Hi!各位朋友

安迪直播室

歡迎光臨

2006年4月17日	23:55
時間, 疤痕, 停, 分叉路, 進, 人生 lee d 係咩黎? 我做緊咩?

2006年3月20日	01:55
第四次節目 今晚係第四次正式做節目, 原本應該係尋晚做架, 不過因為電腦及寬頻出現技術上的問題, 再加上突如其來的短訊, 令我今晚真係好想講野, 就係咁就要你地聽我廢up左兩粒鐘! 有時會發覺咁樣講野好似比傾電話更好, 無論我當時的心情是好是壞, 只要用歌曲就可以帶聽眾進入唔同的氣氛, 有時選中一首能觸動大家的歌曲, 就會得來熱烈反應, 或者就是這原因令我好想有其他人同我一齊玩啦! 三個星期問自己重複的問題, 發覺開始有些微好轉, 但一個 sms 令我思緒混亂, 令我回到起點, 3 個 6 番大陸呀! 尋晚最終我都冇 send 到, 冇打到, 冇任何回覆, 因為覆左都唔知會發生咩事呀! 今日聽到一個好得意的字眼 "轉會", 我要轉會~~

2006年3月14日	02:18
第三次節目 今次係第三次做節目, 依然都係要做好多既測試, 大細聲開始捉摸到, 輸出的效果及連線還要下功夫去研究一下, 講到節目方面就真係唔好意思, 乜都冇準備就搵左你地黎測試, 好彩個氣氛都幾好, 再加上客席主持JOEY同我一唱一和, 我自己聽番都覺得好好笑, 好心急等緊多 d 人一齊玩, 編劇個稿快 d 搞掂就好la, (唔係吹你呀,阿琪!) 期待下一次的節目!

2006年3月9日	15:06
網上廣播站 網上廣播站名稱: 霹靂802 (暫定) 節目監製: Perry, Andy 技術支援: Vincent 廣播劇編劇: Fayma 廣播劇監製: Andy 廣播劇剪接: Vincent, Andy Operator: 阿均 歌曲管理: Perry, Vincent 男主持: 小 K, 安迪 女主持: 琪琪, 小力 暫定逢星期六晚(節目表稍後公佈)

2006年3月9日	0:25
短聚 尋日同左阿妹s去食野飲野，佢地帶左我去德米創作料理(似中式和民，正確黎講係中日fusion菜)，d野食同和民一樣好細碟，岩哂我地 3 個人，人少少都可以試多幾款! 不過咁既環境加設 live band 有點怪, 但整體都幾ok! 食飽之後佢地又帶我去見識見識, 間餐廳環境又幾好wor，氣氛同裝修都唔錯! 成晚最好笑係唔知講開d 乜, 無端端有人同我講"佢比我, 好正, 我好舒服, 仲要濕哂tim", 佢真係乜都講得出架!

2006年3月7日	04:25
超爆忙 好忙呀!好忙呀! 幾日都係做做做, 雖然冇時間開台, 冇得去玩, 但係忙得又幾開心bor! 最開心係識到新老闆朋友 ROGER, 如果我係女我即刻撲埋去, 好耐未識過筍野! 我都要以佢為目標先得la, haha!

2006年2月26日	23:38
第一次做 DJ 講左好耐想試下做 DJ 都係得個講字, 尋晚(25/2/2006 11:10pm)我終於開台la, 原本節目的編排係頭半部由歌曲串連成一個小故事, 故事開頭係比較傷感, 但竟然你地問我係唔係有咩唔開心, 搞到我好 warm 呀! 最開心既係...節目差唔多完的時間, 收到好多 message 問我會唔會定期開台, 拿拿拿... 你地唔好逗我開心呀, 我做節目果時要支持架, 兩小時的節目準備得唔係太好, 又食鏍絲, 又撞嘴, 但係都估唔到有咁多人支持我, 我會練習多d, 希望下一次可以做得好 d, 之後就可以定期開台啦, 多謝每一位朋友的意見同支持, Thanks! 我仲未諗到個節目名呀, 娘娘地叫住"安迪直播室"先啦!

2006年2月24日	00:38
偶遇 一個素未謀面的人, 兩次的見面, 唔夠三句的對話, 認識左四日, 相約在星期五, 完全冇刻意去安排的感覺, 特別好, 今晚跟新朋友食左一餐飯, 傾唔開心的往事, 但只有輕鬆同開心的感覺, 學佢話齋今晚突然間多番好多正能量, 唔該哂wor!

2006年2月22日	23:58
驅殼 心情反覆, 沒有目標, 做事提不起勁, 病情好像沒有好轉! 真的好想問, 她的衣物, 用品, 我給她的東西她都帶走, 但為何她帶走我的心, 卻不帶走我的驅殼, 是遺忘了嗎?

2006年2月21日	23:46
生活枯燥 lee 個又學西班牙話, 果個又學結他, lee 個學吹笛, 果個又學車, 為左令生活唔好咁枯燥, 我應該學咩呢? 學番琴, 唔得唔得, 學... 諗唔到wor! 就黎變廢人la!

2006年2月20日	01:20
突然間發神經 今晚覺得自己特別感性, 真係好想唱句"心裡有話想說", 一口氣同不同的人講左好多唔同的說話, 好想話比朋友知, 好想好想, 可能好多時收o向心度怕對方的人同感覺都會一走了之, 可能我怕走左我會唔捨得, 所以我之前除了學識"掛念的時候說掛念", 現在還學識想講就要比對方知, 老唔老套我唔理la! 總好過人地走左先後悔!

2006年2月15日	00:10
同陳大小姐睇戲 今晚同左兩個陳小姐睇真的愛你, 睇戲前陳小姐提意去"無限好"食車仔麵, 咩呀? 你講咩呀? "極之好"下馬? 跟住就笑一餐, 食完野趕住過去戲院, 點知陳大姐撞到朋友, 我同陳小姐快步閃過去, 行行下收到陳大姐打黎:"喂...你地去左邊呀? 我o向百老匯門口呀!" 唔好意思wor, 我地係去朗豪坊睇wor, 跟住又笑一餐! 套戲都 ok 啦, 但入面有個情節令我憶起一個可怕的畫面, 竟憶起上年我在醫院的一幕, 又會咁gei...haha

2006年2月14日	22:10
沒有情人的情人節 放工即刻去左黃金買 1GB Memory Card, 睇左 5 間終於有一間係平 d 既($10蚊), 行行行...行夠睇夠la, 不如去打鋪機先啦, 可能今日想打人呀, 1蚊 KOF 贏左 10 ROUND, 打完就閃番屋企搞野(電話)! 出黎做野之後, 今年係第一次真空的情人節, 別人口中的"鬼節","仇人節", 在我眼中好似沒想像中那麼壞, 反令我充滿好多甜美的回憶, 收到舊情人的一個短訊, 她對我說好多謝我提早同佢過左一個咁難忘的情人節, 令我增添一份暖意!

2006年2月13日	23:42
天台的花園 今日的最後一站去左沙田, 5:30pm 已經走得la, 朋友話沙田新城市廣場的 7/F 開左個好靚的花園, 咦...時間尚早, 走去八掛一下先, 嘩...估唔到商場人員真係花左唔少心思, 最開心係有得點歌架, 回想起讀書時代, 學校逢星期五的 LUNCH 時間都會有一個叫"樂韻訴心聲"的點歌環節, 唔知你地讀書果時有冇點過歌呢, 係唔係點比初戀情人呢? haha...搞到我超想點歌呀! 約左個朋友仔在此一聚, 當然點唱的時間亦岩岩好啦! 歌,境,人(我)都咁正!

2006年2月8日	00:38
等於不等於 好朋友跟我說一路以來她向著正確的方向一直向前走, 路途中出現了很多障礙, 無論身邊的人如何叫她放棄, 但她一直堅持著, 昨晚收到她跟我說放棄的一個電話, 更正明我們應該去接受, 接受一些錯的事, 點解會咁可悲? 點解正面的思想換黎錯的結果, 唔通明知錯的事反而要去接受...

2006年2月7日	00:35
約會 今日最後一個 JOB 要去中環, 咁我就順便搵埋 TAMMY 叫佢陪我行街睇下野, 點知比佢捉左去荃灣, 有兩個好重要既任務, 今晚一次過做哂, 首先去左 pccw 睇下有幾多貪心人(排隊攞 3G 電話點知勁多人), 跟住就上左去李健度講數(上去報名點知龍蛇混雜), 最後我都冇做到我想做既野! 好肚餓呀...去左 Dining Room 食飯, 食食下飯用 sms 黎講人是非我都係第一次, 哈哈!

2006年2月6日	23:56
新的領會 今天發生左一件好奇怪的事在我身上, 對於從來買旗只用兩蚊的我, 成日提屋企人唔好比人扼的 我, 今天在灣仔一個英國男人跟我說他的行李不見了要過幾天才有錢, 我便給他100蚊, 他還說 稍後會還給我, 不知道為何我會相信他, 更跟他說不用還給我, 之後我竟然心情舒暢! 古怪... 更古怪的是我自己一個人去左書局睇書, 可能都係近來在我身邊的事物影響了我許多!

2006年1月21日	00:48
休閒的一天 今日執呀執呀執呀, 間房似番房樣, 仲好無聊走去佈置間房....嘩! 好閃...我落到樓下都睇到呀! 幾時可以有"完美的一天"呀! 發完夢電話響, 就係LEE 個電話我地就做左一樣我好耐未做過又好想做的事, 出發!!! 我好手痕呀, 好想揸下, 上完飛蛾山落黎果時都話左會出煙架啦, 司機有d 驚, 唔洗驚wor, 我都未驚過, 希望下次用薯仔架車啦, 一定爽爆! 你地 3 條友仔食薯片就食啦, 猛咁引我, 好彩我有定力啫!

2006年1月20日	00:48
《孫燕姿香港演唱會Part II》2006 今晚因為唔想番屋企悶, 所以去睇孫燕姿演唱會, 雖然好多歌我都唔識, 但係冇諗過咁正wor, 原來佢真係真係好唱得架, 搞到我番到屋企的第一件事就係 download 佢 d 歌黎聽, d 歌真係好有意境呀!

2006年1月19日	01:14
團年飯2006 我個喉嚨好似想死咁wor, 咳死我la, 我今日都好乖, 冇食沙爹, 喇沙, 淨係食左番茄薯仔湯底, 我仲一粒辣椒都冇加, 不過同佢地班癲人真係想笑死我, 漬死我la! 歐大姐真係好爆笑, 戴老師係傻架, 成晚好多 IQ 題, 又有氣功師傅O向我隔離發功, 全世界最貴既金菇係今晚的口號, 氣氛相當好, 希望每年都可以一聚啦!!!

2006年1月15日	22:30
迷糊, 模糊 開心的事竟變得模糊, 好像做錯事, 但又想有支持, 身上好似欠缺一部抽濕機, 可能時間才能把迷霧清除!

2006年1月14日	23:50
即慶(笑話) "已經夜晚 8:00pm lor bor, 咩話番大陸, 你唔係講笑下馬" 就係lee句對話我地即刻組隊出發, 去到羅湖埋到過關櫃檯竟然有人同我講要等陣, 已經比後面的人啤住, 我地行去後面再搵真d, 我已經叫住Chris check 多次有冇帶齊野, 佢話阿媽見住佢放回鄉card落袋點會冇身份証, 跟住打番屋企問, 點知... 搞到我又嬲又笑, 佢真係勁呀!

2006年1月13日	23:38
突然的約會 冇得唱 k, 點知有兩條友叫埋我去行街, 咁我6:00就去到尖咀等佢地, 估唔到地鐵站撞到一個好似歐惠儀既人, 再睇真d原來真係佢, 嘩...比佢嚇親, 估唔到佢fit 左咁多, 跟住兩條友去左打機, 打打打, 打到 8:00pm Cathy 同阿政先到, 不過有兩美相伴就算啦, 食完飯, 跟住佢地去睇野, 大開眼界, 好搞笑! 原來你係問題少女, 真係估唔到wor! 希望你個病快 d 好番啦!

2006年1月12日	23:58
期待的聚會 今晚終於齊人la, 亂打亂撞去左一間好正既餐廳, 氣氛, 環境, 食物, 全部都幾好, 當然有個傻珊笑料就梗係特別多, 小克勤個公事包實在太得la, 佩服! 我地今晚影左 d 搞笑相, 仲識左餐廳老闆, 當然唔少得叫佢幫我地影張合照啦! 唔知你有冇玩冰, 打棒球, 同帶公司包番工呢?

2006年1月1日	04:52am
2006年, 新年快樂 新一年有好多目標, 自己都唔細la, 係時候好好反省下之前做過以為自己做岩的錯事, 自己控制到的事應該認真做好, 自己控制唔到的事不需再做任何多餘野! 05年發生左好多事, 太多令我唔敢相信的事全部都發生在我身上, 我知道lee d 都係對我的考驗, 今日就好似派成績表一樣, 我合格la, 我唔想身邊愛我的人再為我擔心, 因為我都愛你地!

12月27日	11:58pm
心結解開 經過幾星期的努力, 終於等到今晚的來臨, 雖然今晚初頭有少少阻滯, 但過程都總算順利! 浪漫的氣氛, 有情調的音樂, 幾份花心思的禮物, 兩人處身在"大地魔法陣"之中碰杯, 整晚我倆的心情都很好, 也許這個回憶將令我倆畢生難忘! 雖然好多朋友會關心結果, 但我反而覺得過程先係最緊要, 好多謝你地幾個兄弟咁幫手, 這晚才能夠順利進行! Thanks!

12月27日	14:50pm
也許... 一個月的時間已過去, 期待已久的今天, 一切已準備好, 帶著忐忑不安的心情, 也許完結就是解脫, 這一刻我只好在房間中舒發我的感情, 希望在迎接的一刻傷害會少一點...

12月14日	12:50am
簡單的短聚 今年柏林o既生日真係要記低, 我真係覺得簡簡單單可以坐低聚一聚, 感覺實在太好! 你知嘛小克勤? 每次你都有一份心思係無人能及gei, 我真係要學下先得la! 估唔到今年送比你的禮物係一段心聲, 這份心聲你摸不到, 但你有需要時希望可以擁抱著你的心靈!

12月13日	01:40am
一年一度的約會 lee 幾日我好多野要寫, 不過我又好唔得閒wor, 要過幾日補番寫先! 明天就係一年一度的約會"第二炮", 希望明天可以齊人啦!^_^

12月11日	12:40am
BBQ 驚喜 去左劉星花園 BBQ, 我就話左比果度 D 人聽薯仔生日, 點知我都未叫佢地準備, 就有人播生日歌, 我仲諗住衰左, 做唔到第一個tim, 點知佢地突然間走左埋黎, 薯仔個反應真係比佢嚇一嚇, 仲要有條友帶住面具走埋黎咀左佢一淡tim! D 野真係唔流架, 好好味 ... 燒完個野食仲打左陣麻雀添, 原來唔洗錢ga, 好想開檯好耐架喇 ... 今晚終於有得打喇 ... 仲 win 左少少添...haha

12月9日	02:20am
病 今日同左幾個老友去睇"如果．愛", 阿琪問我覺得好唔好睇, 睇完我對套戲好似冇乜感覺, 只有一些關於自己的感覺, 之後大家各自回家, 我就去左散步, 自己的情緒好似唔同以往, 一件衫, 一對鞋, 一張椅, 一級樓梯, 一套戲, 一首歌, 原來都可以影響到我, 原來寧靜地合埋眼就會不段重播片段, 可能我真係病左...

12月7日	12:20pm
好凍呀 今日好凍呀, 真係唔想起身, 可以冬眠就正la! 尋晚同 CHRIS 傾計, 佢真係大個左, 好似比我睇得通放得開, 反而自己做唔到, 原來一個只是問路的電話可以咁緊要!

12月4日

19:50pm

請原諒我的任性 尋晚我上左個 friend 屋企, 同左幾個死黨飲野, 好多謝佢地陪左我咁多晚, 我回覆正常ga la, 唔洗擔心 尋晚第一次飲到咁醉 , 雖然我飲到冇力企起身, 但係我都仲記得我做過 d乜, 真係失禮哂, 情緒唔係幾受控制, 我已經飲到唔知道 d 酒咩味 , 我真係好咋, 要你地幾個扶我, 我仲記得我無端端唱"閉目入神", 一聽到"老婆"好鍾意的英文歌, 我就控制唔到自己 , 雖然妳成日話唔識安慰人, 但尋晚好彩有妳o向我身邊, 我覺得好溫暖, 我會記得妳同我講的說話, thx! 至於你, 我真係覺得同你講野可以好多野都"在心中", 你呀, 你呀, 我唔係基ga, 多謝你lee個兄弟! 而相識七年的妳, 我對妳唔講老土野la, 不過非常唔好意思, 搞到妳個地..., 我仲記得果d野係紅色gei, 訓左妳張床tim, 搞到妳成晚冇得訓, 總之我欠左妳啦! 尋晚有人問我 card 密碼, 又有人話我"仲識唱歌gei", 你隻襪中左招, 唔知邊個講老虎那, 總之我飲醉左我都知道自己做乜ga, 係控制唔到自己啫! 總之要同錫我o既所有人講聲"對唔住", 我會乖乖地ga la! TO: Vincent 我知道我地講 d 野你可能唔知, 唔明, 但希望你唔好嬲, 因為我並冇將整件事講哂比所有人聽, 只係我需要講野果陣, 邊個o向度我都會講ga, 唔係特登唔講你知! 總之要多謝你關心啦, thanks!

12月3日	01:10am
灣仔88任飲 我未試過咁飲野ga, 可以任飲我都只係飲左 5 杯咋, 下次一定要飲多d! 其實我唔想比人睇到我失禮的一面, lee一個星期前應該冇乜人見過, 但今個星期......, 我明白你地講乜, 可能有心結未解開, 使我有一份執著啦! 要你地勞氣tim, sorry! 我o向IFC迷路呀, 好彩左兜右兜終於比我出到去咋, 最衰捉唔到果條友落中環, 如果唔係就有人陪啦!

12月2日	02:10am
失而復得的感覺 真係估唔到一直以來覺得好困難的事, 竟然在尋晚發生左, 雖然近日的事影響我太多, 但能夠同凱儀傾番電話, 能夠同你做番 friend 真係太開心, 我都估唔到同你失散左咁耐可以相認番, 希望你o既煩惱可以早日解決! 尋晚真係要多謝你!

11月30日	01:10am
我要大叫 夜了又破曉 夜了 鐘上擺臂在搖 似苦等天邊破曉 夜了 我比鐘臂更無聊 你知不知道不再緊要 是我讓你走 是我親口說你不必逗留 明白你動搖的心 移向別人擁有 緣盡了 呼叫心呼叫 每天的深宵 我思緒亂似大海裡浪潮 抱著每夜我痛哭 我孤獨 停未了 想你想起你 你每天的深宵 每一秒渡過內心也寂寥 沒法子可以忘記 半生痴愛的你 竟走了 夜了 鐘上擺臂繼續搖 看天邊光隱約開始照 又破曉 未懂得那樣入眠 你知不知我只有苦笑 後悔讓你走 後悔親口說你不必逗留 留下這份狂空虛 那樣來補救 仍然懷念你 這一顆心我怕已瘋了 仍然懷念你 自己 狂哭忍不了 呼叫心呼叫 我心中呼叫 我思緒亂似大海裡浪潮 抱著每夜我痛哭 我孤獨 忍不了 想你想起你 我始終想你 每一秒渡過內心也寂寥 沒法子可以忘記 半生痴愛的你 竟走了

11月25日	15:20pm
還可以堅持嗎? 星期三晚心情不佳, 約左幾個好友去唱 k, 我地傾左個幾鐘, 一首歌都冇唱過, 原來唔開心o既人唔只自己一個, 我都估唔到我兄弟佢可以咁堅持, 相反我又點......, 乜野係o岩乜野係唔o岩我已經分唔清, 也許好像雨過天晴, 也許好像一切如常, 有些東西正在變動而只有我察覺到, 但我又可以做 d 乜呢? 我兩個老友都有一份執著, 一份堅持, 相反我又點......

11月25日	12:20am
呆... 我還在等什麼, 我還在掛念什麼, 與你們分別後的一刻, 我真的不能再堅強, 問題一直在盤旋著, 坐在湖邊看著湖水, 真的可以跟湖水一樣那麼平靜嗎?

11月22日	12:20am
生日lunch 有人讚, 識貨~~ 今日Cathy約我食飯, lee 個老朋友真係好, 坐低左當然係雞叨唔斷啦! 可惜 Lunch 時間太短, 實在係唔夠喉呀! 傾傾下佢仲讚我好仔tim, 搞到我幾開心(佢真係識貨), 可能係我個人冇乜特別嗜好掛, 可能佢身邊o既男子組好多節目掛, 不過話時話, 唔知你地心目中覺得點先為之好仔呢? 剛剛發生左一件令人好擔心o既事, 點知原來得啖笑, 令我想分享一段好友金句: 掛念的時候說掛念，生氣的時候便說生氣，不要把感情藏在心中...

11月20日

03:30am

朋友的生日變成意料之外的預祝 上個星期 Fayma 佢地約好左今日會同貞貞個男朋友慶祝生日, 雖然唔係好熟, 不過唔緊要啦, 因為想見下幾個好想見又好耐冇見o既朋友, 點知o向個客度傾野望下個鐘已經七點幾, 冇理由同個客講話走先加 ma, 加上諗諗下我喉嚨又唔係咁舒服, 不如同佢地講話我唔黎啦... 點知 Tammy 話會轉地點, 咁既然答應左又符合唔燒野食, 就算遲左都要去啦, 上到去餐廳見到得 6 個人, 咦點解咁少人gei, Fayma 話貞貞冇黎, 主角去左廁所, 我心諗 : 吓!... 男朋友生日,貞貞又會唔黎咁奇gei? 點知出黎果個係阿樂law, 傻仔左, 食完飯睇台慶, 睇完台慶埋單時佢地請左我同阿樂食飯, 估唔到提早咁多有生日飯食wor! 跟住上左一跟樓上 BAR, 環境幾好, 今日第一次飲芝華仕綠茶, 玩左一陣就唱生日歌切蛋糕, 我仲以為佢地講笑tim, 原來蛋糕上都有我個名, (唔係扮野, 我係講真ga) 我仲差d 冇黎到, 好彩啫 ! BAR 入面有得免費占卜, 我向來都唔信gei, 不過未試過咪試下law, 測阿樂好似幾準, 我就麻麻! 今日玩得好開心, 真係多謝哂!!! To: 島民灰姑娘 《1405鄭和下西洋》唔係下午兩點一做ga!

11月16日	13:12pm
留言版番黎la 今日終於申請番一個新的留言版la!

11月10日	03:12am
2005年11月9日 難忙的一天 今日要面對的事, 相信是在我人生當中最難決擇的一件事, 無論我作任何的決定, 都要付出好大的代價, 點解要迫我, 我真係唔想諗! 以為去飲tim 今日阿寶放假, 例排會同佢去食飯, 佢遲到我都預左ga la, 點知等等下等左兩個鐘, 真係火都黎, 佢黎到我準備發爛揸果時見到佢個look 咁行gei, 仲set 埋頭, 完來佢等登去set ga, 睇落又真係幾正wor , 搞到我唔記得左嬲tim!

11月9日	01:23am
周身唔聚財 自問適應力唔差的我lee 幾日硬係覺得周身唔聚財, 可能係新環境的關係, 連生活習慣, 思想, 同心情都會被影響, 希望快d 適應啦! 自得其樂 上星期六好耐都冇試過自己一個無無聊聊咁周街行, 自己行雖然好似係悶左d, 但食野就可以唔洗左諗右諗la, 於是我就入左一間新開的上海鋪, 估唔到除左有standard的酸辣麵, 鍋貼之外, 仲有蘭州担担麵, 搞到我一個人食野叫到成檯係tim, 係 lee d 20蚊可以落樓的地方食左一舊水, 爽呀!!!

11月5日	19:40pm
迷失方向 好耐都沒有試過把自己留在家中, 今天正想清靜的思考一番, 幾個小時的思考, 竟然令我迷失方向, 好似每件事都只可以聽天由命, 咁我個腦用黎做乜ga? 路應該點行唔通自己都話唔到事? 可能係自己想得太多, 可能係每件事都考慮得太多, 如果唔用腦聽天由命的話, 可能真係開心d 掛!

上一頁 下一頁

【把本站設成首頁吧!!】 【將本站加到我的最愛】

Andy的信箱 andy1127@netvigator.com 歡迎來信喔!!! Copyright© 2000 Andy's HomePage All Right Reserved