Madagasikara



 
 
 
 
 

O ! ry Madagasikara tany nahalehibe, 
Faly izahay hihira ho anao izao 
Fa ny fahatsaranao dia leo laza re ! 
Tsy aty ihany fa hatrao andafy ao. 
 

Zany tendrombohitra mirijarija soa 
Toa nasatroka anao ho voninahitrao 
Lohasahanao 'zay mavamavana avokoa 
Voarako-boninkazo mba ho ravakao

 Ref : O! hobio rankizy, o hobio! 
Zaranao izy io ka ifalio 
He tsy tany tsara ihany no anananao 
Indro fahendrena koa atolotra anao 		 Alabe mikitroka aman-drenirano koa 
Samy vonon-kanome izay mahafa-po 
Ao, tsy hita lany ny karazan-java-tsoa 
Hazo, hazandrano 'zay manala ny manjo 

Zava-mahasoa tsy hita lany aminao 
'Zay rehetra ilaina, hianao dia manam-be 
Vatosoa sy volamena tsy mahory anao 
Hanim-be sy zava-miaina, voron-tsara feo 

O! ry Madagasikara tanindrazanay 
He mifaly izahay mahazo zara soa Zahay
rehetra zanakao dia te-hanao izay 
Hampandroso hampitombo laza anao tokoa