Day 1

12 Feb. 2004 香港機場 > 馬尼拉包公廟 > Robinsons > 黎剎紀念公園 > 聖地牙哥古堡 > 天主教堂 > 酒店 > Harrison Plaza

Hong Kong Airport

我地晨早4點幾乘 N 線機場巴士，巴士上唔係太多人。5:30a.m 就到達機場集合，CX check in counter 仲未開工，機場都冇乜人。

8:05a.m 乘國泰航機出發，我地冇寄倉行李，非常輕便。

在飛機上需要填寫入境紙及健康伸報紙，於當地入境時提交，飛機早餐係火腿三明治。

  

Ninoy Aquino International Airport 馬尼拉機場

約10:00a.m (約2小時航程) 我地就到達馬尼拉國際機場，過關都好順利，好快，不過機場內冇乜旅遊資料可取，只有一張馬尼拉地圖比較有用，馬尼拉同香港時間係一樣，冇時差，不過天氣就和暖得多，雖然係2月，都有28度氣溫。

等齊人我地就乘旅遊車開始旅程，旅遊車外觀新淨但係入面並不衛生，有好多螞蟻。

除領隊及導遊外，仲有一個菲律賓仔一齊，幫我地取行李及影相架！我地用$1000向導遊對換左 6700 Peso (披索)

  

包公廟

約半小時車程就到第一個景點包公廟，已經有 40幾年歷史，入面供奉好多不同神佛。

間廟位於市內，好細外形冇乜特式，所以逗留左一陣就離開。

導遊講"馬尼拉"治安唔係咁好，小偷頗多，貴重物品唔可以留響車上，酒店房間內亦不可以，背包 / 腰包要放於自己面前。

進入馬尼拉所有商場，酒店時都要撿查手提物品及經金屬探測器才後可以進入。

  

Robinsons Place

約 11:30a.m 我地就去馬尼拉其中一個好出名既 shopping 地方 Robinsions Place ，團唔包呢次午餐，所以要自己搵食 (有 2 小時)，不過我地冇食野，而係去行街。入商場時當然係要撿查手提物品喇！

呢度有幾層高幾新淨，商店種類繁多，時裝 Guess ，Levi's 等，書店，運動用品，各式餐廳，Starbucks，T.G.I Friday 及美食廣場等。

不過最好行都係入面既百貨公司"Robinson Department Store" 及 "Robinson Supermaket - 超級市場"

因為時間唔多，所以入左超級市場買左Ｄ零食當午餐。

Robinsions Place 入面有好多出口，所以有幾個團友迷路，等到 2 點，要留低領隊一個人接佢地去下個景點。

("星晨旅遊"既馬尼拉辦公室就響 Robinson 其中一個出口對面)

  

黎剎紀念公園

跟住就到紀念菲律賓國父黎剎先生既公園，入口有個紀念碑，係拍"到此一遊"照片既地方，公園入面平地一遍，冇乜野睇，有小販售小手工藝，其中又有中國及日本公園，不過要收費。

  

聖地牙哥古堡

古堡 位於 離 Rizal Park 不遠既一個古城 Intramuros 內，但係入面唔係有座古堡，而係保留有世界大戰時囚禁重犯之地下水牢，細少既黎薩紀念館及有兩三間紀念品商店，燕鍋小食店亦有馬車載遊客環遊 Intramuros，另外收費。

左圖係古堡大門，亦係必拍景點！

門口既馬車係真架！可以帶你遊附近一週。
囚禁重犯既地下水牢
古堡對面係全世界最古老既唐人街古堡入面有細少既紀念館
入口有幾間紀念品店古堡入面既公園

Manila Cathedral 馬尼拉天主教堂

約 4:00 p.m 我地就黎到馬尼拉最古老教堂，呢個教堂亦係位於古城 Intramuros 內， 入面氣氛莊嚴，不可拍照。

菲律賓係一個天主教國家，所以天主教堂特別多。

我地逗留左一陣，約 4:30開始去酒店。

 

  

Century Park Hotel

約 5:00到達位於 Malate 區既 5 星級酒店 Century Park，進入酒店時亦要撿查手提物品。

間酒店比較舊，裝修過時，但設施徜算齊全，房間頗大，整潔，仲有露臺架！不過由於保安，所以露臺門係開唔倒既，我地住4樓，對住酒店泳池，唔錯。

電視有好多不同國家既電視節目。

  

Harrison Plaza

我地冇跟團去 Makati 食海鮮晚餐。約 6:00我地去左酒店隔離既 shopping mall - Harrison Plaza 度行街食飯。

Harrizon Plaza 有好多食店，不同國家既野都有得食，中國菜，日本菜，泰國菜及西餐等等，大部份係自助形式，約 10-20蚊港紙一餐咋！

我地去左食日本野 (左圖)，類似吉野家，都幾好味架！

跟住我地行埋 相連既 百貨公司 SM Department Store，行到9點關門至回酒店。

  

 

Day 1 Day 2Day 3Day 4