july

Chan's daily

２００４一月二月三月四月五月六月七月八月九月

２００３ 十二月十一月十月九月八月七月六月

寫得出就唔怕你睇!

bottom

九月一日晴

九月一~~不論中學又好大學又好~~好多都開學啦~

不過我就六號先開學~~前幾日去左旅行都冇得訓耐d~~

宜加終於我想訓幾耐就幾耐啦~~

不過訓醒左...竟然好似冇咩做~真係無聊~~

但又唔係好想開學~~好似仲冇心理準備咁~~~

但係又想可以開學~~因為可以住宿~~真係矛盾~_~

無聊ge一日就咁過去~~可能之前旅行太好玩啦~

你成日都有早堂就早d去訓啦~~仲講咁夜電話喎!!

九月二日晴

二點倒就番到中大倒啦~~因為要開會呀~~

開到三點幾倒啦~~開完諗住d freshman上完lab session啦~

點知好耐都未上完喎~~嘩~~唔係check e-mail都教呀.....

上完~~之後就同d freshman去左uc gym~~好彩book倒咋~

如果唔係要係嶺南打就灰啦.....

d freshman就打波波~~我地就去左uc can食tea~~

吹下水~~咁就五點幾啦~~又走去趕校巴~~岩岩好有車呢~

去到都一兩個人咋~~一班人竟然去左kfc食~~不過有人請~~算你啦~哈~~

坐倒又吹下水~~比歐基睇掌~~我個掌都好似唔差ga~~哈哈~

之後你打黎~~知你補完習得自己一個人食~~

咁我就陪下你食啦~~哈~~叫你去kfc又唔去~:-p

咁就去左m記食啦~食完同你行左陣~~

行行下撞倒sophie同wannie~~佢地有話你可愛咩~~

我又真係聽唔倒呀~:-p

幾蚊就開心~~真係抵啦~~哈哈哈

九月三日晴

今日朝早去左唱k呀~~本來諗住係遲到ge~

點知又岩岩好夠時間喎~~不過去到一個人都冇~~

等左一陣~~一向會遲到ge中鋒竟然第一個到~

一向守時ge阿v竟然遲到~~哈~~真係風水輸流轉啦~~

唱到二點幾倒就走lu(其實我都唔係好記得係幾點)

我同阿jack就諗住可以拎定d野番宿呀~~

點知d阿姐好唔好心情呀~唔比喎~咁就放左係阿翹度先啦~

之後就落lab~~根住就去左cc食tea~~根住就落嶺南場睇下d人打波~

睇左一陣就走啦~~因為約左你呀~~好趕咁去左旺角拎卷~~

之後就走番去尖咀呀~~因為約左你呀~~

d路我又唔係好識行~~攪到又遲多d呀~
同你去金鳳食~~都幾好食呀~~不過杯野真係好細~_~

又同你行左陣尖咀~~見倒john mak同miss wong喎~~

怕咩喎~~你又唔比人hi佢....

十點倒就送你番屋企啦~~因為今日都好累呀~~

番到屋企又執定d野~~因為聽日要搬宿啦~~yeah~~等左好耐啦~

早d訓啦~~唔係聽日你又唔知醒~~

九月四日晴

八點幾就起身~~九點準時去同你屋企~~

點不知你就仲未攪掂~~你阿媽都話你慢呀~

你姨丈又早到左喎~~咁就快快趣趣執好d野就行啦~

仲諗住你識行喎~~點不知原來係你唔記得仲有我d行李未搬呀~~

攪到上左西貢先再番番落黎~~之後入左停車場~

咁就拿拿林搬埋d野走人啦~~

開頭去左你果度先~好快攪掂~~

之後就去中大啦~~唔好指意我呀~~我係路痴呀.....

最後都識路~去拎key~~又走番黎搬野~~

諗住可以請你姨丈食飯~~點知又話唔洗呀~~

真係多謝曬呀~~^^

你就幫我執野~~點知到頭來都係冇咩執過....

走lu~~又到我幫你執~~點知你又唔志在咁~~

我仲好似急過你咁~~唔理lu~~

攪掂左~~走lu~~去左留下食野~~食到好飽呢~~

食完就走啦~~因為聽日仲要早起身呀~~你都要啦~~

恨倒啦~~又有得屈~~~我又要屈~~哈哈哈~~

九月五日晴

一早就番左去中文啦~~~

諗住行過可以用九龍塘mtr d電腦reg assemble添~~

點知勁多人用~~咁就搵阿jack幫我reg啦~~

好彩倒reg倒d頭果d je~~~thx呀~

番到去~~拎埋d行李~~開始執野啦~~

執呀執~執左成二個幾鐘~~終於攪掂啦~開電腦~哈哈~

不過等多陣就要走啦~~因為要去補習呀~~

遲左少少去添~開始補啦~~

一開就所以轉曬做英文真係有d難呀~~真係要努力啦~~

補完個大再同個細ge補~~發覺佢都真係好懶呀!~

補完就同你去左觀塘買電腦d野~

買完就走去ikea啦~~找黎找去都冇你去ge杯~~

我就買倒我要買ge野啦~~

買完就去左同你食屋人食飯啦~~都真係幾多人呀~

丹丹個樣真係幾大個呀~~唔怪之得人地當你係細路女咁啦~哈~

食完就走啦~~送到你去鑽石山~~你好似唔係好想走咁.....

番到中大啦~~沖完涼~~D人又話黎打牌ge黎咁耐都唔黎~

不過反到我有好多野攪~~唔黎就算~~:-p

九月六日晴

開學啦終於~~琴日自己差唔多成四點幾先訓~~

今朝就九點半起身~~都唔係話好難起身呀~

刷牙洗臉~~換衫~~搭車啦~~

d校巴好好好熱呀~~真係熱到爆呀~~

第一堂係4630~~CKT~~開頭仲以為係陳國本~~

好彩撞倒阿女je~~唔係就真係七左啦~

原來都好多yr3呀~~yr2同yr3大約一半半倒啦~~

我又唔信會比人屈機呀~~睇住我屈番人機啦~哈哈~

好快就上完啦~~大把時間~~咁就一班人去左飲荼啦~

咩喎~~~大食唔得ge咩....

食完就去左lab坐~~之後就去SC上356~~

嘩~~條友d英文..勉強聽倒啦~~

之後357就真係灰左啦~~都唔知佢講咩....

上左一堂就已經走左啦~真係聽唔倒~

去左med can食tea~~

根住又去上460~~還可以啦~~~

上完就出左去組聚啦~~真係好少有呀~

yr2都可以有得聚~~唔聚遲d就真係好難約時間啦~~

一班人出左去沙田~~開頭都唔知食咩好~~

未諗之前成班人陪我同jack去買雪櫃~~

哈~~比人話連樣都未見過就買添~~

真係買得好快呀~~前後都唔洗五分鐘~

之後就諗食咩好~~開頭話去韓燒~~點知最後又去左打邊邊~~

又係肥牛呀~~哈~~第二日lu~~

食到九點倒就走啦~~

番到去等d人黎都等左好耐~~點知最遠ge阿七就最早到~

之後d人先開始黎~~開頭又話打ge阿邦又唔黎喎~~太可惡啦~

打左四圈牌~~win左六十~哈~唔錯呀~打完都成五點啦~

阿jack又搵v仔d video黎玩~~真係笑死我地~~

五點倒就訓啦~~六個人訓兩張床~~真係破世界紀錄呀~

點解呢個sem又迫我自修呢~~唉~~

今個sem都應該幾辛苦呀~又多program又多project~

一開始唔玩....仲等幾時喎!!

你都玩多d啦~~唔好掛住做野住啦~

九月七日晴

今朝比人嘈下訓下~~咁就去到十點幾啦~

阿jack出門口我先岩岩起身~~好彩踏八都有車je~~

去到上346~呀~~好似都有好多program寫呀~~要努力了~~

又早左放啦~~咁就去左等人地落堂去洗房~~一班人係出面好鬼嘈添~~

菇毒...開頭我仲以為咩'孤獨'添~~真係死笑我....阿女你係得ge!!

去左蛇巴食飯~~食好耐都未食過ge頹飯~~~正!!

食完又去左lab坐~~remote得冇咁快lu~~可能多人用啦~

上355啦~~都ok呀~~至少係用中文教先啦~~都唔係話唔好ge~~

不過d gap位就......

終於都上過曬d major啦~~tutorial都add曬啦~~

要自己諗下上邊堂好呢~~

你就好啦~~可以煮飯食~~我就冇lu~~

今日d人頹左~~冇又通頂~:-p

怕嘈住阿jack~~所以都係唔好傾電話~~

不過又想傾~~咁就走左出去傾~~^^

今日冇想冷氣~~再成日咁想真係破產啦~~

九月八日晴

真係唔講都唔知~~~今日唔洗去上356呀~~

咁就所以去左洗房啦~~去洗三支香~~

第一次去erb ge lt~~都幾靚呀~~

每個位都有lan線同插頭~~犀利~~可以用黎比我叉電~哈~~

早左去~~點知個dr or又唔早放~~咁就等左成個幾鐘先落堂~

之後去食野~~嘩~~~咁多人...叫人點等喎~~~攪到買左去lab食~~

根住又上成四堂~~不過堂堂都唔知講咩~~灰....唔通真係全部自修..

之後就出去沙田啦~~點知出去到先知原來你係放七點喎..

總之唔咁早出黎啦...一出到黎你就係咁話人慢吞吞阻住你走啦~

諗住去食意粉屋~~點知又多人又唔係好平喎~走lu~

之後去左euro食~~唔係話唔好食呀~我覺得ok呀~~

不過你就覺得麻麻~

食完就同你去買rich~~咁岩撞倒你個fd~~

加埋你自己買果d~~咁就夠換sofa啦~~點知唔係即刻有得拎喎~

呵呵~~好想據為己有呀~~~~

之後d人黎打牌啦~gd~~點知打下又唔打下~~

又唔計錢ge~~咁就變左玩鋤d~~哈~~好順呢~~

連贏落去~~到最後輸番D~都贏倒十幾廿蚊呀~

成五點幾六點啦~~又玩六壯士~~~

又一次頹廢的一日

九月九日晴

今日真係唔到最後都唔識醒~~成十點三倒先起身~~

阿jack又唔早d叫我喎~~好彩都趕得倒十點八車~

落到去~~~飛notes ge~~~又係唔知講咩

lunch果時行過見倒綠色天地有d膠地版買喎~~

仲要係十蚊有好多塊~~咁就買左番去啦~

快快趕趕上埋346就番左宿啦~~

因為真係都幾眼訓~~

點知番到去又唔係好眼訓~~呀~~又攪左一陣野~~

睇左陣雜誌~~終於眼訓啦~~ 一訓就六點幾七點~

都冇人叫我地去食宵ge~又唔知幾點喎~~

好彩都唔係話好遲~~

d位都真係好迫呀~~好可惡呀~~

d freshman都唔等埋我地就食ge~

食呀食~~之後派利是~~點知自己竟然唔記得拎自己果封呀...

食完又飲酒啦~~同ie d人飲~~~個個都傻ga~~好似d酒唔洗錢咁~

不過~氣份好好~!!

食完就同邦慶祝生日~~哈~~~佢都醉到傻傻地~~

個蛋糕真係好好'食'~~哈哈~

食完野諗住番宿ge~~點知d人又話去食糖水~~

個個都去...咁咪去囉~~

不過食糖水果時氣份一般咋~~唔唔~~~有d野~

番到宿..ee..都唔係好夜咋喎~~不過都ok眼訓lu~~

同你傾左陣就訓啦~~

宜加傾親都feel倒你係好眼訓呢~~

feel到你上堂都幾辛苦呀~~>.<

九月十日晴

唔知係咪琴日飲左酒~~攪到今日都唔係好想起身呀~~

好彩有專車落sir走走 je~~個週會都好快攪掂呀~~

之後就同jack,alice,jacky同阿行去左蛇巴食~

食完就出去沙田唱k lu~~真係唔知點解自己會咁豪呢~~

都係果句~~"玩埋呢個星期~~"

咁多人都係得間咁細ge房~~都唔知有冇攪亂~

唱到成七點幾倒都唔趕人走喎~~

早走lu~~因為仲有下半場嘛~~哈~~

番完宿一陣就又出黎啦~~點知d時間又好早喎~~

不過費事話你知lu~~你組聚嘛~~冇理由咁早就叫你走~~

自己去食左d野~~行左陣~~~咁你就黎啦~~

同你去左ka yuk留下比份野佢~~~我又冇喎~~偏心!!

好快咁抽左野比你~~呵~~係咪好勁呢~?

送完就去usy啦~~約左人打麻雀~~哈~~

點知好耐都未黎~~我就已經暈左~

醒果時d人到整啦喎~~咁就開始打lu~~

唔知係咪訓左陣呀~~攪到好眼訓~~

最後輸左十幾蚊~~比你呀~?~~唔比喎~:-p

九月十一日晴

朝早訓醒~~應該唔係朝早~~係下午三點先岩~~

起身食下午茶呢~~哈哈~

薄餅鳥食到有d悶呢~~下次唔食lu~~:-p

食完我就番左屋企先啦~~拎左d衫呀野食咁~~

五點幾倒就走lu~~因為要番工呀~~諗住去買d面包~~

不過又冇胃口~~咁都係冇買lu~~

番馬會lu~~見倒stanley佢地~~咁梗係一齊入去啦~~

一開始都幾忙下呀~~放完beak之後仲忙~

傻ga~~忙到冇停~~d人都唔知係咪買完去訓~~~

完本可以加班去到二點半呀~~不過都係唔好lu~

聽日又要補習~~~又話左你知係放二點喎~

好彩宜加係番中大je~~放完工番宿真係超快呀!!

番到去~~諗住沖涼啦~~點知沖涼房果邊d燈冇開喎~~

攪到我唔敢沖涼~>.<~之後先知道原來d燈制係0係出面...

唔怪之得搵極都搵唔倒...

同你傾左陣~~lu~~你聽日都要早起身啦!!

九月十二日晴

十一點倒就起身啦~~

好彩plan定曬d時間~~刷牙~沖涼~

then洗衫+煮野食+收衫~~~做曬所有野岩岩好趕倒十二點半校巴~~

去到油塘d時間真係岩岩好呢~~

又開始補習~~d時間真係好快過呀~~

不過個中一就好似冇咩野補咁~~問佢有咩唔識又唔講喎....

諗住補完可以同你行下~~點知你又好遲先走~~

黎到我都差唔多要走lu~~所以都係唔好lu~

自己係沙田行左一陣~~之後買左m記上車食~~

仲諗住阿ray都番添~~又等唔倒阿光喎~

阿邦又唔同時段番~咁最後都係自己入去lu~_~

今日都唔係好多call呀~~

英超真係多人買好多呢~~~

諗住係坐最出果排係最早行得ge~~

點知都唔係~~要等好耐先走得....

番到去~~真係好快呢~~哈~~

九月十三日晴

學開ge第二個星期~~都仲keep倒識起身~~哈~

落去cc上~~不過行過門口就去左cc can食早餐~~哈~~

食完先去上~~真係唔知講咩~~可能係我冇心情上啦~~

(我宜加都真係唔記得上過咩呀...)

上完去左cc can食~~不過早餐都未落格~~~

咁就冇食野lu~~食完就行番去賤biu2~~原來都唔係話好遠呀~

之後又上堂啦~~諗落真係好多時間都係0係賤biu2上呢~

上完去左cc can食~~不過早餐都未落格~~~

咁就冇食野lu~~食完就行番去賤biu2~~原來都唔係話好遠呀~

之後又上堂啦~~諗落真係好多時間都係0係賤biu2上呢~

哈~~好勤力咁霸位上357~~因為坐得後就真係唔洗至意可以聽倒佢講咩呀~

不過上上下~~都係忍唔住訓左~_~

上曬D堂~~咁就出黎搵你啦~~

仲諗住黎接你添~~點知你都講錯地方GE~~

攪到我唔知行左去邊~~

襯你去左廁所時放左隻生日熊比你~~

點知你搵野果時都唔覺喎~~真係頓呀!!~

去左食二人餐~~都幾好食呀~~食完~

同你去左pk買左d野食~~咁就走lu~

踏二都有車喎~~正!~

番到去知你個肚唔係好舒服~~不過我又冇事呀~~

唔知係咪關頭先果餐事呀....

唔知有冇可能儲到五位數字呢~?

九月十四日晴

一早就同睡魔戰鬥~~~戰敗...

十點幾先起身...趕住咁出門口~~

點知去到原來未上堂喎~~早之就訓耐d先啦~_~

上完曬d堂~~本來諗住同阿jack出去買碗仔翅d料~~

順便出去番工~~不過離番工仲有成二三個鐘~~

所以都係唔出lu~~番宿訓下好過啦~

訓左陣就出去沙田啦~~去左小巴黎食tea~~

真係好抵食呀~~不過就叫左杯唔好飲ge野飲~

食完都差唔多時間lu~咁就去番工啦~

仲諗住今日會好忙呀~~點不知一個81call都冇喎~~

仲要係坐AG位~~真係好多時間都係好得閒呀~

撞倒阿roy呀~~正~~可以一齊搭的番中大~~咁又平d啦~

番到去~~~嘩~~~一陣冬菇味~~~~

同你傾左陣~~點知你都暈左ge~~~

九月十五日晴

唔係好願起身~~不過都起倒~~

唔係就又會好似琴日咁啦~~

朝早去左mmw上~~哈~~今個sem第一次去呀~~

真係好似坐得好前~~不過反正我都唔聽ge~~自己溫下書好過~

去左na can食lunch~~~真係好耐都冇去過na can啦~~

d蜜汁雞比真係幾好食呀~~

食完又去左九零九大飯堂等上堂~~

哈~~一二三個year ge人都有呢~

又開始上堂啦~~~林偉ge堂都有d心機上~~

不過之後460就真係灰啦~~d note又差~

又唔知佢講咩喎.....

本來諗住去上make-up class~~不過反正去左都唔聽ge~

咁都係走lu~~

番到去就聞倒一大陣味~~真係幾臭~~~

今次第二次見倒阿jack個女朋友~~個樣真係幾c文~~

攪左好耐~~點知最後唔夠馬蹄粉~~

嘿~~真係覺得自己好似一個奸商咁~~:-p

開始lu~~點不知第一個freshman竟然係uc ge 阿pal喎~~

shaw果d都唔知去曬邊~~

都算ok啦~~至少冇人話唔好食先啦~

之後本來諗住可以打機呀~~不過都係冇打~~

知道中鋒同世杰兩條死仔去左freshman間房~~

咁就衝左去踐場啦!~~

打麻將打到三點~~散lu~~d人去左睇波~~

眼訓~~都係訓lu~~

九月十六日晴

今日起得倒身~~哈~~~不過都係好眼訓呀~~

上左一陣就又訓左一堂~~訓到條頸好痛呢~

去左coffee con買外賣~~之後就一路上tuto一路食~~

覺得個tuto同lecture冇咩分別呀~~

上完又去左林偉堂~~點知冇note~~諗住去print啦~~

點知又唔可以縮print喎~~咁梗係唔print啦~~

上完就番宿啦~~食左d野~~咁就訓lu~~

教左鐘都唔係好識醒呀~~好彩阿jack叫我起身~~

七點就走lu~~去到火炭見倒stanley~~~

買包面包果時唔知係咪真係找多比我呢~~不過唔理lu~~

仲諗住一番到去係放beak添~~點知唔係喎~~

去到成九點先放~~好彩都唔係好遲je~~

頂~~個客好冇禮貌~~宜加唔係唔想比你睇~

而係真係睇唔倒呀~~

最後你咪又係死死地氣比個acount no.我!~超~>.<凸

本來番好眼訓呀~~不過番到宿又唔眼訓喎~~

咁就同你眼多陣計啦~~想ge就聽日send message比我啦~~

九月十七日晴

咁又到左星期五啦~~仲諗住可以試下可唔可以walk in添~~~

點不知原來宜加開始唔比喎~~~灰曬~~

早之就訓耐d啦~~咁冇野做就番左宿打機lu~~

打左陣~~咁就去左走讀生個大食會~~真係好多野食呀~~

真係食到飽曬~~又慳番一餐啦~~

之後等左陣就去左上頹廢人的問題~~

原來都ok呀~~講得都幾好呀~

仲諗住要走堂添~~正諗住走果時佢就落堂lu~~

仲出去搭轉堂校巴~~點知full曬~~

咁就搭循環線再轉車~~

去左log-on幫你睇支筆~~冇呀~~

之後就又話去tst~~又話去銅鑼灣~~

最後都係去左銅鑼灣~~點知都係冇喎~

冇啦啦買左條褲~~就當順下你意啦~:-p

同你係鐵匠食~~都唔錯呀~~不過你食得好少呀!!

又同你去左坑口~~都係冇喎~~死心啦~~

同你係坑口行左陣~~真係發現行過幾步就一間7-11呢~

好野~~有新銀包用~~~

得左啦~~你唔洗唔開心啦~

九月十八日晴

同你食kfc做午餐~~~個葡撻真係幾好食呀~~

食完就同你去左九龍灣行左陣~~

行行下終於搵倒你要果支筆啦~~~全靠我咋~~哈哈~

阿媽吹我番屋企lu~~咁就走啦~~點知又冇車喎~_~

仲以為好遲~~點知番到去原來都冇得食呀~~

食飽飽~~咁就溫書啦~~不過又睇下電視咁~~

又睇多次my sassy girl~哈~~楊千嬅配聲真係怪怪地~~

同埋都同字幕d意思唔同ge~

on左一陣line~~眼訓~~咁就去訓啦~~

可能真係操勞過度啦~~哈哈~~

今日溫左幾頁357~~~gd!!好ge開始!

九月十九日晴

朝早起身~~你又叫我早d陪你啦~~~

反正都起左身~~咁就出黎啦~~反正之後都補習~

都幾大雨呀~~好彩你黎接我je~~呵呵~~

行左陣就同你搭車去油塘補習啦~

係車上面見倒victor~佢都唔係講得好快je~~

哈~可能係馬會聽得人地講野多啦我~

落左車你先話我知原來佢dad都0係度喎~~

好彩冇爆粗je~~~

補習~~補數d時間真係快好多呢~~咁又240了~~正~~

補完就番中大啦~~點知岩岩miss左架校巴~~灰~

番到宿都冇咩時間啦~~食左個面~~~咁就要走lu~

諗住遲啦會~~點知比我搭倒架馬場車喎~~咁就攪到我反而早左喎~~

打比你諗住同你傾陣~點知你又打麻將~~算~唔阻住你lu~

番番下又叫人一二三四都加班~~都傻ge~~四點~~想死喎~

我想你都唔比我番啦~~~

番到宿~~你問我走唔走堂好喎~~真係好少有呀~哈~~

咁如果上左堂都冇用~~咁就真係不如唔好上啦~~

其實就好似我宜加個情況咁~_~

九月二十日晴

又一個星期ge開始~~琴日番完工~~今日都識自己起身呀~

可能宜加日日番學ge時間都一樣啦~~攪到習慣左~

拎左d蛋糕仔咁就出左門口啦~~

又係一路上一路上~~成日都係erb同tyw~~真係有d悶~~

係淨係今日先係去cc上堂~~

一上完堂就去左cc can啦~~遲d就真係唔洗食啦~

個飯又幾好食呀~~

一路咁上堂~~上到六點幾就去百佳買野煮飯啦~~

不過中大間百佳...買左雞翼呀菜呀蛋咁~

煮呀煮呀~~煮到九點終於有得食~~

最衰就係冇飯呀~~變左煮公仔面呀....

最後食唔曬呀~~好彩有阿暉黎清場~~哈哈~~

食完無聊玩彈紙~~阿女~你'合'埋眼咁好機會~~

冇理由唔彈你個頭啦~~呵呵~食到應一應~~

食完就去左阿行間房~~打左陣機~~咁岩你又打黎喎~~

之後打番比你~你又冇人聽.~

之後都係同你講左陣就收左線啦~~

有時唔係話唔想抽多d時間同你傾計~~

但係就係岩岩d時間就唔倒~~

特登去做~你知道可能又唔開心~

進退維谷~~

九月二十一日晴

如常咁去上堂~起身果時都好辛苦呀~~

好彩今日都唔係好多堂呀~~

上曬d堂之後就去左512搵人幫我攪個unix啦~~

原來係我個unix d位full左喎~~所以攪到我login唔倒~

之後就班人去左食tea~

果個都唔係沙爹牛面黎ge~~似係柱侯牛肉面多d呀~

不過又唔係話唔好食ge~

食完就去補習啦~點不知自己又行錯左月台喎~~

去到時間岩岩好~同樂研補番下d logus(係咪咁串呢?)

佢就好似話明..係咪真ga?

之後補vector~~呢個就應該ok ge~~

我教得好嘛~~哈哈~

補完就番中大啦~~番到校巴站見個天勁行雷呀~~

冇幾耐就落雨啦~~仲要係鬼死咁大~~

仲諗咁去na大笪地添~~冇lu~~

番左宿煮面食~~

之後就開始做357啦~聽講話ok難做喎....

一開始真係好似好難入手呀~~

不過做做下又有d進展~~一做就做到成四點~_~

其實覺得自己真係好鐘意計數~~

好以今日咁~~做左咁耐357咁都冇咩話想放棄~~

九月二十二日晴

聽日做357做到成四點幾~~

反正今日個lecture又變左做tuto~~

咁梗係訓耐d啦~~真係正呀~~哈哈~~

發覺d大佬人教書真係好唔掂呀~~

一係就好似357果個咁口upup唔知講乜~

一係就好似460果個快得滯~~

356果個仲衰~~上堂一路講一路打notes ge~

一個sem比左成二萬幾~~都唔知有咩用...

今日一上就上到第九堂~~咁就去左357tuto拎note~~

有人好似唔係好友善~~唔知係咪我心理作用呢~

番馬會lu~之前就去左百佳買野~~

點全場九折喎~~買左個飯食~~都唔洗十蚊呀~

去到時間岩岩好~~

發覺完來今日d波最早都成十二點先開喎~~

我諗都有排無悶lu~~

放beak果時見倒個freshman馬賽~~傾左陣~

上莊同馬會係冇沖突呀~~只係你自己識唔識分配時間je~

幾怕今日唔係二點半放我呀~~好彩都準時放~

一走就打比你啦我~~

有d想快d到星期五~
　

九月二十三日晴

今日上好少堂咋~~不過上355果時訓左~~呵~~犀利~~

醒果時都差唔多落堂啦~~~

原本ge食飯時間冇左~~去上tuto~~

好full呀~~因為係同d year3一齊上~

再上多一堂就番左宿~~執下野就同jack去左clinic啦~~

我就順便去book洗牙~嘩~星期五個醫生比人book到下年....\

book左星期四~~不過都要成十二月呀....

之後就去沙田買野煮啦~~

買買左撞倒v佬同alice~~咁就一齊買野~~

即沖芝麻糊....真係ok頹~~:-p

買曬d野~~咁多人分原來都係十蚊咋喎~~真係掂~~

乜竟然冇人食過薯仔餅呀?~~咁好食都未食過!!~~有冇攪錯~

煮起啦~~ee~~好似唔係多送喎~~唔理啦~~手快有手慢冇~!

食完就去左na啦~~有糖水食~~去到仲以為有咁多人~~

點知原來有一半都唔關事ge~~哈哈哈哈~~

食完就去左打左陣波波~~之後就去左邦間房~~

番宿lu~~又睇左陣357~~真係頭昏腦脹呀~~

之後同你傾傾下電話都唔小心訓左lu~~

真係幾時訓都唔知~_~你又唔叫醒我!!~我牙都冇刷呀....

九月二十四日晴

今日真係頹訓都得呀~~又冇週會喎~~

頹廢人又三點先上~~不過自己去唔去上都係一問題~

一訓就訓到成十二點~真係頹訓啦~~

食完野~~諗住打電話去問下請唔請倒假~~

點知請唔倒喎~~真係要迫我去clinic呢~~

阿jack話江x華好喎~~咁就booking啦~~

咁岩二點九有位~~正呀~~

準時去到點知三點先睇倒~~攪掂~哈~~

番到宿~~諗住洗衫啦~~點知又未得~~

再去果時見倒寫住張紙要排隊喎~~

咁岩岩個人又洗完~~我又趕時間喎~~唔理lu~~

要等你落黎先洗得~~咁咪有排~:-p

洗完~~掛起d衫~~時間岩岩好~~出去拎錢~~

係車撞倒alice同v佬~~我都想去踢呀~~不過最衰又冇時間啦~

去到荔枝角拎錢~點知helen連自己都唔記得約左我喎~

唔理lu~~有錢拎就得啦~~

自己ge所謂計劃完全失敗~~仲有反效果...唉~~

一路都攪到自己無咩心情~

同lulu同埋陳慧珊食飯~~去左意粉屋食~~好似好多野食~

但係食落..唔係好飽~~哈哈~

個winter一睇就知係新人啦~又比人罵喎~~

又好似一舊木咁企0係度~~睇靚女喎~唔知係唔係望你呢~哈~

食完去左ikea行左陣~~買左d野~~

之後就送左lulu番屋企~~

去到坑口仲以為冇車~~好彩都搭倒je~

你~~早d訓啦~~唔係聽日點起身喎~:-p

驚喜...都係唔好亂製做>.<

九月二十五日晴

訓醒就同你一齊食m記啦~~你未黎我就溫左陣書先~~

我真係好肚餓呀~~我食曬你自己都未食~~哈~

走果時好多人呀~~~預科輔導日真係好多人呢~~

搭架車都要等~~諗番~~自己兩年前都係其中ge一個人呢~

番到屋企~~差d就買唔倒油炸鬼呢~~不過五蚊條真係ok貴呀~

食粥~~食完果時就真係好飽呀~~

十點幾同阿媽落左街買野食~~呵~~入下貨先~

去到十二點倒就好餓啦~~又煮左d野食~~

諗住打下日記~~點知又要傾proj~~鬼叫自己聽日要番工咩~~

點知傾下傾下就三四點啦~~cool~~都唔知算唔算叫傾左野~~哈哈~

乖呀~~識自己乖乖地咁自己去訓~~抵錫~~

九月二十六日晴

今日又去補習啦~~

補之前就早d出左去~~因為約左你行一陣~~

點知等極你都唔出來喎~~等左四個字~~終於來啦~仲以為有d咩事添~

宜加開始淨係補個細咋~~得番百四蚊咋~_~不過都好ge~~唔洗補咁耐嘛~

其實咁低年級都冇咩好補呀~~

好似今日咁都係同佢對下d功課~~做下功課咁呀~~

補完好似仲好早咁~~諗番因為補少左個鐘嘛~哈~

行過恒生又入算啦~~嗚~~又三百了~~快d供完啦!!

番到宿都仲有好多時間呀~~不過執下野又要走lu~

因為番馬會呀~~番到去先知原來阿ray佢地放二點半~~

唔係就會三點半喎~~打死都唔三點半~啦~~

最大問題係佢連問我都冇問嘛~~

死都同佢講~~好彩最後都兩點半放~~正呀~~

又可以幾個人搭車~~平呀~~

點知又冇得番宿住喎~~因為仲要傾proj呀~~~

真係好鬼眼訓呀~~又餓喎~~

頹頹地咁傾到四點幾就走lu~~

番到宿見西維爾和緊添~~不過沖完涼就領先~~正~~

諗住睇到完場~~不過都係暈左~_~

九月二十七日晴

起身第一時間去睇賽果~~中曬~~哈哈~~

雖然唔係好多~~不過都夠我今個星期用啦~~

好快咁上曬d堂~~咁就等今晚做節啦~哈~~

之前仲有d時間就去左行果度打機啦~

你又會咁識做話比我打機ge~~哈~~抵錫喎~

打電話去訂pizza~~個接電話ge女仔又幾好傾喎~~

傾多左幾句~~呵~

又話十點幾先到~~點知十點都唔洗就到啦~

開大餐啦~~可能d pizza放左一陣~~好似冇咁好食呀~

食完同翹慶祝生日~~嘿嘿~~用d cream楂腳感覺係咪好好呢~~

發覺宜加d蛋糕已經失去左本身ge意義了~~^0^

清理完現場就出左去賞月啦~~

小朋友將街燈當做月光~~真係服左佢~_~

去到二點倒就散喎~~因為大家都好似好眼訓咁~~

我都幾呀其實~~點不知原來你都係好眼訓~~

真係唔似你喎~~唔通你有咩暗病~~:-p

九月二十八日晴

中秋節呀今日~~不過我成日都已為二十九日先係~~

不過唔理啦~~今日都唔係好多堂~~好快咁上曬~

咁就去左clinic~好順利咁拎左假紙~嘿~

之後就出左去沙田入數~啦~~~宜加間銀行宜係好啦~~

係拎籌~~唔洗排~~咁可以做多好多野~~

去左百佳買airwave~~之前應承過神童的~~

之後心血來潮咁買左d豬肉乾~~嘿嘿~

再去左馬會拎錢~~~

打左成半個鐘終於通啦馬會~~真係好慘呢~~

要求人番工~~不過冇法啦~~幫你唔倒~:-p

搭緊89x走~~去到彩虹好耐都冇29m~~

咁就搭27~點知冇轉乘喎~~灰....

番到屋企食飯~~~好多送~~唔食飯都飽死~~

食完就去左你屋企打牌~~輸左錢呀~~不過算啦~~哈~~

去左鑽石山睇戲~~諗住買爆谷~~點知好鬼多人排~~

攪到睇唔倒少少片頭添~~都幾好睇呀套戲~~

帶曬野玩ga~~點知你又唔玩喎~~車~~

九月二十九日晴

今日你地就去bbq~我都想去呀~~

不過仲有咁多功課要做~~點去得喎~~

送完你就番左宿啦~~諗住努力咁做功課啦~~

點知望住份346~~都唔知點做好~~

再諗住做355~~又唔知佢想人地做咩...

唔通真係要頹抄??......

十點幾你打黎話你走喎~~你又話玩到好夜ge~~

點知完來係唔好玩~~哈~~~

你一個人番去就記住小心d啦~~

同埋唔好又溫完溫到咁夜啦~~

成日對住份野~~唔識..真係灰~

九月三十日晴

起身番學~~上左車打比你~~諗住你未起身啦~~

點知原來一早起左~~仲要去左print note~~真係犀利~~哈哈~

其實今日真係有d無謂呀~~上完幾堂~~

聽日就又唔洗番喎~~

開頭我都唔記得聽日係唔洗番呢~~

成日都聽日倒人問你今日定聽日番屋企~~

之後先睇一睇~~原來聽日係國慶喎~~哈~~真係唔講唔知呢~

上曬d堂~~根住去上tuto~~真係好衰呀~~

個個都做快閃黨~_~

去左大埔補習~~basic ge都識曬~~

兜左少少彎就唔識~~真係要練多d呀!!

補完冇啦啦多左好多人食飯~~

去左大埔超級城食~~自己竟然識得行去~~真係奇蹟!!

食完就周圍行左陣~~大家都好似唔係好想番去做功課咁呢~:-p

番到去都成十點十一點lu~~

山長水遠食一食飯就走~~比我都話唔得閒~~

你明唔明呀~?