第四回．浴室大戰
上回講到王子丙被困入籠中。
過了一夜後……
睡眼惺忪的王子丙天光醒來，伸個懶腰，定眼一看，便看見“媽媽”眼定定的看著自己。
丙心想：做乜呀你！訓覺都望，未見過靚仔呀！
媽媽：傻丙丙，你都幾「拿查」(污穢)喎！等陣你驢爸爸來探你，等佢來到同你沖下涼先得。
丙：沖涼？我平日慣左自己沖的喎！乜野幫我沖呀？？幫人沖涼好唔合衛生的喎(因為兔子是自己梳理毛髮)
@@@@@@@@@@@@@@@@@@@@@@@@@@@@@
驢爸爸到後便帶王子丙入浴室，小丙一入到浴室便看一盤泡泡水。
丙：嘩！你搞乜呀？你唔係打算放我入去麻？(記住兔仔係好驚水的)
驢爸爸：傻丙丙，你咁「拿查」(污穢)，真係要沖返個泡泡浴呀！
為了保住小命，嬌生慣養的王子丙作出生平第一擊，我咬！成功殺退驢爸爸。
之後雙方進行一輪混戰，王子丙的招數包括咬、跳、跑，總之就出盡渾身解數，務求逃出生天啦！
而驢爸爸亦不弱，其招數包括拿、擒、抓，輔以水攻，勢必要令肥丙丙就範。
雙方經過一輪激戰後，兩軍主帥元氣大傷，決定暫時鳴金收兵……
遺下零亂的浴室讓媽媽執手尾……
欲知後事，且看下回分解﹗
第五回
上回講到王子丙被捉入浴室沖涼，經過一輪混戰，雙方鳴金收兵……
媽媽：嘩！丙丙沖到濕水鴨咁！快d拎去吹乾d毛啦！
驢爸爸：我都係咁諗，咁我負責拎佢去吹乾啦！
被抱在懷內的王子丙呼叫著：“乜野鴨呀！我唔係鴨來的，你地又想點呀！我唔係人咁品的喎(的確係事實，丙都唔係人)”
當驢爸爸用風筒對著王子丙，並且按動按鈕以後，可怕的事情便發生了，只聽見一聲慘叫……驢爸爸三點的其中兩點的其中一點……中招了！！！王子丙的確沒有講大話，佢的確唔係人咁品……竟然用咬……
就是這一招致命的一擊，結果在以後無窮的歲月之中，也沒有人有勇氣為王子丙吹乾牠的毛髮……
王子丙成為有史以來，兔仔界的傳奇兔物，為丙界歷史寫下新一頁……
欲知後事，且看下回分解﹗