DAĦLA

Is-Soċjetá Storika Maltija twaqqfet fis-sena 1950 u bdiet tippublika ir-Rivista tagħha Melita Historica fl-1952. L-għanijiet tas-Soċjetá ġew ippubblikati bħala t-tieni artiklu fl-istatut tas-Soċjetá li deher fil-ħarġa tal-1963 tal-Melita Historica:

Għanijiet

1.        L-għanijiet tas-Soċjeta’ ikunu l-istudju fuq l-iStorja ta’ Malta, ix-xandir ta’ tagħlim fuq l-iStorja, u l-ħarsien tal-Wirt Storiku Malti.

2.       L-istudju fuq l-iStorja ta’ Malta jseħħ l-aktar billi:-

a         a)    isir indiċi ta’ l-arkivji lokali

b)       isiru katalogi ta’ dokumenti fuq l-iStorja ta’ Malta li jinsabu f’arkivji barra minn dawn il-gżejjer tagħna

c)       jinġabru u jkunu pubblikati iskrizzjonijiet, dokumenti ekklesjastiċi u ċivili li għandhom x’jaqsmu ma’ l-iStorja ta’ Malta

d)       isiru katalogi ta’ manuskritti dwar l-iStorja ta’ Malta

e)       tinġema’ bibljografija kompluta ta’ pubblikazzjonijiet ta’ interess lokali.

3.       Is-Soċjeta’ tindaħal biex tippubblika xogħlijiet ta’ riċerka fuq l-iStorja ta’ Malta.

4.       Is-Soċjeta’ torganizza konferenzi u laqgħat ta’ studju fuq Metodoloġija Storika u fuq aspetti ta’ l-Istorja ta’ Malta.

Ewlenija | Daħla | Kumitat | Pubblikazzjonijiet | Kollegamenti | Tagħrif | Tagħrif għall-Kittieba | Web-Master