A kali by heny pan daŭ tamu słužboŭcu svajamu na heny majontak darčy list, zapis svoj pad piačatkaju svajoju i pad piačaćmi šlachty, ludziej, viery hodnych; i toje by ŭ im śćvierdžana było, što volna tamu słužboŭcu j naščadkam jahonym z tym majontkam kamu chociačy słužyć na viečny čas; i toj list, zapis svoj sam pan uvačavidki pierad Nami, Haspadaram, albo miascovym uradam Našym pavodle hetaha Statutu zaśviedčyć, tady takovy list u mocy pavinny być zachavany, a toj, kamu zapisana, pry zapisy j pry tym majontku zastavacca moža j naščadki jahonyja na viečny čas.

A jaki by šlachcič, vysłužyŭšy pry jakim panie majontak, i, nia majučy takovaha listu j volnaści, z tym majontkam słužyć albo jaho pradać i abmianiać kamu by žadaŭ; dy, potym, słužačy henamu panu svajamu i, akrom voli j viedama jahonaha, z tym majontkam Nam, Haspadaru; albo da jakoha inšaha pana padaŭsia, pradaŭ abo jakim-kolviek čynam toj majontak, ludziaŭ abo ziemli ŭ im zbyŭ, tady heny pan albo naščadki jahonyja, pry kim by toj słužboviec majontak zajmieŭ, volny toj majontak ad takoha kožnaha ŭziać. Adnak, śpiarša čas na adsialeńnie cieraz kurjera ŭ 6 tydniaŭ pakłaści jamu musić. A kali by j chto inšy, a nia toj sam ziamianin abo bajaryn, toj majontak užo atrymaŭ, tady nie tamu, chto trymaje, ale tamu, kamu toj majontak śpiarša byŭ dadzieny, cieraz kurjera jak vyšej apisana čas składzieny być pavinny. A toj pa tym časie sa ŭsioju majomaściu svajoju j z budavańniem, svaim koštam pabudavanym, kudy chociačy vypravadzicca pavinny budzie.

A kali by toj, kamu takovy majontak, ludzi albo ziemli pieradadzienymi byli, ab tym papiaredžańni sudovym nia dbajučy, taho varacić nie žadaŭ, tady toj takovy supraciŭny musić być vyklikany da miascovaha sudu zamkavaha pa terminie skrajnim, jak z-za hvałtoŭnaha vybićcia sa spakojnaha ŭładańnia. I takovaje šlachcie j bajaram, znachodziačymsia pry kim-kolviek, i daŭnaść ziamlackaja jści j pomačnaj być nie pavinnaja. A henamu panu vydatki sudovyja praŭnyja pa dokazie słušnym zapłacić toj słužboviec abaviazany budzie. I toj słužboviec musić być za toje pakarany viaźnicaju na tym ža sudzie na čverć hoda. Dy, adsiadzieŭšy čas admierany, nie pažadaje li toj słužboviec tamu panu słužyć, pakinuŭšy toj majontak henamu panu, volna budzie jamu z majomaściu svajoju (jak ab tym vyšej u hetym ža artykule apisana) upročki adyści.