31/12 星期三 呢個係2003年最後一日既日記，都唔知打咩好喇。今日訓到4點先起身，發左好多好多既夢。之後一直上網上到6點到，落留下拎菠菜份禮物。而家仲有兩個人爭我聖誕禮物哩，係你兩個喇，唔好周圍望，係講緊你喇。夜晚咪食飯睇電視囉，唔出街費事同人迫嘛。(實則係冇人約,kakaka)好喇，今年既日記就咁打完喇。11:45p.m. 30/12 星期二 好快就2004喇，今朝起身0岩0岩聽到收音機播梅燕芳死左?!唔係嘛?!大吉利士講句，今年咁多人死架？起身就打日記喇。好彩冇應承去班會個果BBQ咋，冇咁多精力同你地玩。個黑眼圈又大左喇，唔好去咁多夜街先得!! 29/12 星期一 今日我發左一個超惡既惡夢，好彩俾鬧鐘嚇醒左。之後打俾柴，再換衫拾下D聖誕禮物。10點3就約菠菜樓下等，之後拎菲林去相舖哂。搭火車個陣free盈打電話黎，佢將我唯一個三毫零五仙都用埋佢，早知唔開電話。起初以為我地最遲，原來阿柴同kaman仲遲。之後阿柴俾左份禮物我，係一份勁低B既玩具，虧佢送得出手，即係話我低B姐?!free盈就送左一個香薰立燭，勁香呀。之後出到紅碪neway ceo到唱k，有個獨立廁所架，幾high呀!!不過好多歌我都唔識唱，之後唱千嬅、Jeoy咪識少少囉。唱到2點到就cut喇，唱左兩個鐘到。好似有D唔抵咁添，每四十幾，去港晶唱好似平D喎。之後送菠菜返火車站，我地去左紅館睇下千嬅演唱會有咩位坐。睇完等埋傻明黎先買，咁我地就行下尖沙咀。去到碼頭陪free盈睇下D明信片，根住傻明就到喇。海港城勁靚呀，個D銀色鐵片吊哂係到，有風吹就會響架喇。咁我地去左玩具反斗城到玩左陣，之後又行返去紅館買飛，行行下俾我地見到韓君婷喎，不過睇得唔係好清楚姐。去到紅館喇，點知有D人又呢又囉，最後都係買左三張飛既。買完就會合返蛇曼同阿妍，咁我地去左麥記休息左陣。之後又行尖沙咀，係海港城停留左陣。架"火車"開左出黎勁得意，我地好攪笑；當全部人望哂電視個邊，我地反方向指住天空到"嘩"一聲，真係有人擰過去睇架！之後又玩多次，因為太好玩喇!!影多陣相就搭船過海喇，過到灣仔都10點到，咁就送阿妍到地鐵站。我地就返去環球嘉年華到玩，我仲用左30蚊釣左個袋，點知係隻超樣衰既......。呢到睇下個到睇下就睇到11點喇，咁我地過去中環個棵許願樹，點知山哂燈囉。咁我地就行返去搭地鐵喇，返到屋企點零到喇。本來想online下，但係有人用電腦，又太累就訓喇。 25/12 星期四 今日訓到6點幾先起身，係晏就喎。咁呀冇左半呀，之後食飯，玩ICQ，打日記。 24/12 星期三 平安夜！ 今日要返學呀!!可能尋日早訓既關係，所以今日搭半起身都好精神。之後洗完臉就整野食，點知D春卷俾我炸到"火農"哂。(不塊為煮野白痴,除左炒飯,煮麵之外咩都唔識架喇)咁返到CITA同阿柴傾左陣就返課室上堂，之後miss俾班男仔老屈唔駛上半堂，因為其他班都唔駛上嘛。我、珠同云姨就過左建造業拎資料，之後又去vtc。點知咁0岩撞正佢地放小息，俾我地見到+賢、黑柴同so+添。過返去冇野做就去阿柴個班傾下計，佢地班玩得勁癲呀!!10點半過返自己班，之後就上10樓上電腦堂，半班都冇心情上堂，12點就放左我地喇。我地落返班房，咁一半人就去買野，另一半就係班房整熱D野佢喇。我就留係班房幫手，佢地好勁，帶左個電池爐返黎。咁我就拾頭拾尾咁喇，再偷下食咁喇。(嘻嘻,因為真係好肚餓呀嘛)到最後攪到1點先有得食，第一時間係食嘉欣整既野，真係好好食。我地班真係"餓虎藏龍"，(唔係話佢地餓呀,因為我打唔到咋)佢地整既野好鬼好食，雞翼、炒飯、沙律、魚旦、西米露都有，要乜有乜呀。食到好鬼飽，之後玩遊戲。我地過隔離"活動室"玩踩波，點知我俾人踩爆左；所以我持著死左人地都唔可以生存呢個道理，云姨、阿珠、阿Ling都走唔出被踩既厄運。呵呵呵，玩到勁熱。之後玩麻鷹捉雞仔，我同你講呢個係一個絕對暴力既遊戲。我地派出去既"麻鷹"俾人"打死"左，而我地既雞仔亦俾人"踩死"左。所以呢個遊戲要取消，之後我地玩大風吹。又係兒童不宜架，佢地出埋D騎呢野，咩有帶BAR既就要走喎，仲要幾個人爭一張凳爭到頭XX裂。玩到3點先玩過第二個遊戲，但係攪到好混亂咁。(玩左乜都唔記得囉)玩玩下我地幾個係到玩"砰彭笨"，好鬼攪野。之後又玩咩大電視，我地組勁呀，分幾已經估哂5個。之後就拾野，影下相咁，5點幾先走。同云姨、阿珠出去尖咀，點知我行錯出口，兜左個圈，唔好意思呀。之後行到傳說中既天地圖圖喇，仲以為佢有折喇，點知俾我呃左阿珠買左3本冇折既書添。下一站係商務，我梗係要掃喇。點知出返去個陣云姨同我地講見到家燕媽媽，仲以為佢講笑，咪追住佢黎睇囉。點知真係喎，仲俾我聽到個警察係到講"個果係咪X家燕?"，俾到我死。之後我地搭船過灣仔，仲以為棵許願樹係會展，點知係中環。咁我地就坐底左係到玩"TRUE or DARE"喇，成日轉中我，所以呢個世界係冇天理架。玩到DARE既時候就要話跳海，玩到勁癲呀。我同仲要同人影相、講merry chrismas、大聲唱歌,我愛香港喇、借紙巾。玩到我地11點幾，之後去廁所先發現我跌左條鏈；咁就返去個陣搵下，好彩搵得返姐。今次搭船我終於坐到下層喇，勁舒服呀。去到尖咀11點半，咁就等到12點喇，但係似冇乜氣氛咁，又冇倒數又冇盛。淨係見到d人係到放氫氣球囉。咁我地就走喇，勁無聊。我地行返去火車站都行左9個字，去到火車站見到阿麗佢地喎。返到屋企2點囉，沖埋涼、吹埋頭，玩陣電腦就，3點先去訓。 23/12 星期二 寒 今日好精神，6點10就起左身。(好似冇遲到呀!!)今日上P.M堂，我真係頂個阿SIR唔順，佢竟然話："road = 公路 "。我完全驚訝中•••(所以係張台到畫低我既反應)之後上merchan，唔係好鐘意上呢堂。不過都挨過了，放學同阿柴行旺角。我地又去左個間台灣野食飯，食完去信和買碟。之後行瓊華先好笑：話說我地入到一間舖頭，個sales問"你想要咩呀"，阿柴話"我想要屎"(糖黎架,呢個時候我已經笑緊)，阿柴想跟另一個sales出去睇，果個sales就話"我呢到有"(爆笑ing)，阿柴問"有咩色?"•••(我已經笑死了)，查實我心諗(請家長陪同收看)：你想要屎去廁所咪得囉，個sales仲要抵死咁話我呢到有喎!!笑左我好耐。(終於見到傳說中w-inds.個"大型"廣告喇,都唔係好大姐)之後行旺中，買禮物嘛。唉，一諗起份禮物我就泵心口囉，因為我買貴左好多。算喇，人家用既物料都唔同既；我個D正貨黎架，抵制B貨！(安慰自己ing)買完就行花園街，唔知點解行親都同人反方向，勁難行呀!!行完就同阿柴分手喇，搭倒頭車返屋企。(超累)返到上水行行下先記得要幫小雲還書，行經相舖仲未山，我先記得尋日要做冬，唔怪得尋日咁早山左喇。還完書返屋企，玩電腦。 22/12 星期一 晴 今日上英文同pattern。英文我唔記得溫書，搭火車又懶得溫。測英文個陣都係齋抄，做左陣就做完。之後上pattern，今日得閒左少少，都算畫得哂。放學同阿珠返粉嶺燕雲莊到食好耐冇食過既雞翼菜，阿珠竟然食左一個鐘?!我地行多陣就返基新，點知佢地未放。咁我地就係校務處到傾計，玩到5點佢地先放。咁就係咁問人拎禮物，我仲係到扮可愛添。最終係收到葉sir、黃sir同小文份"大"禮，阿星個衰妹竟然話未整好?!仲枉我死都死俾佢，你話過唔過份?!之後影左兩張相就走lu，返到上水同阿星行廣場，行完佢就走喇。我行過相舖發覺收左舖，咁早收舖?!返到屋企食飯，夜晚冇野做11點幾就走去訓lu。 21/12 星期日 今日是為休息日。 20/12 星期六 寒 今日12點先起身，訓左半日；好耐未試過訓咁耐喇，次次星期六日實有節目。上左陣網就開始睇魔戒2喇，個射箭個果好鬼靚仔架!!成套睇到我好感動呀，大製作真係大製作。睇完都6點幾囉，咪完下ICQ囉。食完飯俾阿哥玩，我就睇電視喇。10點半到奪命追魂CALL又黎喇，傾左一個鐘到家姐用電話就收線喇。之後繼續織頸巾，睇日劇，之後訓覺。 19/12 星期五 唉，有邊日我係唔會遲到架?!今日我訓晏左....去到火車站佢地0岩0岩走。去到大圍+lok個死仔係到"目及"女，我同珠咪咒佢睇到個鼻一邊流鼻血一邊流鼻涕囉。(好彩佢聽緊歌聽唔到,淨係睇到我地偷笑)我地搭地鐵仲講緊，話呢D係梁家閉門絕學又話咩失傳好耐。之後又問B.M識唔識，因為佢都係姓梁名家X架喎(咁0岩姐)，我地咪話返去問佢囉。 今日過荔景個邊，返到去都未人齊。冇耐我做完車衫骨，想用五線褶骨車。點知B.M用緊，咁我地4個就係到吹水。我同珠就問佢識唔識"梁家閉門絕學"，點知佢話今朝試過，笑到我地死。傾下傾下，B.M褶爛布，我地拍掌鼓勵，點知嘉欣慢人半拍，我地咪話佢56k囉。咁呀玩左成日，實則係死B.M霸左部褶骨車成日先0岩。(鬼叫我死都想用5線,又唔想去穿其他5線骨車咩)褶完都lunch囉，我地miss搭4已經走左，俾佢笑死。之後去左街巿個邊食粥，個大叔口花花，不過好攪笑。(至少好過隔呢舖,賣外賣好慢架)返到去上領，上到一半唔想車過左云姨個組到吹水。B.M傻左，拎住把交剪扮變態佬。冇耐(實際係好耐)我過返去車埋下半部，終於車好。又周圍走去吹水，咁呀落堂喇。成日我玩多過做，鬼叫仲有4日俾我地車件衫咩；但係我地又得返衫腳未做咋喎，所以我地4個係咁玩(玩個果好似我咋喎)。放學人齊就一齊搭地鐵，搭火車就繼續織頸巾。返到屋企又係上網睇電視，"鐵2"好攪笑，和珅同紀曉嵐好鬼攪鬼架。之後開始又織，織到11點幾終於織完，聽日先起阿星個條喇。今晚12點至第二朝6點會冇水，所以12點就去訓lu。 特別鳴謝郭生借出"魔戒2"。 18/12 星期四 今日好似又遲左，不過好彩仲有人遲過我。返到學校直產上10樓，點知未開門，落返8樓坐多陣先上去，點知上到去都仲未開，等左陣miss先黎開門。今日教an、ang、en、eng、ong，好鬼死難。雖然係學過，但係差唔多兩年冇點學過普通話，咩都唔記得哂囉。吹左陣水又落堂喇喎，幾快呀。之後上英文，又教個D咩to infinity；都好似唔係好難姐，14題我都識做一半喎，對完答案就落堂喇。lunch係學校吃杯麵，就黎清哂locker D貨喇，下年先入貨。食完同云姨去散步，見到有個警察喎，佢就同我講佢點俾警察查身份証喇，笑到我死。行行下又俾我地見到有4個警察係到行必喎，笑到我地兩個死。行行下又去左馬會個頭，之後又去左屈臣氏個邊返cita囉。返到去又做織巾女工，織到miss黎點名。今日咩都冇做，係到睇電視囉，咁就睇到3點喇，放學。搭地鐵火車返屋企，點知唔記得拎"去街x2"，蝕左。返到屋企又係上網，織頸巾。我對唔住阿星，我仲未織佢個條!!(今日唔該哂云姨呢!!) 17/12 星期三 涼 今日又遲到了，真係唔係咁好意思。搭火車個陣肚痛，都唔想講咁多野，所以由上水到九龍灣一句野都冇講過。之後見到阿柴先講左"兩句"，不過都就死就死咁架喇。返到cita•••(略過)。之後上TEX，上到悶悶地，佢講過D咩都唔記得囉。之後上電腦堂，原來frontpages有好多野我係唔識用架，不過都唔會用喇，如果唔係要交功課既話。之後上留言板睇下，多左個留言。原來有人買左我本"限量版"maths書喎，仲話我本書寫左個網址喎。完全記唔起有件咁既事，又或者本書可能唔係我架喎。(我本書上水放架喎?1)雖然，本本書都俾我"美化"左(實則係畫花)，但又點會記得自己寫過D咩喎。而家D notes都係冇份全新架，可想而知我係一個幾咁無聊既人呢！落堂就等埋阿柴喇，點知佢同佢個班做project。咁我同阿珠就去左運動家買鞋喇。著converse就著得多，但係買就真係第一次。都唔知自己著幾號鞋添，試左幾次試到4號鞋先0岩。(有D唔好意思添)之後咪搭地鐵返屋企囉。搭火車先衰呀有個人，係到試鈴聲試到鬼死咁大聲。真係好後悔冇鬧到佢，D人唔鬧佢係俾面佢，咁大個人都唔知衰架。已經好多人望住佢架喇，都仲係咁係到試喎。到忍無可忍想鬧佢既時候佢竟然玩完?!過份!!至討厭呢D人架喇!!下次唔好再俾我見到呢D人呀!!返到屋企又係得自己一個，又開電腦玩。(唔玩有咩做?) 原來某人返左黎香港喇。 16/12 星期二 晴 今日返兩堂，落左堂即閃返屋企上網。查實返到屋企都兩點囉，整下電腦功課個網頁咁、又周圍去下咁囉。冇耐見到某人online，出奇地冇add佢，因為•••(我都唔知點解)之後有電話，傾左陣。上網上到7點幾，諗住去沖涼點知俾我阿哥"節足先登"，咁就將小政政條頸巾收埋針佢。沖完涼就煮野食，點知份量太多(一碗蛋、一碗菜、一碗麵之嘛)食到好飽！9點半，0岩0岩好，奪命追魂call又黎喇。(真係準時)傾左陣喇，因為當時我唔多開心。夜D做埋電腦另一份功課──"論文"，都唔知吹左幾多字俾"pat兄"囉。做到12點就去訓喇。(死喇，唔記得LO D衫去洗添) 15/12 星期一 超寒 今日定為善忘日。 咩都唔記得帶，pattern尺唔記得帶、冷又唔記得帶。返到學校問阿柴借pattern尺，之後傾左陣計先返課室。上英文堂講verb+Gerubd個D，都唔係好難姐好似。之後break完就傾party D野，原來cindy都好串架；傾完miss話繼續堂，點知都夠鍾喎，下堂繼續。小息個陣冇野織下唔知點咁，發呆又唔係、搵人傾計又唔係。之後上pattern堂，真係打仗咁款，係咁畫、畫、畫。畫變款裙(A)畫到你傻，畫到lunch都未攪好。咪lunch左先囉，今日去左麥記，我終於拎到個果月曆喇。(大心)食完返去又畫喇，今次畫變款裙(B)；畫到完全想死，仲有少少手震添。最後都係畫唔哂，返屋企繼續罷喇。放學周圍行下，返到屋企都5點幾，要起勢咁織先得囉。點知冇耐奪 命追魂call黎喇，仲有邊個架?!咪同佢傾、傾、傾囉。(邊有咁多野傾?!)之後阿媽用電話先收線，點知食完飯har多陣8點又再傾過。不過傾多陣都收線喇，因為我要繼續織。終於織完我條橙色喇，你地係未見過架喇，要保持神秘嘛，哈哈哈。之後開始織小政政個條，不過好似織到好幼咁，隻色仲好似好唔襯小朋友咁添。之後有電腦玩又冇左件事lu••• 14/12 星期日 寒 尋日去左BBQ，12點出門，點知一個二個都遲到。入到赤柱都3點零4點囉，"done"都"done"死人囉，搭車都搭左三個鐘。入到去+lok佢地先去買炭，我地就係到影相喇。之後開始燒，5點零小文黎到，一齊影相。玩到8點先走，返到屋企成11點。雖然話係舊事5C攪BBQ，但係都係圍內玩返；不過冇所謂喇，一樣玩得咁開心姐。 13/12 星期六 東主有喜，休息一天。 12/12 星期五 寒 so+生日哩！ 今日訓晏左，好彩唔駛整便當；因為我用尋晚食淨既鴨帶返學雪左落雪櫃，真係方便快捷。 火車都會塞車?!今日火車係咁停，大圍到九龍塘都要成半個鍾先去到；都唔知咩事，係咁廣播咩前面路軌發生事故；開下又停下咁，至滲係係隧道入面停左幾個字!!!返到荔景差唔多九點，好彩遲到都唔理架姐。之後開始拆線，冇耐miss教新野。咁褶骨車同熨斗都有人用緊，咁我地咪做自己野囉。(又係miss話可以既)點知冇耐我同嘉欣做炮灰miss既炮灰，因為佢頭先俾阿hand哦左兩句黎，話我地班一個二個睇報紙、行黎行去喎。咁我地咪同佢講我地冇野做，等緊野，點知又係俾佢哦左兩句，過份。之後佢咪教點用平野車野囉，咁我地咪做囉。整領形都整左我半日，lunch陪左佢地去買野返學校，我再丁熱D飯咁。食完繼續上堂，點知車車下隔離組個miss問我miss方(隔離組個miss唔講都唔記得普通話個miss姓方)D野──瀑布冷喎?!(miss方命名)(笑)，我都唔知發生咩事?!(佢話我個條青色頸巾似"key老Pi"喎,驚嚇ING)，講完咪繼續車囉，車個袖成日都凸左塊布出黎講喎，又要再車過(好彩車緊第三件姐)。車車下個miss又走過黎叫我聽電話喎，攪笑。原來另一個miss問我買冷D野，同佢講左陣就返埋位繼續車。褶完袖又唔想車咪偷懶囉，冇耐陪嘉欣去乜野資X中心，返返上去就放學lu。等齊人就一齊搭地鐵走，搭火車繼續織頸巾。返到屋企睇新聞先知火車條路軌有條"那"喎，唔怪得今日開得咁慢喇。終於織完阿菇個條喇，遲D先開始織自己個條先。"西瓜大少"大結局，個ending好鬼行。 頭先上網先知TAKAYO(ZONE成員)要離隊，有D唔開心添。我好鍾意佢首"secret base~你我的秘密基地"(背景音樂)架嘛，就係呢首歌我先鍾意佢地；硬係唔知點咁，好似少咁D野咁。 11/12 星期四 涼 今日係語言日，由於食左早餐既關係，直產左上10樓。織織下頸巾Miss話幾靚，俾佢織左行(唔俾唔好意思>_<)又叫我幫佢買冷喎，隻冷又真係幾靚架。之後上完一半堂，佢地要測驗；咁我上個禮拜測左，咁就繼續織喇。點知miss無啦啦鬧某位同學仔上堂織頸巾喎(佢測完架喇)，但係佢睇到我織都唔鬧我喎?!(奇怪)可能+寶遮住左佢既視線掛。之後落到班房繼續織，織呀織呀織。英文堂好似上得好快咁，可以我掛住send msm掛。12點休息完就傾party d野，睇下邊個整咩咁。(仲諗住唔駛整，因為整到返去cita咩都冇喇)點知要整春卷喎。(算喇)之後傾多陣就返屋企，點知搭火車個陣見到+lok喎。(又走堂)咪一齊搭火車囉，煩人一個！去到上水佢去交電話費，我就去買冷同菲林喇。返到屋企食野、織頸巾••• 10/12 星期三 今日上TEX好似冇乜點聽過書，因為晏就要present merchan嘛，我要寫下份稿嘛。之後上電腦堂，教D野都唔係好難，整完就係咁織喇。lunch係學校食，食完又繼續織，終於織完阿邊個果條喇。點半就落地下present喇，點知到我地個組，冇左我地隻碟，真係出師不利。之後搵返，休息完就到我地喇。見到人地D new product真係好掂架!!(所以佢地有A-)5點終於present完，等miss講解下我地D毛病同分數(我地B-囉)、影埋相就走喇。6點先走，返到屋企都7點囉。食完飯"har"左陣，織下頸巾，之後就去訓lu。 9/12 星期二 今日返兩堂咋，放學free黎左九龍灣，咁就一齊去食飯喇。去到大家樂隔離位個人成杯野飲倒瀉左，我好好人咁借左張紙巾俾佢。(我真係好人,咭咭咭)食完野搵返GOLDIE佢地，上左佢屋企做project喇。玩到3點幾就走先，因為約左阿邊個同free盈行旺角。咁我係太子落佢地就去左新世紀，搵返就一齊行喇，又去左許留山食糖水。繼續行下信和、乜乜city同女人街就去食飯。我地去左食台灣野，食咩肉燥飯喎，今日食到好鬼死飽。之後又行下新世紀，係大眾都泡左好耐(我)。行完阿邊個返油塘，我同盈就一齊搭火車。返到屋企都差唔多10點，織多陣頸巾就去訓喇。 8/12 星期一 寒 今日訓到唔願起身，尋晚一撻落床就訓著喇。返到學校冇都心機上英文堂呀，呆下呆下咁，又書下公仔。之後上pattern，都好快過。因為冇乜野特喇想打，打少左。本來今日話預演一次個project既，但係乜都唔記得帶，咁就聽日先喇。2點返到屋企，即刻上網har下先，4點先補返D日記。free free打黎都冇心情傾，阿星竟然同我講唔去B。唉，突然覺得個心好淡呀！ 呢個世界真係冇野係美好架!!!! 順帶一提，今日搭火車返屋企個陣有三個日本人坐係我地對面呀，佢地仲讚我可愛哩！(幻想ing)其實我係一句都聽唔明既，不過正常喎，我又唔係日本人！ 7/12 星期日 因為云姨今日黎我屋企既關係，所以10點就起左身喇。起身整大菜糕吃!!點知12點幾搵佢都仲係屋企，free盈打電話黎就傾左陣。冇幾耐出去接小云，接完佢再去買冷，再掃麵。(我要換清仔Hi-Fi呀)之後就一齊返屋企整PP，再練下D野咁。4點幾整完就閃左去行街喇，帶云姨去舊墟，佢淨係講"好正呀!!"，真係俾佢笑死。之後就返屋企捲冷，灰色竟然得一舊?!蝕左!!最衰冇多支織針，自己又唔識收針喎，又唔可以開新冷呀，悶死人喇。11點幾二家姐返黎教我收針，收完先開過新冷織。呆下呆下又到十二點，眼訓得濟，美味關係都冇睇就去訓喇。呢兩日有放假=冇放假，累到死囉。 6/12 星期六 今日cita攪比賽，十點未到就醒左喇。咁約左珠12點係火車站等，去到阿珠唔係到喎；原來佢記得拎八達通，就係咁返左屋企lo喇。我就坐係到織頸巾等佢喇，點知織到甩哂針。咁成程火車就係到攪喇。去到樂富一見就見到恒生喎，我地見時間尚早就去行下喇。(點知俾我發現天地圖書二折起,遲D實出去掃呀!!掃...掃...掃...)之後行到大眾睇下喇，係惠康門口見到隔離班長喎，但係佢睇我地唔到；行完之後經過先見到我地，咁就幫佢地包杯麵&一齊去會場喇。(今次D麵cheap左,上次係出丁,今次竟然係伊麵王?!)去到我又冇野做又繼續織喇，我咪負責飲佢地D水囉。有人竟然話自己係學界喎，佢D動作好騎呢架!!就係咁織到4點先收手，因為要閃人LU，洋蔥組贏左冠軍呢！(獎品係杯麵一箱)之後咪同柴、珠行旺角囉。超級多人!!討厭!!一遇上咁既情況我就會好炆架喇!!行左陣花園街就行下旺中呢!!裡面超焗，想死ING，行完即閃。諗住同阿柴去睇冷，點知收左檔。咁就一齊去"目及" XX ，咭咭咭。睇完就行下惠康，再陪返阿柴出馬路個邊。(又"目及"過...咭咭咭)返到屋企8點，食埋野沖埋涼mm好睇千與千尋。唔知點解覺得白龍好似棋魂入面個果塔矢亮，一樣係平頭裝。(偷笑ING)個結局唔多鍾意，千尋出返去、咁白龍呢？之後睇埋美味關係就訓囉。 5/12 星期五 尋日唔記得講，尋日朝我地搭火車撞返冼金玲呀，咁我地就係咁傾喇，仲問佢lo左ICQ嘛，因為自從from3之後真係無聯絡過，fds喎。 咁講返今日喇，本來諗住整便當，點知自己又懶喎，訓到搭10先起身，所以都係算喇。返到去勁肚餓，冇食早餐既關係。(唔想去買早餐嘛)之後開始學車衫，整前幅。我10點半已經車完喇，由於阿珠今日失手既關係，我就幫佢拆線。拆完過隔離組搗亂，其實都係搵goldie傾計組，係隔離har多陣就返過自己組到同嘉欣"爹"兩句喇。就係咁我"吞pop"?!左成兩個鐘，lunch去左街市買飯盒返學校食。食完就返上去，見miss未黎就織頸巾喇。之後又有新野做，點知我整袖個陣有幾條分錯左底面布，又拆又車。我又唔知傻左邊到喎，人地前後幅要車1/4，我竟然車左1/2，激死。點知今日測完驗D人可以走先，勁冷清呀。咁我車返好至走，D線留返下次先拆巴啦。嘩!!阿媚車到隻手呀，勁核突呀!!(俾我實喊梗呀,佢竟然冇喊到,厲害!!)都唔方便講囉，以免引起觀眾不安!!跟住等埋嘉欣佢地就閃喇，返到上水先恐怖，我部電話明明壞左個keybroad架嘛，我又冇開電話喇；點知無啦啦電話響喎(阿媽奪命追魂call)嚇死，最離奇係個keybroad冇事喎!!不過都好既，唔駛換電話住。今晚要整PP喇，如果唔係星期日小云黎到都唔知點。聽日又忙死喎，唉。 4/12 星期四 晴 今日訓得好滿足呀!!返學直產上10樓，繼續織。教完書，第一個閃出去測驗，我今次有70分呢!!上次我都係得65咋，蝕左，上次篇野仲淺過今次架嘛!!測完繼續織，呢個就係我既目的!!織下織下又落堂，返落留下又織過。英文堂唔記得帶notes喎，咁就發下夢，畫下電腦project d野。呆下呆下又落堂，咁就係班房吃麵喇。食完1點同云姨、珠一齊去散步，點知越行越遠，最後行返去地鐵站，乜都消化哂囉!!返到去我地勁講書面語，攪笑死!!之後上design堂，我地今次要畫頭髮，見到人地個d畫得好靚架!!咁我就畫下畫下又到3點3喇，點知BM佢掛住畫公仔，仲未畫功課，俾佢笑死。之後har多陣就閃喇，返到屋企要補返幾日既日記，打到我想死呀!! 3/12 星期三 唉呀!!今日要上TEX呀，一睇到個D咩三平、打雞就頭痛喇，完全唔明，佢比個份功課仲成日做錯添，測驗個陣都唔知點死!!幾經辛苦終於到電腦堂，不過仲悶，佢講D野真係.....不過學下都好既，因為我都唔係識哂D功能點用。玩下玩下又到lunch，同佢地去左平時話難食個間到食?!食完就閃返學校上堂喇，之後上merchan囉，講下份notes，難到乜咁。拾下拾下又放學，阿柴又係放3點3，咁就一齊行左陣街喇。行完淘大就返歸，我返到上水就去lo相，跟住就買冷。返到屋企拆冷，點知打哂cake，拆到我死囉，點知老豆幫我拆令一舊冷3分鐘都唔駛，想死!!之後就開始織喇，沖完涼又織，織到訓覺。 2/12 星期二 晴 今日上兩堂咋，勁正。第一堂係MKT，今日要默書喎，咁我地分批默喇。到我個陣我竟然咩都唔記得哂!!連5個forces都唔記得串，肥梗囉!!上merchan堂唔駛上堂呀，我地係到佈置班房，幾好玩呀，玩到12點就放我地lunch喇。lunch去左下村食喇，因為要等埋何嘉敏一齊返上水嘛。 今日係基新一年一度既陸運會，因為今日有lala隊，咁就拉大隊一齊睇喇。返到去小文叫我地跑4x100喎，但呢d野又點會輪到我?!咁就梗係+賢上喇!!不過到最後都係我地組輸左。咁之後就返看台睇啦啦隊喇，今年d質素都唔係好好之嘛，不過誠社用遮都叫有新意喇。睇完幫阿星影完相"har"多陣就閃喇。佢地唔知去邊喇，咁我就同阿星行喇。我地去左影証件相，呵呵呵。影完咪行下街囉，行完就返屋企喇。
不知從那時開始，喜歡上寫日記。
可能是由這個網頁開始吧。
上年的半年(12/6/02 - 31/12/02)我將日記打在這裡。
現在，我喜歡在簿子裡寫日記。
這不但可隨時看到，還不用怕上載空間隨時消失。
寫日記是一個好的習慣，它可留下我的美好回憶。
最後，希望你們真的認真看這裡的每一個字。
六月
七
月
八月
九月
十月
十一月
十二月
200
2日記 (已刪除)
2004年日記