6-8-2004 星期五  ~下雨了~

一大朝番工~

收到2人contact list~

但其中一個人個名錯左wor~

就咁笑左2分鐘~~

食完飯就patrol一粒鐘~

點知係話長唔長, 話短唔短既一粒鐘~

發生左2件事~

首先, 有個保安亞姐同我講~

佢地最難做就係要叫個d一對對~

做埋d好close動作既人坐番好d~

wa, 個時我諗: 圖書館wor~咁激?

點知岩岩講完, 我patrol個時~

就見到一對小小情侶(似Form4)

男既個樣算中下之姿~

但個女個樣同身材都高質架!

點知係個女仔主動咀個男仔個咀!

wawawawawawawawawawa!

我仲見到個男仔合埋對眼呀!

我睇到眼都突! 咁大個女第一次睇真人show wor!

差d睇到唔捨得走呀!

但我咁醒, 係佢地開番眼之前我已經走左lu~

then叫d保安亞姐留意下對小情侶咁啦~

第二件事唔係咁好既~

就係有2個小朋友控制唔到把聲~

2個媽媽同保安都叫過佢地細聲d~

但細路仔邊控制到wor~

點知有一個著黃色衫~

人到中年, 明顯雲英未嫁既"小姐"

佢一路大大力睇報紙~ 一路大大聲鬧d細路~

佢用左d最惡毒帶有攻擊性既句子~

加上佢鵝公喉既演繹, 真係......

"小姐"話:"無家教! 有爺生無"拿"教! 當呢到係遊樂場呀!"

then個家長望左個"小姐"一眼~

"小姐"又發炮:"望望望! 番屋企望您老母啦!"

本來我想上前叫個"小姐"講野細聲d~

但有個保安亞姐處理梗~ 咁我行開啦~

then 我行到好遠下又聽到個"小姐"講野!

"小姐"話咩:"係呀!全世界係您既......"

then聽唔清楚, 咁我快步行上去啦~

點知"小姐"好安靜咁睇報紙, 2個妹妹同家長唔見左~

我覺得無錯, 個2個小妹妹係嘈~

但人地仲細, 唔識咪教law~ 唔使咁鬧下化~

本來係個2個小妹妹唔岩, 但而家我覺得係個"小姐"唔岩law!

1)有咁大勇氣鬧人地d女女, 不如用個d勇氣去教好佢地!

2)人地細個可能唔知圖書館唔嘈得, 但個"小姐"明知都仲要大聲咁鬧!

  鬧佢地唔係因為佢地太嘈咩? 但我覺得個"小姐"鬧佢地仲嘈仲大聲啦!

3)保安亞姐都處理梗啦, 個"小姐"仲想點呀?

4)個2個家長半句都無反駁, only望一望亞"小姐", 好有教養~

  對比之下亞"小姐"好小器!

"小姐"本來自己有道理, 但而家變到咁賤格~

就係一個字搞成law~ 串!

串有咩用? 俾個稱號您叫串王好未?

同人講自己係串王好威呀?

值幾錢呀? 定係人地會俾面您呀?

串只會令人討厭, 代表自己係賤人~

去到咁盡只會無曬朋友~

不特止, 仲會俾人係背後唱, 俾人杯葛!

有個朋友做小偷, 最多唔帶錢係身~ 唔俾佢上您屋企~

但有個串人做您朋友~您會唔同佢講野, 唔想俾佢串親麻!

唔傾計既仲算係朋友? 我同街邊隻狗都傾計啦!

串人好難洗底tim 呀!

因為串過亞A, 咁亞A就會同亞BCDEFG......講~

咁個個就會避開串人~

or有d真正串王會串到d串人企都企唔穩!

到時朋友又無, 面又無~

串唔係用來攻擊人, 用來防身而已~