~心水推介~

係呢一頁, 我會為大家介紹一下我見過又好深刻o既o野同大家分享~

<戲  MV 旅遊 歌>

射鵰英雄傳之東成西就

好細個果時就睇呢套戲, 入面o既橋段真係一絕, 絕對係搞笑之作, 我諗金庸先生都諗唔到會有人咁改編佢個劇本。

入面o既內容唔係記得太仔細, 但有有某d片刻就真係好好笑!!!

有無人諗過洪七公個幫主之位係點得到? 阿學友就話佢係猜包剪X猜贏o左贏番o黎, 咁都得?!

張曼玉飾演一個法師之類o既角色, 乜o野都有, 乜o野都搵到, 但係佢最突出o既就係佢o既對白!!!!! 差不多佢所有o既對白最尾尾果兩個未都一定係「o架喇」, ^^ 仲要係遲一秒先講出o黎, 都幾得意o架~

周伯通伯o既三花聚頂、同黃重陽o既「基」情~

歐陽峰因為亂咁食o野, 而令佢英俊不凡o既外表變成一孖潤腸掛在口唇旁~

 

Braveheart 驚世未了情

第一次睇果時, 係o岩o岩出o左Age of Empire2之後無耐(好似.......)

入面講o既係蘇格蘭因長年俾英格蘭佔領及殘暴統治, 令當時o既蘇格蘭民眾群起反抗....... 當然啦, (相對)武器精良、軍隊系統教好o既英格蘭每次都可以成勁咁鎮壓.....

後來威廉華萊士(米路吉遜飾)因愛妻被殺而帶領成村人反抗, 終於引發成個蘇格蘭團結反抗!!
係當中第一場會戰之中, 蘇格蘭百幾個農民兵, 加上少數騎兵, 對抗擁有幾百裝甲步兵、一縱隊重騎兵、一支威爾斯長弓兵o既英格蘭, 陣容上, 無可匹敵。
最記得果個shot係英格蘭成team人由一個小丘後面, 分左右合攏, 並且佔領該小丘, 形成o左前据平原(即係個戰場), 後擁靠山o既陣勢。佈陣都係無得揮o既!!!!

乍看蘇格蘭好似無力反擊, 威廉華萊士做o左一事, 就係挑釁對手同埋激勵自己o既同胞, 佢講o左一句說話:「而家走, 無錯, 能夠保得住性命; 幾十年之後, 到o左你無辦法再去對抗o既時候, 你就會後悔當初點解唔打呢一埸仗, 一埸有機會得到自由o既戰事。」

睇過o既朋友, 可能會話當時o既戰爭好無聊, 交戰雙方好似「晒馬」咁, 出齊晒d人, 都唔似而家咁, 咁機動!!
無錯, 因為當時係會戰, 係近代, 會戰一字好少聽到, 因為而家o既戰事已經好少幾個師對住o黎打, 有o既都係講求迅速入侵, 講求縱深o既打擊。 反之, 你睇拿破崙好幾場會戰、美國內戰都係幾十排人對幾十排人...係咁對住呢打.......

威廉華萊士當時希望d蘇格蘭貴族帶走d騎兵, 走一個大圈去偷襲英格蘭後方, 而農民兵就用長矛對付英格蘭重騎o既矛, 效果非常之好, 我諗當時將步兵同騎兵之間o既差異拉近o左好多~
之後, 當然係唔少得血腥非常o既步兵血戰啦~ 講真, 的確係幾血腥..........>.<
蘇格蘭貴族帶走果d騎兵就係呢個時候係後方掩殺英格蘭後方, 並造成對英格蘭步兵夾擊之勢。就係咁, 贏o左呢埸會戰。

中段, 蘇菲瑪素所飾o既英國王妃英格蘭皇帝愛德華一世, 亦即係長腳愛德華(正史係二世, 不過是但啦, 呢d就係戲劇性嘛, 將兩個都好好打o既領袖放埋一齊), 帶o左個和好o既口信, 而王妃威廉華萊士o既一見鍾情為呢套戲增添了感情戲~
當然, 狡滑o既愛德華一世竟然將一營係法國境內o既英兵抽調o左, 係華萊士後方登錄...........

就係咁, 做成o左呢套戲o既第二次會戰。
乘深夜將原油傾倒係戰場之上, 令英軍慣用o既重騎陣付之一炬.......但因為及後o既貴族出賣, 令華萊士身陷絕地........可惜....

 

戲就睇完喇, 得出o既感覺就係, 奇正無常, 因無常仍永恆。
但係無論點, 奇正只可以改變到成個抗爭o既一小部份, 只有根本先至係真正決勝o既!!

 

Man In Black 2

承襲o左上一集o既特色, 都係玩o左好多美國式o既黑色幽默........
呢套戲係同敏, 仲有st john一班人一齊去睇~

最最最記得o既係阿J o既拍擋係一隻扮狗o既 agent.......扮狗, 真係好扮唔扮.....嘿嘿~
但係反而佢就搶o左好多鏡, 好似夾歌果度, 真係笑到唔停得口...........不過要明佢想講乜o野囉~

 

帝國驕雄

型!!!!!!!!!!!!!

我一直都好鍾意睇有關羅馬時代o既戲, 可能係因為佢o地果d好壯麗o既戰陣、馬車等等。

講番呢一套戲, 一開場係講緊 羅馬帝國--五賢君o既時代, 最後一個賢君Caesar Marcus Aurelius 出征入侵o既外族。時代係比起 Braveheart 驚世未了情 更遠。

Maximus(即係主角)帶住佢班 5千幾人o既士兵係一個山頭立下防線, 大部份係步兵, 防守前線, 後方就係 弓兵發石機 主要都係作遠程攻擊(唔駛講~)。
Maximus就帶住佢o既一小隊騎兵, 係另一邊準備。
未開戰之前, 外族o既氣勢真係好勁!!! 佢o地係個樹林入面行出o黎, 成個樹林都係佢o地人, 人數應該係羅馬軍之上。

但係, 打仗唔係講人數多寡o架嘛~
羅馬軍一開始就用 發石機拋火罐、放火箭 克制對方, 結果成個樹林頓成火海.........
呢個係佈陣問題.........應該係事前無做資料搜集............

步兵係呢個時候先行上去, 用大盾開路, 係一個改版大龜甲戰陣, 好處係攻守一流~
打到咁上o下, Maximus就帶住成班騎兵一字排開殺過o黎!!
前後夾擊, 實力以外仲要加埋心理戰, 結果就梗係贏硬啦~
成場戰都好血腥o架, 仲又好有壓迫感添~

之後, Caesar Marcus Aurelius 俾佢個仔弒父奪位成功, 仲話老皇帝係特發病死(果時 d皇帝係指派一位接任人, 收佢做義子, 而唔係好似一般封建制度咁家族性o既~), Maximus當然唔信老皇帝就咁就死o左.......
點知佢未開口, 就俾少皇帝捉o左.....唉..........

之後o既每一場打鬥都交足功課, 充分反映出Maximus係一個好有打仗打交經驗o既人~
最最最鍾意果一場就係Maximus同佢d 角鬥士同伴做 迦太基人 對抗 羅馬戰車果一幕!!!
(迦太基人, 係羅馬初時o既強大外族, 由漢尼拔帶領, 一路由北非打到過西班牙、再入意大利!!)
Maximus係入面發揮o左一個指揮o既工作, 指揮並唔係用手指就得, 仲要令你o既同伴做你想佢做o既o野、發揮整個團隊o既精神、指示要明確、要勇敢果斷!!!!!
最後當然係以步兵打贏戰車啦~

 

軍又壯志 We Were Soldiers (AKA from We Were Soldiers Once.....And Young)

故事係以美軍o岩o岩介入越戰o既年份講起, 果時法軍已經打o左成11年, 但係一直都無結果, 原因係多山、多樹、多雨水..........
真實原因係.......我同一個fan都認為係得唔到民心.........游擊隊先有能力作戰!!!!

1965年11月14日星期天早上10 時48 分, Hall Moore夏摩亞(Mel Gelson米路吉遜飾~)上校帶領他的軍隊進入越南人稱為「死亡谷」的戰區。言出必行, 夏摩亞上校率先踏足戰場, 卻發現他和四百名同袍, 竟被二千名北越士兵包圍......(係一個師o既人數.........)

成套片入面, 美軍俾北越不斷咁強攻, 一度令直昇機著陸點(LOC)都俾人攻佔.....
成立臨時LOC、直昇機日間不斷o既支援、運送物資傷兵成為o左整個戰役o既關鍵。
當中科技、戰術都係一個新同舊o既衝突。Hall Moore由一開始訓練新兵o既時間已經講明o左幾點:
1. 做大o既, 一定要身先士卒, 你o地o既官階、武器都唔係你o地o既護身符
2. 一定要團結, 照顧你o地o既兄弟
3. 上級要對下屬負責、下級要向上級學習......因為唔知邊一刻, 你係要做埋佢 d o野....

由降落之後, 氣氛都好緊張。你會睇到一班第一次上戰場o既年輕人, 係降落後o既緊張....到佢o地可以控制戰局。美越雙方o既戰術對壘。
最後一幕o既出奇制勝, 睇到心跳都停埋咁滯!!!!!

呢套戲係改編自真人真事。非一般戰爭片; 無情戰火, 卻見證了軍人們及其家屬無比的勇氣、忠誠和犧牲。
另外, 呢套係一套幾中立o既戰爭片, 因為入面o既內容並無偏袒美越任何一方, 少有、難得!!

 

雷霆救兵 Saving Private Ryan

終於有機會睇番呢套戲, 我指o既係係 Pearl果度睇。

有幾場戲, 我都係好鍾意, 分別係第一幕 登陸、第二幕 出發、最後一幕 步兵坦克攻防戰。

時間係1942年, 以美軍為首o既盟軍開始係法國西北海岸登陸, 有最最最出名o既諾曼地登陸(唔識o既朋友, 忘記呢個名算把啦。)
講真呢, 登陸絕對係一件她危險o既事, 分兩方面 : 自然及人為

登陸最最最簡單要計算潮汐問題, 如果係夜晚登陸仲要計月光同雲層厚薄問題 ; 係大洋海岸登陸仲要睇o下海浪生唔生性, 好多時大洋中心震一震, 或者吹個大風, 近岸o既浪就可以有10幾米高, 唔好話登陸, 落船都有問題。

人為方面呢, 對方當然唔會俾你咁易就打埋o黎啦, 有好多防禦設施: 混凝土碉堡, 機槍陣地, 重砲陣地.............就好似第一幕睇到o既一樣。

而第一幕好睇就係果個震撼感。如果有subwoofer就會好過癮~
一下又一下o既重炮, 比得上柴可夫斯基o既1812序曲(1812 overture)

第二幕講o既係 Tom Hanks 演o既Captain Miller o既行軍幽默~

最後一幕係發生係戰線後方o既步兵坦克大戰。美軍一支空降兵對抗德軍o既裝甲兵(2部Tiger, 2部Pather, 都係當時好勁o既坦克, 都係我鍾意o既~)。當然啦, 打打殺殺在所難免, 氣氛好緊湊, 不錯不錯!!

 

我家有隻河東獅

一個以現代手法重新描繪宋代一段小男人同惡婦人o既橋段。

由古天樂與張柏芝領銜主演, 呢套戲係根據中國大詩人蘇東坡的著名典故《河東獅吼》改編而成。張柏芝與古天樂所飾演的惡女柳月娥及才子陳季常十分有趣, 一個願打, 一個願捱。
再加上身邊o既許紹雄、張錦程等人, 真係笑料十足。

你諗都無諗過o既蘇東坡演辭會、波斯之夜, 真係一絕。最正都係「鄙視你」呢個手勢, 同埋hard sell都無人有o既龍發製藥廣告。

節錄自蘇東坡演辭會開場白:
大江東去浪濤盡, 千古風流人物
龍發製藥 養血寶贊助, 蘇東坡《但願人長久》演辭會正式開始。

 

day-in, day-out world is real.
But the reality is that all our sensation is just a beam of electronic signal transmitted to our brain.
Is it really real?

戲中o既人, 都只不過係一批倚靠電腦先可以生存o既人, 由電腦提供食物、生存環境, 活係一個虛擬o既世界入面。而佢o地所見所食所感覺到o既都只係一大串o既神經電流。到底我o地o既世界係唔係就係真實呢?

Matrix 入面講o既好多o既情景都好有哲理。
一秒等於無限、
本來無一物, 何處惹塵埃、
free your mind等等

最正都係佢果種別具一格o既拍攝手法----360度環迴鏡頭!!!

 

Matrix Reloaded 廿二世紀殺人網絡2: 決戰未來!!

Neo擁有比以前更強大的能力, 同時錫安面臨機械軍隊圍剿。25萬巡邏艦炸彈正要展開滅絕一擊, 地球上僅存的人類將要面對滅亡, 但Morpheus向錫安市民保證, 將有救世者出現, 將邪惡敵人打敗。Neo在拯救人類的信念驅使下, 決定與Morpheus及Trinity闖入殺人網絡, 對抗獨裁系統的壓制。另外, 被殺人網絡驅逐的Agent Smith V2.0 為報Neo上趟一戰之辱, 對他窮追不捨。Neo最後直闖殺人網絡心臟

熱切期待 5月22日!!!!
今次Neo佢o地會有一個好大o既矛盾, 就係要解放Matrix o既同時, 佢o地就要殺晒Matrix入面o既所有人

 

魔盜王- 決戰鬼盜船 (Pirates of the Caribbean: The Curse of the Black Pearl)

 

 

 

 

 

故事發生係25至16世紀, 正好係英國同西班牙爭奪海上霸權o既時代, 一個以刀劍槍炮保衛自己o既時代。

以布沙船長為首的邪惡海盜, 因盜取傳說寶藏而中了神秘魔咒, 在月圓之夜會變成不死的活骷髏, 駕著鬼盜船橫行殺戮。為解除魔咒, 他們必須尋回寶藏中最後的金幣, 因此他們大舉進攻........

成套戲o既情節幾好, 編排得宜, 笑料亦係不經意之下發放出來, 既緊張又惹笑。大玫可以分成兩個主線, 阿靚仔精靈(魔介)救番靚女, 以及Johnny Deep釋演o既Jack Sparrow搶番自己隻Black Pearl海盜船。

背景本身已經係一個好迷人o既時代, 加上片中o既打鬥更加以 classial o既劍?代替睇慣晒o既槍戰, 令人耳目一新。另外呢, 就係當時以技術為主o既航海時代, 有兩場海上追逐戰緊張非常。

我諗睇完本片之後, 好多人都會覺得好誇張, 海盜邊有咁勁咁叻?!
錯喇, 果個時代o既海盜, 本身就係由政府資助(尤其係英國), 得到王室首肯, 專去搶奪別國資產。所以當時無人夠膽遠航。

本中o既對白尤其精彩, 有關BlackPearl、Jack Sparrow走出孤島就更加有趣。

最後武士 The Last Samurai

湯告魯士釋演1877年到日本訓練新兵的美國上尉歐格恩, 劇情係講述日本明治維新時, 日本國內新舊思想、權力o既變化。
此片充分表現了日本幕府時代及武士的傳奇色彩, 歷史資料亦非常充足。開始不久, 就將江戶城、橫濱(Yokohama)展現出來, 武士階級的地位, 當時較現代化軍隊編制、武器(惟獨是手動式機關槍 chain-gun 係當時尚未出現, 第一枝同類型o既chain-gun出現o既時間要等到第一次世界大戰前先出現), 以及傳統武士的鎧甲、兵器、戰鬥方式亦非常扣人心弦。
The Last Samurai 沒有了一貫荷里活那些悶人的感情路線, 也沒有主角們臨死前才交代的最後任務, 令男生們看起來十分舒服, 的的確確是一套男兒電影。當然電影最經常做的就是誇大及歪曲事實, 事實上的幕府將軍們有沒有家天下的偉大? 武士的正義? 這些都是籍得深思的。

說穿了, The Last Samurai其實是一套充滿異國文化的泛正義騎士精神片, 只係歌頌一下時代變遷下沒落了的騎士/武士階級。

機場客運站 The Terminal


由Viktor Nivorski(湯漢斯Tom Hanks主演)的the Terminal, 跟多年前的阿廿正傳, 一樣有發人深省的地方。他扮演東歐人, 其東歐口音及躉腳英語完全不失真。在戲中, 他是熱愛國家、為國家內戰擔憂落淚的格高沙人Viktor, 而不是美國人。Tom Hanks十分適合扮演中直得來帶點戇居的角色,今次演譯亦恰好其份。再加上那印度阿伯,確是一絕!
整齣劇充滿歡笑和感人場面。印度阿伯的雜耍和給山羊吃的藥令我印象深刻。

Tom Hanks在劇中是一位為了承諾而來到紐約的有原則的萬能男主角。為了一個承諾...
女主角是當了廿年的空中服務員, 為了等一個一生的承諾。最後彼此遇上了, 最後各自有自己的方向。
亦有挖苦美國官員的官僚、傲慢、偏見,美國人的無知、炎涼, 也挖苦了中國的非法入境者。最深刻的一句, 是一位乘客說的:「Do you feel living in here(Terminal)?」

預告入面有一句, Life is waiting...
一個等入境的東歐人、一個等人愛等情郎的空姐、一個等升職的入境主任、一個視等人跣倒為娛樂的清潔工人、一個等結婚的喑戀男子, 再加上一大班等機等轉機等出入境的旅客, 構成了機場客運站的新穎主題。
難怪人生總是等...等入境、等人愛、等升職...

這電影嚴格上來說是一套諷刺性喜劇。狠狠地帶出充滿仁愛的"世界警察"的美國是如何對待弱國難民、又非常官僚和鄙視!!! 湯漢斯飾演的Viktor蒲入境便成為了無國難民, 一個首次踏足美國的東歐人, 被逼逗留在机場客運大樓成年, 被海關主任敷衍、鄙視, 甚至要脅他承認自己怕自己的國家!

各位看倌要到較後才知Viktor到美國的目的竟是如此令人感動。
在最後, Viktor眼見自己的朋友為了令自己踏足美國而情願犧牲, 終於決意衝出客運站大門。客運站的店員都湧出來支持他, 恭喜他。一位一直看著他被海關主任欺負的警官更把自己的大褸披在域坨身上, 叫他小心紐約下大雪, 然後送他出紐約。這最溫情的一節, 卻帶出了美國人民對美國政府的自大和官僚, 其實都很受不了。