27-8-2004 星期五  領袖訓練營 ~part1~

呢一篇日記係記錄領袖訓練營第一日

而且係有一個遊戲同大家玩

就係估下我俾左幾多錢參加呢個訓練營

大家留意下呢２日發生既事就估到架啦!

早上十點回到學校, 一來就玩遊戲

又係個ｄ拖手遊戲......

仲要先叫您排好男女間隔先開始

我咁多手汗真係對唔住隔離個兩位男士 X.X

分完組之後放lunch

lunch要我地自己搞掂? 有無搞錯呀......

點知lunch俾得個八個字食

又要買便利雨衣, 真係好趕!

點知要我地自己搭車去黃石碼頭

之前又唔講, 我身上得２蚊jar!

好在有同team既人俾埋我d車錢

好在船錢唔使俾, 搭梗船個時仲可以見到雀鳥飛翔~

終於去到赤徑啦~

二十人大房......

四格廁格＋三格浴室合成一間大型臭氣沖天既廁所......

住屋同廚房同廁所分開三棟村屋......

食晚飯啦, 白飯任食, 有2條腸, 一隻雞翼, 一塊豬排,

三條生菜, 仲有ｄ"老"水汁既

但佢only 俾一個塑膠大碗要您裝曬自己ｄ飯菜

仲要先旨聲明一隻塑膠碗要用２日!

係塑膠碗呀! 點洗完再用呀?

so我食完倒左ｄ渣就算!

又玩遊戲, 係用垃圾袋蒙眼......

then由一到十四排番好, 其間我俾人搞個頭啦~

一除番眼罩就問係邊個啦......

點知佢又搞多次我個頭就話:"好熟識呀! 我搞過您個頭bor! 認人麻!"

eeeeeeeee! 傻仔左, 俾人搞兩次頭!

又玩多2個無聊遊戲咁就完左

我去左沖涼啦~ 雖然大寶係出面睇住~

但係個沖涼格係無門架! 得浴簾......幾透下......

沖得好驚, 好快沖完~　等曬佢地沖完就番房

玩左陣ＵＮＯ就訓lu, 都成三點lu~