|
Billy Lau Ho-Him's
Home Page |
|
|
2005/09/28 季侯風
風風足足 連續四個颶風摧毀左美國的煉油設施, 油價因此升過每桶 70美元, 係加拿大入油仲試過升至 $1.4 一公升都仲要排長龍, 爭崩頭, 諗起昔日 5毛錢一 lit 都嫌貴唔入既日子真係折墮. 在 Katrina 訪美之前, Billy 不斷買入油股, 賺了不少.
9月27日, 第五個颶風係墨西哥灣再度吹襲美國. Billy想, 油價會像上次一樣上升呢? 於是, Billy為此事同神商量. 結果係: Billy覺得油價會升, 而神認為會跌. (唔好問我點解, 唔識答你.)
其實好有趣, Billy居然夠胆(冇腦到)同神打賭, 輸賭 9月28日上午, 油市係升定係跌. 為公平起見, 以一股XEG的價錢做量度單位, 結果當然係 Billy衰左啦!!!!
於是, Billy返番神面前:「神啊! 都係你好野, 令我再一次輸得心服口服, 求你赦免......」
透過呢件事, Billy 從神那兒學到幾樣功課:
平地春雷 除左係神果度學到野之外, 就係比神「照肺」, 被訓話.
天災/人禍可以叫人洞察到油價升與跌, 計算出它們對各行, 各業, 各國既影響, 預先買入/賣出尚未公佈業績既公司, 這固然難得. 但神同時, 或者話, 更加想 Billy 睇到天災/人禍/政治/社會種種變動對民生(特別係 3rd world/貧窮線下)既影響係 D乜? 係邊方面? 人民在這些變動後最需要 D乜, 政府既政策又能唔能夠配合/適切? 應該點樣為國為民擺上禱告? (Assume個人能力有限, 除左 pray & donation, 知道而冇所謂既"application"都係一件好事.)
因為神希望 Billy成為一個胸懷普世既分析員(時代既先知), 而唔係單單一個幫自己/別人做個人理財, 投資出色, 然後齊齊「嗟利路亞!! 感謝神!!」咁短視. 雖然, 後者對於 Billy來講已經係成功目標, 做到咁已經好好啦嘛!! *2 離開天災不談, 如果一個人既心會隨住油價既升跌而忐忑不安, 唔能夠專心仰望神, 亦唔係好事.
「主啊! 求你赦免我, 開我既眼晴, 睇到你係世界既作為, 而唔係單單經濟效益.」
聖靈為此安慰 Billy: 「孩子, 你從前讀書, 為左考高成績, 後來我教你為學習而讀書, 結果你唔單止揾到學習既歡愉, 成績仲比以前更高. 今日你如果仍然聽話, 有一個胸懷普世既心, 何愁不能動察先機, 舉一反三呢? 當中既喜樂自然勝過忐忑不安既心情....... 「你放心, 唔係"世界末日", 油價仲有得升...」 Billy: 「你又話跌?! 攪到我今日輸左百幾蚊 :<」 聖靈:「我地輸賭今個朝早嘛!! 今個朝早升定跌? 再加上, 係你自己作賊心虛, 手快快沽貨.」 Billy: 「OKKKKK!!! 我錯晒 lor.」 聖靈:「如果唔係咁你點 learn a lesson? 你又唔計下你之前果兩個月賺左幾多? 你點返香港? 點去日本? 仲學人買 laptop? 百幾蚊學費袋錢入你袋, 計平左你 la. 有好多人, 我要佢用晒成副身家交學費, 到落堂果日都未識醒. (鬧得好!!!) *3 「你沽貨也好, 表示你還曉得敬畏我, 你幾時唔識敬畏我, 得意忘形既時侯, 就係你用條命去交學費既時侯, 輸既就唔止係錢咁簡單, 希望你到時識到醒 la. (Billy滴緊汗) 「唔洗咁驚, 繼續學罷!! 仲有大把東西等着你!!!」
Billy:「你僕人有主你撐腰, 即使依家未成氣侯, 但一定會不斷進步成長, 叫所有人都知道, 你一手調教出來的讀經人, 福氣, 視野同本事都不亞於人.」
*1. 全地係屬於神, 「地與海和其中所充滿的」, 唔係淨係教會既果塊地皮咁少, 唔止!! 油田, 油砂, 金礦都屬神..........你可能會認為呢個係一個太唔屬靈, 太世俗既解釋. 但只要你諗深一層, 難道「地與海.....」真係指大自然, 神創造, 世界很美, 環侏咁簡單? 呢個係現代石屎森林中人一厢情願既諗法. 「地與海」係古代人既經濟命脈, 農地耕作, 草原牧放, 海邊燒鹽, 湖泊捉魚, 山地開礦, 城市營商, 全地屬於耶和華係經濟/政冶/民生主權誰屬既宣告. *2. 今日既華人教會, 對財金市場既教導有 D只停留在十一奉獻的平面和單向之內, 好一點是教導個人理財, 如何用聖經/神學去解剖/分析/評論市場經濟, 如何活在高舉經濟效益為"真理"的社會之中, 這類教導依然非常不足. *3. 有關油價預測, Billy在05年12月一個email sharing/<<選舉>>一文曾提及, $65蚊, 跟實際 06年平均油價 $66.2相差只有$1.2 (理由係因為 round off to 5 or 10的整數), 跟各大分析家 $40 / $100一桶既準確程度比較, 令我更加知道神實在太厲害, 實在係全地既主. 問我07年油價係乜? 哈哈, 唔知. 因為, 未來係屬於神, unknown 令 Billy同所有人更敬畏佢. 更抵死是, 神告知Billy 06平均油價, 對宣示主權無懈可擊, 但卻幫唔到 Billy賺 $, 理由係單單知道平均油價, 唔知往佢既走勢, 方向, 同分析員既預測既距離, 根本幫助不大, 不然的話, 唔洗多, 只要預知一日油價升定跌, 一日就夠變百萬富翁. 所以神真係令我服到五體投地.
|