Pastanoŭlivajem: jakija by słužboŭcy j ludzi spadčynnyja albo pasłužniki ŭłasnyja chatnija (baćkaŭščynnyja, matčynnyja abo pałanionyja), pajšoŭšy ad kniazioŭ, panoŭ abo ad jakoha šlachciča, pryjšli da stalečnaha miesta Našaha Vilenskaha abo da inšych haradoŭ Našych upryvieljavanych albo j niepryvieljavanych, taksama ŭ sialiby kniaskija, panskija dy ŭ duchovyja na ziemlach haspadarstva Našaha VKŁ – dyk tych ludziej i słužboŭcaŭ vojty, burmstry j rajcy Našyja, vysłuchaŭšy słušnyja dokazy ad panoŭ ichnych, čyje buduć, abo ichnyja ŭłasnyja pryznańni, i, kirujučysia ziamlackim pravam, musiać ich vypraŭlać advarotna. Usio heta nia tyčycca tych, jakija by słužboŭcy j ludzi spadčynnyja šlachieckija, pryjšoŭšyja da haradoŭ Našych dy zajmieŭšyja prava, kab u jakim by z haradoŭ Našych asiełaść mieć, dy pražyli tam užo dziesiać hadoŭ. Takovych słužboŭcaŭ z haradoŭ Našych vojty j ŭradniki Našyja vypraŭlać nia mohuć. Ale, tyja słužboŭcy musiać adkupicca – ad kožnaje asoby, kolki ich budzie – pavodle stanu svajho zhodna z hetym Statutam. Taksama, i starastovie, dziaržaŭcy dy inšyja ŭradniki Našyja va ŭradach miastovych Našych, dzie prava Mahdeburhskaha niama, tym ža čynam nasuproć takovym upročkam zachoŭvacca pavinny.