忠烈祠
今日係行程最後一日，天氣好熱，約9:15到達旅行團必到景點"忠烈祠"睇軍操換班儀式，入面已經有好多遊客，日本人最多。
軍操於 9:00已開始，每節半小時，每一個小時有一次軍操表演。
軍操雖然係為遊客而做，但係佢地都非常認真，不露笑容。
大門口及忠烈祠分別都有兩位士兵把守，遊客可以企嚮側邊同佢合照。
我地都有同佢地影下相。
| 第三日 |
| 19.9.05 忠烈祠> 故宮博物館> 山地農特產中心> 鼎泰豐 > 九份山城 > 中正國際機場 |
| |
|
忠烈祠 今日係行程最後一日，天氣好熱，約9:15到達旅行團必到景點"忠烈祠"睇軍操換班儀式，入面已經有好多遊客，日本人最多。 軍操於 9:00已開始，每節半小時，每一個小時有一次軍操表演。 軍操雖然係為遊客而做，但係佢地都非常認真，不露笑容。 大門口及忠烈祠分別都有兩位士兵把守，遊客可以企嚮側邊同佢合照。 我地都有同佢地影下相。 |
|
 |
故宮博物院 10:15來到世界四大博物院之一的故宮博物院，外觀設計好有中國特式，展覽館內有記念品商店，咖啡室，似香港Ｄ博物館。遊客極多！ 博物院收藏珍品繁多，分別展示於兩個展覽館內，其中人氣最勁既就係清末時代用玉雕成的""翠玉白菜"及"肉形石"，確係鬼斧神工！其間有團友影相，給職員喝止。 女友對展品冇興趣，去左商店買記念品。 博物院現正進行擴建工程，預計明年秋季完工。 (捷運士林站轉的士約 77台幣) |
|
山地農特產中心 我地約 11:30離開故宮後，導遊開始落力推廣靈芝及蜂王漿，慫恿團友於下站購買。 12:00 來到正名 "毛家公主"的靈芝及蜂王漿推推銷中心，一位穿民族服裝外貌普通的邵族公主出來迎接。接住又係一個推銷講座，講座完畢後，推銷員給我地試飲一小杯蜂王漿，然後又再熱情銷。大部份團友都冇興趣買，小部份團友就同邵族公主合照。約一點離開往吃午餐。 回旅遊車上時，台灣的攝影師把團體相給我地選購，我地買左一張, 200台幣。領隊亦把昨日訂購的手信交比我地。 |
|
|
|
鼎泰豐 1:30到達位於忠孝東路四段既鼎泰豐分店，門外有好多人排隊等叫號碼入座，我地旅行團都要輪後左一陣。台灣鼎泰豐係世界10大餐廳！ 比起昨日經過位於信義路二段既本店，呢度唔算太多人。 旅行社安排炒粉、炒飯，幾款小籠包，包括至出名既蟹粉小籠包，每人一粒！雖然份量少左Ｄ，但係非常好食！ 食完飯，我地去左附近既金石堂書店睇書。 |
|
|
九份 大約一小時車程，3:45p.m 就來到旅程最後一站"九份"，九份位於台北周邊半山上，遠離市區，環境非常之靚，背山面海，呢度有渡假屋及茶館，大部份都擁有無敵海景，好正！亦都係影靚相既好地方！遊客繁多！ 我地主要行一條最熱鬧既街"基山街"，街兩邊有好多茶館，賣手信及特式小食既商店，好多都可以"試食"，雖然導遊話呢度Ｄ鳳梨酥唔好食，但我地覺得味道唔錯，女友買左鳳梨酥及芋圓。 "基山街"雖然唔算好長，不過部份係斜路，仲有一個影相位 (左圖)要行好多樓梯，都幾倦，所以我地去左近基山街口"老友號芋圓"食糖水休息一下。其他出名小食有牛肉麵及芋棵等。 約 5:15p.m 我地就沿住窄小既車路下山，欣賞日落美景離開九份。(由於山路狹小，天氣差就不宜去九份) "基山街"環境好似香港既赤柱及京都既清水寺手信街。 (台北乘火車至瑞芳，約 1 小時車程，轉的士，約 15分鐘(150台幣)) |
|
|
 |
|
九份其中一間茶館
|
基山街
|
 |
中正國際機場 領隊於車上收取每人$240服務費。因為遇上少少塞車，所以約 7:30才到達機場 - 第一航廈。呢個機場禁區內外餐廳及商店都唔多，所以唔好諗住嚮度掃手信啦！ 辦理出境手續既 counter 少，而且慢，所以排左超過 20分鐘以上先入到禁區。 9:30乘中華航空回港，回程除左起飛既離心力大Ｄ外，全程都穩定好多，飛機餐係肉醬麵包，味道幾好！11:15到回香港！ |
| Day 1 | Day 2 | Day 3 |
