A kali ŭžo toj źniavažany paćvierdzić šlachiectva svajo, tady toj, jaki jaho źniavažyŭ, jakoha-kolviek stanu budzie, musić škodu j stratu – ab čym toj, chto abaraniŭsia, prysiahnie – jamu zapłacić.

A kali by jaki čužaziemiec, pryjechaŭšy da tutejšaha haspadarstva Našaha, kupiŭ i jakim-kolviek słušnym čynam nabyŭ sabie majontak šlachiecki, dy žadaŭ volnaściaŭ šlachieckich užyvać, tady śpiarša pavinny pakazać pierad uradam tym, dzie kupiŭ majontak, što jość sapraŭdny šlachcič. A kali by taho nie pakazaŭ, tady, chacia majontak kupić, najdalej z volnaściaŭ šlachieckich viesialicca dy ich užyvać nia moža; i pad charuhvaj zaroŭna sa šlachtaju stajać nia moža; ale, taksama ž, svajaki musiać u jaho toj rodny ichny majontak koštam, u hetym Statucie nižej u artykule, napisanym ab ździajśnieńni rečaŭ sudovych, vykupić i słužbu ziamlackuju ŭ jom słužyć. I najdalej jon hodnaściaŭ i pasadaŭ atrymlivać nia moža, chacia by j šlachcičam byŭ.

Toje ž pavinna razumiecca j ab tubylcu niašlachciču.