又發傻  

　

係咁傻係咁傻

9/29/02 無XX
呢2日好嬲..真係唔係好明..幾十歲人係人地亞媽面前罵人地個女..有病無呀..話晒人地亞媽係你奶奶啦..罵咩呀..做小小野就好叻架喇咩...將D鞋放入衣櫃入面叫收拾房間既話..咁就真係唔該你囉....唔好再搞野啦..你咁講完係唔係要個老人家出黎搞呀..咁難為你既咪做囉..無人叫你做架...我地呢度唔係咩有錢人家..你做咁多你唔想做既野博咩呀..我地唔會俾錢你唔會升你官架...真係唔明你亞媽有無教你囉...我真係好嬲呀..嬲你係我面前話我屋企人呀..我亞婆你都罵..你當你係咩呀...你唔出聲無人當你啞呀....我真係好唔想同你有咩親戚關係囉..唔想再叫你囉...如果可以既話..我真係好想叫聲死8婆..

我真係好想學下D人咁無XX囉..咁我上面D野我就可以講出口...但唔好意思..我有家教...罵你都嫌整污糟我個口..

9/27/02 
好耐無出街既我諗住收工去行街嘛..點知..又OT..唉..算啦..有2個朋友陪過下我都好開心架喇...最搞笑係見到SIMPSON既SEVEN頭..嘩...好SEVEN呀....當然仲有朋友仔啦..叫都唔走..HEEH..THANKS..


9/25/02 點解會咁架..政府出條23條..公司多左個老闆娘..唉..無好日子過喇...
今日同朋友仔食LUNCH..第一次佢黎同我食LUNCH..M..好開心架..雖然見既時間唔多..都好過無啦..想唔想有下次...想既...不過想佢搵到份工多D...加油..

明天到2佬同我食LUNCH..YEAH!!好耐無見喇..

睇勁歌金曲時發現黃凱芹既眼同眉都好似一個朋友仔..原來黃凱芹對眼係咁...殺架...HOHO..

做返D好耐無做既野先..COUNT DOWN..仲有2個月零3日..BOSCO依家都唔理我啦..有人去NZ同佢玩..  :P  係呀..唔記得講個答案係左邊第1隻橙色呀..唔係灰色..橙色似D..

9/24/02 是日靚女MEI MEI生日..生日快樂..心想事成..開開心心..禮物未有住..HOHO

9/23/02 是日變彊屍
今日諗住洗下牙仔做個清潔既人啦..又聽牙醫話點都要刷牙啦...點知夜晚訓訓下成口血..仲要唔識停...嚇鬼死人咩...搞到訓唔到同朋友仔講電話...唉..我洗牙姐..又唔係乜野..做乜搞到我咁喎...聽話都唔得... 醫生仲話我個2隻牙仔已經出晒...下面出緊第3隻..仲要個位生得唔好...HELP!!!點算...好驚.. 我唔要咁多牙呀...俾D有需要既人啦..有需要人士..你要唔要牙呀..我俾你啦..

M..無啦啦係咁打俾我既人..咁奇既..仲要無野講都打黎..想點呢..如果早D開始打電話...依家會係點呢..M..唔知LU..可能人地無聊無野做搵野黎搞搞到我姐..由得佢..唔理..

文兄生日..生日快樂.


9/21/02 是日中秋
今日(今晚呀?!) 行程先去左SO 高 買左D 10蚊個既嘩芙(係卦..唔記得咩名LU,不過好好食..)..之後去左淺水灣玩燈籠..無啦啦有個叫伍灝賢既小朋友同我地一齊玩...點解D螢光捧變晒熔岩既...點解..次次都有小朋友同我地玩既...點解..我踢唔到螢光球既..不過又真係玩得好開心..

朋友仔..知你無野既..俾心機搵工啦..支持你..

9/15/02 又落雨喇...
呢期愛上假期做GYM, 雖然好多野想買好多地方想去..但唔知點解好鐘意做GYM..可能呢幾日日日食野啦..唉..無啦啦咁多野食既..算啦..做多D運動先得..

見返SNOWIE同DANIEL同CHERRY, 好耐無見啦..不過大家都無變到..SNOWIE..小心身體呀..成日係咁做無得休息....仲有CHERRY同DANIEL..你地都係呀..^V^..

本身自己唔鐘意人地係我面前有意無意咁講我家人既不事..仲有講我既死穴..依家多左樣...唔好係我面前扮識睇珠寶既野..仲要指住我話  "仲話你識睇石..呢D你都唔識?" 係呀..我係識睇石..不過我識個D係叫鑽石..唔係你呢D幾蚊斤美金既晶石囉..仲要好差既晶石..人帶你帶..帶D又唔清又唔靚既出黎..仲要我屋企人係EXPERT..我唔識..我問返都知你個8婆你係白痴啦!(普通話)..頂....一次又一次試我既底線呀..你同我記住呀...如果唔係學睇石既課程成3000蚊咁貴.我一早就讀左日日笑到你面黃都得呀..仲要話俾人知深圳羅湖商業城邊度買D晶石靚...扮EXPERT呀..8婆EXPERT就有你份...

一次過講晒返工又要扮無野..唉..

呢期愛上  我愛班房 呢首歌..一路聽一路諗起以前D野...HAHAH..

9/11/02 8號喇..yeah!!!!
雖然放得個半日...都好過無啦....haha..個風都叫黑格比..証明有個 "比"字都唔野小..君不見今年只得一颱風..颱風名叫黑格比...史諾比都係因為有個 "比"字先咁紅咋...yeah!!..我都有個"比"字..yeah!!..無乜野既..勁咁解之嘛..hohoh..不過明天就唔慌唔勁.......忙喇..
由得佢..我依家happy呀.hoho...

911一周年..m...希望唔好再有呢d事發生..唔理係美國定阿富汗..夠架喇..唔好再有喇..

9/10/02 結婚呀結婚呀!!! (唔係我) 
今日朋友仔既同事結婚..yeah!!..有得去玩..都玩得幾開心既..影左d唔洗錢既貼紙相.hoho..不過見到朋友仔著西裝..m...都幾好睇喎..hohoh..有我送既TIE 係唔同d既..hohoh..又識左個傻既馬仔..死囉..朋友仔跟住佢都會傻架...又見返布魯圖..yeah!!..仲記得我呢個愛麗斯..hohoh...真開心..

另外..唔該晒SIMPSON..我知衰乜架喇..我盡力改啦...

9/9/02 再一次零晨..(正確黎講係10號..不過我唔理..我話9號就9號..)

今日都算幾開心既..同ELLA& CINDY食飯講電話啦..講到自己食緊乜都唔知..之後又同人地公司既杰仔傾計/發傻啦....HOHO..蛇左陣..(如果杰仔係我同事就好喇..)之後又唱K...見返ELLA同佢個妹妹..但係...點解妹妹高過我既!??!?!..走既時候好似無野..其實有D野..不過唔知講咩好..咁耐都無講過D好肉麻既說話..咩"我好掛住你呀!".."好唔捨得你呀!"..可能識得太耐..到頭來唔識講卦..搞到依家會講既我講唔到..M..你會睇到呢度既..你知我想講既..係咪!?....你係咁問我感情D野..HAH..其實我都唔知架..可能下次你返黎又唔同左架喇...唔知LU..

多謝你地..無你地我估我心情唔會好返D..我唔鐘意俾人睇到緊..無做錯野(有都唔洗咁對我呀..)..好想走..讀其他野充實下先...

2佬..你係邊呀..!??!

仲有..邊個打電話俾我個來電係NO USER既...邊個!??!

開始明白點解離開熟悉既人同地方係咁唔開心..

仲有..好開心有人睇我個網..總算無浪費我既心血...我會係咁寫..俾你地睇下我呢來發生咩事啦..開心同唔開心啦..最緊要係你地會睇黎..當然想你地留言/ MSG/ 講我知..你地有睇啦..

仲有呀..乜我短髮真係好難睇咩??!!?!.....留返長囉..仲要唔梳辮呀嘛..知喇..返黎見我長髮LOOK囉..

另外..當我唔開心既時候唔出聲..唔好係咁搵野同我講..我唔想講野就唔會講..只係想靜下..唔好意思..

9/9/02 零晨..天黑lu..
上week見返好耐無見既大佬..好掛住你呀!!仲有間房好鬼亂既志龍..好開心...之後屋企有d事...好好彩依家無乜事..各人總算健健康康..有事既都好得7788..thanks 大佬, 2佬, MEI MEI同Bosco.. esp. thanks God! 

ONLINE見到d好耐無見既朋友仔..m..都幾開心既..好似近左..其實都係好遠好遠...
夢..始終都係夢..

有時online玩亞柱都幾好玩架..hahah..

Bosco返來時間報時訊號一響..仲有..2個月零19日..報時訊號係由...亞比特約播出..

(死..近來好似打中交打得好慢..又要諗好耐..點算..發生咩事)

Marco..生日快樂..

8/25/02 好好天既一日..最好出街.....(無得出喎..)
今日好滿足咁訓左12個鐘..woowo..好耐未試過喇..之後又落街食野啦..icq啦..yeah!..打字又快返..m..總之就好開心啦..

昨晚又發夢..咁耐仲係咁既...好煩呀..唔想再發呀!!!


8/24/02 終於好好天...熱死人tim呀

終於可能唔洗再OT...住...正..呢個月都無乜出街..YEAH..儲到好多..YEAH!
睇左千嬅CONCERT..YEAH!!!..好睇..唔理人地話唔好睇呀..走音呀..個頭唔靚呀..我唔理..我話好睇就好睇..好好睇..不過友人俾人呃左買380蚊飛唔可以同千嬅握手就慘慘..D人啦...呃人..

依家先發現原來收工ON TIME唔係必然既..好掛住PHYSICAL既冷氣同玩完行路會好似鬼既跑步機, 好掛住同我去PHYSICAL既MEI MEI, 好掛住同屋企人睇電視食完飯都只係8點幾, 好掛住行街街行到10點腳仔痺..好掛住收工個時仲見到日落西山下..好掛住ICQ打中文係咁串人..如果...OT有OT錢就好喇..唔好多啦..請人食飯都好啦..唔洗餓到無感覺唔想食野嘛..

DADDY終於同我講屋企既事..M...我都幫唔到D乜...M..都係努力儲錢先啦..

我隻大牙係咁阻住我食野..好驚要同佢骨肉分離呀..咁殘忍(好痛架)

今日ONLINE..見到有D人好似ONLINE過..M..無感覺LU..其他野我唔理..我只會理亞咩同友人..同MUMMY同DADDY..同姨姨同亞婆同我既朋友仔..同公司D野..好忙呢..HOHO
理得你死..(唔好問我講乜..唔講唔講唔想講..)

呢排成日坐BENZ..但感覺一D都唔好受..可能坐老細車既關係啦..感覺好苦..就算唔係老細車既BENZ亦唔好坐..我唔係上流人..坐唔慣D上流車..HONDA就OK架喇..好舒服..

聽到友人公司有新同事..仲要係佢口中聽到佢話新同事靚女喎....(>.<平時都未聽過佢話女仔靚既)..飲野扮聽唔到..咦..乜咁酸既..(飲緊醋喎你)......我無事呀..邊有事呀..

同Bosco傾長途..hah..好掛住你呀..仲有3個月零4日..好快姐..希望你唔洗咁煩啦..

　

8/18/02    又係一號波..仲要無傘露天做野...

呢個8月既日記(應該叫周記喇)..好似次次都話落雨咁..鬼叫依家雨季咩..呢2日出左去訓..因為星期日有馬拉松做幫手...於是又出去訓喇..昨日走去玩個玩轉夏日嘉年華..嘩..搞錯呀...d野完全唔好玩既..有個海洋公園都有啦..轉轉轉之嘛...之後個過山車...唉..我地既wild mouse不知幾正啦...仲有搞笑既係我個嘉年華入面無人玩既mask竟然係入面既最激之一...嘩...仲要50蚊?!?!..mask20蚊都無人玩啦..無事呀...唔怪得佢個時話佢唔會好似冬季嘉年華咁加價啦..根本佢就超貴囉...係唔係都60蚊..其他GAME都30蚊..我地10蚊都得啦..唉..最後都玩左200蚊..友人囉..唱多左錢..不過有亞咩..hohoh..有新野玩..
總結: 冬季嘉年華係無敵既!!!
(我唔理其他地方果D..都未有機會玩..SO我唔理)

之後今早就去左城門水塘幫手收飛仔啦..嘩..洗唔洗落咁大雨呀..short架..不過都幾好玩..最搞笑有個亞哥(亞叔!?!)俾張飛我唔俾前面既姐仔..原因係「 呢個姐仔靚D 」呵呵呵..好鬼開心..HAHAH

本來有人話送野俾我既..但係唔想要..因為明知係假野都要人送好似好衰咁..之前有朋友仔送野俾我..但係後尾知佢俾人呃左都唔好意思...SO..都係唔要..YEAH!

8/10/02    係咁黃雨...幾時黑雨!!..俾個紅雨睇下都好啦..

成個week無online..估唔到無人留msg俾我..睇黎..你地都唔記得我喇.. *n*: 喊..
今個week又OT到死死下..足足O左2個WEEK..最勁O到9點半..仲要呢個WEEK公司DESIGN HOUSE 2邊走..嘩..我都覺自己好強呢..HOHO..不過D野都未得...

我發覺...當你同人地合作仲要你做亞頭既時候真係好難..唔知點叫人做野..由其是由我呢個死o靚妹叫佢地做更難..而且佢地根本唔想幫我做...禮拜一會點算..唔係我死就係NEON兄死..我估..佢死既話我都無好日子過囉..

睇到新既CARNIVAL開左..又係份報紙見到個CARNIVAL地圖..睇黎都唔係好好玩囉..又好似唔多機動遊戲..不過都會睇下有幾唔好玩既..(希望我估錯啦!!)

今日行izzue..D新貨都好似唔多得..(對我黎講)..不過睇中左個袋..m..都係諗下算喇..

好想去玩呀!!!!!!
　

　

8/4/02    一號風球仲係度...幾時8號呀..!!?!?!

終於得閒update..上個禮拜簡直係做到死下死下..日日OT..FRI仲O到9點..都算喇..跟足咁做都要改..做到無心機....好彩友人陪我..真係唔好意思呀..

個病又無啦啦好似強返..已經好少食唔唔食得既野都係咁..醫生又叫人唔好用咁多藥....屋企人話心情開朗D就得...如果班客唔係咁煩成日改我心情超好TIM啦..
我要心情開朗.........諗下d開心野先..
BOSCO打返黎啦..有人陪我啦..出左糧啦..食左D好好食野海南雞飯同鹹豬肉凍濛啦..又有返心機搞個網啦..就有嘉年華玩啦..有楊千千演唱會啦..仲有...(老細又出TRIP)好野..
心 情 開 朗..

呢期成日上小銀個網睇佢既日記...睇得多覺得自己好似識佢咁..haha..妄想症呀..不過睇完佢個網又無啦啦想搞返自己個網..點解..我都唔知..奇怪..

呢期愛上明哥既這麼近那麼遠, E神既明年今日, COOKIES既心急人上, TWINS既眼紅紅..苦榮弧兒仔..巧音既 好心分手..原來巧音好女人唱好想當媽媽都好正架..YEAH!!!

幾時先有機唱K呀.....
　

　

有野講 /  02/年12月/ 02年10月 / 02年8月 / 02年5月/ 01年3月~02年4月