17.9.05 台北中正國際機場> 木柵動物園> 深坑豆腐街> 美麗華百樂園> 士林夜市> 酒店

香港機場

天氣非常好！我地 9點到達機場向領隊報到，然後就到位於 K 段既中華旅行社機場辦事處，辦理簽証，我地一早已於網上辦理左初步批核，想不到辦事處情況非常混亂，好多人正輪候取回護照及簽証，但辦事處只得一個職員負責所有收件，發件及繳費等工作。有旅客更稱已等了超過一小時。

我地先交出護照，身分證及網上登記號碼，然後得到一個輪候號碼，最後等左 45分鐘才取回証件及獲發簽証。費用 $55 。

11:30a.m 乘中華航機 (CI) 出發，我地冇寄倉行李，非常輕便。

中華航機

中華航機Ｄ機位都好鬆動，服務都好，不過初初飛行的一段時間，機身震動得非常厲害，好唔穩定！

在飛機上需要填寫入境紙，於當地入境時提交。

飛機餐係炒面，幾好食。

台北中正國際機場

約 1:15a.m (約1.5小時航程) 我地就到達中正機場，入境前，部份團友到辦事處辦理落地簽証，呢度辦理簽証比香港機場少人，我地去找換店對換台幣 (約 100台幣 = 25 港幣)，然後過關，排隊約15分鐘，過程順利。

台灣同香港時間係一樣，冇時差，天氣好好，氣溫超過 30度。

等齊人後 (約40人)就乘旅遊車開始旅程。

途中見倒好多賣檳榔的辣妹，樣貌參差，但大部份都打扮性感，係台灣獨有特式！

深坑豆腐街

約 5:30p.m 我地就到左位於木柵既深坑老街，成條街兩邊都係賣台灣食品既小店及檔口，有烏龍茶，綠豆糕及各種豆腐小食等。好多都可以試食架！

最多及最出名係賣臭豆腐， 20台幣一串兩大件，好好味！

條街唔係太長，不過呢度係旅遊熱點，遊客非常多！

我地買左Ｄ小食，大約留左一小時就開始去"美麗華百樂園"！

美麗華百樂園

去到美麗華已經係 7:00。呢度係五層高兩座雙連既大型娛樂購物中心，內有高級餐廳，百貨公司，華訥電影院，誠品書店。

最特別係有全亞州第二個於購物中心頂層建造既巨型摩天輪！夜晚特別靚。

美麗華對面有幾層高既大型超級市場"家樂福"。除此之外，附近好靜，因為係商業區。

有接駁巴土到捷運劍潭站。

士林夜市

8:30p.m 到達台北最出名既士林夜市，士林夜市分開食野(室內大排檔) 及購物兩區，相隔只係一條街。

我地先去醫肚，呢度實在太多選擇，有好多特式小食，所以行左幾過圈先決定到其中一間大排檔食炒飯，米粉及到另外二間品嘗珍珠奶茶及甜品。

呢度Ｄ炒米粉飯好細碟，唔係特別好食，不過環境好乾淨。大排檔外有好多攤位遊戲，非常熱鬧又有氣紛。

食完野，我地就到對面既購物區行街，購物區人山人海，好似香港女人街+花園街+廟街，亦有好多小販賣台灣特式小食，我地食左"素食牛舌餅"，15台幣一大塊，熱辣辣，非常美味！

士林夜市對面就係捷運 (類似輕鐵) 劍潭站。

約 11:00回到酒店。

世聯商務飯店

樓高 8層，頗舊，其貌不揚既三星酒店 (叫旅館較適合)，大堂細少，只有一部升降機，約只有40間房。

我地住 8 樓，入到房感覺就好好多，房間大，清潔，有兩張 queen size 大床，雪柜，飲水機，風筒一應俱全，浴室都好大。

台灣共有超過一百個電視台，香港電影，電視劇都有得睇，不過係講國語。深夜仲有台灣辣妹行行企企既寫真睇。

酒店位於松江路90巷，唔近捷運站，附近較靜，行出大街有便利店及食店。