I dziela praŭnaści nia možam aničoha ŭ chabar brać, taksama, i pany Rada Našaja chabaraŭ brać nie pavinny. Dy nia možam My, taksama, stać i zyčnymi być tolki u adzin bok, ale kožnamu ŭprost spraviadlivaść davać i ŭčyniać budziem pavinny. Hetaksama, i pany Rada Našaja pad prysiahaju, jakuju na Radzie Nam učynili, spraviadlivaść čynić buduć abaviazanyja.

A što datyčycca takich rečaŭ, cieraz jakija honar adsudžany byvaje (aproč tych artykułaŭ, sudu haradzkomu naležačych i ŭ hetym Statucie pamianionych), ab tym anichto z panoŭ Rady, ani sud haradzki, ani, taksama, sud ziamlacki paviatovy nia maje prava sudzić. Adno tolki My sami, Haspadar, za paradaju panoŭ Rady Našaje na Sojmie Volnym zvyčajem, u hetym Statucie apisanym, sudzić budziem.