李     敖

一 家 之 言 黃 子 華

黃永玉

王爾德

胡     平

　

867.你知唔知點解香港政府要將香港劃分為十幾區，就係要話畀你d搭的士o既人聽，你上車o個區就係你落車o個區，係唔使搭的士o既。

868.由九八年開始，我o地同呢躉負家產係咁生活，相處左五六年啦，咁你真係開始對呢個家懷著一份感情，佢真係成為o左你o既家喎，各位你而家就明白咩野係真正o既陀衰家。我o地負家產o既家就係全世界最眼冤o既陀衰家。你而家先至明白原來所謂o既破碎家庭係幾咁幸福呀。所謂o既破碎家庭一般係講一個爛賭o既老豆，一個吸毒o既細佬之嘛，一兩個陀衰家。我o地d負家產，一家都係陀衰家。個廚房又陀衰家，個廁所又陀衰家，我覺得至陀衰家就係o個幾個奀挑鬼命o既窗台。所以係吔，我係刻薄o個幾個窗台，我唔買窗簾o既，曬佢囉。陀衰家…

869.而家破產o既人即係7-11一樣，緊有一隻o係左近，ok？如果你而家搭巴士話，破產o既上先，你無位坐呀。Ok？但大家知唔知o係以前你知唔知O係以前你要識得一個破產O既人係幾難呀？以前你要識一個破產o既人，即係話你要識得一個間諜一樣，唔係話無可能，但係畀你識到，你都唔知佢係間諜。「唔係，佢話我聽佢係間諜。」哦，個間諜話你聽佢係間諜？即係係咪咁呀：「My name is諜，間諜。我話畀你聽我知道拉登匿埋o係邊，就o係裕華國貨斜對面。噓！噓！噓！我見你畀我搭檯我先話你聽，『蝦餃！』暗號o黎架，其實我叫緊燒賣。

870.經濟破產唔係最重要，最重要o既係人格唔好破產，大家知唔知呢句說話係邊個講架？阿B哥講係咪？大家知唔知阿B o係講呢句說話o既後面係對社會有幾大o既控訴呀？喂，我o地以前一般係相信人格破產好緊要，因為你人格唔破產，你經濟多數要破產。唔係添呀，以前無得畀你分經濟破產、人格破產，因為你一破產，你基本上就係冚家隡。咁點呀？啊，冚家隡唔緊要，最緊要人格唔好破產。即係我係一個充滿人格、有情有義o既冚家隡！以前，準確d呀，破產就即係性病，可唔可以同人講：我身體有性病，但係我性格無性病。唔係…(邊搔下身)即係呢位小姐畀次機會丫呢位小姐，真係，我係有性病，但係我唔咸濕。你畀次機會我，你有無藥水膠布呀？

各位你明唔明呀，阿B哥就係講緊，今時今日o既香港就係折墮到呢個地步，我o地可以講：我係有性病，但係我唔咸濕。好陰功呀！喂我咸濕咁我有性病，咁就抵死丫。但係我唔係喎！我只不過係o個日行過砵蘭街，忽然間有條友淋花，咁跟住我就痕啦！有無咁橋呀？唔係橋o架，講緊一個社會有好多好多人有性病，咁你感染到，可能就係你老婆，或者你老豆，或者你只不過飲o左杯鴛鴦就傳染到返o黎。鴛鴦丫嘛，咖啡扑奶茶咪乃野囉。

871.你以前失業係畀老板炒，你而家失業，係你老板畀人炒，你打邊個丫？點解你老板畀人炒呀？因為你o個行畀人炒o左呀！你唔知點同阿媽解釋呀！阿媽，唔關我事噃，我o既表現幾好，但係我o個行畀人炒o左！

872.大家知唔知咩係結構性失業？有一日，你男友會同你講：分手啦。你會話：今次又咩事吔？…你男朋友就會更正你啦：有d唔同，今次、上一次、下一次一般o既離離合合，即係每三日講一日次o個d呢，o個d係叫做「周期性分手」，我o地今次係「結構性分手」。由於今次o既分手係「結構性」o既，我願意畀多d掟煲費畀你。如果你一下參與呢個「自願性分手計劃」，我可以加多3%。OK，唔同o既，呢次無得再o係埋一齊架啦。除非你能夠作出結構性o既轉型----隆胸丫！

隆胸勉強都算係一種結構性o既轉型丫，所以大家，你明唔明當一個社會出現一様o野叫做「結構性失業」，即係話畀你聽，你個社會o既本質，基本上就係寡情薄倖、o趙完鬆。你明唔明呀？拿，好多人唔係好明，所以我不嬲都話一個人一定要讀多d書架！你明唔明呀？一個人一定要讀多d書你先至會真正明白：點解你係無野做既！拿識得笑o既都係大學生o黎o既，你會有排無o野做o既！你知唔知呀？

而家係好嚴重，有d人長期失業到一個地步，好耐搵唔到工佢就考慮去自殺。無晒信心丫嘛個人係咪？我認為呢d朋友如果你真係要行到呢一步，你真係要問o下自己：你願唔願意作出結構性轉型先？拿，女士我講左啦，你要隆胸！我唔係講笑，你隆胸，真係幫到你搵工！拿我唔請人架ok？但係你話我聽你隆o左胸，我都想見你！所以唔該你再填o個d履歷，o係邊間學校畢業，幾年工作經驗，o個d唔繄要o既，三隻字「隆了胸」，我包你有面試！ok，你諗o下，經理「欵，隆了胸？叫佢入o黎！」

873.男士們你結構邊部分需要轉型呀？無錯，你何B……如果你見工，你能夠同阿何B轉型，你一定搵到工，拿，拿我直接D啦。即係如果你搵工，你肯同阿何B脫離關係，你搵唔到工我唔信！喂我覺得你都諗到要死呢一步咯，點解你唔試下..真係..「陳生，我對你呢份工真係好誠意架！(切何B)陳生，你拿住，我有一日辭到，你攞去煲湯！呀！無野啦，o係邊度開工？」你要呢種決心，我唔信你搵唔到工！係咪？

第二個國家我唔知，我o地個國家素來有呢種傳統，每一個朝代，大量人失業既時候，結構性轉型做太監，有好多後來做o左CEO架！係咪，而事實上，太監呢一個係令人成熟得最快既行業o黎架！一剎那之前你重係一個死靚仔，一剎那之後你就係公公啦！

874.自殺o既人，情願無左生命，都唔情願無左何B。你無左生命，你乜都無晒丫！無左何B，你只係無左一D。自殺既人就係情願無晒，都唔情願無左一D，即係呢D人輸少少係唔得既，一輸少少就情願輸晒。你有無呢個問題？你有無試過打麻雀上訴？……在座有朋友打麻雀上訴多過三次，你有極極強既自殺傾向！

875.基本上無一種自殺o既方法係認真架嘛，樣樣自殺方法都唔使點籌備既。個過程好短既，你跳樓又好，燒炭又好，你有無見過人跳樓，跳得長過一日丫？……，個過程好短，喂你重要係無得後悔，大家知唔知而家點解咁多、咁多人係咁遲婚呀？因為大家都怕後悔乍嘛。我有個朋友，籌備結禮籌備o左十年啦，佢女朋友日日都問佢：「喂，結婚未呀？結婚未呀？」「得啦，得啦，搞緊啦，啦，搞緊啦。」搞o左十年終於結o左婚，佢第二日就後悔啦。喂有得後悔你都搞左十年，呢樣野係無得後悔既，你係咪都派下帖，擺番三五七圍，向d親戚朋友交代下丫？...ok!你乜都唔做，你都寫番封遺書丫！

876.我覺得呢個世界，唯一有資格真係可以自殺既人，只有三種人。第一，好似希特拉，即係你唔想死，但係，起碼有一個民族想你死。Ok？……即係等如而家，候賽因有成個美國想佢死，布殊有成個亞拉伯想佢死。即係呢兩個人肯去自殺呢，我諗淨係收帛金都收到手軟呀！真係！呢d有資格死呀呢d。第二種，我覺得又係非常有資格自殺既人呢就係屈原o個種，即係你自殺，然後大家有公眾假期！……第三種真係有資格死，我覺得，就係除非你真係極度極度超不幸，好似美國兩姊妹咁，美國有兩姊妹40來歲，孖生既，咁一個想做歌星，一個就想做家庭主婦。佢地唯一既問題係佢地係孖生既，真係好孖下，孖到個頭度生出另一個姊妹出來。一個個頭望前面，呢個姊妹個頭係望後面既。咁又真係好適合做歌星既，係紅館開四面場，係唔使轉身既！……事實就係呢對姊妹話…佢地有一個快樂而又充實既生活。…重特別強調，其實連體唔算係咩既一回事丫。我覺得呢個世界最奇妙既就係，永遠都有d超不幸既人，好似呢對咁既連體人、連體姊妹，佢又好努力咁生活，但係我地d正常人就好易頂唔順喎。我地有時檢討下自己，其實我地呢d所謂既正常人，我地既結構唔係好完美，連體人就完美吔？你有無聽過連體人自殺架？從來無，係嘛，點解呀？有個人睇住丫嘛永遠都！

877.《唐山大兄》個震撼力就係來自，係套戲裡面，李小龍係有一場牀上戲。當時我就問我阿公：「阿公呀，點解李小龍會拍牀上戲？」阿公就話畀我聽：「因為佢拍完個場牀上戲，跟住李小龍就會去決鬥架啦。而佢當時重係一個處男。」哦，原來處男係無資格去決鬥既！…因為一個處男係無資格死既！各位，呢個係我既信念，所以我細個係無咩尊嚴既！「靚仔，望咩呀？想死呀？」「唔想，我重係處男！sorry！sorry! I am a virgin！」OK？我細個因為有呢個信念，我從來當然更加無諗過要自殺。每一次我覺得唔開心，我就會提醒自己：我唔可以死！你試過未先？你都未試過，你點可以死！」咁大家知道點解而家咁多青少年自殺啦！

878.當一個女人當面讚另一個女人好得，係基於群眾壓力。……你知唔知女人既審美標準係比我地d男人苛刻好多！……你知唔知我地d男人見到豬排，我地會好唔安樂，你地d女人見到豬排就好快樂！呢d係乜野心態呀各位？……呢d係家婆心態，你幾靚都好，但係你唔好勾佬！……我地男士認為，如果你係一件豬排，咁你基本上係唔使減肥囉！

879.點解今時今日香港會搞成咁呀各位，因為有條友睇o左本《低B做特首》囉！

880.我成日覺得一個特首要連任，其實係唔使搞咁多o野o既。一個特首要連任係應該好簡單o既，應該係：你能夠唔帶保鑣，你能夠一個人行入一個大型屋村，行番出o黎，你連任架啦！

881.我個人真係唔相信梁錦松係有偷步架！佢無咁醒既！……一個識得偷步o既人，就會考慮到偷步既後果，所以你識得偷步，你係唔會偷步o既。你就係唔識偷步，你咪偷o左步囉！所以梁錦松而家係乜野呢？佢係好犀利o既，佢經濟無破產，人格亦都無破產，佢係IQ破o左產！咁我地係唔應該欺付一D智力低下o既人！

882.朱鎔基話：不能將所有的問題都怪晒董生。我既意見係岩岩相反，我認為董生今時今日對香港最大既作用，就係我地可以將乜野都怪晒佢。關唔關佢事都係董建華。大家明唔明啊：一個人最痛苦係咩呢？你知道自己有好多問題，但你又唔知道係咩問題。你真係好知道，你又講得出，你都解決唔到o個種好無助、唔知點樣解決既情緒，如果o係呢種情況之下，你能夠講一句：最衰都係董建華！咁你又過得一日。我再強調，呢個係一個百年難得一遇既機遇，香港從來未試過有咁大o既怨氣，但係香港亦都從來未出過一個人係咁適合做出氣袋o既！

456. 戀愛唔係PART-TIME，你唔可以話:"愛!做完咪走囉!" 戀愛係一盤生意，你要二十四小時諗住佢。自己生意，冇所謂PART-TIME 正職。人地放假或者過年過節，你更加要開OT添。行花市啦行海旁啦睇戲食飯啦……你有乜o野競爭對手呢?我冇競爭對手o既!你估你係專利巴士公司呀?港巴都執o左啦!有冇考慮結婚?咁就要向公眾交代，咁就即係上市啦!所以，"中學生應否談戀愛" 唔係問題，問題係 "人類應否有兩份全職工作?" 你再拍拖，需要知會你老板:"老世，我出面搵o左份戀愛，我真係好需要呢份戀愛o架，不過公司的o野我會照做，我兼顧到o架拉。" 然後你老闆會話:"咁你不如搵多份愛情，咪直情唔使返呢分工囉!"

457. 依家D人溝女，對條女最大要求係乜呀?唔係靚，最緊要，係夠新鮮!乜叫做夠新鮮呀?就係話、溝o左一年o個個，就唔夠溝o左半年o個個咁正。因為半年o個個新相識，新鮮o的。同樣，溝o左半年o個個，就唔夠三個月咁正。溝o左一個月就唔夠半個月o個個咁正。溝o左一日就唔夠半日o個個正，如此類推，終於……溝o左o個件，就唔夠未溝果件咁正!咁即係點呢?仲重溝唔溝好呢?一溝就唔正o勒!

458.我唔信大陸會收番香港，我一聽到呢個消息，我腦海即刻出現兩個字，唔係 "回歸"，係 "淪陷"。

459."全港市民熱烈慶祝回歸" 十隻字，有八隻字係厄人o既，只有兩隻字 "回歸" 係真的。

460.我唔同人打架的，真係，我咁大個人，從來冇同人打過架。因為我不嬲覺得，如果你同人打架，o個個人一睇落去好打過你，咁無理由咁笨。咁如果o個個人睇落去已經唔夠你打，而佢都要同你打，咁佢梗係有秘密武器啦。

461. 人生不如意事十常八九，咁即係話，人生最多係得十分一係過癮o架咋!我o地所謂o既人生，無非就即係話，o個十常八九就冇得走雞o架o勒，依家就即係去飲，人情又做o左o勒，麻雀又輸埋o勒，D魚又腥，雞又老，魚翅又稀，伙記又惡，你話唔堅持留到散席，包番幾隻靚橙先走，咁重係人o黎咩?下次重o黎唔o黎就另一回事啦!

462. "媽媽，大陸要收番香港啦，係咪真架?" 我媽媽用三個字ｏ黎答我，呢三個字，我呢世人都記得，係我成世人聽過最瀟灑的三個字:"媽媽，大陸要收番香港啦，係咪呀?" "係咩?碰!" 呢三個字係我聽過最瀟灑o架啦，係咩?碰，共產黨o黎啦，係咩?碰，唔可以再更瀟灑啦，除非係 "係咩?食!"

463. 點解十八歲先至係合法年齡呢?因為到o左十八歲，o係法律上我o地就要對自己負責任!多餘，唔通十八歲之前，我o地就唔使對自己負責任咩? "我唔信呀，我十七歲半咋，你敢撞死?" 唔通十八歲之前，你o係油麻地踩完一個紋身佬一腳，個紋身佬會話:"死o靚仔，你未夠十八歲，我忍你!" 唉，十八歲o既最大好處，就係你到o左一個合法o既做愛年齡。我想請問，有邊個做愛係因為合法先做o架?我以為大部份人做愛係為o左快感同高潮o既。十八歲之前做愛係白做o既?咁樣十八歲就具有特別意義o勒!

464. 講o野，係冇用o既。做，先至有用。唔駛講乜呀，愛就係o勒。唔好同我講愛，做啦。所以，有Ｄ人，熱愛世界，愛得好緊要，於是就做世界。

465. 馬克思主義係一種理論，係大學裡面的一個科目。唔好太認真，除非你係學生，主修讀個科。如果你依家同馬克思講:"喂，馬生，因為你ｏ個科，單單中國都唔知死ｏ左幾多百萬人喎。" 馬克思會話:"ｏ下，讀書都會讀死咁多人?你ｏ地中國日日大考呀?"

466. 一夜情，你需要同對方講:"去你度定係我度"。我講唔到，如果由我講，就會係:"去你到，定係去我阿媽度?放心喎，我叫細佬出廳（目訓）咪得o羅。咁上格床咪淨係得番你同我o羅?!"

467. 點解要戴金勞？唔戴勞，有乜資格同人講，時間係寶貴？我o既時間點值錢?拿，支時針圍住行一個圈，12個鐘，十幾皮o野，即係為皮幾o野個鐘。你一個鐘值幾錢丫?幾舊水?我點同你一齊食飯呀，大家時間觀念咁唔同!唔單止咁，你戴勞，表示你個人有幽默感。勞力士，有邊個靠勞力搵食o既人戴得起勞力士丫？越戴勞力士o既人就越表示佢唔使用勞力!呢D，就叫做幽默o勒。

468. 有關性教育，父母唔識教，示範識唔識？佢o地識，但係冇機會示範，因為每晚一到示範時間，爸爸就會話︰九點啦子華，重唔去(目訓)?九點就叫我去(目訓)?你估我係農夫呀?可能佢o地其實唔介意示範，不過唔知道我有咁o既需要。唔知?我日日睇姊妹雜誌，真係為o左睇時裝呀？唔知!根本大家心知肚明，不過詐作不知。既然大家都咁虛偽，咁以後咪當屋企係社交圈子，大家客客氣氣咪算o羅。----爸爸，家母問你今晚番唔番o黎食餐便飯喎?----阿媽，你先生話家常便飯唔好打攪你喎。----阿細妹，令尊叫你落街買份報紙，點解唔叫我?我係令兄，信唔信令令兄摑令壽堂個千金呀？

469. 我有400蚊，做得同志，冇理由唔拿出o黎大家分o左佢咁衰仔係咪先？好o勒，400蚊4個同志分，每人一舊水。依家我400蚊分比12億個同志，每人有幾多？你叫馬克思心算丫，我包佢唔識計!共產主義唔係話唔好，你成個國家都係得4個人咪幾好o羅!仲要係最好其它o個三個人都有錢過你!

470. (仿李鴻章)"我大清版圖遼闊，本著好客之道，任人宰割數十載，牽涉宅心仁厚，利人損己大無畏不平等條約數十條。老佛爺，你仍然記得邊度割o左，邊度未割，真乃我大清之福，蒼生之福呀。……" 何等的恥辱呀，所以中國人收番香港，一雪前恥，真係天公地道呀!問題係，當中國人收番香港的時候，我o地又發覺有另一種恥辱出現。好簡單，大家試諗o下，如果我o地而家邀請一個外星人o黎參加回歸大典，我覺得，佢會好直覺認為，係香港收番大陸:"好明顯，我一睇大陸，就知道佢係俾D不負責任的人搞o左幾十年，自己人點會咁，咁係俾外人搞，全宇宙的殖民地都係咁，真陰功。讓我o地一齊拍手，恭祝大陸回歸香港。" 世界有乜羞恥得過一個親生母親，o係個後母手中接番個親生仔返o黎，然後同個阿仔︰"阿仔，你放心，我o地一家兩制o架，……sorry,冇嚇親你丫嘛?你放心，唔會發生o係你身上o架，一家兩制丫嘛。五十年不變!" 大家知唔知 "一國兩制" 最偉大的地方係咩?就係佢自己肯承認佢自己個制真係嚇親人。

471. 我o地共產黨最尊重知識分子，我o地最尊重的知識分子叫做馬克思，我o地全力追求佢的社會主義，今時今日我o地全力推行有中國特色的社會主義，換言之，即係無社會主義特色的社會主義。但係我o地仍然尊敬馬克思，因為佢已經死o左啦。我o地亦都好尊重魯迅，因為佢亦都已經死o左啦。當然，我o地亦都會尊重D就o黎死o既知識分子，所以有時我o地為o左尊重某D知識分子，我o地整到佢死死o下。

472. 六四令我明白好多o野，第一，中國點解咁多人？因為中國係一個人都無死過。

473. 董建華講ｏ左咁多ｏ野，最ｏ岩聽就係呢句，大家知唔知呢？我ｏ地香港人，要居安思危。居安定就要思想危難的時刻，好得意ｏ既呢句ｏ野，居安定的時候要思危，咁你居危的時候要思咩呢?你緊係更加思危ｏ架啦，咁居安的時候思危，居危的時候又思危，咁你安ｏ黎做乜鬼呀?喂，你居安就係唔想思危丫嘛，咁你居安都要思危，咁董建華就話俾你聽，你ｏ地安極有限啦，老友。

474. 如果你話我聽，因為我唔靚仔，所以唔可以做戲，你唔應該話我聽!因為唔關我事，我唔應該負呢個責任，你應該同我父母講。係佢o地攪成咁o既。如果你要罰，應該罰佢o地。以後，邊個醜樣，就罰佢爸爸，媽媽唔准做戲。或者淨係做茄哩啡!我唔係一個唔負責任o既人，為o左我爸爸媽媽o個短短一剎那o既快感，我已經負責o左廿幾年。你估做我好易做呀？我細個讀書唔好，或者唔合格，我冇要父母負責。我自己簽晒D成績表o既。每當我爸爸媽媽有爭執鬧交o既時候，我有冇叫佢地為o左我o既童年著想，忍o下對方？冇!我叫佢o地出街鬧!我大個o左，唔知應該信邊個宗教，唔知做人為乜，唔知人生事業方向，都冇要求父母照顧我。反而係我調番轉頭，提醒佢地︰你o地要搵錢呀，積穀防飢呀，唔係第日老來無依無靠呀!乜o野都係我!

475. 最近克林頓為o左呢o的性醜聞，一身蟻，喂，你話，就睇個樣，李鵬咸濕定克林頓咸濕D?我身為男人，我話你聽，我肯定，佢o地一樣咁咸濕!但係李鵬係咪冇呢D 野，莫講話性醜聞，連緋聞都冇!係咪真係冇呀?唔知!唔講得，國家機密!因為佢係領導人!身為中國的領導人，任何醜聞，莫講話，生前唔敢講，死後都唔可以提!毛澤東有冇溝過呀!有，江青!咁佢下半生咪剩係同江青乜o野過?咁咪好慘?唔好再問，再問坐十二年!呢o的先叫做領導人呀嘛!

476. 我躉樓係用相對論o既原理設計o既。相對論話︰空間唔係絕對o既。咁即係話，一個空間，可以有多過一個面積啦。我躉樓，就有一個空間，兩個面積。一個係實用面積，一個係建築面積。

477. 我就真係唔明，日本仔打中國打o左咁多年，我o地真係冇要求任何條件就畀佢投降!就算攪唔到乜o野割地賠款呀，係咪…起碼以後我o地中國人買日本o野，都應該有個八折先？我o地應該諗o的方法提醒佢o地。我o地應該去日本開便利店，但係唔係叫7-11，係叫918!思樂冰就冇o勒，抗日兵就大把!買避孕套呀?南京牌好唔好?趕盡殺絕一定冇仔生o架!

478. 白雪公主，幾咁純潔無瑕。但係諗真D，白雪公主，識得o個個王子，灰姑娘識o個個又係王子，有個有特殊嚐好，鍾意錫青蛙o既女人錫o左隻青蛙一啖，隻青蛙變出o黎o既又係王子!有冇人諗過根本個王子係同一個人呢?根本呢個王子都不知幾花心，周圍溝女。重無良到扮青蛙去溝添!

479.�鬺痦臚@次戀愛之前，我認為自己就係楊過，而我同書�堶戚虓邦L唯一唔同o既地方、就係佢有隻大鵰。而我o個陣、就鍾意撚呢個相思多D。同楊過一樣，我從來冇諗過要考第一o既。我只需要愛情，只要搵到我o既小龍女，我就可以拋棄學業，退隱山林，搬入新界住。但係我一定要住西班牙別墅，我唔住得村屋，我怕蛇蟲鼠蟻。然後每個月至多出一次市區，不過我唔會逗留得耐，問亞媽拿完零用錢我就會返番入去。冇錯，基本上、我由中一至中五都係o係呢種咁超然o既思想下度過。當時學校最流行o既辯論題目係：中學生應否談戀愛?我認為，我地應該辯論的係 "中學生應否讀書?" 而係我第一次戀愛之前，我的小龍女只需要一個條件，就係靚，我知道我咁諗你好幼稚，但當時我年紀小，唔知道原來身裁都好重要。

480. 聖人話:"食色性也!" 食同色，好唔同!一個人無論幾鍾意食，會唔會畀幾十蚊入戲院睇套 "蒸氣騰騰小龍包"?一個人無論幾鍾意食，又會唔會為o左望一舊冇包住的牛肉望到畀車撞?

698.以前我係唔相信呢個世界係有真正o既隱形戰機，直到我知道機場係有D跑道未用過。起條跑道咁貴唔用?隱形戰機，你o地睇唔到o架啦!

699.估唔到可怕o既九七咁快又過o左兩年，而司徒華重未畀人拉，D解放軍入o黎又唔做o野o既。

700.而家新機場已經起o左兩年，大家覺得我o地需唔需要新機場？要，緊係啦，以前我o地去旅行，就要去機場搭飛機去旅行，而家方便啦，我o地要去旅行就去機場。

701.呢(等)叫做曇花一現，咩人會住一(等)曇花一現o既樓？點樣先謂之"曇花一現"o既樓？即係開lift，係度，閂lift，唔見o左……o個時無論男界女界，想好世界，就一定要地產界。

702.我細個都話我唔同女仔玩，人人都經歷呢個階段，所以大個咪畀女仔玩o羅。

703.佛誕點解變成公眾假期?因為貧僧多過佛教徒。

704.我o地大部分人一方面好怕炒魷魚，又怕做死一世。

705.我就問過觀音借庫，好靈o架！我每年問佢借兩千蚊，我都搵到兩千蚊。其他D友仔真係好離譜，你搵次去睇o下，開眼界呀真係。呢個入到去，普通一個人，家無�痦ㄐA職業都無o既，失緊業，"我今年就借六百萬啦。"隔離："o下，你借六百萬，咁我借四百啦，觀音，齊頭一千萬，一千！"好奇怪，借幾百萬有，幾千萬有，從來我無聽過借幾億o既，係咪覺得借幾百萬make sense，好合理！我唔知呀，我諗o左好耐，我就明白，我知道借庫o既心態，D人唔係諗住佢搵到幾多就借多，而係諗住佢使到幾多就借幾多。三千萬同三億都搵唔到，但係三千萬識得點使，三億就唔識使，畀一億呀爸擺大壽呀？

706.借庫兩個字裡面，有個借字，借係要還o既，所以我情願信黃大仙好D，黃大仙唔使還，有求必應。如果你覺得黃大仙唔夠穩陣，你咪信埋九龍成o羅，成帶信晒佢，你好有信心o架啦！一個人能夠信多個三個地鐵站的距離，啊！信心的偉人！有D人話：我信香港。O華！有無咁犀利呀？o華！有D人話：我信中國。O華！係咪被迫o架？

707.我o地成日想信一D神仙、佛，乜都好啦，就係想得到一D野，好多時當我o地得唔到o個D野，我o地就會話：扯，都唔知靈唔靈！都唔知有無o既！緊係我唔夠神心？但係大家有無諗過，其實唔係，你本身已經好神心，佢又好靈的，佢真係有o既，問題係佢唔鍾意你!點解佢唔鍾意我呀？佢就係唔鍾意你o羅!……所以如果真係有滿天神佛，我唔夠膽去打擾佢o地，佢睇我就話o者，佢唔睇我都唔緊要，最弊係佢原本唔識得我，我去"捺"著o左佢，搵幾支香呀。然後佢就發覺：呀，呢條友好乞我憎喎！以後逢電視大結局我就上佢身，人人有得睇，係你無得睇。

708.有D人話，呢個世界係得一個神o者，得一個上帝，我覺得咁仲大鑊呀各位，你覺唔覺呀？即係如果孫悟空唔鍾意我，我可以去同觀音講：你拆掂佢，呢條友好煩，近來要蕉又唔得，乳豬又唔得，都唔知要食乜！咁如果得一個上帝，一個神，佢唔like我，咁搵邊個傾呀？無得傾o架！呀，唔怕，上帝係三位一體丫嘛，聖靈唔妥我，搵聖子去拆掂佢!搭多個聖靈。人o地三位一體呀！人o地幫佢自己定幫你丫？預埋你四位一體好唔好？

709.以前有個人好大膽話：上帝已死。O華，我唔夠膽咁黑心，我淨係想：上帝以為子華已死！感謝主！"人類實在犯o左太多罪，我一定要殺一儆百！黃子華係邊度？" "死o左o羅!" "咁呀，你啦!"

710.D人話愛情令人盲目，唔止，愛情亦都令人耳襲，唔係點解咁多人可以忍受對方叫你做"BB" 、"豬豬"乜o野地方叫呀？你三十幾四十歲五十歲o既麻甩佬，著件背心企係巴士度，，滿身大汗就o黎落車，"BB落車啦！" O華，成車跟埋你落晒去啦，我懷疑幾多交通意外都咁發生。

711.你唔明呢D人顧你咩身分o架："華華!" "我特首o黎o架！" "董董!" 佢又唔顧你咩場合，"咩咩，請到酒樓大堂……有人等緊你"，你係咩咩，你夠唔夠膽去大堂？

712.你唔明D人點解一墮入愛河，就會將對方當o左係熊貓。一定打孖咁叫o番！我覺得熊貓的改名制度要改，以後應該："國強同玉鳳已經o黎到海洋公園啦!得唔得呢？好似唔係好得喎，以後你點帶D小朋友去睇呢？"各位小朋友，國強已經爬到玉鳳身上啦!"唔得丫嘛，但係你可以同D小朋友講；"而家安安搞緊嘉嘉，嘉嘉又搞緊安安。"

713.點解鐵達尼咁浪漫？因為o係呢隻大游輪上面，你係乜都唔使做o既!除o左談情。淨係談情唔使搵食，你話幾浪漫！淨係唔使搵食都已經浪漫死啦！

714.呢個浪漫，係一個極限，就係叫做鐵達尼極限。男性同女性對愛情最大分別係咩？男人係愛情裡面，最主要的要求就係新鮮……而女人對愛情最主要的要求就係保鮮，即係話：男人對愛情就要不停搵一D新鮮的對象，而女人就要求不停咁同同一個對象保持新鮮。

715.當你D男人認為佢o地最新鮮o個時，科學D講，就係頭三日。……一過o左呢72小時，呢個男人唔會覺得呢個女人新鮮。而鐵達尼號之所以咁偉大，就係因為大家都過唔到72小時，根本就唔畀個男人覺得個女仔唔新鮮。

716.我能夠同時處理八個情人，作出唔同的心靈程度溝通，係網上面從來無一個女仔夠同我講："你對我已經唔係好似以前咁啦！" 因為以前我係用386，而家我係用緊Pentium第三代呀！以前以前，你upgrade o下自己啦!

717.Cyber sex,I like it.你慘得過我有本事，我打字快，啊啊呀呀啊啊呀，噓!高潮o黎啦!!!!!!!

718.我係強烈推薦網上性愛o架。第一，佢真係練到打字；第二，輕鬆丫嘛。你一路打，忽然你阿媽入o黎："阿仔，你做緊乜呀？" "做愛o羅！阿爸未返咩？"而第三，最重要呀各位，安全丫嘛！你o地做愛，拿個安全套出o黎，我做愛，我拿本notebook出o黎，我本notebook仲有套添，邊個安全？無錯，電腦係有病毒，但係無愛滋病o架。

664.李小龍曾經講過："一個人的責任在於忠實地發展潛能，完成自我。" 做番自己，完成自我，你就要忠實咁發展你的潛能。明白?無難度丫嘛?好難，其實要忠實咁發展你的潛能，係非常難。特別一講到忠實，我就必須要忠實咁承認：我係無乜潛能。OK，我係有D潛能，但係潛能的定義就係潛，我潛到好深，都唔知有無。唔會，人人都一定有潛能，所謂"天生我才必有用"。喂，人人都有就唔叫潛能，就叫浮能，或者蒲能啦！睇到晒啦。天生我才必有用喎，呢句話邊個講o架？李白丫嘛，佢緊係可以咁講啦!因為佢D唔係潛能，佢D直情叫做特異功能，佢唔單止天生我才必有用，佢天生我才畀D你用都得。而我o地一般人，所謂潛能，你就真係要潛落去搵o下自己有無才能，潛就未必有，唔潛就一定無。潛能同尋寶係好似的，所以有人讚你好有潛能，即係讚你好有尋寶，無乜值得高興，因為你未必尋到。好啦，當你去潛，你發現你o個隻潛能係唔搵錢o既，咁你算係潛能定無能？你以為你發展緊你的潛能，其實係發展緊你的無能。係呀，我近來好掂呀，我操得好fit，我知我將來好唔掂呀，係唔掂o個方面我而家好掂呀!你忠實咁發展你的潛能，完成自我，但係你完成唔到你層樓的按揭呀。咁你為o左完成層樓的按揭你點呀？按o左個自我o羅。

627.o係我o地的社會，只有一類人的自我比較完整，就係o個D乜都唔使供的浪子。唔難搵o架，係D天橋底一帶，你點知D浪子好有自我？好簡單，睇一個行動：佢急尿，佢痾，唔理邊度，我急，我痾，我痾故我在。

390.如果你話我卑鄙、無恥、賤格、下流，我可以畀個完美無暇的答覆你：搵食o者！有乜解答唔到呀o係我o地呢個社會？"你做乜打尖呀？" "搵食o者!" "阿仔，番埋o黎，唔好阻住人搵食。" o係我o地香港點解拍唔出X檔案呀？因為有咩咁不可思議o者？"呀莫探員，點解你個樣變成咁o架？" "搵食o羅。" "唔係喎，唔見o左你幾個月，係咪畀外星人捉o左去呀？" "搵食呀！" "莫探員，咁多o野唔做，你做狗仔隊呀？" "犯法呀？" 如果我o地覺得"搵食o者"呢句都唔夠支持我o地的行動，加埋呢句"犯法呀？"無o野解決唔到呀真係。 "阿婆你都厄？" "搵食o者！" "你呀媽o黎番！" "犯法呀？" "就係犯法!" "搵食o者。" 有咩解決唔到呀？我相信"搵食o者！""犯法呀？"基本上係我o地大部分人的人生座右銘，更加係呢D狗仔隊出發前叫的口號：今日我o地出去偷拍成龍，大家點睇？"搵食o者！犯法呀？搵食o者！犯法呀？多勞多得，搵食o者！犯法呀？"

338.李澤楷係屬於一個好大的宗教團體o黎o既，出名過法輪功好多。分別有D首腦人物叫李嘉誠啦，李澤鉅啦，李澤楷啦。傳說中的三位一體咪就係佢o地o羅。咁事實上，你話係咪一個宗教團體丫？而家觀音話契你，李嘉誠又話契你，你契畀邊個丫？

219.李(澤楷)先生，你之所以咁鍾意建設個社會，會唔會因為你根本可以計得出呢個社會有幾份之幾係屬於你？

207.你去食飯，個侍仔畀碟飯你食，有"蟑螂"的，然後你話："有冇搞錯？"佢話："我想o架？"你真係答唔到佢，佢加多句："隻蟑螂想o架？"係喎，佢又唔想，牠又唔想，我又唔想，解決唔到o架o番。

198.呢個世界的問題，人生三大矛盾啊各位：搵食o者！犯法呀？我想o架？

119.點解呢個世界咁多矛盾？我諗好多時你因為我o地解決唔到一個最大的問題：我o地唔知自己幾時死。"生存抑或死亡？"係一個好大的問題，因為佢幫你決定to buy or not to buy？to 玩or not to 玩？……

727.果集睇真D真係好震撼，你諗o下，真係有世界末日，唔係國務院話你聽，唔係氣象局話你聽，係由今日睇真D帶你睇真D。

728.X家鏟你話！我唔係一個亂講粗口的人，你o地大家都知我係一個有文化的人，唔毒o個D我都唔講。我不嬲以為"X家鏟"係一句好毒的粗口，一野都殺晒啦！無論你家族幾大。但係我而家先知，有句o野毒過呢句好多，o個句就係"負家產"。在座廿零歲的朋友或以下記住呢句o野，得閒同你師長講，你父母講，你朋友講："阿負家產睇唔睇戲呀？" "開飯啦，負家產！" 提醒你呢個世界有一種狀態叫做負家產，一種好抽象的痛苦狀態，即係如果你仲夠錢供呢層樓，o個種痛苦仲會維持係好抽象的狀態。但當你唔夠錢，你要賣層樓，你首先要變賣晒你所有的家產，你先至可以填到條數，可以賣層樓。但係你層樓咪你所有的家產o羅？咁你咪即係要賣o左層樓先至可以賣層樓？咁我就係賣唔到層樓丫嘛，咁我點賣層樓呀？無錯，你就係賣唔到層樓o架啦。所以"負家產"的意思就係你要背負住呢等"X家鏟"供佢一世。

729.賣得保險唔係簡單o既，賣保險係賣緊一份保障。但係呢個唔係一份普通的保障，係一個對人生無常的保障。我要賣得成呢份保障，就要先接受人生是無常的。你唔知道下秒鐘會發生咩事。基本上賣保險的人所講的係同釋迦牟尼所講的一樣，大師o黎o架佢o地係！個分別係，你信佛o既就隨緣樂助，佢o地就要交年費。下一次，你面對呢保險從業員，畀番個大師應有的尊重佢o地：大師，我o地有緣無份呢！

730.拍鬼片最困難的地方o係咩呢？最困難係通常隻鬼你識丫嘛，你明唔明呀？我識你o架嘛，你扮乜鬼o即？

731.當羅蘭姐一入戲，扮鬼追你，你真係驚o番。一路跑你一路驚，因為佢幾十歲，你驚佢"慣"親呀！