|
Billy Lau Ho-Him's
Home Page |
|
|
哀歌, Billy的哀歌, 就是為一生最痛錫他的婆婆而寫的哀歌. 願意代表婆婆佢將這首哀歌為祭, 獻給她一生所依靠的神, 就是那位她每日為眾兒孫禱告呼求的神. 盼望神悅納孩子的這個敬拜.
4 月 3 曲: Billy Lau, Sandra Wu 詞: Billy Lau
窗邊 雨點的嗒的嗒眼淺 再見 何日天家方會再遇? 今天 難忘是您一張笑臉 憶思 懷念每個神情舊照片
時針不再轉 時差 斷點 徘徊在這剎那 淌滴雨沾濕衣衫 黄土的彼端 黄昏 太短 蹓蹥在這地平線在天家相約再見
窗邊 送走陰天笑臉再展 再見 活得精釆方算掛念 今天 毋忘是您輕聲細語 憶思 人別去了情誼未變遷
如果可轉彎 如果會復返 誰人在有限時間學會珍惜這個家? 人生急轉彎 人間 4 月 3 驟晴驟雨熱和泠夏季總不會太冷
愁容霧雪 眉頭下雨 錯過光陰 追不返 矇矓漸遠 言猶在耳 事過境遷 新一天 真愛不變
聯想 曾參加過許多個葬禮, 最常聽到的詩歌是<<金色黎明>>和<<世界非我家>>. 和至愛的親人道別, 即使只是移民, 要我因為信仰的原故而歡天喜地, 我做唔到. 正因為我做唔到, 上述兩首歌在我婆婆的葬禮上是一句也唱不來.
在舊約聖經裡面, 無數屬靈偉人都為死人哀哭三十日, 在新約, 耶穌亦為拉撒路哭過. 所以, 哀哭並不代表冇信心, 是表示一份尊重, 一種情感舒發. 對於親友, 聖經教導我地「與哀哭的人同哭」, 而唔係叫人「節哀」又或者問人「佢信左未」. 因為後者在我婆婆的葬禮上令我有點不是味兒的感覺: 「我多謝你, 但你想我點答你? 節哀? 係咪唔節哀就係罪? 我咪唔係你面前喊 lor, 信左同未信係生離死別果份傷感上面其實冇分別, 何必問呢 D呢?」
<<4 月 3>>這首歌是二零零五年九月我婆婆離世果時作既. 寫出我自己送別一個至愛既親人既感受, 果份「情」; 道出對復活盼望又不負婆婆對我期望既認知, 果個「理」; 希望呢首歌能夠照顧到為生離死別傷痛之人既感受又能比你一份鼓勵.
有人問我點解歌名叫<<4 月 3>>, 主要有三個 meanings. 第一個 meaning, 純綷因為岩音; 第二個 meaning, 同上下文同天氣有關, 四月天氣, 反覆不定, 最好形容我當時既心情, 但卻又想到雖然係咁, 不過同時代表夏天將臨, 回暖, 萬物茂盛的季節. 第三個 meaning, 同個歌名本身有關, 值得留意歌名數目字寫法和全首歌以致整篇分享所有既數目字寫法好唔同, 令你聯想到乜呢? 提示太多就失左果份味道, 自己估下啦!
有關 Billy懷念他婆婆的分享, 請按此
|