AranteiXa en tempos antigos se falaba de Asantei, que sería o antigo nome da actual parroquia de Arantei, o que proba a presenza do home nestas fermosas terras, tal vez incluso antes da chegada dos romanos. Foron estes os primeiros en deixar unha pegada duradeira na parroquia, coa construcción dunha calzada romana da que hoxe tan só resta coma testemuña a Ponte Medieval da Fillaboa, xa na parroquia de Salvaterra de Miño. Non temos moitas novas da vida na parroquia na Idade Media, pero é seguro que se viu afectada polas loitas entre os Reinos de Galicia e Castela contra o de Portugal, e tamén das loitas intestinas das casas galegas coma os Sarmiento ou os Soutomaior, xa que Arantei estaba adscrita á vila de Lazoiro (logo Salvaterra de Miño). Na idade moderna edificáronse tanto o pazo do Souto como a Igrexa, ainda que a lenda dí que esta é a substituta de outra que hoxe repousa baixo as augas do Miño, onde estaría o Vello Arantei. Durante a ocupación napoleónica os habitantes da parroquia formaron guerrilla ata a expulsión do invasor galo. O final do século XIX e a maioría do século XX significaron para Arantei a perda dun grande número dos seus fillos, marchados á emigración en Arxentina, Cuba, Brasil, Venezuela, Suiza, Uruguai... é prácticamente imposible atopar unha familia que non teña parentes nalgún daqueles países. Inda hoxe hai unha excelente relación con eles, e non hai verán que non recibamos algunha visita de ultramar. Na actualidade Arantei dispón de algunhas industrias locáis, coma a madeireira, e segue a ser, coma sempre, a cuna dos mellores viños do Condado, co cultivo e elaboración de excelentes viños partindo de uva albariña, treixadura, etc. Arantei non pode ser entendida sen os ríos que lle dan os seus límites oriental e occidental: o regato Caselas, e os ríos Tea, onde algúns dos veciños pescan a lamprea e o Miño, o maior río de Galicia, e que de tantas historias fronteirizas foi testigo. Estes ríos e a suavidade das súas formas dotan a Arantei das peculiaridades que o fan óptimo para o cultivo da vide, xunto co saber facer das súas xentes. Para saber máis :
|
 Ponte da Fillaboa
 Estacada  Pesqueira |