| 書
大一統之秦漢帝國
其實要寫o既書好多, 不過今日先o岩o岩睇完呢本書, 就做一個即時報導, 來個即日鮮啦~
楚漢相爭
呢本書個由名都知係講秦漢兩個咁大o既體系係點型成啦~
當然, 任何寵大o既國家都唔會「o彭」一聲就出現o左, 入面o既努力係多到..............你諗到諗唔到............
秦未, 由一個穩定到紛亂o既時候, 先係陳勝唔廣o既短暫出現, 揭示o左秦o既衰弱, 以及掀起革命o既熱潮。
當時可謂一呼百應, 一路上勢如破竹。可惜, 陳勝不過只係一個老粗, 無遠見, 談不上成就大事。部下o既作亂, 吳廣o既被殺令佢一沈不起。
客觀d, 佢o既功用已經完結。佢o既出現, 可以講係一個序幕, 並且帶出o左幾個重要o既人 : 楚懷王熊心、項梁、之後o既西楚霸王項羽、劉邦以及秦末o既大將
-- 邯鄣。
楚漢相爭o既故事大家都好熟, 我都唔講咁多~
大將, 唔駛多講, 我會揀韓信。由初出棧道, 伐趙魏平燕齊, 轉戰中原, 軍中大小事情, 行軍作戰, 個人魅力都係上上之選,
就連高祖都忌佢三分。可惜o既係佢未能令高祖放心, 始終功高震主(漢帝國有三分之二係佢打番o黎o既......), 仲要有趁火打劫等等 (高祖兩次被項羽包圍,
要封王封地先做o野......), 咁唔知老細心意, 真係死o左都唔知乜事....
只睇猛將而言, 必定會揀項羽!!
事關無他o既, 韓信對住佢, 都要打到焦頭爛額; 烏江之前, 帶住幾百兵仍然無畏漢軍追擊。
同士兵同飲同食, 照料下屬等等, 對一個將領o黎講係絕對需要o既!! 不但可以鼓勵士氣, 仲可以體察民情。
可惜o既係佢o既猜疑、剛愎自用、英雄無敵o既性格就迫走o左范增, 最後仲害死o左佢自己。
睇得楚漢相爭o既朋友都會問一句, 點解項羽只係得一個范增呢? 原因唔多唔少係同佢自大o既性格有關, 是關范增係項梁留俾佢o既, 除此以外,
其他一律無得出聲, 仲點會有第個?
良才有蕭何、張良、陳平等等....
其中蕭何都同樣有功高震主o既問題..........
張良就最叻, 統一之後, 就不再捲入政治之中, 得以全身!!!
陳平就仲好o野, 一直都係高祖身邊, 就連之後o既北伐匈奴都有佢出場。
最後就係劉邦。帝皇之選。
佢就樣樣好o野都有d, 但係又唔係最好, 做得漢高祖, 同佢有一班好忠心o既部下係絕對有關。另外就係佢肯聽從部下意見, 不過都係入關中之後先係咁......之前,
佢都有做過搶掠、屠城o既事......
仲有就係, 佢夠晒厚面皮......「狡兔死 走狗烹」o既故事就不在話下, 仲有o既就係兩次偷o左韓信帥印都已經夠大鑊.......
最最最鍾意o既係有一次, 韓信干定齊亂之後, 派使者要求做齊假王o既對話(意譯) :
「這小子....居然趁火打劫, 老子我這裏被人圍得天昏地暗, 都唔派救兵, 還要做甚麼齊假王, 這小子.......」張良陳平就係呢個時候係咁打眼色,
最後陳平仲一腳踩o左落高祖隻腳上面, 高祖先知愉事, 順口道 :「這小子真是, 做不成大丈夫嗎? 既然平定了齊國, 就當個齊王吧,
不過做甚麼假王了!!」
點都好, 睇史書就係要學o野嘛~
再諗諗自己做過o既o野, 我就學o左d o野喇~ |
