 on my own road (由於歌詞唔見左,我係一路聽一路打的,??個d係我聽唔到啦,其實我覺得fans個篇作得好好,不失原曲意思嘛,而台灣concert版好似夾硬譯做國語咁,所以聽起黎有d怪怪地) --------------------------------- 27/12 星期一印尼地震引起海瀟，多個國家受到波及。星期日晚間新聞有播過，但個陣我玩緊電腦仲未知。到左今日睇午間新聞先知好嚴重，個一刻我真係喊左出黎，因為真係好慘。自己係香港真係好幸福，呢d事好少會係香港發生。地震呀、海瀟呀咁，因為都俾東南亞d國家食正哂。請為死難者默哀吧。 --------------------------------- 25/12 今日冇街出，係屋企一直係咁訓到三點先起身。其實10點已經醒左，但係懶得起身嘛，訓下又醒下咁呀訓到3點啦。起左身煮麵食做"早餐"，之後咪上下網，咁無聊得濟就睇w-inds.隻concert啦。聖誕節冇人約，個個唔係返工就係去左旅行，孤單隻影冇人陪。>_<其實同學仔約我去教會，我唔會姐。(笑)咁呀又攤左一日啦。 --------------------------------- 24/12 今日終於開始放假，訓到10就起左身啦。呆下呆下咁囉，之後菠菜打黎；咪約佢放工去睇戲囉，不過都驚冇飛。咁6點就出門口啦，本來諗住去沙田睇，但小云係尖沙咀喎，咁我地就出左尖咀睇啦。點知去到間野竟然冇上，另一間就得返散位；就係咁，冇得睇北極快車啦。>_<之後咪同菠菜周圍行囉，超多人呀；行到"波羅包"個到我地就坐底食野，咁0岩佢又係到放煙花喎，睇到d人"嘩嘩"聲。睇左陣我地就沿住條人龍走啦，多人一濟就入左小熊國避一避風頭。入到去睇到我"嘩嘩"聲呀!!勁可愛呀，我地係到勁影相；d熊熊實在太可愛啦，我都係第一次入小熊國下面咋。玩完影完就行返出去搵小云啦，原來得返佢一個；咁搵埋佢我地就係city super到食野啦；食野har左陣陪小云等埋佢個fds，咁我同菠菜就走啦。d地鐵出口封鬼哂，攪到我地要行返紅磡；不過都好，坐倒頭車有位坐嘛。返到上水0岩0岩好12點，咁菠菜話有d肚餓，就係許留山食陣糖水先；本來諗住返屋企眠一眠架啦，點知可樂打俾菠菜，咁我就同佢傾左陣計啦。咁坐下坐下，收左線之後又同菠菜傾左陣計啦，傾下傾下咁呀2點啦，咁就返屋企訓啦。沖埋涼攪埋其他野2點半先訓到，一達落床呀訓著左啦。最後，多謝菠菜份禮物。(好得意呀!!) --------------------------------- 23/12 星期四今日係最後一日返學，本來較左6點半起身，但又貪訓7點先起身，攪到好鬼忙。出門口先發現今日d書到期，就就帶埋d書出門啦；點知又行到半路發現自己冇帶錶，又返屋企拎啦。以為自己帶齊野啦，點知去完圖書館還書先發覺自己冇帶電話，但由於再返屋企既話一定遲到，所以就算吧啦。去到火車站小鈴已經唔係到啦，咁我咪自己返學囉；去到九龍灣兜左去百街買早餐同班禮物先啦，返到課室竟然得兩個人?!因為個個都走去趕project，lumpo就係因為咁教唔到書啦；而且我都未做完project，就趕埋個少少佢啦。終於攪掂份project，人都多返少少；但始終冇咩氣氛可以教到書，所以lumpo俾我地睇power point算。話咁快呀落堂，第一份收到既禮物係阿ling盒朱古力呢!!(多謝)之後本來諗住唔上普通話堂架，但miss話俾我地上去做project喎，咁我地就上去啦，我仲要測返個驗佢。(哭)測完驗(差左好多呢)，就幫tracy趕份project，做下做下咁呀落堂啦，之後出去買開party d野。買完返到去點知咩都未准備好，d人又唔知去哂邊喎；所有野又好我地做囉，到差唔多有得食d人先返黎。仲要問食得未喎，自己又唔幫手，真係好討厭佢地，食又爭住食喎。之後咪開始開party囉，食左陣已經覺得好飽啦；咪睇佢地係到玩游戲囉，都幾無聊下。高潮就係抽禮物啦，個個喉住肥仔個份，因為佢用個muji袋袋住，個個以為high野，我竟然抽返自己個份，所以再抽過啦，抽中左個相架。班長抽中左肥仔個份，我地個個爭住睇，點知........原來係地拖黎架，肥仔除即拎埋支棍出黎，笑到我地死。咁就一齊影返幅大合照啦，之後大家齊拆禮物。嘉欣個份係來來小強屋，笑到我死；其他個d都算正常，薯片呀、朱古力呀咁。飲飽食醉就影相啦，玩到4點就走啦；同阿ling、小云、阿媚去左mk逛陣先，當然又去信和啦；行完行到旺中個頭差唔多時間我就走先，點知去到尖沙咀唔見阿星同飯團佢地喎。咁咪去電話亭打俾阿星囉，等左陣終於見到佢地啦。(笑)之後咪周圍行下囉，今年d燈飾好似冇咩靚咁既；係尖沙咀行左個大運之後就去中環個聖誕老人村啦，行完都9點lu；咁我地就歸家去了，返到屋企10點半。之後無無聊聊就走去訓了。後尾先發現原來阿柴咁上下時間都有去到聖誕老人村，我地有緣無份添。(哭) 給阿ling、阿星(此星不同彼星啦)：多謝你地份禮物。 20/12 星期一有成4日冇見過d同學仔啦，返到去先發現條所匙留左係屋企；攪到開唔到locker交唔到功課，小息個陣問cindy拎條後備匙黎用。merchan堂michelle姐唔鬼教書，咁我地就又趕project。我溫書溫到就黎痴線，所以決定放棄唔溫。lunch出左去同佢地一齊食飯，食完飯就同嘉欣返學校補返個測驗佢。由於michelle姐唔得閒，所以淨低我地兩個係教員室間房仔到考。我地勁話唔識唔識，但都寫成4頁紙。(笑)其實我地要讀成十幾頁字，4頁紙少野架啦。(哭)放學就返屋企又趕project了。天啊，有邊一日我唔係要趕project架?! --------------------------------- 16/12 - 19/12 呢4日唔係香港，懶得補返了。 (打到就黎手軟) --------------------------------- 13/12 忙到就黎死，呢幾日都唔會打日記架啦。 --------------------------------- 11/12 星期日今日訓到好爽，攤到1點先起身。食左lunch就開始煲vcd，睇完套野之後唔知點咁；唔好似為我好得閒，其實又係自己懶唔去做。(放自己一日假先)跟住咪又上下網、打下日記咁，話咁快又食飯啦。咁又一日。 --------------------------------- 10/12 唉，點解今日唔係星期六架?!又要返學。唔知點解今日好鬼累，搭火車個陣訓左陣啦。返到學校上左陣堂，搭9就開始釣魚，點知釣釣下就訓著左，仲訓到落堂?!所以訓完之後英文堂都精神返，仲識同miss講笑添。之後走火警，點完名就行樓梯返上8樓，累到我死，返到課室就開始拾野攪party。(慶祝小云&蕭ling N歲生日)嘩!!食到好飽。吃完又開始上costing啦，頭個堂都好精神架；但到左第四堂我又開始訓啦，訓左半個鐘(又係訓著左個隻)。幾經辛苦終於挨到5點放學，但係返到屋企都6點半啦，攪到又冇得去眠一眠，7點又食飯啦。其實真係好眼訓，所以8點半係廳到訓到9點；睇左陣電視，11點終於走去訓啦。原來玩都可以好累架，下次約去街一定唔可以係中間個幾日!! --------------------------------- 9/12 星期四 6點9就起左身，尋晚冇洗頭嘛；所以神早流流走去洗頭，攪下呢樣攪下個樣就出門口啦。點知行到一半先記起唔記得帶project，攪到返返屋企拎；幾驚遲到呀，返到去9到都係得幾個人咋?!(有冇攪錯)跟住上marketing啦，又咪係咁；之後上普通話堂睇返我地上年比賽餅video，幾時睇都係咁好笑既。睇完就放lunch啦，同同學仔去食飯啦；食完就返去上電腦堂，咁到左2點半就走先啦。(電腦project得91分,係班入面叫最高個幾果,不過始終覺得可以再高d)咁出到旺角都3點，搵埋曉盈姐就一齊行街啦；點知行行下阿星話佢放學(?!)，原來話咁快3點半啦；咁行多陣4點佢就黎到，又周圍行啦。但明明行左陣之嘛，行完旺中咁呀7點啦；話咁快菠菜呀放工搵埋我地，跟住搵埋阿柴就得啦。原來柴姐係附近，咁搵埋佢一齊影貼紙相。(難得人齊,唯一美中不足就係欠左阿菇)影完都好夜囉，就去左仙果園食飯；食完9點幾，佢地就陪我去信和買碟。買完行多陣就返上水啦，一齊去左公園飲酒吹水。傾到12點幾就走啦，聽日大家又要返工返學。(不過真係好凍呢!!)今晚又係點幾先訓。 --------------------------------- 8/12 今日8點先出門口，返荔景真係好。返到去抖左陣(?!)就開始車野，又周圍玩下咁。話咁快又lunch，咪食飯、散步；之後再上堂囉，次次都係咁。到左下就又咪係咁，我個三條裙褲差少少就面世架啦!!話咁快又放學，咁就出沙田搵曉盈姐，到左之後打俾佢，打極都冇人聽；之後打俾可樂，先知我地一早到左，不過唔見互相大家姐。(原來可樂係我隔離冇幾遠,曉盈姐又係可樂既隔離冇幾遠咋)咁之後就周圍行啦，直到菠菜黎到；黎左之後就影貼紙相，諗住去風月堂食飯，但最後左打邊爐。由於未愛鍾既關係，我地去左城門河影相啦，夠鍾就去返個間酒樓打邊爐啦。我地叫左好鬼多野食，食到勁飽囉。食完都11點幾囉，係商場影多陣相就走啦；返到屋企都十二點幾，沖埋涼點幾就去訓lu。 --------------------------------- 7/12 merchan同電腦個project終於係尋日同今日交左!!其實唔係唔夠時間既，不過係成日覺得d功夫做極都未做完姐。星期六個日family day，同左媽子出沙田；有個阿姨竟然話我似from2,3(=口=")。係呀，係2呀。不過係yr2咁解姐。>_<之後媽子、我、阿哥同"朋友仔"一齊影貼紙相，"朋友仔"仲係我地屋企食飯添。(笑)星期日呀趕project啦，星期一交完merchan個project之後又趕今日份電腦project。=3=唔好以為今日交完d project好爽，其實係另一份project既開始!!merchan第二期project今個月23號交，到時又要趕啦。(死啦，會考個份咩都未做添架) 今日約埋阿星返學，佢又遲到啦，真係好想打鬼死佢，好彩返到九龍灣都食到我最心愛既蒜容包姐。之後上電腦堂，都冇人願意present；miss出到加分利誘都冇人肯，其實我攪掂好，但唔願做打頭陣之嘛。第一個present完我咪做第二個囉，成半班人都未做完份project；miss諗住延遲至下個星期二係dead line，我同嘉欣咪嘈囉。咁真係好唔公平呀嘛，人家趕頭趕命趕project，有咩理由佢地可以遲一個禮拜交呀?!咁明明今日係dead line架嘛，份project已經成個月前俾，尋日交另一份project唔係藉口囉，到最後一人讓一步星期四last day囉。至唔鍾意我地班d人咁呀，明明係自己既錯都可以當成人地既錯。份份project都係成個月前俾既，有乜可能做唔哂架?!我雖然都係交前個果禮拜先做，但我起碼一定交到唔會遲囉(而且唔會抄人d野)。我班d人真係好鬼衰，上一次普通話project俾人抄足90個巴先架啦；今次我地present左一半，都唔知佢地又會唔會抄架姐。總知一講起我班d人真係可以講足一日一夜，除左圍內玩開個班之外。唉呀，嗡完一大輪廢話又講返今日。英文堂都幾俾心機聽書架，我同阿ling好認真咁討論緊，云姨同B.M就訓得勁爽囉。lunch由於帶左飯，咁就同嘉欣佢地係學校食；食完就出左去散步，行到咁上下又返去上堂喇。今日design玩紮染同蠟染，勁好玩呀，不過好麻煩囉，又要沖水又盛。染完之後竟然搵唔返自己個塊布，3塊淨係搵返一塊。攪到上costing堂都未攪完，到放完break都冇乜人理p.m sir囉；攪到教書教到5點，我地拾埋d手尾5點半先走人。之後同阿珠傾電話，傾到返粉嶺，咁就順道上佢屋企拎返d碟，之後就搭70k返家。(都好耐冇搭過囉,自從中學之後)返到屋企食飯、睇電視、玩電腦，放自己一日假，遲d再同d project博殺過!! --------------------------------- 3/12 嘩!!好累，真係好累。尋日又係咁上堂啦，都冇咩特別事發生。放學咪返屋企整野食同做功課囉，終於記得帶份死人merchan notes返屋企啦；3點半開始一直做做做，做到6點半就去左小睡半個鍾；7點起身食飯，食完又繼續做(都唔知點解做整都未做完架)；之後同阿星玩左陣ICQ(此星不同彼星)，玩左一個鍾到繼續做；做到12點半終於做完，print完之後即刻飛撲去周仔(周仔個仔)既懷抱。今日訓到矇盛盛，幾想唔返學呀；無奈又咪要返，個死人阿星(再一次此星不同彼星)又遲到啦；點知搭到黃大仙定鑽石山地鐵停左陣，幾驚遲到呀。(好彩都冇)之後又係上merchan啦，跟住就上英文；累一濟終於訓著左，真係訓到好"林"個隻；放break個陣竟然醒左，呆下呆下咁呀放學啦。好彩下就個兩堂costing cancel左咋，如果唔係都唔知點挨。(但一諗到又要補返兩堂呀想死啦>_<)放學又係返屋企啦，食野玩下電腦打下日記咁；而家好似好得閒咁，但星期六、日又要趕project了。 --------------------------------- 1/12 星期三上個月都好似冇乜點打日記咁就過左一個月啦。十二月是破財月，但係亦是最有氣氛的一個月。好啦，廢話講完。呢幾日真係好累呀，尋日同今日上堂上到5點。累到真係有D想死，所以尋日偷懶左一日；但諗起我仲有好多功課未做，真係死多次都唔掂。勁低能呀，唔記得帶merchan份notes攪到冇得做功課；份功課星期五交，即係聽日又要趕功課啦。(好命苦呀)講返星期一先，又係咁上堂上到12點半啦，食完lunch就返返學校聽會考d野。miss竟然同我地講要車返成件你design既衫出黎，聽完之後簡直晴天霹靂呀；又有咁多功課做，唔忙死呀假囉。至於星期二我竟然勁早返到學校，仲係第一個添；成個班房得我一個，下次打死我都唔會咁早返。電腦、英文、design、costing，一日上四堂。累、累、累。今日就訓到7點2先起身，整埋早餐攪呢攪囉搭9先出門口；返到學校9點零都係得個小貓幾隻，激死miss。總知今日不停咁車、車、車。攪到累上加累。=4=