|
STATUT VIALIKAHA 1588
|
||
|
|
||
|
|
||
|
RAŹDZEŁ TRECI. Ab šlachieckich
volnaściach
|
||
|
|
||
|
|
||
|
|
||
|
Ab zbudavańniach
šlachieckich Pastanoŭvajem: kab anikoli ŭ takich zbudavańniach, jakija pany Rada Našaja dy inšyja stany supolstva šlachieckaha ŭ mieście Našym stalečnym Vilenskim i ŭ inšych haradoch Našych zhodna z praŭnaściu j volnaściu šlachieckaju ŭtrymoŭvajuć, a nie pad uradam haradzkim, anichto svavolna biez syzvaleńnia samych panoŭ sa svaimi haspodami nie atybarvaŭsia. U vyniku ž hvałtu takovyja nachabniki pavinny buduć zapłacić panam 20 kopaŭ hrošaŭ dy ŭsie škody, jakija by ŭ tym zbudavańni stalisia. Pa hetamu ž i stanoŭčyja Našyja maršałkaŭ ziamlackaha j prydvornaha Našych Vialikaha Kniastva Litoŭskaha ni ŭ čas Sojmu, ni ŭ jaki inšy čas anikomu tam haspodaŭ mieścić dy pryznačać nia mohuć. Taksama pozvy ŭ takovyja zbudavańni šlachieckija z-za kryŭdaŭ inšych, jakija by dzie jašče na staranie stalisia, nichto anikomu nakiroŭvać nia moža. Chiba tolki b inšaje asiełaści ziamlackaje, aproč taho zbudavańnia, toj kryŭdziciel anidzie nia mieŭ, abo kab taho zbudavańnia sam pan kamu kryŭdu ŭčyniŭ. Taksama, kali by jšła sprava ab samym tym zbudavańni abo ab čascy jahonaje – za takimi pryčynami j u takovych rečach pozvy ziamlackija dy zamkavyja pavodle paradku hetaha Statutu tady ŭžo mohuć być u takovyja zbudavańni nakiravanyja ŭ terminy słušnyja ziamlackija. A kali by ad žycharoŭ abo ad pasłužnikaŭ, jakija ŭ tych zbudavańniach žyvuć, kamu kryŭda ździejśniłasia, tady ź imi sami panovie zbudavańnia pry bytnaści svajoj nieadkładnuju spraviadlivaść pakryŭdžanym biaz pozvaŭ uradavych učynić mohuć. A ŭ niabytnaści ich samych tolki ŭrad Našyj zamkavy takovych žycharoŭ ichnych sudzić i vyrak vykonvać pavinny.
|
|
|
||||
|
|
||||
|
|