第一日24/11/2002
香港UA890 --> 東京 --> 池袋 --> 原宿 --> 新宿 --> 池袋……是日天晴
早餐＋午餐 --> 飛機上，晚餐 --> 蟹道樂
班機提早係9:15am起飛，點知架機場巴士勁兜路，去到差唔多9:00am，呢次大近視咯；阿地勤姐姐話counter closed喎.....不過佢都幫我check-in，攪掂即刻衝去PCCW出電話卡。好在得我一個客，冇耐UA職員入埋嚟催促我入閘，噢~原來UA張貼紙係咁用既！唔知係咪搭美國機關係，海關職員十分盡責非常仔細地檢查我，髮夾都除低啦，竟然仲有樣野令個metal detector晌既∼∼咪”咩囉”，hee大家估吓有咩係當時冇除低啦吓；果位大嬸即時問我介唔介晌呢個部位按一下.....唔係呀化.....>_<
上機嘞~~靚靚空姐？有！商務位，經濟區阿嬸就唔見嘞，有位阿哥又幾似打女朋友果位”菜ˍ年”喎！全機滿座冇乜攪作咪去下toilet囉，點知出事！原來起飛，咯咯咯．．咯咯咯．．阿空姐不停拍門催我∼∼瘀到痺呀(..T_T..)。坐我隔離既係兩位”四川表叔”， 佢地以為我係曰本人，搭訕下知道兩位由四川經香港去”亞咩力架”考察，好在佢地冇乜普遍內地人特質 ---> 煙味同kam kam cut too！飛機餐我揀咗雞扒飯，雖然附近有d人係咁易掂下，但味道比想像中唔錯，我梗係成個食晒啦~~仲有ｄ唔夠喉添！食飽飽 --> 3．2．1．zzzZZZ
2:40PM平安抵達步。過海關遇到位高大靚仔，諗極唔明點解佢咁詳細問我：#去幾多曰? #有幾多人? #第幾次去日本? #住邊度? #去咩地方玩？ #係咪跟團？ #旅行喼有咩？一連串既問題後仲要打開行李佢睇；隱約聽到排後面既香港人話乜咁耐既？ T_T~~我夠知咯！
乘搭skyliner出機場只見太陽開始落山同埋有烏丫，十足香港晏晝6點幾 （仲係3點幾喎？？！！）。嘩嘩嘩∼∼沿途見到唔少晌日本漫畫見到既屋！！咁亦係時候恰恰嘞zzzzZZ 半夢半醒間卻聽到陣陣架架哩哩聲，噢，原來係一群「歐巴桑」落車，咁就到東京lu。
順順利利咁去到池袋東橫Inn放低行李，據聞翻新冇耐，整體來說唔錯，暖氣略嫌暖得滯，同埋垃圾桶冇膠袋，煲完水即刻出去！
話晒星期日，更要去原宿朝拜下啦……只見成條竹下通都係人，第一間晌日本見fancl梗要入去昅昅！拿拿聲拎張LIST...！晌麥當當門口有兩部扭蛋機就拎左隻Dear Daniel做手信(多謝$200 YEN)，再晌附近100yen店、飾物、muji等店舖係咁易買咗少少，有間舖既服飾好形，水手服、校服及皮+鐵鍊服都有！差唔多9點未食飯播er不如落去新宿行個圈順便食「蟹道樂」啦，網友推介！
就係咁，我拎住幾大袋戰利品搭車去新宿，途中經過數間藥房，又重覆動作...拎張LIST...去幫人買野遮，日本藥房真係乜都有，有隻香港特價都要$15蚊既心形蒟蒻（唔該讀：舉弱）呢度HK$10都唔使…真係買得少！好不容易去到「蟹道樂」，都成10點又係星期日，食客唔多，不過都見到附近有啲香港人，我亦四圍行吓，影吓相，當然唔少得用吓個電子坐廁。個蟹煱到嘞，套餐有一杯“剎茄”、兩條蟹腳、兩塊年糕、東菇、菜同埋一少撮麵，我呀，梗係呢多一round，可能唔係太多客，個侍應姐姐竟然幫我淥熟啲食物！
返到東橫都11點幾，對膊頭攰到唔識郁（咁快？第一日咋！），抖陣睇下日本T.V.，沖埋涼又再出動，落到樓下兩部電腦都有人用，其中一部個粉紅畫面色咁熟面口既？ec2japan是也！！原來係V小姐，跟住行去附近便利店，齋行冇收穫，只見到幾個後生仔拎住本書笑瞇瞇研究研究（哈！咁夜都咁好學，難得難得，大家認為佢地睇緊咩~~）返到酒店有得上網喇∼∼好多謝當時留言比我既網友 (^_^)v！又2:00am喇，真係好眼瞓，由於張床望到塊鏡，我唯有浪費少少開住電視同較暗棧燈zzzZZZZ
| 進入頁首 | 進入第二日 | 進入第三日 | 進入第四日 |
|---|