|
 《小王子小丙丙傳》    
第一回．王子蒙塵
唔係好耐以前，在一個唔係好遠但都唔知有幾遠的星球，有一個王國，而我地的主角小王子小丙丙．法蘭克里姆林宮二十八世就係王國第108位王子，亦是老魯國王的小兒子。有一日國家發生內亂，老魯國王失蹤，諸子爭位。王子丙丙流落異域---地球。
初到貴境，人生路不熟，無以維生，惟有街頭賣藝啦！誰不知賣藝期間慘遭虜走，堂堂王子淪為寵物店之貨品---兔仔。言語不通，身陷困境。王子身陷寵物店，不知如何是好之際。回頭一望，赫然發現牢中清一色都係同類，有白種、灰種、混種各式各樣的同胞。一問之下方知牠們大都是從星球移民之後代，當中部份更是從星球移民來的。
從牠們口中得知部份人類會把牠們囚禁，一部分把牠們當作補品，更有部份把牠們用來造大白兔糖來吃，王子丙聽了心中不禁一寒。這時回頭一看，只見一根手指頭在外面指向自己。
王子眼見自己被一根手指指往，心想：“究竟搞咩鬼！”。於是走前一看，赫然發現一座龐然大物----人類。只見一對男女有講有笑，王子不明所以，但牠的同胞們卻流露出驚慌之色。
有一隻兔仔說：“佢地睇中你呀，王子”丙丙這時異常驚慌，在牢中不停逃跑，希望再見不到那手指，但手指卻死追著他不放。王子拼命奔跑，手指突然不見了。王子心頭一定，一心以為逃過大難。誰不知自己四腳突然離地，下面的同伴大叫：王子﹗
王子丙無助地大叫“我唔係野味﹗”。欲知後事，且看下回分解﹗
第二回．初到貴境
上回講到王子小丙被一對男女擄走，由於太突然，太驚的關係，王子小丙竟然嚇呆了，完成不懂掙扎。以下是擄走王子的男女的對話：
女：你睇呢隻兔仔幾乖，肯乖乖比人抱。
男：又真係幾乖喎！本來見佢全身啡色一d都唔討好,想叫你唔好買格嘞！
女：啡色幾好呀！襟「拿查」(污穢)麻！而且佢咁乖。
男：見佢咁乖，就帶佢返屋企啦！
@@@@@@@@@@@@@@@@@@@
之後王子丙就被一對男女擄劫到一個叫“屋企”既地方。
王子丙被那個女的抱著(挾持著)，突然那女的竟放開他，並對他說
女：兔兔你睇下，呢度係你屋企呀！
王子丙由於太驚慌加上多日無食飯，心軟腳軟，竟然唔識行，但他有很強烈的逃命意識，所以他採用……
男：嘩！呢隻兔仔原來係跛的呀！你睇佢係度爬。
女：佢唔係跛呀！佢細個麻，唔識行，等我抱返佢，等佢大個先比佢行啦！
欲知後事，且看下回分解﹗
  
第三回．鋃鐺入獄
上回講到王子丙由於驚慌到“唔識行”，未能成功逃生。
女：兔兔等媽媽同你改個名先，見你個樣“傻更更”，不如叫傻丙丫！
王子丙呆呆的看著那個一輪嘴在說話的女生，心想“你係咪傻架？，本王子咁聰明，邊度似傻仔！”
男：妹妹！佢個樣都夠傻啦，叫傻丙咪越叫越傻。
女：兔兔咁我叫你小丙丙丫，你反唔反對呢？我都知你唔會反對的嘞！呢個其實係好名來的呀！粗生粗養麻！
小王子小丙丙：我反對！反對！反對低格調名字！本王子乃法蘭克里姆林宮二十八世。你點可以叫我做傻丙！！！
女：傻丙丙！媽媽帶你去你間屋仔丫，媽媽一早佈置好曬嘞！
丙(用其丙星語)：乜屋仔呀！本王子要住王宮，養蕃狗的呀！
可是媽媽已在此時把王子丙放(困)入屋內。並說：
乖丙你睇下係咪好靚，好舒服呢？你間屋仔有齊一切所需的呀，有水樽、糧兜、木槺等等。(仲有四面墻)
丙：噢！大膽！做乜用個咁細既牢房困住本王子呀！你咪當我係囚犯，我乃堂堂王子是也。豈有此理！放我出去呀！放我出去呀！(王子以其認為最有效的身體語言提出抗議-----跑圈撞墻)
女：嘩！你咁鍾意間屋仔，咁有反應！真係好嘞！你就一世都住係度啦！
欲知後事，且看下回分解﹗
|