Day 1

{台北第二遊}

1st Day	2nd Day
3rd Day	4th Day

Day 1: HK>Taipei (13 Mar 2003)

一早起身拎晒行李去柴地恒等契姐姐, 每人都拖住個小行李坐地鐵去東涌. 本來時間預得好好, 點知居然地鐵都塞車啊, god.....搞到我地遲晒到, lain lain就一早到了機場. 因為我地未到, 所以冇得去check-in. 不過, 齊都利順利, 我地可以坐埋一齊不過就對住個大電視咁lor!

到左台北機場, 居然有點兒陌生, 因為個機場已經同我兩年前去時唔同晒啦, 新裝修, 路都唔同晒, 所以有點兒迷茫! 不過我地呢d去慣自由行的人, 當然唔會有咩事架啦, 跟人行未得lor, 又有指示牌寫中文嘛!

有樣好特別的事係同上次去有好大分別, 就係而家香港人拎住張三粒星身份證可以做落地簽證. 以前去台灣一定預早一個月在香港辦台證, 仲要俾$100左右. 而家唔使煩, 錢又唔使俾, 只係拎番你張台證加你張身份證就可以搞到個入台證啦! 時間只需要5 mins! (唔計你要排隊或者填表慢啊!)

出左禁區仲迷茫, 個巴士站o係邊呀?! 在咁迷茫的情形下, 唯有三人行坐的士吧! 算啦, 我地唔想再煩去搵巴士, 坐的士盡快走人! 坐的士坐了成個小時先到, 起初我仲可以勁影相且異常興奮, 但去到一半路程我已經冇乜點出聲, 眼訓啦! 當然, 車中的lain姐就冇訓, 縱使佢係超眼訓及勁傷風都唔訓, 佢話要睇住架車駛去邊喎.

一到酒店即刻放低晒d野, 總之身體上的廢物都放低埋啦! 就標出去西門町行街食飯. so good...

我介紹佢地去我兩年前去過的一間鋪頭先魯肉飯, o個間野的魯肉飯真係好味到不得了! 隔離其他的鋪頭我試過, 唔好食的, 只有佢先好食. 鋪名唔記得, 總之好多食店o個條街, 條街有屈臣氏的, 跟住街尾o個街用淺啡木為主的鋪頭就係啦. 一個魯肉飯只不過係HK$5左右咋嘛.

跟住去到一間唔鬼記得乜名的商場, (近西門町捷運站入口)我地就好似發了癲的人一樣狂買野, 又見到anna sui的accessories, 又有好cute的公仔野. 嘩...咁就搞到一袋二袋啦! 跟住我又過對面樓上鋪買d禮物俾阿晴表妹同琪姨!

上到捷運我先發現自己係多麼的唔方便, 一袋二袋三袋!

又去NEW YORK NEW YORK同埋華納威秀行街, O個度原來有間超級大的三越, 在台北, 三越做得好好, 管理得好過香港好多, 形象亦都好好.

其實NEW YORK NEW YORK同埋華納威秀都冇乜咁大不了, 或者行慣了香港同泰國的靚商場, 真係冇乜特別. 不過叫做到此一遊啦! 可以一提, 在華納威秀內有個FOOD PARK, O個度有間食韓國野的COUNTER, D野好好食, 尤其是係泡菜, 好味到冇得頂, 我同LAINLAIN食得幾咁開心. 後來契姐又想食但又唔食得辣, 都要叫番個唔辣的來大吃一頓.