Adnak ža toj, chto ab siabie nahadvaje, pavinny ab siabie nahadyvać cieraz listy Našyja, Haspadarskija, i ziamlackija prynahadnyja, dy pozvami vyklikać supraciŭnika da praŭnaści, i źjaŭlacca ŭ sud na pozvy. A chto by, listy prynahadnyja abo pozvy ŭziaŭšy, u siabie ich trymaŭ, bok supraciŭny da praŭnaści nie vyklikaŭ, i listoŭ prynahadnych uradoŭna nie padavaŭ, dyk takovaje nahadvańnie za prynahadvańnie zhodna praŭnaści nia moža być pryjmanaje. A kali by było što zapisanaje dzieciam, hadoŭ darosłych nia majučym, tady maładości hadoŭ ichnych daŭnaść ziamlackaja nia škodzić, chacia by taho ŭ vałodańni j užyvańni nie byli dy nie ŭzhadvalisia. Tolki by ŭ darosłych hadoch daŭnaści ziamlackaje jany nie pramarudzili.

Adpaviedna, taksama, kali by chto ŭ čužoje ziamli byŭ, tady tomu, taksama, daŭnaść ziamlackaja nia škodzić, adno by z čužoje ziamli pryjechaŭšy, daŭnaści ziamlackaje dziesiać hadoŭ nie pramarudziŭ.