Kali by chto z kniazioŭ biskupaŭ albo jhumienaŭ, siarod duchovych źvierchnikaŭ i siarod inšych stanaŭ duchovych pierakazaŭ kamu ŭ zapisie abo ŭ zapaviečańni apošniaje voli svajeja pa skanańni svaim što z majomaści svajoj nieruchomaje abo ruchomaje; i da vykanańnia taho zapaviečańnia svajaho abraŭ by j pryznačyŭ apiekunoŭ abo vykanaŭcaŭ taho zapaviečańnia; a tyja by apiekunovie nie zachoŭvalisia pavodle taho zapaviečańnia abo zapisu j tamu, kamu što pierakazana, nie žadali by taho addać abo kryŭdu jakuju kamu ŭ tym učynili, tady z-za takoje rečy tych apiekunoŭ jakoha-kolviek stanu (budź duchovaha abo śvieckaha) ad boku pakryŭdžanaha dazvolena budzie paklikać da Sudu Hałoŭnaha; a tam zhodna z pravam kali što skazana budzie na tych apiekunoŭ, tady suproć hetkich duchovych asobaŭ vykanańnie rečy asudžanaje pavinna być ad Sudu Hałoŭnaha adasłanaje da kniazia biskupa, u jakoha ŭ pasłuchmianstvie tyja duchoŭniki buduć. A suproć hetkich ža asobaŭ stanu śvieckaha vykanańnie musić być adasłana da sudu ziamlackaha, i toj sud heta vykanańnie ŭčynić budzie pavinny.

A sam kniaź biskup z pryčyny takoje apieki, jamu ad kaho-kolviek pierakazanaje, – abo j toje, što, kali by jon pa zahadvańni Sudu Hałoŭnaha vykanańnia ŭčynić nie pažadaŭ, – pavinny być vyklikany da Nas, Haspadara, tudy, dzie na toj čas sa Dvarom Našym budziem, u termin, paznačany nastupnym čynam: kali ŭ VKŁ budziem – čatyry tydni, a kali za miežami Vialikaha Kniastva – vosiem tydniaŭ. I ŭsio hetaje My sudzić biez usialakaje pravałoki budziem pavinny, nie dapuskajučy toje spravy da miežavańnia. A pa vyjaŭleńni vałačomicy va ŭčynieńni vykanańnia asudžanaje rečy ab pavinnaści toj kniaziu biskupu nahadać abaviazany, jakaja jość u Tybunale apisanaju. I asudžanuju reč jamu vykanać zahadajem pad zarukaju takovaju ž, jak ab tym skaz idzie.

Da taho ž, praź niedazvaleńnie ŭžyvańnia apelacyjaŭ i nieŭčynieńnie spraviadlivaści kniaź biskup tym ža čynam akliknuty być musić. A ŭ niabytnaści jaho miłaści kniazia biskupa ŭ hetym haspadarstvie, dzie by ŭ tych rečach, vyšej apisanych, u čym-kolviek urad jaho miłaści praviniŭsia, tady z-za toha ŭrad jaho miłaści pavinny być vyklikany da Sudu Hałoŭnaha, supolnaha z duchovymi asobami.