Hi!各位朋友
歡迎光臨
| 2007年10月31日 | |
|
亂到呢... 圓方兩個客一齊裝機la, 太多煩野la, 個客又急到賴哂屎, 咩話...今日先同我講話個位要改...不如執左笠先講啦...真係冇腦架! 搞到我個頭出煙, 激死! | |
| 2007年10月30日 | |
|
HmAnywhere 我又係多野做到屎, 仲要叫女朋友去幫我買 license, 我用左聲控 pcanywhere, (向前, 轉左, 分叉路, 轉左, 又手邊就係 XXX, 左手邊你會見到 YYY, 向前行 50 步左右, 你會見到樓梯, 再番轉頭一間就係la) 佢買左茶葉蛋比我食, 好耐冇食la, 好好味ar, 雨中接送, 短短一段路, 感覺依然浪漫, 上左黎公司, 今日佢終於知道我平時響咩地方做野啦, 又了解多左! | |
| 2007年10月29日 | |
|
TVB 個 B 牙 關潔豬, 豬屎, 史太龍, 農夫, 夫人, 人愛堂, 唐英年, 年年有餘, 魚籽醬, 醬爆墨魚丸, 阮兆祥, 長江 3 號, 浩瀚, 汗毛, 毛狼, 狼來了, 了不起, 喜出望外, 外太空既外星人, 人之初初老泥, 黎明請你不要來, 來吧我什麼都應承, 成龍個仔係房祖明, 明明白白我的心, 心突然的忍忍痛和和, 和你拍拖好開心, 深深的被困在你心, 心亂如麻, 麻婆豆腐好好味有豆板醬, 醬燒茄子汁另上, 上 上落落要緊握扶手, 手掌又係肉左手又係肉, 肉肉酸酸酸辣湯米線 d 酸辣, 辣肉腸 pizza 要薄批 唔要青椒, 蕉十蚊兩梳蘋果五蚊兩個, 個個放假嘆下 4 處玩下, 下下都要著左物先著鞋, 孩子要快 高長大知唔知, 蜘蛛條絲痴住支樹支, 知不知道你知不知道我等到花兒也謝了! lee 個電話傾左 2個鐘 25分, 我相信一個月後我都仲識背 lee 段野, 勁! | |
| 2007年10月27日 | |
|
如果一日不見如隔三秋, 咁... 太耐冇見la, 我就黎唔記得佢個樣, 去完醫院就出去撐檯腳, 對唔住呀, 要女朋友仔響街度等我成個鐘, 餓屎佢! 我地去左開心時刻 pizza hut, 熱氣到爆, 不過鬼叫人地想食咩, 冇計~ 因為工作既關係, 諗下諗下都成 4-5 年冇入過 pizza hut 食野, 嘩 d 坐位幾舒服, 傾到唔想走咁law, 坐 到 11 點先走! | |
| 2007年10月22日晚 | |
|
暫定更新 老豆入左院, 今次亦係比起之前在別人眼中的難關更難捱的一關, 可以做 d 咩? 乜都做唔到, 唔好病應該係我唯一可以做既, 希望會得到上天眷顧, 希望賜我們一個好醫生, 一個好護士, 希望白血球唔好跑得咁快, 希望每一個希望都可以實現, 希望有希望啦, 希望可以大大步攬過啦! | |
| 2007年10月22日 | |
|
荃灣海濱公園 今日工作突然又變動, 拿拿林去雅蘭幫佢地換番個 server, 之後番荔枝角收謝太張帖, 再趕番公司, 嘩...估唔到嘉敏咁早到左, 今日個 look 仲...幾好睇丫, 正! 我地去左牛車水叫左個二人餐, 兩大個餸仲要有粟米魚肚羹, 靜靜地, 幾好! 去荃灣行海濱公園, 估歌仔, 傾下笑下, 坐左成晚, 唔知 lee 份"簡單"可以 keep 幾耐呢? | |
| 2007年10月20日 | |
|
口不對心 自己有一個偏向答案, 但又揸唔定主意既人, 成日都會講一句"你諗啦! 我冇所謂架!" 如果一個人入左 SEVEN 想買野飲, 對住個雪櫃開 LEE 個門開果個門, 入到餐廳對住個 MENU 反黎反去都未叫到野食, 去廁所都要簡入邊一格, LEE 個時候只要隨便幫佢簡一個答案, 佢個腦就會自動執行選擇心中最佳答案, 好搞笑架, 你地都可以試下! 去左太子一間食小菜既餐廳食飯, 個名好似叫左"帝君", 野食一般啦, 最正係因為佢冇乜生意, 所以餐廳環境都好靜, 我 LEE 排近得矛盾達人多自己都覺得矛盾, 又想靜, 又坐得舒服, 又想 D 野好食, 好食就多人食, 多人食就唔會靜架啦, 靜就啫係冇生意, 冇生意就啫係 D 野食麻麻架啦, 冷靜...冷靜番先! 之後都係行下新之城, 旺中就番屋企law! | |
| 2007年10月18日 | |
|
華麗蟹后 今晚約左小玲, 玲妹, 浩龍, 骨格精琪, 食大閘蟹, 收工就去富榮花園等佢地, 雖然我鍾意熱鬧, 不過間中人少少都幾好丫, 女人煮野, 男人執野開檯, 嘩嘩嘩...有得食la, 入面有 d 白色半透明既野我以為唔熟, 點知比西檸雞串tim, 我都話左我唔識食架啦! 今晚既晚餐我地食左 3 個鐘, 真係食到個人好累, 之後我同浩龍負責善後, 執檯洗碗, 搞掂之後再食湯丸, 我好飽呀...... | |
| 2007年10月17日 | |
|
霸王山莊 接埋嘉敏之後我地今日想轉下地方, 不如去尖沙咀啦! 去到尖咀都唔知食咩好, 左簡又簡, 最後去左食霸王山莊, 個五柳魚好食, 小籠包都整得好食, 不過個擔擔麵要扣分, 認真麻麻! 之後我地入左一間鋪頭併衫, 響入面玩左個幾鐘, 嘉敏一件都簡唔到, 最後竟然係我簡左一套比佢, d sales 唔知會唔會覺得搞笑呢? | |
| 2007年10月16日 | |
|
誇張服務既餐廳 去左台式餐廳同 d 同事夾 menu, 個 menu item 多到暈, 多 item 仲要係有 d 古怪既煮法, 唔該油菜要菜心走油, 跟蠔油加豉油, 汁分上, 唔該餐肉要香 d 但係唔要燶, 我聽到都真係覺得幾搞笑, 依家好少餐廳咁就 d 客架la, 勁! 番到屋企見到阿展冇番工, 原來尋日發生左工業意外, 昨午一名貨運工人於貨倉被鏟車輾過腳面, 腳指尾骨爆裂, 送院治理, 情況穩定! 好彩都冇乜事, 夜晚仲單腳咁出左去打機, 真係勁! | |
| 2007年10月15日 | |
|
夜mama緊急維修 岩岩食完飯睇左陣電視, 9:30pm 收到旺角個客急 call, 死左 server, 即刻番公司執埋 d 野過去跟, 搞到 1:30am, 跟住佳經理準備打邊爐, 我真係好想好想響一個冇哂客得番我地 4 個人, 仲要係日本料理冇得打邊爐既地方, 自己去雪櫃果度攞 d 野出黎打邊爐, 仲要係用日式拉麵既湯底, 日式既料, 中式既打法, 不過我太眼訓, 又要番公司, 所以都冇食到就走左, 番到屋企 4:00 先訓, 累~~~ | |
| 2007年10月14日 | |
|
休閒一天 一早起身個喉嚨都仲係爆痛, 去左睇醫生, 之後就梗係訓訓訓啦! 打麻雀一開始就輸屎左, 點知最後唔洗輸仲要 win 左 20 蚊, 呵呵! | |
| 2007年10月13日 | |
|
學 popping 阿治黎左幫手排 popping, 好難, 難到唔知自己做緊乜, 睇人地跳就好 high 好有 feel, 我地幾個都跳唔到個 feel, 唉~...... 最開心都係睇阿治, 超勁! | |
| 2007年10月12日 | |
|
楊千嬅 all about Love 2007 演唱會 黃金 TAM 有筍野益我地, $60 就可以去睇楊千嬅 all about Love 2007 演唱會, 入場前響星巴克食左一個抹茶豆腐芝士蛋糕, 又貴又唔好食law! 黃金 TAM 介紹左兩個男仔 FD 比我識(Dan Ryan's Chicago Grill), 哈哈! 入場la, 同劉妃, 陳得閒一齊坐, 仲有黃超 & FD, 每一次見到黃超都覺得佢又種壓迫力, 真係唔敢同佢講野! 講番個演唱會, 我不嬲對阿 FA 既唱功都不太有好感, 今次真係好有驚喜, 雖然有走音, 但佢減少左"哎"歌, 演繹出來既感覺非常好, 唱左好多舊歌, lee d 舊歌亦係當年陪伴大家既歌, (點解唔唱 "原來我非不快樂" 呀?), 加上佢一身成熟打扮既造型配合佢三八既性格, 真係好好笑, good! 嘉敏要開工, 帶唔到佢睇演唱會, 我唯有帶住佢聽演唱會啦, hehe! | |
| 2007年10月10日 | |
|
見習攝影師+模特兒 今日我變左做攝影師, 雖然我技術好差, 但係模特兒搭救, 總算影到 d 唔錯既相, 以後都要練多 d 同你影多 d 先得! 今天之前我問自己, 其實我應該要點樣同你過生日你先會開心呢? 由你口中講一句今日好開心, 好浪漫, 似乎已經解答到我, 原來咁簡單, 咁平淡, 只要喜歡兩個人在一起的感覺就已經係浪漫! 夜晚 14 個人去 yo park 唱 K, 大家都玩得好開心, 氣氛都唔錯呀! 我地今日冇得再扮傻la, 因為...... | |
| 2007年10月6日 | |
|
黃金組合, 合~~~體! 黃金組合, 合~~~體! 約左 9 點鐘建生輕鐵站集合, 有人遲到要請食飯, 雖然我唔講名, 不過應該係人都知道係邊個, 遲到皇, 呵呵! 鍾意食雞既繼續食雞, 鍾意食西檸雞既繼續食西檸雞, 精選對話: 劉妃問:點解你個鼻好似高左既? 我答:等陣等陣...依家會唔會好 d 呀~ 全部人都笑, 有一個唔識笑law! 陳妃攞百力枝同我講: mark 大口丫! 我答: 我探肛個 bor! 阿均今晚轉左口頭襌做 tammy tammy 你聽我講! 今晚既結論係陳妃對男性既要求唔係好高架, 靚仔, 有才華, 搵到啲錢, 個人唔悶, 劉妃點解一個人花咁多時間響自己身上, 但竟然咩事都發生唔到... 仲有係黃金組合既共通點, 大家既復原時間都係比較長既, 完! | |
| 2007年10月5日 | |
|
帶菌者s 收左工, 自己一個去左旺角睇野, 買埋幾個小禮物, 首先去左買小搖鼓, 跟住就去買蛋糕耳環仔, 又去信和行左兩個圈都未睇得岩, 一個人行到九點幾, 又病又累, 嘉敏撒嬌要我同佢食飯, 好啦好啦! 佢帶住口罩, 我就袋住 4 包紙巾同止痾, 退燒藥, 兩個人鬥多病菌, 於是都係去左食粥, 傾左成晚, 結論係嘉敏真係冇乜耐性, 乖啦, 唔好乜都要問先得格, 少左好多驚喜架!!! | |
| 2007年10月1日 | |
|
腸胃炎 今日依然都係痾, 痾水果下先大獲, 好彩去到個客度冇乜事, 1:00pm 我就閃左番去睇醫生, 結論係腸胃炎! 燒到幾時架, 個人好熱呀! 同嘉敏傾電話傾左 1h38m15s, 究竟有咩特別呢? 做咩要特登記低 lee 個時間呢? | |
| 2007年9月30日 | |
|
食物中毒 我痾...痾...痾...左7次, 吓...燒到 102 度, 唔通係今朝個月餅出事, 我唔得la, 個 law 由痾到難呀! | |
| 2007年9月29日 | |
|
圓方泰菜 泰菜就開將, 去九龍站做野, 正確 d 應該叫做"圓方", 塞車塞左勁耐都入唔到去落貨, 好彩偉哥教我地行秘密通道咋! 搞掂哂之後, 廚房師傅試餐, 狂煮野食, 我當然作出配合啦, 狂食law! 冬陰公, 辣椒膏炒蝦, 蝦剌身, 檸檬葉魚餅, 青紅咖哩, 明爐魚, 好好食呀, 食左勁多野, 食唔落個咖哩蟹tim, 最特別係檸檬葉魚餅, er...飽哂! 嘉敏以為我嬲, 於是我離開九龍站, 同佢黎個短聚, 都係行下街, 食下野, 傾下計咁law! 希望唔好再有鬧交既感覺啦! | |
| 2007年9月28日 | |
|
我...其實... 為左佢生日既問題......, 我地傾左一個電話, 我唔開心, 唉! | |
| 2007年9月26日 | |
|
落街冇錢買麵包 5:00pm 銅鑼灣見, 我地去左維園影相, 影左好多呀! 今晚食咩好呢? 不如坐響公園食啦! 買齊哂 d 野, 我地去左理工入面, 搵到一個有檯有櫈又 寧靜既地方, 食飽見未夠鐘就行左去 seven, 嘩嘩嘩, 有兩班人響度排舞, 對住關左門店舖既廚窗黎跳, 個感覺真係好正! 係時候入場la, 估唔到坐咁前, 開心屎! 笑足成晚, 真係好好睇, 雖然張飛係貴左, 但係都值番哂la! 睇完去左尖東食野, 個碗仔翅唔好食, 好彩其他野都 ok, 我又肥左la! | |
| 2007年9月25日 | |
|
中秋 2007 尾站去左荃灣廣場跟 call, 去到原來係 NETWORK 死左, 好彩仲有一個 PORT 用得, 搞左個幾鐘先搞掂咋! 跟住入去大舅屋企食飯, 同阿展夾份打麻雀, 坐左一圈食左 3, 3, 4, 4, 6, 8 番各一鋪, D 錢即刻番哂黎, 呵呵! 大家食...er...飽飽, 之後就趕出去奧海城睇"保姆日記(Nanny Diaries)", 好唔好睇? ok 咁啦! 睇完之後上左 CAFE 飲野, 玩寫字玩左兩個鐘, 其他人一定以為我地係傻既! 飲完再去極之好食車仔麵, 不斷食, 食同埋食, 真係想唔肥都唔得! | |
| 2007年9月23日 | |
|
九月之星 - 韓舍飯局 換好衫出席每個週日既節目, 4點入左翠韻, 今日齊哂人之餘仲多左希客天奴, 兩個鐘真係唔多夠, 不過車厘子要早走, 所以我地都早左去食飯, 今晚同 3 位 9 月之星食韓舍, JACKY, 明爺, 車厘生日快樂呀! 間野都幾多野食, 韓燒打埋邊爐連埋加一都係 86 蚊, 不過 D 態度就...... D 油煙 就......食完之後成個人都有尋味  ! JACKY 一個人食左 6 個燉蛋, 3 個女仔食蛋要 LIU 哂個蛋黃出黎, 阿關食野就要好小心, 肥 D 都怕比 MISS 鬧, 最好笑大家話如果我擺酒, 一定要有一圍比佢地, 到時仲可以出黎表
演, 哈哈!
| |
| 2007年9月21日 | |
|
自製假期 今晚原本要上阿健堂, 但嘉敏小姐放假, 搞到我個心都唔知去左邊lu, 已經請假冇上堂, 仲忍唔住 3:30 已經收左工去尖沙咀食 tea, 行街, 唔緊要啦, 簡中一次啫, 放自己一日假啦  ! 行行下不如去科學館lor, 成個科學館除左老師學生之外就係得我地兩個, 個鏡房好得意, d 小朋友撞左埋牆, 我都差 d 撞到, 嘩...原來行左 3 個鐘, 唔係肚餓既話都唔會走law! 之後收到 call 要去奧海城, 做完之後阿佳經理請食飯, 仲要請兩個, 好好食, 好滿足呀, 今日真係夠哂皮!
| |
| 2007年9月20日 | |
|
Angus 幾時番? 好耐都冇上過 Angus 既堂la, 當然我地 4 個都冇得上啦, Angus 快 d 番啦! | |
| 2007年9月19日 | |
|
的士驚魂 TA 番屋企途中打黎發 UP 風, 由火車傾到上的士, 佢一上到的士, 就聽到個司機開到勁勁勁大聲, 我地一邊傾, 一邊講"嘩!真係好嘈law!", 個司機唔理我地, 點知隔左一陣, 成車靜哂, 仲要響倒後鏡望住佢, 真係驚個司機亂黎law! 嚇屎! | |
| 2007年9月18日 | |
|
羽壽司 同完 TA 聚完之後, 又唔想番屋企住, 搞到成九點都仲響尖沙咀, 電話響, 點知... 尖東等丫, 去左羽壽司, 食到好飽呀! 散步, 散左成個尖東, 去到尖咀碼頭個許留山買外賣, 有冇搞錯, 等左 4 個字呀, 好彩, 岩岩好搭到尾班車! | |
| 2007年9月18日 | |
|
萬世巨星 去左 Sunny 果邊幫佢裝機, 佢真係好成功, 短短既兩年裡面開左 3 間, 昔日既餐廳經理變成依家既老闆, 真係勁呀! 之後約左好耐冇見既 TATA 短聚, 響佢公司樓下角位等佢, 點知比阿多同阿樂撞到, 今次真係 lai 哂野, TA 仲要即時扮撞到, 希望佢地兩個唔好亂 UP 野啦! TATA 今日個 Look 好陽光好正, 唔怪得 cute 版唐素琪咁多人追啦,  keke! 晚餐都未食, 就食 Desserts先.....哈...其實都係為左,
可以坐低傾下計..... 可能係大家既工作相關, 特別多野講, 講既爛 GAG, 同食字都接近, 更其怪既一點就係我地既 GAG 其他人唔識笑, 應該係lee d 因素令我地咁 friend 啦! 最重要係我唔洗響佢面前扮正經丫ma, 正! 我愛萬世巨星!
| |
| 2007年9月17日 | |
GAG 皇
今晚同阿珊傾左個電話, 短短幾句已經知道對方情緒唔穩定 , 好彩我 D 笑話都未用壞, 仲有人識得笑, 呵呵! 每個人條路都唔一樣, 不同的階段, 都會有不同的要求, 只要你問清楚這一刻你要既係乜, 知道答案之後又可必去同其他人深入咁比較呢? 希望你可以用 LEE 個方法令自己開心生活每一秒! HEHE!
| |
| 2007年9月16日 | |
|
牽著... 今晚嘉敏收 8:00pm 鐘, 我 7:30 響佢公司附近打番屋企, 再用屋企三線打比佢, 佢梗係估唔到我黎左啦, 咦...點解你...? 唔好問點解啦, 總之我黎同你食飯咪得law! 我地食新味軒, 金銀蛋好好食, 沙爹肥牛煲都唔錯, 埋單都係 72 蚊! 咦...今日冇汗wor, 哈哈! 之後就好好學睇左一d 有關綠藻對人體既功效, 因為人地聽日要測驗, 所以一齊溫書law!
| |
| 2007年9月15日 | |
|
與唐素琪對話 TA 自從轉左做單身行列之後每逢假日既夜晚簡中就會有病發作, 今晚一個唔覺意同佢做左 3 個幾鐘心埋輔導, 睇睇下, 其實你真係有 D 似唐素琪, 嘩! 正呀~~~ | |
| 2007年9月12日 | |
|
衰鬼上帝 去葵芳行街睇戲食飯, 睇衰鬼上帝, 都有 d 笑位, 過得去啦! 睇完之後用票尾可以免費打機, 同嘉敏去左打孖寶賽車, 佢話佢睇一次打賽車 game 攞第一, 我心諗"梗係啦, 我首住第二, 係咁炸後面!" 之後我地搭地鐵去番旺角, 手汗多我都唔想架  , 一隻手指會唔會冇咁多呀? HEHE
| |
| 2007年9月11日 | |
|
重複犯錯 我唔小心講番以前既野  , 點知激嬲左人, 真係大獲! 用左好多方法先整到人地笑番, 好彩好彩!
| |
| 2007年9月10日 | |
|
簡單的甜味 鋸扒, 等巴士, 尖咀行街, 私人枕頭, 秘密, 簡單浪漫的一天 | |
| 2007年9月9日 | |
|
開心哂! 狂風浪碟死纏爛打, 竟突然殺出接佢收工, 佢同人地講:我已經有男朋友架la!
| |
| 2007年9月6日 | |
|
祖兒生日 07 上完堂成班同學一齊去左 cafe 幫 Joey 祝生日, 今日對 3 個肌肉港男認識多左d, 阿丁整左個蛋糕比 Joey, 仲彈琴比佢 tim 呀, 真係好有心思! 傾下計, 影下相, 突然間全部人都變左做 Model, hehe! 我知道嘉敏好累架la, 佢都黎左陣, 但係見到佢個樣搞到我都冇乜心情! 到目前仍然未有人發現我地既秘密, 不過好似有人估緊, 我地都係要小心行事先得 !
| |
| 2007年9月4日 | |
|
想念方程式 (1) 從互聯網搜尋器中, 鍵入她的名字, 找到不同樣子, 不同職業的她, 整個畫面都是她! | |
| 2007年9月3日 | |
|
感動 OR 驚喜? 下午收到嘉敏電話, 因為公司既問題知道佢好唔開心, 於是為左 TUM 佢, 我4:00PM 去到佢鋪頭, 佢見到我既第一句說話:點解你會響度架?, 之後我放左 D 野響佢隻手度, 大家冇出聲十秒, 之後佢喊住咁跑番入房! 洗唔洗咁大反應呀! 仲以為佢做咩事, 真係嚇屎我!
| |
| 2007年9月2日 | |
|
暫別碟翠 今日係有史以黎碟翠最少人既一次, 竟然得 4 個人, 雖然人少, 但都冇影響我地既情緒, 唔緊要啦, 暫別碟翠一段時間, 我地會番黎架!!! 經過多日以來的查詢, 了解, 我已經定鎖定目標, 今日捉左阿關同我去買, 任務成功! 
| |
| 2007年9月1日 | |
|
禮物 3 選 1 我同阿彤, 車厘, 阿關, 阿 MING 入左翠韻華庭, 阿關真係勁, 短短 1 個鐘就跟到哂 8 個 8 拍  , 最衰今日 JACKY 黎唔到, 依家星期六係最好玩架, 星期日我諗...過多一段時間可能都 CANCEL la! 阿彤, 阿 MING 陪左我去睇禮物, 睇左好耐都唔知邊部好, SONY ERICSSON, 定 NOKIA 好呢? 阿彤一睇到部白色既 samsung, 隻眼好似發光咁, 睇睇下又真係好靚, 不過功能就麻麻, 經過一輪既分析, 比較, 都係未決定到, 唔該哂你比左咁多意見, 依家 3 選一, 好快就得架la!
第一次聽到嘉敏把聲係感覺到佢個樣春風滿面架, 幾成熟, 幾硬朗都好, 間中有 D 唔同真係好鬼明顯, 佢講左句"你呀, 你呀, 巴閉啦而家! 唔打比我, 要我打比你...", 我就梗係扮傻啦"下...咩巴閉呀?" 
| |
| 2007年8月30日 | |
|
樓舞 第一次響走廊兩個人一齊播左歌跳, 比人見就真係搞笑! | |
| 2007年8月29日 | |
|
對不起, 令你擔心 嘉敏放假黎搵我食 lunch, 個阿活意粉咁好食既, 真係令我改觀, 之後我去九龍站開會, 搞掂哂之後諗住可以早 d 見, 點知......唉! 心情不太好之下打左成晚機~~~
第一次收到你語氣那麼重的電話 , 令你生氣是我的不對, 但每一句我都感覺到你對我的關心, 不能否認的就是...不單只你, 我也漸漸走進你的心!
| |
| 2007年8月28日 | |
|
簡單的思念 今日接收工, 食下飯咁law, 新味軒見! 就係見一面咁簡單......
| |
| 2007年8月26日 | |
|
接收工 碟翠完左之後, 拿拿聲搭車出去玩驚喜接收工, 時間好趕好趕呀~~~ 去到土瓜灣已經 8:30am, 應該岩岩好啦, 買左幾件超底特大馬豆糕之後趕去嘉敏鋪頭門口, 點知我地響街度撞到 , 大家都講"咁岩既!" 原來佢收早左, 嘩...平時都唔會行 lee 條路架, 今日唔知做咩屎忽痕會行 lee 邊, 真係好彩 , 如果唔係, 佢同左 d 同事食飯都唔知點算, 總算任務成功啦!
| |
| 2007年8月23日 | |
|
Cathy 雯政生日飯 今晚同 Cathy, 雯政, 阿賢, Cathy FD 食飯, 去左常悅素食, "嘩...你做咩瘦左咁多呀!"點解個個第一句同我講既野都係一樣架  , 其實都係瘦左 D D 之ma! 食飽飽叫人準備蛋糕, 點知個服務員蠟燭都唔點就咁拎個蛋糕埋黎law, Cathy 仲要交戲, "你地真係好呀, 有買蛋糕!", 真係尷尬到暈! 我買左兩個小禮物比 Cathy, 雯政, 點知 Cathy 個 fd 咁岩係今日生日, 佢就講左句"乜我都有禮物ga?"(個樣勁開心), 但真係唔好意思, 份禮物係雯政架, 又尷尬到暈!
| |
| 2007年8月21日 | |
|
去西貢做 DEMO 今天早上 send 了一個溫馨提示比嘉敏, 點知佢已經差唔多過關, 洗唔洗咁早呀? 電話中佢既聲線係超興奮, 真係好想陪佢去玩, 可惜...要做野家ma! 下午去左西貢見客, 等等等, 傾兩句又唔得閒, 個客真係 side 我時間  , 做完野響西貢行左陣, 如果閒日黎食 TEA 真係正到暈, 我心大心細想坐低食下野架la, 不過最後都冇, 下次一定要搵人陪我食先得!
| |
| 2007年8月20日 | |
|
Lokamochi Mamiba 為左 tum 嘉敏, 今朝一早起左身 7 點半去左排隊買"落街冇錢買麵包", 點知都買唔到  , 有冇搞錯呀! 番到公司在網上搵到有人放飛, 280蚊炒到 600-800蚊一張, 係咪有病呀! 最後都比我搵到一個合理少少既人賣張飛比我, ! 同嘉敏去油麻地試音, 開初都有 d 擔心架, 但上到傳媒公司, 又發覺唔到什麼異樣, 反正都係玩下之ma, 應該都冇咩危險既! 搞掂之後行左陣旺角, 我比左個信封佢, 佢好奇怪咁問:[咩黎架,....吓...點解會有gei? 傻架你!] 係呀, 我就係傻架啦! 有人開心屎左! 跟住再去 APM 睇五星級大鼠, 真係估唔到咁好睇! [小插曲:佢幫公司買左十個計時器放左響我個袋, 睇睇下戲唔小心按到, 係咁響, 係咁響, 之後要續個攞出黎聽下先熄到law!] 睇完戲再去九龍城食飯, 真係痴左線, 去到小曼谷見到崔健邦, 素顏 LOOK, 多暗瘡! 我地見到個 MENU D 野咁平, 咪......出左事! 個價錢可以去黃珍珍食都得la! 今日佢好似好開心wor!
| |
| 2007年8月19日 | |
|
頭痛屎我 今日唔係好舒服, 冇入去碟翠主持大局, 全日都響屋企訓訓訓, 下午收到個惡電話[你好忙wor, 今日唔打比我...], 其實我聽到都唔知幾開心, hehe!
| |
| 2007年8月18日 | |
|
LOCK+JAZZ 今日入左翠韻華庭, 4 條友人少少其實真係好好玩架, 最愛 Jacky 果團火, 阿彤同車厘接住我地果 part 加入, 我地排左好多野, 勁好玩! 快D 排好 LOCK+JAZZ, 之後要再加 D 新野先! 借 d 倚問左幾次今晚嘉敏幾次有冇人同佢食飯, 佢都話有, 算啦, 慳番唔洗接! 點知... 冇人同佢食飯, 唉! side 左!
今晚同老朋友講電話, 老朋友問左一個問題: [點解我地隔幾耐唔聯絡都好, 一見面, 一傾電話完全唔會有疏離既感覺既!] 因為係我law! | |
| 2007年8月17日 | |
|
與兩愛妃一聚 下午 4 點鐘, 有條 pk 打黎吹水, 我以為咁好死啦, 點知原來人地公司個 program down 左, 所以打比我! 就係因為 lee 個電話, 我地約左今晚聚一聚! 去尖咀做野, 咁岩TATA 又響附近, 緊係見下佢個靚樣啦, 傾左陣計, 我地又玩 D 無聊野, 今次我贏左, 贏左杯乳酪雪糕, 好好味呀! 之後 JOIN 埋劉妃, 睇一睇錶, 我地要十分鐘內由尖東行去諾士佛臺, 好險呀, 岩岩比我地趕到, 四十蚊萬歲 !!! 長島冰茶萬歲 !!! 逗嘉敏開心的小遊戲, 玩左比劉妃睇, 佢笑到停唔到law, 我成功la, yeah! 之後一邊飲野, 一邊 UPDATE 番對方, 原來有 D 咁既野發生左, 加油, 比心機! 諗住散場果陣骨格精琪都加入, 3 個人去左尖東海旁既露天茶坐飲朱古力咖啡, 我都知你地一定覺得我今日特別煩架la, 咁我都係想分享下啫, hehe!
| |
| 2007年8月16日 | |
|
TINO 回歸 TINO 番黎 ANGUS 既大家庭, 多番 TINO 真係開心好多, 我同阿丁跳果陣唔知佢係咪唔好意思呢? 個樣好尷law! 雖然 d step 我麻麻, 不過跳 partner 既感覺都唔錯, 幾好玩!
| |
| 2007年8月14日 | |
|
默契 嘉敏約左阿丁去行街, 佢尋晚問左我一句"你公司響邊架, 我過黎等你收工丫!", 聽到已經好開心架la, 當然我冇講比佢知啦, 去到地鐵站又係導演嗌 action 既時間, 兩個人即刻投入番個角色, 我話左行開一陣, 其實去買飛睇戲, 跟住 Join 番佢地食粉果時, 我打比 carman , 喂, 你 響邊間食呀, 你淨係答我係定唔係就得la, 樂園, 定係標記樂, ........樂...唔係唔係, 第一丫(第一個答案), 跟住兩個都響度勁笑! lee 種"在被全世界發現以前先愉快裝傻" 既感覺好開心, 不要急著, 反正有長長的日記等我們去填滿它, 我知架, lee 個係我地相處既默契!
似乎我錯了, 但今晚的畫面應該好好記錄, 日後我會相信自己的感覺, 不要被其他人影響! | |
| 2007年8月10日 | |
|
8 號風球的約會 上午去左銅鑼灣做野, 收到阿 KEN 通知, 今日下午休息! 當然把握機會 TUM 下嘉敏啦, 響佢公司門口經過, 見到佢驚訝既樣就知道今日既接收工計劃成功左啦! 我地去左 YO~ Park 唱 K, 再去食豬潤粥, 仲食左芥蘭, 點解我會食芥蘭架? 雖然周圍既鋪頭都閂哂, 但都冇影響我地既心情 , 周街到冇人, 漫無目的咁行, 行下超市, 食雪糕, 簡簡單單, 好耐都冇試過咁開心! | |
| 2007年8月9日 | |
|
171 蚊講一個電話 早上回到公司 check check e-mail, ?......點解電話費 $796 咁貴架, 發生咩事! 其中一個通話係 $171, 真係嚇一跳, 點知原來好幾個朋友同我講佢地都試過, 哈, 或者電話費急升係代表生活轉變既前夕啦, 雖然係肉痛, 不過又覺得好好笑, 我要 KEEP 起 LEE 張電話費單先得! | |
| 2007年8月7日 | |
|
不能說的-秘密 今日去九龍站商場 SITE MEETING, 商場仲趕緊工, 度度都差唔多樣, 如果冇人帶住的話, 一定會迷路! 同 D 老闆傾完哂就閃人, 成身都係塵, 又冇地方可以?下, 好唔爽! 之後去太子同 Joey, 嘉敏行左陣街, 食左個雙皮奶, 走之後我地兩個行左陣, 嘉敏個樣好累, 我送左佢番屋企休息, 嘉敏怕我悶唔想番屋企, 其實佢咁講我已經好開心la, "你唔洗擔我, 如果你唔舒服咪下次先睇戲law, 好啦, 快 d 番去快 d 休息!", 我知道如果佢睇得唔開心, 我都唔會開心, 諗住佢唔睇啦, 點知佢訓左兩個鐘之後又出黎, 真係搞笑, 細節野唔講la, 總之不能說的-秘密! | |
| 2007年8月6日 | |
|
不能送的-禮物 今日去左雅蘭做野, 見到 d 得意野我又忍唔到買左, 近排好似狂買野 tim, 之後去左買不能說的秘密, ?...我買聽日wor, 點解聽日果場都會爆哂架, d 人仲得閒過我呀, 真係過份! 搞掂哂 d 野, 番屋企食飯, 一入門口阿媽見到我盒野就問"阿仔, 買野比女朋友牙!" 然後我唔知點解答 "唔係我架, d 野阿妹架!", 過左關之後即刻入房整埋 d 手作野啦, 仲有野未整好架, 所以叫做不能送住的-禮物law, 希望嘉敏小姐會鍾意啦! | |
| 2007年8月5日 | |
|
B-BOY 勁人 今日碟翠黎左個勁人叫做祥仔, 真係好勁, d power move 真係......呆左! 夜晚成班人一齊食飯, 我同車厘, 彤, Keith 叫送食飯, 4個人食 5個送, 好底食呀, 飽到呢...... 夜晚 join 阿展去銀座, 嘩...好耐冇見過班機友, 今晚要盡情玩下, 打打下見到劉妃同 vincent, 依家好日都唔黎打機, 咁都會撞到既! 我想問劉妃近排係咪好食好住呢? 點解好似多左肉咁既...... | |
| 2007年8月4日 | |
|
每一頁都不能沒有妳 尋晚冇乜野做, 又唔願訓覺, 睇番 d 舊劇集搞到 5:00am 先訓, 今朝 10:30am 就比人嘈醒左, "我比人偷左電話, 同銀包呀! 仲要有幾千蚊, 真係仆街!" 阿 KEN 講完比我聽, 我都唔知講咩 好, 跟住佢飛左線去我度幫佢頂 CALL, 就係咁我就番左公司, 出去做下野, 咁就過左一日, 比個驚喜人地啦, 點知估計錯誤, 等左兩個幾鐘, 好彩人地都開心屎左, 跟住同人地短聚之後就番屋企lu! | |
| 2007年7月29日 | |
|
比Rainbow嚇死 今日照舊碟翠聚會, 去到約 15 分鐘左右, 見到 rainbow 訓左響地下, 佢甩左較, 大家都唔識得處理, 我地通知左會所既工作人員之後, 佢地就 call 左白車, 跟住我幫佢執哂 d 野就陪佢去醫院, 一邊同佢講唔洗驚, 講下 gag 等佢唔好咁緊張, 幫佢登記, 又要通知佢媽咪, 果一刻既感覺好似我真係佢阿哥咁, 真係諗番起 JOEY 果次真係擔心死law 唔該, 諗起都真係激死人, huh! 搞掂哂就交帶番比 rainbow 媽就拿拿聲番屋企, 番到去我即刻跳上床訓, 因為真係好病, d 鼻水好似眼淚咁滴落地law, 阿榮你流眼水牙? 唔係呀, 我流鼻水之ma, 個人好暈, 訓左幾個鐘就好番好多, 不過都係"呆外噯" | |
| 2007年7月25日 | |
|
等位食飯 今晚約左嘉敏小姐去食板前, 好耐冇試過等位食飯, 9 點鐘去到攞飛, 10 點半先有位, 好彩佢遲收工, 黎到都係等左幾分鐘就入得, 時間岩岩好! 個帶位先好笑, 係咁叫"一西孖四", 我冇吹水架, 你可以去家樂果間聽下架! 叫左好多野食, 估唔到埋單都唔洗 200蚊, 真係好食得黎又底食! | |
| 2007年7月24日 | |
|
阿沛生日飯 今晚約左阿樂, 劉妃同阿沛食生日飯, 去到壽司亭點知玲姐冇番, 想傾下計都唔得, 望下 d 人, 都已經換哂, 似乎真係好耐冇黎過, 對上一次就係兩年半前同 POPO 黎食過! 嘩嘩嘩...其實我地得 4 個人, 唔知點解會食左咁多野, D 野食真係好好味, 水準都冇差到丫, 不過我飽到想屎! 阿沛, 你響我心目中不嬲都係好仔黎架, 新一年你要加油, 生日快樂! | |
| 2007年7月22日 | |
|
阿松米線好介紹 夜晚同阿松, 細囡佢地去食飯, d 份量叫到錯哂, 星期日晚市 29 蚊竟然有一款小菜+小鍋米線(好大鍋)+飲品, 成班人呆左! 飽到呢... | |
| 2007年7月21-22日 | |
|
dup bone 東方棕泉 7點鐘去到落馬州, 估唔到餐餐遲到果位人士佢早到! 好似好多人呀, 點知過關都係一樣咁快, 一過完關梗係的士啦, 話咁快就去到食海鮮既地方, 今次冇上次咁好味, 下次要過番隔黎食先得, 之後向 dup bone 中心出發, 上到的士都仲未諗掂去邊, 好彩偉哥及時推介我地去東方棕泉, 響個門口一睇, 嘩...好貴wor, 兩個女人隻眼好似望唔到 d 價錢咁, 好啦入就入啦, 照舊係分頭沖涼啦, 我唔多 like lee 度, 因為冇遮冇掩, 好似好奇怪咁家ma, 都知兩個女人好鬼慢吞吞架la, 搞到我沖到個頭都甩埋先上去, 上到去休息廳真係幾靚, 不過睇到 d 收費, 亦都係好靚, 佢地兩個上到黎可以見到我肉痛啦, Tammy 芘芘即刻比左個樓盤版我 Tammy & 芘芘樓盤版: 老公你睇下 lee 度, 望到海架, 個廳都好實用wor, 間房都好好, 不如就 lee 度啦! Tammy & 芘芘dup bone版: 老公你睇下 lee 度幾靚, 沖涼果度好靚架, d service 又好, 張梳化有舒服, 又有得睇電視, 生果任食, d黃皮仲要冇核架! 我地 3 個好休閒咁響度吹水食野, 搞到點幾先分頭行事, 個師傅係咁講野, 我想訓陣都唔得, ! 4 點我地又會合la, 打左陣 nds 先訓, 係呀, 唔好同我打俄羅斯啦, 我怕你地悶呀! 訓得都算 ok, 一醒左又要補一個鐘, 真係...舒服哂! 出番去休息廳, 佢地又講"好舒服呀, 邊度會有個地方有張咁舒服既?, 又有人服侍你, 可以一邊睇電視, 一邊食生果, d 黃皮仲要冇核架!", 我諗我聽左十次law, 唔該! 之後就去左間西餐食野, 一入門口已經覺得係貴野, 入到去坐低就有人? d 前菜黎, 點解響西餐會係配番薯干, 山渣, 家燕子, 真係扣哂分, d 野食仲要唔好食, 真係比佢個門口呃左, 食得唔開心呀! 雖然最後有點美中不足, 不過都冇影響今次 dup bone 既心情, 耐唔中一次真係好鬼舒服架! | |
| 2007年7月日 | |
|
12蚊木瓜雪耳糖水 訓醒左就起身過去碟翠同 TEAM C 排 STEP, 兩個鐘真係唔多夠, 阿 MING, JACKY, 阿關有貨交, 連 Suvi, 阿 Kate 都咁落力, 阿彤快 D 交貨呀, 唔好偷懶! 之後同 JACKY, 阿彤去左食糖水, 木瓜雪耳糖水, 嘩...12蚊咁底, 正! 之後番屋企換衫就出發...落馬州見啦! | |
| 2007年7月19日 | |
|
手作小禮物 今日冇人同我食飯, TA 真係好, 過左黎陪我買野, 食飯, 有時真係想同 TA 講, 你可唔可以注重一下儀態既呢? 行左幾個地方, 終於買到風扇仔, 跟住就去左書局買貼紙, 個感覺係番左去讀書既年代law! 我地響個書局擾攘左好耐, 佢仲要將"不準進入"指示牌放左響...後面, 好彩冇比人見到啫, 之後就去左 CAFE 食野, 整埋份小禮物, 唔該哂 TA, hehe! 之後就去左上堂, 嘉敏小姐帶左一個魔芋比我食, 好甜呀 ! 今晚要上堂, JOEY & ANGEL 都唔得閒, 得番我一個, 落堂之後同左 ANNIE 丁丁去食野, 傾左陣計就番屋企, 累屎!
| |
| 2007年7月18日 | |
|
伊勢 Standby 今日全日都要響銅鑼灣, 個客係一個長輩, 都應該接近 60 歲, 佢既語氣態度真係好搞笑, 教我音響, 教我詠春, 講好多奇怪野比我聽, 唔知係唔係我個樣 on 居居咁呢, 佢當我小朋友咁law, 講到做野, 我不嬲都盡心去做架啦, 佢同我講"細佬, 你咁後生有冇諗過自己出黎搞公司呀? 有就襯後生快 d 去諗la, 大 d 就冇得諗架la!" 我對住佢笑左一笑, lee 個叔叔真係好, 認識咁短時間已經好有親切感! 今日我食左一個 $140 既 lunch, 刺身飯定食 , lee 度 d 師傅既技術真係唔同架, 出品好靚, 夜晚又食左個貴野, 牛肉薄燒, 真係未試過 lee d 味道, 正! 話說同壽司吧個師傅傾開計啦, 見到佢有個魚缸仔, 養左幾隻蟹仔, 我就請教下要點樣養啦, 師傅話:[好簡單架咋, 每日換水, 比d 青瓜心佢地食就得架la! 你試唔試下呀?] 我:[養個幾星期就死, 都係唔洗 la!] 師傅話:[我係問你試唔試下食wor?] 跟住師傅就攞左兩隻生 R R 既蟹仔入去炸, 仲叫我睇埋個過程 , 味道都 OK 啦, 有膏架, 哈哈!
| |
| 2007年7月14日 | |
|
Vincent 生日飯 2-4PM 去碟翠排 STEP, 排完同左佢地行左陣, 之後就番屋企換件衫出去食 VINCENT 生日飯, 早半個鐘就到左, 自己一個行下啦, 感覺都幾好, 最鍾意就係自己諗諗下野笑左出黎既感覺, 好搞笑 ! 齊人la, 阿沛同阿神究竟發生咩事, 飽滿左wor, 其他人就冇乜變, 都係差唔多啦! 開餐la, d 野食 ok 啦, 食飽之後就開始吹埋 d 無聊水, 最記得既一定係陳曉東唱果首"打開天窗", 同埋膠蟹遇熱會溶law, 傾完之後佢地去遊車河, 我就接下場約左 3 個好耐冇聚既 fd 聚下, 本來有 4 個架, 點知有個玩失蹤, 搞到我地幾個擔心law...! 好似好耐冇試過咁樣睇下相, 傾下計, 嘻嘻哈哈一晚, 其他果兩個都係咁啦, 冇乜大變, 不過我覺得阿盈真係唔同左la, 突然間我覺得佢有點賢淑, 哈哈!兩點幾收到 TA 既電話, 印象中應該係第二次喊, 希望佢靜落黎慢慢諗下黎緊會點行啦, 唔洗擔心, 我會不停為你加油架! | |
| 2007年7月13日 | |
|
灣仔LUNCH 去左銅鑼灣同樂仔夾拉線, 搞掂之後去左灣仔同 TAMMY 食 Lunch, 唔知點解間餐廳既 Lunch 咁奇怪個 bor, 西餐格局, 前菜 - 中華沙律, 湯 - 素翅雞湯, 主菜 - 一d 都唔日式既日式拉麵, 之後送 TAMMY 番去仲諗住望下陳冠希, 余文樂tim, 睇唔到!
| |
| 2007年7月12日 | |
|
新客 - 伊勢 收到通知, 下個星期二就要幫個客搞掂間新鋪, 得番 4 日!
| |
| 2007年7月12日 | |
|
戀上感冒藥 (part2) 你在我旁邊的旁邊 但影子卻肩碰肩 偷看一眼 你的唇邊 是不是也有笑意明顯 明明是昨天的事情 怎麼今天我還在經歷 一丁點回憶都能驚天又動地 想問個愚蠢問題 我們再這樣下去 你猜會走到哪里 但請你不要太快揭開還沉默的情話 先讓我多著急一下再終於等到解答 太容易的愛故事就不耐人回味啦 像這樣觸電, 就夠我快樂熔化 我們就耐心培養萌芽不要急著開花 反正有長長的日記等我們去填滿它 在被全世界發現以前先愉快裝傻 就這樣觸電, 一直甜蜜觸電, 直到爆炸 | |
| 2007年7月8日 | |
|
DUP BONE 奇遇記 搵食篇 芘芘今晚要考試, 等佢考埋試約左 10 點鐘元朗等, 點知果個陳人遲到, huh! 人齊la, 出發! 老實講丫, 其實我係好少番大陸架, 但見到佢地兩個, 我就要扮到好似好熟咁law, 好似爸爸揍住兩個女咁! 第一站我地去到樂園路搵野食, 入到一間海鮮酒家唔洗點等就有位, 一坐低就睇到好野, 招牌菜"自磨豆腐", 之後佢地兩個出左去睇海鮮, 番到入黎點菜果時問我食乜, 我話"吓, 你地兩個頭先出去做咩架?", 我諗佢地應該係行下掛 , 我地點左四個送, 特別要一提既就係"個蟹粥真係...真係...真係...好美味呀!" $120 落樓, 3 個都一齊要講一句, "嘩...真係底吊", 食飽之後就進入我地既奇妙旅程dup bone 休息廳篇 首先入到去梗係沖涼啦, 冇人帶路又乜都唔識, 真係成個傻仔咁, 仲比個服務生點左我, 搞到我著左件勁勁細既上衣, 跟住上休息廳等佢地啦, 我淨係知道等左好耐先見到佢地, 休息廳坐左陣就有服務生同我地講今晚房間好緊張, 叫我地入房先, 服務生介紹完各式各樣既推拿之後, TAMMY & 芘芘已經有定案, 就係 3 個一齊做法式, 服務生: 現在我地一個房間最多只可以做兩個法式 我地: 咁有冇房可以 3 個一齊架? 服務生: 你地會唔會 3 個一齊做中式? TAMMY & 芘芘: 我地要做法式WOR 服務生: 如果係咁你地洗唔洗分房做呀? 我地: 我地想一齊WOR, 總之你安排一間房比我地一齊做就得架la 服務生: 咁樣牙...er...er...講到我都有點尷尬 TAMMY 嬲嬲地: 我唔明wor, 你可唔可以解釋得清楚 d 點解唔可以一齊呀? 我就發覺有 d 唔對路地說: 等陣先...有 d 唔多妥, 法式係咪要除衫架? 跟住 3 個一齊響度笑, 比人望住law, 樣衰! dup bone 入房篇 最後當然係 3 個一齊啦, 入到房仲比人笑我做咩仲驚過 d 女仔, 咪就係因為我懶得去洗眼law, 所以我都唔敢亂郁, 服務生經過房間 TAMMY 問服務生: 前溫依沙油什麼燃NIL? 服務生: 有檸茶, 檸水, 奶茶, 咖啡, 氣水! TAMMY: 比杯滾水我丫 師傅入黎la, 2 個鐘我個頭都響個床窿入面, 之後個師傅將我個頭包住, 咁我咪多口問一句"做乜包住我個頭?" 點知比人笑, 仲要話我"call i" ! 做完哂都已經 4:30am, 間房響走廊位, 成日有人行黎行去, 嘈到死, 佢地兩個又未番, 我又擔心, 點知佢地 6:00am 先番到, 真係 @#%&^%! 訓醒左之後,
TAMMY 問: 點解你有"被"架?我: 你望下下面! TAMMY: 吓, 點解有張"被"響下面架, 尋晚我仲鬧個服務生無"被"點訓, 跟住佢攞左成棟毛巾比我law! 之後去飲茶, 芘芘仲同沙虫影相tim  , 飲埋 lee 個今世緣茶壺沖既茶, 今世真係好有緣! 真係好開心呀!
| |
| 2007年7月2日 | |
|
戀上感冒藥 (part1) 如果要我評自己, 我覺得我把口都有 D 花啦, 都會聊下女仔咁law, 比人既感覺應該係主動進取型, 但實質係咪咁呢? 我都唔知道! 認識左嘉敏小姐好一段時間, 我和她是在爵士舞班中認識的, 第一次見面時我跟我妹都 有著同樣的感覺, 她應該是酷一點吧, 我們都沒有主動去認識, 接近她, 過了好幾個星期都只是進展到打招呼階段, 不知什麼原因, 可能她想找我問一點東西, 把連 msn 都沒有話題的我們從電話中連繫起來, 這是我們 第一次通電話, 亦是這一個電話另我患上了感冒...... | |
| 2007年7月1日 | |
|
7月1日開工日 阿 KEN 上午去左睇檔, 我 5 點鐘去接力, 由於專業既整合方案, 加上技術人員悉心既安排, (技術人員係我)系統太穩定既關係, 搞到我今晚真係悶到...想屎! 行黎行去, 唉! 不過我既工作就係咁架啦! 十點半 PAT 哥 放人, 真係底錫! | |
| 2007年6月30日 | |
|
新鋪安裝 去左別龍裝機, 見番好耐冇見既婷婷, 升左做副店wor! 好快手已經搞掂哂, 都係同 d 大佬吹下水, 水完之後就回家訓覺, 聽日仲要黎多獲! | |
| 2007年6月29日 | |
|
阿均生日飯07 上完阿健堂, 即刻去左元朗人家同阿均食生日邊爐, 其實好飽架, 不過唔食都要比錢, 所以都食左幾下! 好耐冇見過阿均, 感覺上好似比以往欠缺一份活力, 係經歷多左帶來既影響嗎? 男人與男人之間總係有多重隔膜, 有時想靜靜地 call 佢出黎飲野, 或者問下佢近排生活如何, 但都唔咁問得太深入, 每次都係果幾句"點呀, 近排有冇新野呀?", 就等於一 d 無聊既 net fd每一次都係"hihi" "做緊乜", 背都背到熟哂, 可能係因為咁, 令到兄弟之間既感情好不容易深入一點, 真係好想問一句"別來無恙ma?", 希望均大一歲之後會搵到新目標新方向啦! | |
| 2007年6月24日 | |
|
DANCECLUB 經過多個星期既功夫, 加埋幾個好幫手, 今日已平均分配好 4 組既隊員, 好開心好興奮, 我果組雖然響平均實力黎講係最低, 但我地 lee 組既組員係最有火, 最合群既一組, 希望快 d 會有野睇啦! 雖然 DANCECLUB 既工作唔知我仲會做幾耐, 見到大家既投入, 我一定會盡力做直到時間唔許可為止! | |
| 2007年6月20日 | |
|
與老朋友見面 12 點幾收到 call, 吓...銅鑼灣部 server 有事, 大獲la! 拿拿林執左 d 野就過左去, 搞到 5 點, 好彩都搞掂哂, 今日真係慘, 又冇食早餐, 仲要 5 點先食 lunch 呀, 阿樂叫人整左個拉麵比我食, 心情都平衡番 d, 之後去灣仔買埋野就回家! 突然間收到老朋友既電話, 黎左個短聚, 大家都唔同左la, 不過見到熟識的朋友, 唔知點解自己唔開心既一面就湧出黎, 見親 lee 個人都係咁個 bor, 奇怪! 我地行左去巴士停車場外邊傾計, 之後慢步同 lee 個人行番屋企, 我覺得都幾特別丫, 以往我一定會送 lee 個朋友番到屋企留下, 今次突登早一小段路就告別, 為自己深刻今晚既聚會先, hehe!
| |
| 2007年6月19日 | |
|
節目豐富的假期 15:00-17:00 去左朗晴 hip hop 下先, 19:00-20:30 去拉丁下先, 21:00-01:30 去唱 k, 勁到! 同 JAZZ 人去唱 K, 嘉敏既歌喉好到令我嚇一跳, 簡直係高音甜, 和音準, 低音勁! 個個都能歌善舞, 笑死我! 好累呀, 今日真係玩夠la!
| |
| 2007年6月18日 | |
|
努力練習 我要 keep fit! 比幾條線我呀! | |
| 2007年6月17日 | |
|
個頭腫左 冇番 Angus 果堂, 今日去到碟翠 TINO 教番我 d step, 個 feel 真係好鬼 JAZZ, 15mins 我就搞掂la, 好彩 Tino 教番我, 等 Joey 教就真係死得! 各位團員, 你地要識得照顧自己, 唔好坐埋一邊咁悶啦, 我有好多 step 要覆番, 唔得閒照顧咁多人架, 主動 d 啦! 同 tino 夾一個動作, 點知......出左事, 我個頭比佢踢中左, 腫左一大舊, 痛屎我la, 佢地個個都好好, 有人幫我搵冰, 又有人幫我搵"霎"蛋, 其實我都冇嬲, 不過真係好痛law! 阿治都黎左, 佢一郁, 全部人雙眼都集中響佢身上, 佢真係好勁呀! 睇到眼都突埋! 630 就走左, 趕番屋企同老豆打麻雀, 打左 10 圈, 我淨係知我係咁食, 係咁食, 佢地問我, 你好唔好意思食咁多 4 番, 我淨係覺得我食兩番就唔係咁好意思law, 哈哈! 老豆好有心機幫我捽個頭, 真係好肉麻想講, 老豆真係好架la! 我個頭都仲係, 痛呀!
| |
| 2007年6月16日 | |
|
星期六, 悶 最討厭既聆聲響起, 唉...起身把啦! 今日覺得自己個樣好精神, 做完野真係唔想番屋企, 點知...最想見的, 都唔得閒la, 搵左 yan 同魷魚食飯吹水, 就係咁, 我就食左一個好好笑既晚飯! 細 JACK 打黎話佢見到 Angus, 咁我就問佢響邊度見到啦, 跟住佢話佢響電視見到 Angus, 我心諗"有咩出奇 jack! huh!"
| |
| 2007年6月15日 | |
|
痛呀! 半夜 3 更肚餓, 去廚房整個杯麵食, 一按熱水, d 熱水經過杯麵內既大塊魷魚反彈再淋落我隻左手度, 頂~~~ 食都食得唔開心, 痛呀!
| |
| 2007年6月13日 | |
|
我真係有心思架la! 今日同 TA 食生日飯, 未夠鐘, 我地去左 NAMCO 玩, 個收銀好似張柏芝, 即刻聊佢傾計, 仲知道左佢叫阿潔tim, 最衰唔記得同佢影張相, 下次一定要補番先得! 好耐都冇用個腦, 今次要準備禮物同晚飯, 真係擔心! 估唔到佢咁鍾意份禮物, 我既細心都仲係細架, 原來我花既心思都仲係好洗得架, 唔知點解我送禮物仲開心過收!
| |
| 2007年6月11日 | |
|
與嘉敏約會 今日去買埋最後一 part 野, 行左好多間, 終於搵到我要既野, 我都好滿意自己買既禮物呀, yeah!!! 嘉敏收 930, 餓死我la, 等埋佢一齊去左食迴轉, d 野麻麻地呀, 不過我發現左佢食好多野架, 哈哈! 之後又去行街, 竟然對左咁耐, 先發覺原來佢著裙, 奇怪! 行到一間 shop 買手連, 佢簡手連既過程, 我只可以講"好好睇, 好好笑"! | |
| 2007年6月10日 | |
|
碟翠爆場 最擔心既事, 今日發生左la, 碟翠今日竟然有廿幾人, 開始要限制人數la, 入到舞室大家認識完一輪, 成個場都真係岩岩好咋, 好熱鬧好熱鬧! 唔知點解我對阿松既印象係特別好, 佢教左我, 阿關, 阿 MING, 兩個 8 拍, 大家好快就跟到, 好玩! 阿關真係好, 帶住我跳 CHACHA, 仲教左我 D 技巧, 阿 Keith d sidewalk, moonwalk, c-walk 既技巧好勁, 今日真係好開心! FreeStyle DanceClub 既工作已經分配好, 收費都已經諗好哂, Cherry, Wilson 真係好幫到手, 希望我地做咁多野唔會白費心機啦! 夜晚去左美都, 我就覺得好過富都好多, d人又好, 野又好食 d! 之後跟阿松去左 X ,睇佢玩韓國果部跳舞機, 我......呆左......佢一跳, 周圍既人成廿人都行左過黎睇, 後尾先知佢曾經係 lee 部機代表香港去韓國參賽, 好勁呀! | |
| 2007年6月9日 | |
|
買禮物 無無聊聊去左元朗睇下人上堂law, 跟住就行街買禮物, 忽然間想逗人開心, 或者之前聽過既說話"男人對你好，不因為你值得他對你好。只不過某刻他想對女人好，而你湊巧經過", 我都覺得講得岩既, 腦入面都係諗收到咩禮物會開心 d, 今日終於完成左一半la! 夜晚阿展叫我去銀座, 見咁耐冇去, 就去陪下佢玩啦, 玩完番屋企, 好.恐.怖.呀! 個電閃都好似 disco 咁呀, 我又冇 umbrella, 番去果陣幾驚比電電親! | |
| 2007年6月8日 | |
|
間歇性情緒病 感情生活已經空白左一段長時間la, 自己一個人既生活都過得習慣, 話雖如此, 但偶爾也會想有人關心, 想有一個溫暖既擁抱, 天呀! 可唔可以賜我一個女朋友! 有時會問下自己, 究竟想點呢? 係咪真係想談談情, 說說愛呢? 天生我就沒有什麼吸引異性的地方, 一見鍾意當然唔會發生響我身上啦(如果有, 記得講比我聽, 等我開心下都好丫ma), 有時都會諗點樣可以受注目一 d 呢, 著多 d 西裝, 留到成面鬚, 孚下 mask, 每次諗完自己都覺得好笑! 講番近 d, 既然單身, 梗係享受一下單身既福利啦, 間中都會興不同的女生約會, 算係花心嗎? 即使關係只是朋友也好, 不可不承認的是每個女生都帶給我一點點女朋友的感覺, 送給女生的小禮物, 應該算係逗自己開心先至真! 自由自在既日子, 多左既時間令我搵到新的興趣, 認識很多新朋友, 仲令我既"冇拖拍間歇性情緒失落症"好番好多 tim 呀! 哈哈! | |
| 2007年6月7日 | |
|
Lenoa 生日 JOEY 響屋企食完先出黎, 今晚我同 TINO, ANGEL去左金太朗食飯, 今次可以用上次比錢買既 VIP 咭la, 點知...免費既壽司船真係好細law, 成檯都係野食, 食到好飽, 之後等埋劉妃就上堂la, 咩事呀...平時得 10 個人, 今日成 20 個, 迫到抽根, 快 d book 番 4 樓啦, 大家都會有心機 d! 落堂後, 我, Joey, Tino, Angus, 丁丁, Carman, Leona, Annie, Leona FD, 孟子去 cafe 飲野, 竟然同一座有 d night club, 電梯太細, d 女仔上去先, 得番我地 3 個男仔, 勁驚出錯電梯, 哈哈! 阿丁真係好有心機, 整左個生日蛋糕比 Leona, 大家都狂影相, 食下傾下, Angus 同 Leona FD 響到跳 chacha, carman 就覆番 d step, 我諗餐廳入面既客人都睇到眼突突, 估唔到 lee 個組合可以咁好笑咁好玩, 開心的一天! | |
| 2007年6月5日 | |
|
嚇死我呀! 收到媽媽既電話, 老豆入左院, 嚇死我la, 好彩好彩真係好好彩! 唉...後遺症好多, 成世係咁跟住唔走, 但老豆真係好強! 長氣 d 都係果句, 健康係最重要丫ma, 我知道架la, 依家我既生活好健康架! | |
| 2007年6月3日 | |
|
碟翠聚會 今日阿儀黎左, 仲帶埋阿松黎, 加埋 Rainbow, 今次認識多左兩個新朋友仔! 阿松好勁, 我亦好欣賞佢既態度, 多埋佢, 我相信會大大幫助我地班人提升技術架! 玩完就緊係搵地方食野啦, 依家諗野食真係好麻煩, 一去到間餐廳同人地講話我地十幾人wor, 嚇到人地.....吓左一聲! 6 個人部我去睇鞋, 搞到我唔係咁好意思, 最後求其買左個斜咩袋, 我真係唔捨得買千幾蚊個袋, 算啦, 我不嬲都係樣樣衰衰咁去見客架啦, 自己開心咪得law, 哈哈! | |
| 2007年5月30日 | |
|
偷懶 今日起身個頭好痛, 尋晚可能訓得唔好啦! 偷懶, 休息半天, 夜晚照舊出去上堂, 上完堂番屋企, 點解我唔肚餓gei, 全日食左一餐咋, @.@ 今日 8 個 8, 我覺得 ok wor, 真係覺得多咩? 都係我多口, 搞到激嬲左人, 但其實我真係覺得唔多, hehe! | |
| 2007年5月29日 | |
|
睇完堂, 醒哂 今日佐敦上完堂去旺角同阿丁, 嘉敏食飯, 食食下老師又入左黎, 真係"橋"wor! 老師講番果晚公益金黎明"咪"咀都甩咀, 又叫個o靚仔幫手搬野, 點知完來係陳柏宇, 淨係黎明同陳柏宇事件都笑死我la! 食飽就上去睇堂, 今日我明白左好多la, 雖然冇人話我, 冇人鬧我, 但係我知道我錯, 以後都唔會咁架la!今日收到打打娘娘電話, 比佢見到我 tim, 真係橋架la! 阿寶, 你去鬼左邊呀, 想同你講聲生日快樂, 都要留言, 真係激死我呀! | |
| 2007年5月27日 | |
|
碟翠聚會,人多勢眾 經過幾個星期時間, 今日算係我地精舞門(未諗到咩名, 是但用住先)第一次正式既聚會la, 有意加入既朋友越來越多, 氣氛亦都越來越熱鬧, 已經接近 20 人la! 真係開心! 今日差 d 遲到, 好彩去到元朗都岩岩好, 入到碟翠阿彤天奴都已經到左, 我地開始自由活動, 人齊la, 又識左好多新朋友, 最後半個鐘, 大家仲出黎 solo, 我真係唔係好掂, 練多 d 先! 細J 出黎個 7 字馬好得, 大J 就唔細講啦, 次次都爆, 明爺都幾唔錯, 阿彤阿煩就 SEX, 個個都好掂! 夜晚去左安娜餐廳鋸扒, Keith 個心口有隻飛蟻, 佢準備用手去彈佢果時, 阿健話唔好用手, 要用個心口 pop 走佢, 笑死左! 之後佢地陪我去買鞋, 響鞋鋪我識左個女仔 sales, 仲要比埋 msn 我, 哈哈! | |
| 2007年5月26日 | |
|
老師出 SHOW, 好搶鏡呀 近來星期六對於我黎講應該算係休息的日子, 病病地, 全日都響屋企訓下覺, 睇下電視, 夜晚睇公益金, ANGUS 真係勁多勁多大頭, 同容祖兒果 PART 竟然係 FULL SCREEN, 出鏡率仲多過好多歌手, 勁! | |
| 2007年5月24日 | |
|
碟翠 今日人少少入左碟翠, 人少都有人少既好處, 同大細J 即時切左 D 野出黎, 雖然錯左好多, 但係好幾個人睇過都話 OK, 真係開心, hehe! 今個星期真係跳得特別多, 連續 8 日跳左 6 日, 個人越黎越輕, 食番多 d 野先得! | |
| 2007年5月23日 | |
|
休閒聚會 夜晚先出動去左劉妃屋企同埋阿均三個聚一聚, 真係睇電視聽歌, 傾下計飲下酒就過左一個晚上, 分享近排發生既事, 大家都幾好丫, 冇穿冇爛, 傾完計仲教左佢地幾個 step, 好好笑, 唔知點樣先可以有 d 線條呢? 依家真係好唔得law! 我唔可以懶呀! | |
| 2007年5月22日 | |
|
新鮮同學仔 原本我已經打算去元朗學國標, 但同學仔勁叫我唔好走, 好啦好啦, 我交多一期學費啦, 上上下堂, 咦...有個新同學, 形容下先...黑色公主袖裇衫, 個樣勁斯文, 灰色百摺短裙, wow, 好耐冇見過 d 咁既野, 突然間覺得上堂冇咁悶law, 哈哈! | |
| 2007年5月14日 | |
|
HOFEX 2007 今朝較左鬧鐘 6:00AM 起身 SEND 個 SMS 比生日人, 點知對方收 SMS 的時間唔係 12:00 AM, 唔成功tim, 搞到醒左訓番都訓得唔好, >_< 今日去左 HOFEX, 周圍行食野睇野, 其實都幾好玩架, 係咁飲 d 日本酒, 味道唔錯, 可能係唔洗錢既野覺得特別好味, 見到好多熟面口既人, 不過佢地應該唔認得我la, 走果時有人響後面叫 ANDY, 但係我望一望佢, 我又唔識佢, 唔知想點咁, 尷尬都爆, 阿KEN 仲話果個人真係叫我, 會唔會係我唔記得佢係邊個咋, =.= | |
| 2007年5月13日 | |
|
媽咪節快樂! 今日既行程係去碟翠練習, 去味太朗食平野, 再去睇下小虎同毛 mo, JOIN 番佢地去喜利睇衫, 再去元朗廣場睇帽, 節目豐富, HEHE! 今晚決定響屋企食, 但 PIZZA HUT 個電話打左半個鐘都唔通, 最後叫下 D 炒野, KFC, 食埋個蛋糕真係飽到呢... 祝媽咪節快樂啦! | |
| 2007年5月10日 | |
|
新隊員 未夠鐘上堂, 我地上左間 CAFE 等 ANGEL, 好得意呀, 係一個屋企黎架, 訓番陣都得, Haha! 諗住 d 野食一定係麻麻麻麻架啦, 點知 d 味道都幾好wor, 正! 上堂la, 多埋 ANGEL 真係好開心, 又多一個新成員! 可能係要就番其他同學啦, 暫時仲係好簡單, 同其他同學都熟左好多la, 今日條根都係唔聽話, 點先可以鬆 d 呀? | |
| 2007年5月9日 | |
|
著住火咁去唱 K 每次朋友悶, 心情唔好, 搵我出黎我爽快咁回覆係因為我也想跟朋友見見面, 聚會見面時我都不會因為時間, 節目, 人物, 地點限制, 應該說就是想見見面啦, 可惜我在很多人心目中是個閒人, 或者就是大圍節目中增強陣容的閒人, 我今日真係好火......, 緊急召集, 話咁快已經決定地點時間, 今晚既組合每一個成員都識得自 high, 4 個人唱 K 唱到企哂起身對唱, 高低和音都出哂黎, 勁! 房間好舒服, 油麻地 NEWAY 真係唔錯, 又唔趕人走wor, 下次都係黎 lee 間先得! | |
| 2007年5月8日 | |
|
梁靜茹, 正! 今朝收到多一份問卷la, 真係好, 我相信當初睇到咁多字可能會怕煩, 但當你填既時候會一路填一路笑架, 唔信你試下, 我睇完某 d 答案笑屎左, 哈哈! 夜晚阿均唔得閒睇演唱會, 所以我今晚冇上堂頂左佢張飛去睇, 如果早 d 講比我聽就好, 等我溫習下梁靜茹既歌, 可惜已經太遲, 好多歌都唔識, 不過佢既歌聲補番數, 今晚睇完之後真係好想講梁靜茹把聲好好聽, 講說話好溫柔, 每一個動作都好斯文, 連飲水都有一種魅力, 佢既歌全部都好想表達比人知佢係一個小女人, 浪漫, 傻瓜的想法, 細水長流的愛情, 即使外貌身形不是出眾的她, 身上散發出這魅力已令每一位在場的觀眾著迷! 聽到這首"可惜不是你"有說不出的感覺, 分手快樂, 勇氣應該係開心感動既歌, 但或許每每歌曲帶我回到那一天晚上, 心都會痛得要命, 估唔到相隔咁長時間, 但依然都係萬試萬靈! | |
| 2007年5月7日 | |
|
SMS 每次響起訊息聆聲, 都會好心急打開睇下邊個 send message 過黎, text message, text message, 點知一開又係 service message, 跟住個口就會好自然咁打開然後條利掂住上方發音一下, 基本上我每次都會做 lee 個動作咁滯, 講開 message, 唔知你會唔會好無聊咁 check 下月結單, 睇下你同某某 message 既次數今個月比起以往有冇增加呢? 會唔會邊一個號碼疏遠左呢? 如果 lee 一刻, 你收到邊個 send 比你乜野內容既 message 會最開心呢? | |
| 2007年5月5日 | |
|
上下半場 上午番公司執工具去青衣跟 call, 做完之後買左個燒肉燒鴨飯連冰凍可樂番公司食, 唔知點解平時唔係好願郁, 但係星期六自己一個響公司又會覺得好有做野既心情, 跟埋 d 單, 計埋條數, popo 打黎搵我食 tea, 我就番時間去搭巴士, 咁岩我竟然同佢上左同一架車, 都幾搞笑, 好耐冇見過la, 今日佢個 look 係 Smoky Eyes, 白色黑色公主袖裇衫, 冇著短裙, 著左牛仔褲, 成個人都瘦左! 一路行一路傾, 但感覺有點奇怪, 我地去左旺角食板前壽司, 都幾好味! 夜晚約左 TATA 睇戲, 時間尚早, 去 CAFE 飲野, 成間 CAFE 都冇人, 想點座都得, 我地又嘈, 又周圍影下相, 餐廳人都笑我地! 之後去左壽司亭食野, 同小敏傾唔停, 傾傾下小敏細細聲咁問我......咁law! 十分愛冇獨家試愛咁好睇, 好多地方都多左, 扣分呀! 不過都有感動既地方, 戲中一句對白是我去年說過的, 短短的一句, 已經帶我到往日許多地方遊歷, 真的很可怕! 同 TATA 回家途中講左好多以前既自己, 講講下佢收到 sms, 仲問我點解我冇按過個電話都可以 send, 我只可以講 it's magic! | |
| 2007年5月4日 | |
|
朗晴上堂 今晚朗晴好多人, 十幾個, 隻手郁大 D 都會打到人, 不過都好開心又多兩個朋友加入la, 之後去左食糖水, 我個西瓜冰好好飲, 不過番到屋企肚痛law, 唔知關唔關事! | |
| 2007年5月3日 | |
|
尷尬 點解 d 根咁硬, 尋晚拉痛隻腳, 今日行路都有d 唔方便! 夜晚上堂, angus 排一隻新野, 兩個人一組, 開頭要同 partner 有交流, 之後仲要響後面攬攬tim, 咁都冇咩問題, 最大問題係有個女仔未有人同佢練, 咁我就要同佢練多一 part, 個女仔太細粒, 我隻手已經離開好遠, 但...攬佢果時勁勁勁尷尬, 唉! 仲要有人問我攬果時有冇發覺點解條腰咁粗既, 係咪含膿, =.= | |
| 2007年5月1日 | |
|
黃金週休息一天 原本今日約左國標 d 同學出去跳, 不過個人唔係好識郁, 都係乖乖地留響屋企訓覺! | |
| 2007年4月30日 | |
|
同黑人撐檯腳 放工收到黑人電話, 見冇野做, 兩個去左銅鑼灣周圍行, 行宜家, sogo, 亂咁行, 其實都只係想響有冷氣既地方一路行一路傾, 好想食泰菜, 上左鵝頸橋街市, 點解搵唔到果間 openrice 泰菜架, 於是我地坐低左食小菜, lee 間野個八珍豆腐煲好好食呀, 下次大圍上黎 lee 度食飯其實都真係 ok 架! 黑人, 唔好成日都咁接近黑色啦, 心情成日都咁灰沉唔得架! | |
| 2007年4月29日 | |
|
BATTLE, 樣衰左 10:30am 同同學仔食個麥記之後就搭的士入去碟翠, 開初 d 人又好似唔係好想黎, 但唔知點解入到去有 9 個人! 跳到咁上下, 做咩冇啦啦 battle 呀, 我個腦一片空白, 亂郁幾下就收皮, 真係好樣衰, 大細 JACKY 都好爆, 兩個都好掂! 雖然個身又濕又累, 不過都好開心好好玩, 之後唔知點解去左玩跳舞機, 玩完就去味太朗食 TEA, 成班人好嘈呀! 跟住再去睇阿彤佢地堂, 個 MISS 既身形好 FIT, 正, 不過 D 學生個個都未食飯, 冇力架! 番到屋企坐響度都訓著左! | |
| 2007年4月26日 | |
|
逢星期四的節目 今日 lunch 去左深水步食明將, 食左十幾碟壽司, 再加一杯蜜瓜牛奶, 好飽呀! 收工慣例去 mk 周圍行街啦, 同祖兒行聯合睇鞋, 我見到有對鞋真係幾靚, 跟住既對話 Sales 妹妹:都幾好個bor, 好少阿哥會陪阿妹行街睇野 我:吓~ 我地成日都係咁個 bor! Sales 妹妹:真係冇架la, 阿哥邊得閒陪你丫! 我:你阿哥唔陪你既咩! Sales 妹妹:唔架! 我:好啦, 咁你想行街果時打比哥哥啦! Sales 妹妹:喂~ ok wor! 跟住就當然係笑聲啦! 哈哈哈!等埋TINO之後, 3個人去食米線, 鋪頭感覺比較簡陋, 米線湯底有 4 款選擇, 我選左番茄魚湯鹽燒軟殼蟹米線, 好食呀! 不過 D 店員個個都似有背景果D law, 你見到 d 有背景既人服務你既時候咁好態度, 真係唔知點咁law! 唔知係其他人跟唔到, 定嫌辛苦, 學生少左4, 5 個, 空間都大好多, 不過氣氛就冇咁好la! 今日個 JAZZ TURN 好難wor, 要練多 d 先得! | |
| 2007年4月25日 | |
|
我係祈福黨 收到指示要買糖逗今晚出席晚飯聚會既女士, 7:00已經到左上環, 行左幾條街都冇乜正野, 最後去左果幾間連鎖店買law! 打打娘娘, 打打男, 劉太, 劉妃, 陳妃, 同埋我 6 個人去左"遊吟釀"食Shabu Shabu 大放題, d 野食未到, 先黎玩玩畫鬼腳, 恭喜哂劉太得到我覺得最好食既"草莓唔知咩咩野", 玩又玩完la, 點解 d 野食咁耐架, 人手極度唔夠, 魚生唔夠新鮮, Shabu Shabu 麻麻dee, 好彩個燒物, 同烏冬真係唔錯, 坐位都幾舒服, ok 咁啦! 食飽走人, 又有事發生 我: 喂! Tammy, 你俾一百蚊我, 我地送樣野俾你丫 Tam: 你送野俾我, 點解要我俾錢你? 我: 你俾左先啦, 手續費黎架, 好抵架, 一定有意外驚喜… Fay: 係呀, 好抵… Tam: …但..我得返廿蚊咋喎… Fay & 我: 是但啦…廿蚊都照殺… Tam: 咩黎架…(跟住好唔願意咁拎埋剩餘既廿蚊出黎…) 之後, Fay 收左廿蚊後就喺佢個袋拎左Tam漏左係餐廳既頸巾出黎俾返Tam…. Fay & 我: 係咪好抵呢……係咪抵先………. Tam: …….你地…你地…..哼……哼….哼….哼…呀…唔緊要, 林榮, 我頭先食飯仲爭你一百蚊…咁而家爭八十… 我: 喂…..關咩事…..又唔係我收左你錢… Tam: 我唔理…你地自己搞掂佢….. Fay: 我會俾返十蚊你既……….. Tam: 呢d咪叫做…呃人…終歸呃自己… 就係咁我就無啦啦比人呃左二十蚊! | |
| 2007年4月23日 | |
|
你了解我嗎? 突然間好想知道在自己心目中有位置的好友們, 究竟有幾了解自己呢? 我諗最大原因係因為我睇完"轉角遇到愛", 真係好想做 lee 件事! 收到回覆, 個感覺好好, 當中無論答岩答錯都好, 知道對方既睇法, 真係好開心, 好感動架! 感謝每一位用心既死黨們! | |
| 2007年4月21日 | |
|
黃金BAR 劉太吹雞, 我, 劉妃, 陳妃, 小玲, 浩龍, uncle, 樂樂, 芘芘今晚去左黃金飲野, 打下 nds 吹下水咁law, 之後去黃金酒店間 bar, 我地人多, 但估唔到開間房俾我地玩, 環境真係幾好, 又有 live band, 唔知係咪大家都有心事呢, 氣氛好似不斷降溫, 唯有我同芘芘影下 d 低能相啦! 最後仲悶到我響間房拉根, 大家響度睇電視, 陳妃突然間嬲嬲地咁走, 其他人打 NDS, 訓覺, 我個頭頂好多問號呀! 最後都頂唔順番屋企, 估唔到響屋企樓下同心事人傾到 5 點幾, 天都開始光la, 希望心事人同我講完個電話會好訓d 啦! | |
| 2007年4月19日 | |
|
抽根 收工去左 MK join 祖兒周圍行, 每逢星期四都要捱兩個幾鐘, 我地已經行到冇乜野想睇la, 無聊到... 祖兒帶左我去買芒果涼粉, 6蚊貨仔既味道一d 都唔差, 之後我地 join TINO去左間 cafe 食飯, 個白汁焗野菌吞拿魚長通粉都幾好食, 仲有芝士蛋糕, good! 佢地打 PSP, 我去左朗豪 ALLS, 我都唔想架, 不過真係唔得la, 唔該唔好笑啦! 終於捱到夠鐘la, 差唔多落堂果時我抽根, 又唔敢出聲, 廢事樣衰啦, 好彩最後都冇人睇到! | |
| 2007年4月15日 | |
|
再見寶寶 今朝好早起身, 去粉嶺送寶寶最後一程, 今日大家都比較沉默, 可能係因為個腦都諗唔到講咩啦! 好早已經番到屋企, 靜左一日! | |
| 2007年4月14日 | |
|
打打做左大贏家 今晚上左飛馬俱樂部, MAY LUI ,MAY NAM 同SEX FUNG 都有黎, 阿神, 美男, SEX FUNG 打 PSP, 我地幾個就打牌, 今日我學識左原來食薯片要大對對先可以接住(芘芘教架), 如果冇, 就唔該食得小心 D, 跌左落地就唔好啦! 阿神自己一個響度睇成人台(佢個角度岩岩對住芘芘), 仲叫芘芘打番格仔好 D! 估唔到打打娘打牌咁勁, 做左今晚大贏家! 劉妃唔響度, 好似爭咁 d 野, 快 d 番黎啦! | |
| 2007年4月13日 | |
|
新老師, 新同學 今日上左 ANGUS 既第一堂, 風格係比較 Jazz 一D, 可能係就番大家, 所以舞步都比較簡單, and 位勁少, 教得都幾快, 一堂竟然教左 40 拍, 好彩我地 3 個都跟到! 最得意係有一 part 要對住一個唔識既人相反方向跳, 拉根學識多左幾個新動作, 不過條根都係好硬, 爆痛! 同其中一個同學仔傾計, 咁熟面口gei, 吓...原來佢係 TVB 收費娛樂台既女主播, 真人都幾得wor! ANGUS 唔單只身型線條靚, 仲要都幾靚仔下, 正! 落左堂之後個人散左, 聽日都唔知有冇力上阿健果堂tim! | |
| 2007年4月12日 | |
|
寶寶再見 回到家中, 為何好像跟平日不一樣呢? 心裡有不安的感覺, 原來平日認為理所當然的東西, 隨時都會不辭而別, 我亦不敢多問, 只知道寶寶走了, 為何我是這樣, 為何總要到這一刻才心痛, 平日我是這麼無情嗎? 今天心中只帶著傷感, 腦海中想了很多"無謂野", 結論是如果我有得選擇, 我不要活到八十歲, 只想比愛錫我的人更早死, 我不想看見每一個人離我而去, 只剩下傷痛給我, 什麼男兒流血不流淚我真的不懂! 在我的葬禮中, 不知道會有誰來探望我呢? 可以的話一定要播放"活著多好", 不熟練的鋼琴聲令觀禮的朋友心中會說一聲"呀...你又彈錯!" 放一張扮鬼臉的照片, 一邊要播放著惜日的傻瓜片段, 還記得在麥理浩徑對打, 在家中組合唱團, 在碧桂園的每個有趣片段, 還有很多...很多...! 我離開後也要跟我說心事啊, 心中喜悅也要跟我分享, 我會聽到感受得到的! 我就是這樣, 滿腦子都是無聊的東西, 但其實都是我心中所想~ 寶寶也要好好上路, 好好生活在另一世界! | |
| 2007年4月11日 | |
|
Tammy 生日飯 今日同左劉太, 謝太, 樂, 芘芘, 僱主, 清潔工人, 陳妃, 去大吉居酒屋食飯, 講個秘密比你知, 其實我唔係好鍾意去自己 d 客度食野架, 因為 d 污糟野我都見過哂, 不過 lee 個客開店唔係太耐, 我地都決定左去試下, 真係估唔到 d 刺身好新鮮, 上菜時間不錯, 最後中請我地食雪糕, 好彩阿 yan 都識得比番 d 飛屎我, 好啦, 下次再幫襯啦! 8 個人當然好嘈啦, 響 KFC 我係咁比人圍 X, 做咩要圍 X 我, >_<, 食野果陣先超爆勁, 某人話A: 我唔食沙律醬架! 友人: 軟轂蟹卷有沙律醬wor, 你啫係唔食得啦! 某人話A: 咁少應該唔覺gei 我: 咦軟轂蟹手卷黎la!好似好好食咁wor! 某人話A: 我唔食la, 咁多沙律醬! 我: 點解呀? 軟轂蟹卷你都食格! 某人話A: 嘩...你睇下d 沙律醬, 咁大.............點! 啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤! 我: 咦, 你淨係食三文魚gei? 某人話B: 係呀, 我好怕 d 有陣味既野架! 我: 咦, 你唔食炸蠔gei? 某人話B: 係呀, 我怕 d 陣味好勁既野架! 我: 我都好怕架, 咁你應該同我一樣唔食芥蘭啦! 某人話B: 我食架 我: 咁唐蒿呢? 某人話B: 我食架 我: 咁苦瓜呢? 某人話B: 我食架, 我仲會食莞茜tim! 啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤!啤! 愛妃, 生日快樂呀! | |
| 2007年4月日 | |
|
拜山 今日去左拜公公婆婆, 人都唔算好多, 不過好大煙, 隻眼都打唔開! 拜完上阿姨屋企聚一聚咁law, 又一日! 唔知係唔係因為 d 煙既問題, 我個鼻好似患上左嚴重鼻腔過敏導致液體流出, 簡稱嚴重鼻敏感, 真係辛苦! | |
| 2007年4月4日 | |
|
放假la 同 tata 去左旺角中心唱k, 上到去真係錯哂, 今日真係唔適宜響旺角唱k, d人多到係你唔洗旨意攞到 d 咩食, d 炒飯一出都可以冇哂, 唔係掛..., 好唔容易比我爭到個位夾鏍絲粉, 唔係掛...食鏍絲粉, 我個心係咁諗law, 但你唔食, 都唔洗食la, 於是我地求其食飽之後就唱唱唱, 已經唔想再出去爭野食, 冇錯...係爭野食, 都未唱夠就夠鐘, 唉...NEWAY時光過得特別快... 之後就好似大家都冇屋企番咁, 響條街兜左幾個圈, 勁call 人"留"蒲, 結果係個個都好乖個個都冇節目, 最後都係各自回家! 之後我 join 左陳妃中環飲野, 去到有 d 尷尬 tim, 可能係佢地講既野我又唔係好明啦, 我又廢事咁快表露我傻既一面, 所以都係乖乖地唔出聲, 再加上我 d 英文又唔好wor, 其實都真係幾尷! 飲完野見到有人響馬路打交, 某人話報警, 某人話唔好啦, 睇多陣先啦, 其實女人諗野都真係......正呀! | |
| 2007年4月3日 | |
|
碟翠峰排舞室 今日好趕時間, 好快手趕埋 d 野就入左東涌, 架車去到公路先有人話冇帶工具袋, 呆左! 得番我一個做其他野, 個人真係好累, 做完之後拿拿林番入元朗搵阿健佢地, 雖然肉體已經好累, 但知道有新地點, 我又好想去睇下個排舞室既環境, 累都唔理la! 環境真係幾好, 音響就麻麻, 點解個個都響度 solo, 阿健今日食左咩, 點解 d style 唔同既, 阿彤教我 jazz, 我教阿彤拉丁, d 動作都幾好笑, 好累呀, 仲要係跳兩個鐘, 跳完個人都腳仔軟la, 哈哈! 阿冶點解身體既每一 part 都可以分開郁架, 好勁呀! | |
| 2007年4月1日 | |
|
練習練習 好彩今朝識醒, 12:00pm 就到朗晴, 點解前面個人既背影咁熟既, 冇理由 Jacky 會黎個 bor, 估唔到真係佢, 兩個人用咁大地方, 真係覺得有 d side! 但原來多人有多人既開心, 少人亦都唔錯架, 至少你鍾意點就點, 冇人會笑你先啦! 番到屋企陪老豆打牌, 大家既技術已經同之前完全唔同, 打法越黎越奇怪, 真係打到傻左! 下次真係打流水莊, 如果唔係真係 唔知打到幾點! | |
| 【把本站設成首頁吧!!】 【將本站加到我的最愛】 |
|
Andy的信箱
andy1127@netvigator.com 歡迎來信喔!!!
Copyright© 2000 Andy's HomePage
All Right Reserved |
