{台北第二遊}

今次又係台北, 不過同我去的朋友就唔同了, 而且對上一次去都好似係兩年前的事, 所以今次台北俾我的感覺好不同.

台灣我只去過台北, 始終呢個地方係台灣最繁榮的一個地方嘛. 去台北多數都係三天兩夜或四天三夜, 我地今次就選了後者, 玩得冇咁急嘛.

<相機>

今次我同朋友帶了以下數碼相機去狂影相(四日三夜都俾我地影左成二百幾張相):

Minolta F100	Canon PowerShot A40

<酒店>

酒店: 一樂園(新館)

1. 去慣台北的朋友一定知道呢間酒店, 價錢當然係平為首啦! 每晚HK$370, 雙人房, 三人訓.

2. 酒店設施可以話係冇乜, 大堂同LIFT未有LOR, 其他唔使旨意要求啦.

3. 位置超方便, 對於成鬼日行西門町的朋友絕對係一個好選擇, 而且間酒店附近有成三間24小時的便利店. 行5mins就到西門町, 再行多2mins就到西門町捷運站, 多麼的方便.

4. 靜中帶旺, 確實係一個幾貼切的形容詞. 靜嘛, 夜晚(零晨兩點)真係幾靜, 人係有, 小貓幾隻都會有. 旺嘛, 日頭好旺, 好多人行街; 夜晚都旺, 隔離o係可樂迪卡拉ok嘛, 旺到雜o忝!

5. 講真, 你若果住慣好野, 或者準備幾個女仔出夜街會夜歸, 一定一定要坐的士走, 酒店正中門口落, 因為真係好雜的. 雖然我唔係好覺得, 縱使發生了一些小插曲或當地朋友講話西門町超雜.

想知多D, 自己上去各大旅遊社網頁查詢啦!

<航機>

之前坐過中華, 坐business class o忝, 不過佢失事率太高啦! 朋友們唔揀佢, 縱使價錢平d, 都要揀間信譽可靠的--- 長榮!

價錢嘛, 好似都$2000, 確實價錢真係唔記得啦! 淨買機票唔係package, 係貴d, 但起碼會一早拎左張機票, 唔使臨入閘前先拎咁冇安全感嘛!

<兌換價>

由13/3/2003至16/3/2003的兌換價都冇乜點變, 都係港幣$1 : 台幣$4, 我相信而家個rate都冇乜點變.

<所謂的紀念品>

每次旅行都會帶一堆單同埋咭片返來香港, 咁呢d有人可稱之謂垃圾, 但我就覺得有紀念價值! 俾大家開開眼界吧. >>>>>>

Reported On: November 2003

powered by SignMyGuestbook.com