Tagħrif għall-Kittieba
Melita Historica
Il-Melita Historica hija l-pubblikazzjoni uffiċjali tas-Soċjetá Storika Maltija (1950) u l-għan tagħha hu li jiġu ppubblikati fiha artikli, studju bibliografiċi u reċensjonijiet ta' kotba li għandhom x'jaqsmu mal-istorja ta' Malta. L-awturi huma mistiedna li preżentaw kitbiet li għadhom ma ġewx ippubblikati u li mhux qegħdin jiġu kkunsidrati għall-pubblikazzjoni x'imkien ieħor. L-awturi huma responsabbli għad-drittijiet dwar copyright li jista' jkun hemm fuq il-kitba u/jew l-istampi ppreżentati għall-pubblikazzjoni.
Il-kitbiet preżentati għandhom ikunu skond waħda minn dawn il-kategoriji:
· Artikli ewlenien – studji mhux ippubblikati , mingħajr jew bl-istampi, li ma jaqbżux il-100,000 kelma b'kollox, inklużi n-noti t'isfel.
· Artikli iqsar, studji preliminari, rapporti – kitbiet mhux ippubblikati, mingħajr jew bl-istampi, li ma jaqbżux l-4,000 kelma b'kollox inklużi n-noti t'isfel.
· Reċensjonijiet ta' kotba – reċensjonijiet mhux ippubblikati li ma jaqbzux l-1000 kelma.
Il-kitba għandha tkun ippreżentata bħala Typescript bil-format tal-Word for Windows©. F'każijiet eċċezzjonali, l-editur jista' jikkunsidra li jaċċetta xogħol miktub bl-idejn. Kopja tal-kitba fuq diskette jew CD għandha tiġi ppreżentata flimkien ma' kopja stampata tat-test u l-istampi. L-awturi għandhom jagħtu wkoll isimhom, l-indirizz sħiħ tagħhom u n-numru tat-telefon u e-mail. L-ortografija bl-Ingliż għandha tkun taqbel mal-Oxford English Dictionary.
Fil-każ ta' xogħol miktub b'ilsien ieħor għajr l-Ingliż, l-awtur għandu jippreżenta wkoll sinteżi ta' bejn 100-150 kelma, tax-xogħol tiegħu bl-Ingliż.
Stampi , grafika u Tables – Stampi, kif ukoll ritratti u grafika għandhom jiġu nnumerati f'sekwenza waħda skond l-ordni li biha ġew msemmija fil-kitba. Kull stampa għandha jkollha deskrizzjoni qasira taħtha. Dan jgħodd ukoll għat-Tables.
L-istampi għandhom jkunu ta ' kwalitá għolja sabiex jkunu jistgħu jiġu stampati ċari bla kulur. Dawn għandhom ikunu fuq paġni għalihom u mhux mal-kumplament tal-kitba.
Referenzi u kwotazzjonijiet – In-noti t'isfel għandhom jintużaw u mhux noti tal-aħħar jew bibliografijji. Referezi għan-noti t'isfel għandhom jkunu murija b'numri super-script. In-noti t'isfel għandhom jkunu nnumerati wara xulxin.
Dawn l-eżempji ta ' stili għandhom jintużaw għan-noti ta ' isfel:
(i ) għall-kotba
E. L. Eisenstein, The Printing Press as an Agent of Change, 2 vols, Cambridge 1979, 23-8.
(ii) għall-artikli f'ġurnali
Joseph Muscat, ‘The Tarxien Ship Graffiti Revisited’, Melita Historica , xiii, 1, 2000. 49-53.
(iii) għall-artikli f'xogħol miġbura minn editur
J. Gash, ‘Painting and Sculpture in Early Modern Malta’, in Hospitaller Malta, 1530-1798: Studies on Early Modern Malta and the Order of St John of Jerusalem, ed. V. Mallia-Milanes, Malta 1993, 509-603.
Referenzi repetuti ta ' kitba diġa msemmijja għandhom ikollhom kunjom l-awtur, id-data tal-pubblikazzjoni u l-paġna minn fejn ġiet meħuda, kif ġej:
Gash, 600. jew Gash 1993, 600. (it-tieni każ għandu jintuża fejn issir referenza għal aktar minn xogħol wieħed tal-istess awtur).
Stil Ġenerali – Il-bidu ta ' kull paragrafu għandhu jkun indikat billi l-ewwel kelma tkun mdaħħla 'l ġewwa u mhux billi titħalla linja vojta bejn kull paragrafu. Il-virgoletti b'waħda għandhom jiġu wżati għall-kwotazzjoni. Kull kwotazzjoni itwal minn żewġ sentenzi għandha tkun indikata billi l-ewwel kelma tkun mdaħħla 'l ġewwa. Kliem barrani, jew kliem mhux bl-ilsien ewlieni tal-artiklu għandu jinkiteb korsiv (għajr l-ismijiet). Għall-oqsma oħra l-kittieba għandhom jimxu mal-istil ġenerali li wieħed isib f'dan il-ġurnal. Il-Oxford English Dictionary for Writers and Editors jista' jkun ta' siwi.
Copyright/Offprints – L-awturi joffru xogħlhom bi qbil, li jekk ikun aċċettat għall-pubblikazzjoni, il -copyright kollu jiġi mogħti lis-Soċjetá Storika Maltija. Għal dan il-copyright is-Soċjetá tagħti 25 kopja ta' offprint ta' kull artiklu twil jew qasir li jiġi ppubblikat. Is-Soċjetá ma tnaqqas bl-ebda mod id-dritt tal-awtur li juża xogħlu li ġie ppubblikat fil-Melita Historica , f'pubblikazzjonijiet oħra.
Page proofs tal-kitba preżentati jiġu mibgħuta lill-kittieba, li għandhom jrodduhom lura mhux aktar tard mid-data murija mill-editur. F'nuqqas ta' dan, il-verżjoni kkorreġuta mill-editur tintbagħat lill-istampatur. Tibdil f'dan l-stadju m'għandux isir sakem ma jiġix aċċettat bi ftehmin mal-editur.
Opinionijiet – Il-Bord Editorjali tal-Melita Historica mhux responsabbli għall-opinjonijiet tal-Kontributuri.
Ewlenija | Daħla /span> | Kumitat | Pubblikazzjonijiet | Kollegamenti | Tagħrif | Tagħrif għall-Kittieba |
Web-Master