|
STATUT VIALIKAHA 1588
|
||
|
|
||
|
|
||
|
RAŹDZEŁ TRECI. Ab šlachieckich
volnaściach
|
||
|
|
||
|
|
||
|
|
||
|
Ab składańni
Sojmikaŭ Kali Volny Sojm skončycca, tady cieraz čatyry tydni paśla razjazdžańnia Sojmu pavinny adbyvacca ŭ kožnym paviecie Sojmiki nastupnym čynam: pasłovie, ledź pryjechaŭšyja z Sojmu, musiać vajavodzie abo sudovamu staraście ab svaim pryjechańni dać znać. Vajavoda abo starasta, abo namieśniki ichnyja pavinny cieraz kurjeraŭ abvieścić šlachcie, kab źjechalisia ŭ vyšejpaznačany termin na Sojmik dla słuchańnia svaich pasłoŭ. Toje dziela taho, kab na hetkich Sojmikach pasłovie, pasyłanyja z pavietaŭ na Sojm, źviarnuŭšysia z Sojmu, dali ŭsim hramadzianam kožnaha pavietu dastatkovuju viadomaść, što na hetym Sojmie ŭ spravach i patrebach Rečy Paspalitaje ździeśnili dy pastanovili. Jakija asoby na Sojmik źjeducca, tyja hetyja Sojmavyja spravy vysłuchać musiać. Nieprybyłyja ž na hetaki Sojmik pravinan anijakim nie padlahajuć, ale Sojmavyja pastanovy całkam vykanać abaviazanyja. Toje, što na Sojmie pastanovicca dy ŭchvalicca, musiać pasłovie piśmova pad Našaju piačatkaju da svajaho pavietu pryvieści j hetaje dla zachoŭvańnia ŭ ziamlackich knihach svajamu ziamlackamu ŭradu addać. Taksama dla viadomaści hetaje rečy j u haradzkija knihi dać toje ŭpisać. Z Našaje Kancylaryi hetakija ziamlackija spravy pasłam darma vydadzieny być pavinnyja biez anijakaje ciažkaści.
|
|
|
||||
|
|
||||
|
|