STATUT VKL 1588

	STATUT VIALIKAHA KNIASTVA LITOŬSKAHA 1588


	RAŹDZEŁ TRECI. Ab šlachieckich volnaściach i pašyreńni Vialikaha Kniastva Litoŭskaha.



	Artykuł 7. Ab straŭnych hrošach ziamlackim pasłam, vypraŭlajučy ich na Volny Sojm. Apaśla supolnaha abmierkavańnia j zhodnaha syzvaleńnia hramadzianaŭ usich stanaŭ hetaha haspadarstva Našaha Vialikaha Kniastva Litoŭskaha pastanoŭvajem, žadajučy toje mieć na budučy čas, što pa abrańni pasłoŭ ad kožnaha vajavodztva j pavietu pavinna być dadziena im na stravu hrošaŭ tak zamnoha, jak tut nižej napisana: Vilenskim pasłam sto šeśćdziesiat kopaŭ hrošaŭ; Ašmianskim pasłam sto šeśćdziesiat kopaŭ hrošaŭ; Lidzkim pasłam sto šeśćdziesiat kopaŭ hrošaŭ; Vielkamirskim pasłam sto šeśćdziesiat kopaŭ hrošaŭ; Brasłaŭskim pasłam sto dvaccać kopaŭ hrošaŭ; Trockim pasłam sto šeśćdziesiat kopaŭ hrošaŭ; Haradzienskim pasłam sto dvaccać kopaŭ hrošaŭ; Kovienskim pasłam sto dvaccać kopaŭ hrošaŭ; Upickim pasłam sto šeśćdziesiat kopaŭ hrošaŭ; ziamla Žamojckaja svaim pasłam dźvieści kopaŭ hrošaŭ; Połackim pasłam sto šeśćdziesiat kopaŭ hrošaŭ; Navahradzkim pasłam sto šeśćdziesiat kopaŭ hrošaŭ; Vaŭkavyskim pasłam sto šeśćdziesiat kopaŭ hrošaŭ; Słonimskim pasłam sto dvaccać kopaŭ hrošaŭ; Viciebskim pasłam sto šeśćdziesiat kopaŭ hrošaŭ; Aršanskim pasłam sto šeśćdziesiat kopaŭ hrošaŭ; Bieraściejskim pasłam sto dvaccać kopaŭ hrošaŭ; Pinskim pasłam sto dvaccać kopaŭ hrošaŭ; Mścisłaŭskim pasłam sto šeśćdziesiat kopaŭ hrošaŭ; Mienskim pasłam sto šeśćdziesiat kopaŭ hrošaŭ; Mazyrskim pasłam sto dvaccać kopaŭ hrošaŭ; Rečyckim pasłam sto dvaccać kopaŭ hrošaŭ. Adnak ža, ač by kali z dapuščeńnia Božaha była darahość zbožža dy inšaje spažyŭnaści, tady j bolš pavinna być pasłam na stravu dadziena pavodle ŭvažeńnia času j dalokaści padarožža. Taksama, kali by trapiła na patrebu Rečy Paspalitaje dzie najdalej za zvykłym miejscam Sojm mieć, dyk adkul tym pasłam na stravu pavinna być dadziena, toje ŭžo asablivaju Sojmavaju Uchvałaju budzie abumoŭlenaje. I heta zamocna vytrymana być pavinna, adno nie paddajučy pad toje dabrotaŭ Našych, Haspadarskich, i relihijnych. Ale ž abranyja pasły da pačatku Sojmaŭ spaźniacca nia mohuć, taksama j Hałoŭnaha Źjezdu.


advarotna	tytulnaja	dalej