|
Billy Lau Ho-Him's
Home Page |
|
|
10月 Newsletter 蘇武
9月 2日, 由於颶風 Katrina, 令 Billy其中一隻股票下跌. 該公司既廠房被嚴重破壞而損失慘重, 股價到 9月14日先至反映出來, 由16蚊跌至15.2蚊, 跌 5%. 不過, 正因為返加後時差適應同工作太忙, 當然亦因為婆婆既呢個消息影響, 放工後冇心情去做任何事. 到 9月15日, 先有時間留意呢段兩個禮拜前既新聞, 9月16日沽售, 結果少賺四百加元.
牧羊 Billy's financial concept: Billy's cash account係神比 Billy既, 點洗都得. 而 Investment account係神比 Billy託管, 一切 都屬於神, 一切 transactions 同 returns 都要向神負責同滙報. 所以, Billy為此在神面前祈禱求赦免. 但今次神冇責怪我, 但聖靈卻借此提醒我一件事:
婆婆既病一早有先兆, 但係我地居然唔知, 如果我地早 D又或者細心 D, 如果我地唔係一味用:「你唔好亂諗.」「你冇事」說話去逃避現實, 自我否定 以為講 D吉利既說話就可以令一個人長命百歲, 或者婆婆唔會咁, 「如果」可以有一打半打, 但如果結果已經出左, 再多既如果就只叫會人無奈同自責....
神將好多野交託比我地, 要我地詳細知道, 留心料理. 我有冇好好照顧自己同家人/弟兄姊妹身心靈既健康? 好多時侯問題發生左都未知. 最近又聽番一首歌, 令我諗番起神對我, 以及爹地媽咪對我既愛, 又想到自己既虧欠:
既然貲財不能永有, 就有必要積谷防饑, 今年開始, 要擔起加拿大呢邊整個既家費, 假設埋媽咪擋生意蝕晒, 如果爹地媽咪仲有三四十年日子, 我要 reserve幾多先夠呢? 我既記性精力唔會永遠都咁好, 結左婚生左仔又會 occupy 左更多時間, 珍住無拘無束既日子尚末結束之前, 我要「積谷防饑」, 搏命進修同裝備自己. 我成日都驚自己有朝一日會唔記得晒本聖經講乜, 珍住仲記得, 搏命研究同思想.
不過, 為左工作, 為左賺錢, 為左事工, 為左開會, 如果令更重要既我地睇唔到, 亦冇好好珍惜同享受過. 只識得事後無奈同自責, 又值唔值得呢?
(11月16日, 該公司宣佈要關閉該廠房, 股價跌至五年新低, $8.92, 感謝神, 走得快, 好世界.)
放狗 (走) 第二次返香港果陣, 買番部 laptop, Acer Celeron M 370 1.5 GHz, 14'1 WXGA, 40 GB HDD, 768 MB RAM, DVD/CD RW - CAD$960 如果有人仲記得我 4月既 memo曾經分享過買番部 laptop既利與害, conclusion係唔買, 咁點解依家又買呢?
我發覺買番部 laptop唔係有冇錢既問題, 亦唔係合唔合宜既問題, 而係情意結問題. 04年感覺上係 <<04好慘>>: 撞車同燒壞腦等等, 令 Billy現今周轉不靈, 不得不賣左當時果部 laptop救急. (係 Billy既 financial concept, investment account係屬於神, 冇 approval, 一亳子都唔用得.) 呢次經歷, 除左令Billy感受到揸車「屎」既挫敗, 黑仔以及自感孤單之外 (見 04年10月 newsletter), 亦有一份忿忿不平既無奈同唔甘心.(有冇咁嚴重呀?) 今年轉到工, 投資回報(金額計)係上年既 double, 生命係各方面都有顯著既成長. 買番部 laptop某程度上代表著神對我既看顧同保守, 教我從逆境中轉回, 令我失而復得, 並且得的更豐盛. (所以, Billy稱呼佢呢部 laptop做 Gilgal.) 既然係神既恩典, 盼望呢部 laptop可以分別為聖, 寫更多 Sharing同詩歌, 幫更多人建立更合神心意既 financial concept.
話說回來, 今年 Billy既投資認真係有驚無險, 恩典處處, 令我有幾大既體會. 今年多倫多指數由 9,250點升到三月頭 9,900點(+7%), 四月跌番 9,200點(-7%), 跟住狂升至九月尾既 11,100(+20%) 十月兩個禮拜內跌到 10,200(-8%), 跟住十二月反彈至11200(+10%), 全年埋單, 升21%. (其實除左美國之外, 日本升得最勁, 歐洲第二, 全世界都狂升, 加股唔算太凸出, 之不過日元同歐羅下跌 18%, 令加拿大投資同日本打和.) 由於個市咁反覆, 由七月起我個 portfolio既回報波動就好勁. 七月, 八月, 九月, 十一月同十二月既升幅比起撞車既賠償還要高.
至於十月, 我雖然預早抽走 20%資金. 我 kind of 明知個市會跌, 但係我冇放晒. 理由係: 我冇十足把握個市會點走, 賺夠, 走咁 D貨, 不過凡事都留一線. 嚴格來講今次比上次三月果陣抽走大部份資金既做法更成熟. 雖然係咁, 我個 portfolio 依然最多跌左 6%.
我當時祈禱, 問神自己既投資策略同心態係咪出左問題, 點解手頭上三隻股票兩個禮拜內會跌左 15%? (原因係政府企圖改例, 取消對入息信託既稅務優惠, 消息公佈既時侯, 我身在香港, 完全唔知, 仲唔死.) 當初買呢 D股票, 我係有做 study同研究, 唔係亂買或者炒, 加上全營跌少過大圍, 所以, 我唔應該妄自菲薄. 聖靈提醒我呢一刻唔可以亂, 跌市係一個好好考驗自己既時侯. 於是, 我動用手頭上既現金, 睇準 10,200呢個支持位入市, 趁低吸納. 十一月政府宣佈唔改例, 反而減低股息稅率. 消息剌激我手頭上所有股票全面反彈, 投資回報比九月更高.
事後, 我心諗若比較起今年投資回報既大起大跌, 上年撞車同燒壞腦等等既經歷, 係金額上就算不得什幺. 若果一直好似 budget預計咁發生, 到六十歲既時侯, 一日既升/跌幅就己經超過我依家全年既收入. 如果係咁既話, 我何必為撞車, 燒壞腦, 賺到笑或者係蝕到死而擔心咁多? 反正呢 D野, 到將來睇番都會變得微不足道.
你可能覺得我好市儈, 講咁耐都仲係錢, 唔講錢, 講其他.好多人好緊張讀書/工作/家庭/事工, 可能呢一刻你以為: 學校一分半分既成績/公司一件半件既錯事/父母一言半語既指責/教會一官半職既差事 係死人跳樓, 世界未日既大事, Purpose Driven Life到一地步你認為「讀經/祈禱(親近神)? 遲 D先啦!」 誰知唔洗等到六十六, 幾年, 甚至幾個月之後睇番, 其實係好小事. 諗起自己當時 over-react既反應就會覺得好笑. 不過, 又有邊個諗到, 如果有人係呢 D當時覺得係死人跳樓, 世界未日既「大事」期間, 承認感受, 同時堅持親近神, turn out出來既結果可以係更峰迴路轉, 更柳暗花明? 呢個就係我係投資, 學業, 工作, 家庭, 教會以致到獨處時, 經常體會到既真理. 盼望大家為我既市儈感到討厭/代禱既同時, 亦學會let go, 無論幾時都親近神既功課啦 !
|