Day 2

{台北第二遊}

1st Day	2nd Day
3rd Day	4th Day

Day 2: 溫泉日 (14 Mar 2003)

今日我plan左陽明山浸溫泉, 所以大家一早起身梳洗完畢就出發.

大清早坐捷運去台北車站落車, 天氣真係有點兒冷. 跟住依照書中所講搵一棟建築物, 但搵唔到啊. 唯有發揮自由行的精神---周圍問人lor. 呢d任務當然落o係我身上啦, 我就走左去一間唔知係郵局淨係銀行的地方, 總之係公營機構之類啦. 問左個食蕉哥哥, 佢指俾我地睇, 原來個綠色公路*巴士站係咁近架喎.

我地又好好彩, 趕到佢班車. 其實我上網搵晒資料, 知道大概幾時會出車的. 好在, 冇miss到班車. 架巴士係大旅遊巴來的, 上車時俾車司機跟住佢會俾張過了膠的票俾你, 落車時俾番佢的. 車上冇乜人, 有兩三個阿伯阿婆. 之後, 車一路向士林方向行, 沿途都仲有唔少人上車, 不過又未至於坐爆架巴士, 或許今日係平日, 星期五, 冇咁多人呱. 上車的多數係老人家為主, 我地三個年輕女仔都幾另類.

終於去到山腳, 嘩...今日天氣好到震, 藍天白雲, 天氣超好, 縱使有點凍, 但感覺真係好開心, 好似去郊遊一樣, 小學旅行啊.

陽明山條路左右兩旁的屋都幾豪華, 等於香港的半山區, 何文田d屋咁. 好靚下, 唔怪得台灣小說寫有錢人住的多數都係陽明山.

突然間, 見到一個轉彎位前面超級大霧, 大到好嚇人, 能見到係零啊. 好驚, 當然我地巴士我諗係到了半山有多. 一入去個霧的範圍, 乜風景都見唔到, 只有呆呆的等落車. 我咁大個女都未見過呢d自然現象, 係可以見住d霧停o係某一位置, 一入去佢個範圍就乜都見唔到, 伸手不見五指啊. 架巴士司機好純熟咁駕駛, lain姐佢都唔理得咁多訓晒覺lor.

終於坐了一個小時十五分, 到了我們的目的地---天籟溫泉會館! 落車時o個帶區域的霧少過之前, 但一樣見唔到陽光. 陰陰的.

去到就俾錢去浸溫泉, 俾多少少錢浸完食埋佢個tea呢!

一浸就成兩三小時啦, 玩得不亦樂乎! d水有成45度架, 幾熱下, 但真係好靜, 成個人放鬆晒一樣! 初初都可以一個池浸15mins(最理想的時間), 但之後捱10mins都想死, 好辛苦, 透不過氣來!

有樣野我地三個都一致認為的, 就係我地三個在場內都幾受人注視, 因為我地三個在當其時可算是全場至年輕的女孩, 又是三個外地人喎, 我直情見到d男的在桑拿房望出來起勢望呢! 呵...變左美女啊! (嘔死.........)

玩到四點左右就閃人去食high tea, 野食都ok的, 始終我地只係在西門町街頭小販度食過好少的早餐, 之後未食過野, 直至high tea先有得食咋. 超級肚餓呢!

跟住又坐番綠色公路巴士返番市區, 但居然同我地來一個塞車, 在陽明山的山腰部份塞到阿媽都唔認得啊. 當時係下午五點左右吧! 真係氣死我啊! lain lain仲約定了當地的朋友一齊晚飯, 我地仲要返酒店放低d野架嘛! 車上又超級恐怖的多人, 因為放學啊, 超多便服學生上車, 企位都照殺, 仲要迫沙甸魚咁多人啊! 好在我地三個都有位坐咋.

終於成七點幾八點先返到酒店, 遲大到, 不過都好高興! 因為可以見到lain在英國時的台灣同學嘛, 全女班, 有成四個呢. 大家在欣葉食日本自助餐. 都幾特別, 香港的欣葉好似係食台灣野, 台灣的欣葉就食日本野. 嘻...拎野時仲有個負責壽司的哥仔同我講野, 我呢d當然又廢講一輪啦.

就係咁, 買埋cd同班朋友say bye就回酒店, 成十一二點lor!

*綠色公路(皇家客運): 係一條由市區往陽明山一帶的旅遊車專線, 途經都係陽明山一帶. 在台北車站公保大樓外坐的, 小心留意, 個巴士站牌隱藏o係樹的底下, 要望真d啊.

*天籟有提供浴巾一大修, 同埋洗頭沖涼用的東東, 其實可以話你只需要帶修泳衣就ok. 但因為我去時天氣幾凍, 所以條浴巾就用來lau住自己個身, 因為由個building行去溫泉區都有段路, 蠻凍呢! 所以自備多一條的浴巾可以方便抹身用嘛.