有個句講個句
| 1/12/02 CARNIVAL聚會喇.. 咁就一年喇..好似今年過得咁快既..見返班CARNIVAL都唔覺好耐無見咁..好似幾個月無見既朋友咁.....成班傻下傻下咁去左韓燒...好似只係燒..又唔食喎..你地呀..好浪費呀...(唔覺意咁話晒你地..唔關我事架....我..都有食..2啖架..HAAH)..之後又唱K..終於聽到CALVIN唱K喇..都幾好聽既........明天JACKSON又走喇..又要下年先見..唉....又無得玩CARNIVAL喇..HOHO..下年見啦.. 無啦啦NICK哥又返左黎..又唔出聲喎..D人喎..過份喎....做得唔對喎..真係要搵日搵搵NICK哥先得.. 無啦啦發人脾4..唔好意思喎..不過我想話..你之前講野都係咁..一諗返就發脾4囉.... 呢2 日開心事.. 1.. .我既循道小學好勁喎..係咁拎獎喎..好開心喎..又見到周主任上鏡喎..又諗起小學D開心事.. 2. 皇者即係皇者..曼聯WIN利物浦..呢D事平常啦..一定會係咁架啦..LOUIS..呢份生日禮物歡喜唔歡喜呀..AHAH.. |
| 11/30/02 成家都傻既... 曾經有好多人問過...點解你地成家人都傻既...我一路都feel唔到...唔係呀..幾正常呀..但係今日先發現...真係成家都傻傻地.....不過唔係佢地咁搞笑..都唔會有我呢個咁令佢兩老歡喜既女啦..hoho... 無啦啦俾細佬話黑心...唔想架...自從前年年頭開始就只識向負面睇..太傷喇...變左縮頭龜..學返正面睇囉...唔講你地2個囉... 哈....無啦啦ICQ好開心TIM．．同MEI MEI講Ｄ平時唔講既野．．HOHO 明天就CARNIVAL同事大聚會..唔知大家變成點呢?! |
| 11/29/02 講到口乾 好耐未試過講咁多野..Bosco一返黎就講足4個鐘有多....又行左幾個鐘..死左..不過都好既..識到d有discount既人..hoho..出街一定要出銅鑼灣..hoho...本來都好想夜d走...唉..明天又要返工...仲要依家12月都未到就用quota...到12月就無quota就更可憐...下次先玩夜Ｄ！！！！！！！！ 如果唔係有人係度．．一定會問．．〔想點？！〕．．算啦．．唔問可能反而好Ｄ．．卦．． |
| 11/23-24/02 曹公潭．．正呀！！！ 呢2日既CAMP玩得好開心..好耐未去過正常CAMP,唔飲酒, 唔打牌, 只係玩CAMP SITE既活動, 仲要有得訓..玩左攀石, 壁球, 桌球, 射箭, 網球, ROLLER, BADMINTON 期望下次/以後既CAMP都可以咁正常.. |
| 11/19/02 勉強無幸福... 點解咁搞笑..當我開始慢慢明白..慢慢接受[勉強無幸福]既時候..其他人就開始勉強..真的..我唔想你地咁....我唔信你地只係單純地諗一D單純事....當唔係個杯茶既時候..點好都唔關我事...打黎又無野好講..咪浪費我D電話費啦..CSL好貴架....我只係想開開心心咁過生活...唔想人地黎煩我....一係就講清楚..等我都可以同你地講清楚... 唔係唔想..係想但唔係同你地..OK?!.. 我已決定向右走..無人再可阻我路....唔開心既事..唔記得喇.. 要是你的女友放棄你 我便要開香講恭喜 要是你知我已愛上你 可會為求避免鬧劇便撤離 要是我想故意拆散了你 然而我都愛到斷了氣 我只不過妒忌 不得已妒忌 誰人或者嫁給你 我為我生氣 還好我懂得抬頭走 更不須人援手 直到我遺忘你那碗粥比親吻燙口 今天愛過你的日後成為誰密友 離合不講理由 甜密不必持久 多少情人日夜相處仍淪為朋友 天大地大並沒並多少快樂時候 來來回回寧願在你掌心中向右走 尋覓我未相識的摯友 要是那天我已吻了你 我大概也只得空歡喜 要是我肯決意放棄你 可會越行越遠但是越好奇 要是說出我會永遠愛你 然而我都愛到斷了氣 我怎麼要妒忌 只可以妒忌 但願明天嫁給你 太沒有骨氣 |
| 11/18/02 李心潔好野!!!!!!!!
當全人類都大叫黎明好野既時候...係時候到我向大家講....李心潔好野..李心潔好正!!! |
| 11/17/02 見到契仔開心晒.. 契仔好可愛..契仔好大隻..yeah!..見到d相都開心返晒..如果可以見真人就好喇...姐姐同你玩照鏡..heeh.. 依家日日開機都照顧賤兔..hoho..好得意呀..依家都2歲lu...好玩.. SNOWIE..玩野呀..我無成日問佢D野喎..我都有問其他野架..唔好誤會呀.. |
| 11/14/02 心情好差.. 點解會咁搞笑..想理既唔到我理..無諗過既..又係咁理自己..搞咩呀..唉...好辛苦呀..咁耐..仲未好返..係唔係又要好似之前咁先得呀..咁賤..唔做呀.. 聽到CARNIVAL係12月14號舊機場又開返..好想好想見到DEREK同CHUNK...尤其是亞CHUNK...好想攬住佢喊....佢咁肥..應該幾好攬既...不過.....仲記唔記得我呢.......好掛住佢地..好掛住上年既聖誕.......好掛住好掛住...如果上年既聖誕never end既...係好定係壞事??如果要忘記...係唔係將書桌上既相全部拎走會易ｄ?! 希望今年聖誕會好開心...開心過上年..開心過前年..大前年............. |
| 11/12/02 點解...可唔可以話我知點解.. 昨日本來好開心好開心...但點解要我今日咁唔開心.... to 某: (知你唔會睇..但好辛苦..發癲..) 我其實唔係好明..點解已經有工做..仲要做mlm..我唔明有咩前景有得做..我唔明點解你唔覺好似有問題..我唔明點解今日同我講既既你好似同我以前識既你..或者昨日既你咁大分別...係我了解你唔夠..定係我根本無了解過你..係你不停變定係我唔知呢個先係你...真係咁好咩..真係咁好搵咩..不過起碼今日係你朋友口中知道一個我唔想知既事實...開心好定唔開心好...見到應該好開心..但..唔開心..點解會咁既..原來想罵交既感覺好辛苦架... 過去左就係過去左...就算上年CARNIVAL返黎..所有CARNIVAL既人都返去做..感覺已經唔同....可能仲會更加唔開心.... 努力學習唔鬥雞...唔該Bosco同2佬... |
| 11/6/02 有工返喇... 離開班嘩鬼lu...有無唔捨得..好似無..唔洗教佢地既時候係幾好既..不過真係幾煩.. Kelly, Vivian, 唔好成日玩Desmond啦..仲有呀, 做數睇題目呀.. Desmond, 唔好咁大聲講野呀..又唔做功課.. 莫恆奮, 方國燊, 咪咁多咀喇.. 不過你地2個有時又幾得人錫既.. 趙希彤, 咪同佢地玩得咁癲呀..知你有溫書喇.. 馮日朗, 乖d先有得做班長架..成日同佢地玩又唔做功課..點做班長呀.. 潘曉峰, 做多d英文呀..唔好再發脾氣呀.. 趙希諾..乖d喇..你真係好鬼得意呀..唔好再做個墓俾自己啦.. Miss唔同你地玩喇.. |
| 11/5/02 靚MAGGIE生日快樂..!!! 希望傻妹睇得開啦.... |
| 11/4/02 轉天氣=失戀?!? 一早收到傻妹電話....放工見到佢喊到咁真係唔知點..算啦..佢唔要你大把人要你啦..咪咁啦..大大聲唱爭氣啦..!!!..同2兄傾計...乜真係轉天氣=失戀既..7個人散左喎..我地一齊組織個失戀同盟啦.... 今日發生左既事..唔記得lu...大家唔好講喇...我好驚呀..一次過咁多人同自己講..我未諗到自己要乜囉....唔好嚇我喇.. 傻妹....有咩打俾我啦.. |
| 11/3/02 呢幾日睇到好多張女星既裸照..好唔開心..唔明d人點諗..好得人驚..唔好搞咁多事啦.. 唔想再知呢d事....唔好俾我睇喇..我唔想睇呀.. 屋企人，Mei Mei, ２佬, Bosco多謝晒．． 你地一個二個唔好同我講ｄ得人驚既說話．．唔信唔想信亦唔敢信．．我暫時只係想靜靜的一個人，只係想快ｄ搵到工．．唔該．． 學習對細路唔再認真．．〔保護自己, 免受傷害〕．．要教既真係唔係我地．．係佢地屋企人．．依家既細路真係好可憐．．好想快ｄ唔洗再做呢份工．． 玩笨豬跳既．．ｄ相好正呀．．ｈｈａ．．好想ｐｏｓｔ上黎俾人睇．．ｈａｈａｈ |
| 10/29/02 有人生日呀!!! 今日返補習...有開心有唔開心既..開心既係叫個細路抄40次生字係有用既..今日話我知佢默書100分..算你啦..之後發現另一個細路唔係唔想做野..而只係佢唔識..唔識靈活運用..m....要諗d方法教下先得..明日開始得自己一個教..點算..!?!??!?!? 夜晚食飯...惠怡生日快樂呀!!..佢講左好多野..hah..見佢開心就得啦..朋友們大家都傾緊一個問題..好似話緊我咁..m....唔知呀..不過見返好耐無見既朋友們都好開心..下次..以後都要預我呀.... 今日先發現某朋友好似另一個朋友...見到佢有種怪怪既感覺..唔知點咁..不過想見"那個朋友"多d囉.... 聽到某某不停講一句以前唔會同我講既說話..雖然好平常既一句..但佢未講過既..信好唔信好.. 無啦啦發現呢幾日自己個網好鬼多人睇過...邊個黎架.. |
| 10/28/02 無胃口呀..但好開心.. 同個4年無見既子禮食lunch..估唔到佢都無點變到..一路食一路講..結果乜都剩晒係度..真大蹝(我!!)....相信未來日子都有機會食lunch....但到時我有事業時唔要你架喇..hahah..又係你話會以我事業為重既..hahah..都係果句呀..唔俾食煙呀..俾我知我會打你架..讀書考會考啦..諗咩搵工先得架..咪同我爭飯食呀..hahah 返補習一日就已經有d被佢地激死既感覺..乖d啦好唔好..激我發火你地就大件事..不過有d都幾得人鐘意既..雖然好頑皮.. 睇新聞見到個掃把頭..頂..好心啦..係度死頂..成個巫婆咁..小心最後果幾年呀你.. 死啦..呢幾日成日講粗口..都係你地班人啦..做乜係我面前講粗口喎....搞到我又講..不過好耐無講..9唔9無啦啦講都幾搞笑.. |
| 10/27/02 麻雀呀... 放長假後第一日玩到咁夜..又唔洗驚第2日起身返工無精神...但呢個心態完全唔可以俾佢滋長....唔要得唔要得...同2佬, Ivan傾計...好耐都未試過咁痴線....咩都講餐飽...估唔到同Ivan咁同聲同氣..笑死..總算我輸百幾蚊係值回票價啦...下次唔會俾你地贏得咁開心既... 呢期去自己個算新既留言板..好似又去唔到..唔係又死左呀..唉..算啦..要黎都無人留野俾我既..... 死啦..呢期成日同細佬講d咁露骨既野..唉..點解會咁.....唔洗陪Elaine時記住我要你...幫我搞搞部機..hehe.... |
| 10/26/02 誤人子弟 真係要好多謝2佬..唔係你..我都無機會去誤人子弟..仲一次過誤成16個..HAHA...不過講真..依家呢個時代做人亞媽既..唔好真係生左個細路出黎就算啦..理都唔理下..要我地呢d人黎理..我地有心教佢地咁就話姐..如果有d無既就死啦..我都唔知算唔算有架.. 不過依家d細路真係千奇百怪到呀..真係估唔到..16個人個個都唔同..做補習都唔係易事..會努力既..努力去搵長工..hahahha 依家同朋友仔既關係好似好淡好淡...對上一次煲電話粥都好似好耐之前既事...好似唔想講野咁..有咩都同其他人講左...又唔想重複再講咁....佢又好似唔知係唔係覺得我倦唔想講野又唔講野..呢d事已經唔係第一次發生..好倦啦..唔知想點呀.. 收到叔叔最新近照..咦..原來去左Newcastle呀..咁咪有波睇囉..不過Newcastle都唔係好勁..hah..叔叔依然係叔叔..睇佢個Nike tick既笑容..hahah.. 稀客Marco打俾我...你就好啦..依家有份正經工做..依家到我無野做喇..唔得..一定要好快好快咁搵到工..唔可以比你叻過我既.. |
| 10/23/02 我無事喎 多謝玻璃唔介意我之前係咁做錯野俾麻煩佢洗佢錢, 多謝老闆娘出口先有呢份工, 多謝亞May對我咁好, 多謝Vivian俾我知係上面黎既有時都幾得意, 做野都好好..唔可以睇少, 多謝Neon同 Simon做Model,多謝杰仔, 多謝Fanny同Elaine落力幫手, 多謝陳樹圖d金莎, 多謝士多亞姐, 多謝June, 雖然有時真係唔係好likely你, 但有時你都教左我幾多野既, 不過唔好咁自私啦, 可能我地2個時運低啦..仲有多謝Pierre, 其實真係唔係好慣唔係我朋友而叫我亞比..多謝你提我..亞比外號 只得FAN可喚召 其他人叫親亞比我就嚇親.. 不過都要多謝你餐飯.. 最最最多謝係陳小姐, 其實我真係好唔捨得你架..同你咁好傾, 咁開心, 雖然成日俾你打, 搞到成身瘀晒, 又為左麥記捻薯條係街上面唔理儀態咁打交, 為左聽同唔聽F4俾你BEAR, 為左雞批要亞姐講句公道話, 但係同你一齊好開心架, 真架, 我會記住以前一齊食PIZZA HUT, 一齊食西多, 一齊食BUFFET睇靚鬼仔, 一食就要食魚生, LAST要食雪糕, 次次一齊買麥記外賣返公司老細(加客)就坐左係公司, 一齊無啦啦去5樓睇下人地公司有幾大, 一齊係公司唱F4既歌, 聽吳建豪既歌, 一齊成日屈陳樹圖請食野又睇住你打佢,(好彩..走之前都試過打下佢咁啦..), 一齊去買雞批, 一齊叮飯, 一齊買MEMO紙, 一齊話Q版WINNIE傘得意D, 你教我去優之良品試零食既次序, 無啦啦一齊去油麻地食飯, 一齊睇見鬼睇到笑, 一齊打邊邊+行街街, 一齊交換表戴(係我迫既), 企係公司樓下發傻半個鐘都唔走, 一齊成日話某人要飲靜心, 一齊被人捉左去打波但我又救唔到你走, 一齊話另外個2個先似係一對, 我地就另一對, 一齊話謝浩輝係自己之後又打交, 日日聽你講小咪既得意野...好多..多到數唔到... 留左隻Daniel俾你..希望你會記得我..仲有呀..唔好成日打人啦..雖然我知你鐘意, 但男仔見到會走架..希望你可以搵到個好男仔啦..希望你會話我知啦.. 另, 多謝Bosco同2佬... 我真係無事呀..唔好再問我有無事喇..有事我會出聲.. |
| 10/19/02 又睇醫生 為左呢個病睇2次醫生...其實可以唔洗既....有時D野想唔洗都唔得....大家都係醫生..點解一個有醫德一個無呢...一個最叻就叫你覆診..一個細心咁話你知咩叫喉嚨發炎...真係唔明... 近來唔知點解咁鐘意得無記既 星期六檔案, 新聞透視, 新聞報導..等等...唔知係唔係人大左..開始想知呢個香港發生咩事...好鐘意同屋企人傾呢D事...雖然所收到既消息..新聞或多或少會有少少偏向某一面(好難平衡囉我覺得..但無記既算好好)..但真係會諗多左.. 但..點解政府, 政治真係咁黑暗既..點解唔可以好好咁做一D對香港好既事呢..經濟..唔係令樓市升就會好架喇...失業無野做..減薪邊有錢買樓呀..你D居屋斜地下既邊有人住呀(EG. 鯉安苑38樓某2個示範單位..親身睇過..地下斜出街既)..減薪都係減高官啦..係唔係真係一做高官就咁黑人憎兼樣衰呀...(本人多年前觀察所得..男高官特徵: 肥, 矮, 樣衰, 光頭...中既特徵愈多, 官位愈高...EG..董建華..全中架..梁錦松...差D..高左D同唔係肥..但太似龜..所以好高...女高官...無TASTE囉...)..我又講左國家機密喇..拉我呀笨..不過..如果你地唔認自己樣衰果D既..咁我又唔算囉..咁你地想拉我定唔想拉我呀...你自己諗喇..一係就告我誹謗囉..M..如果令你不安既咪告囉..但香港地..有幾多個人唔係咁講你呢..M..拉晒佢地囉..到時我地坐監..你放火燒左個香港都無人話你啦.. 一講政府火都黎....唉.. 仲有樣野好得意..近來容小姐所代言既 "水"無啦啦出個防紋既面霜..本人都覺得個AD條橋都唔錯..我BUY既..但..出左黎有D問題囉.. 1. 大佬..係人都知容小姐得22歲..何來有紋呀..22歲就要用..唔係呀..係佢本身有既時候唔該你SHOW出黎睇下先啦..用前用後無分別喎... 2. 大佬呀..容小姐不嬲都用緊你公司條LINE既野 (唔知啦..代言就要用嘛!)..用完有紋要用防紋面霜呀..我用緊架..唔係咁嚇我呀.. 3. 喂大佬呀..你睇下容小姐個樣同MODEL既樣..係仔都要MODEL啦..貪你個容小姐大面咩..又唔靚..豬扒格.. 4. 仲有呀..件衫完全SHOW晒容小姐既缺點囉..唉.. 5. 唔記得左講..容小姐化好死厚粉..鬼知佢有無用到呀.. 6...唔講喇... 其實我覺得呢間公司應該搵多個人做代言人囉...AT LEAST防紋面霜同減肥用品容小姐根本無力去支持呢D產品係WORK囉..不過..好多野都好黑暗既..人地公司高層同人地既關係....算啦..不過都未試過睇AD睇到火都黎姐... 無啦啦俾2間唔同公司既人打電話黎...想搵客姐..不過2個完全唔同FEEL.. 第一個係上網公司..起初就問一D簡單問題..之後開始唔想答..(我有權咁做..)佢竟然無啦啦爆句..都係想知姐..你唔講..可能我地第日又打黎騷擾你....你都幾強喎..騷擾我..我唔講你就騷擾我..依家我欠你債呀..你憑什麼騷擾我先..我係你既POTENTIAL CLIENT..唔係債仔呀..有病無呀....收佢線後又有另一公司打黎..不過佢好醒知唔對路即收線......一直以為大公司既人有禮D..原來唔係.. 唉...做乜要我呢個病貓發火呀... |
| 10/19/02 病Q左.. 果日MEI MEI過夜...結果傳染傷風俾我.....好辛苦呀...我要好返!!!! 早幾日..我竟然係PIERRE面前都叫自己做亞比...好似唔係咁好咁..好似同D朋友講野咁...唔係太鐘意.. 昨日老細見到我死下死下咁..結果就叫我今日DAY OFF...多謝老細...不過我一早就想請今日假囉..你講出口仲好...見少一日見少一次你發難渣罵人..開心.. 今日睇NEWS先知羅文唔係度...有D唔開心囉..佢D歌都幾好聽架...報紙...收音機係咁做一D特輯去記念佢.....希望佢安息啦...唔好再影人地既遺容喇...好唔好.. 近來睇NEWS....真係好憎D高官...有腦沒有呀!?!? 依家無人俾蚊咬就覺得唔洗理..唔殺蚊..到時春天黎時有又話...咦..乜D蚊未死架/ 又有人係出面運蚊黎啦..本地無既...唉...有時真係諗...如果有事既係佢地身邊既人..一定會全港殺蚊囉... 另..23條..有病無呀..無啦啦搞D咁既野出黎...依家我係度講下..之後都會俾人拉囉...講都有事....毒死我呀笨...身為一個好想做記者但得個諗字既我係絕對唔怕你地既....我地為左香港好先係咁搵D政府做錯既事出黎....咁你地先知做錯左..但你地一D都唔反醒..仲要做錯左唔好俾人知...點知愈錯愈甘...好似個雪球咁愈黎愈大..咁香港一定死啦....如果有示威既話..我都想去上街遊行囉... 仲有謝檸檬呀...有無搞錯呀...真係有錢大晒啦..做錯事唔緊要..有錢請個好律師一定打甩啦..你話佢係被動既一個..大佬..用腦諗清楚先啦..叫人頂包好似有D問題喎...諗諗下都知有事就自己認咪算囉...搞咁大做乜呀...防礙施法公正架..咁如果我又係咁..係唔係咁小事先...係我又唔怕做呀..無案底...最憎既係浪費納稅人既錢... 仲有呀...唔該亞拉登生唔好再炸野啦...搞到我想去蘭桂睇嘉年華都俾亞爸話.."閒人莫理...危牆莫企.."唉..咁搞法年尾既嘉年華都唔俾去玩LU... 唉... |
| 10/13/02 幾日一齊黎... 禮拜5個日同左2佬食飯..傾左好多野..m..其實都唔知自己想點.....見得2佬多有d掛住大佬文tim...係時候搵搵佢lu.. 禮拜6無啦啦OT到5點幾..算好架喇..早過平時...而且都清左好多要做既野..費事俾D人覺得自己真係無用得咁緊要啦....無聊時係咁搵歌聽..聽返陳綺貞既還是會寂寞....m..原來2年前既歌仲記得點唱..可能個時成日唱k做敗家妹啦...好掛住IVE YEAR 1 果時既開心日子...雖然學期中有D唔開心既事發生..但....真係好掛住果時呀....... 禮拜LU.....祝亞比爸生日快樂開開心心英俊....執屋時搵返好多信紙...諗返中學D野...諗極唔明日日見都有信寫..但我又做過喎..但我估依家唔會有呢D野LU...ICQ講都得啦.. 今日MEI MEI 過黎過夜..又玩MASK..搞笑..都好開心... |
| 10/10/02 好忙..但好滿足 呢幾日公司完全係唔夠人手...返大陸既返大陸..陪客既陪客..最強係今日..大部份時間都係得2條友係公司..電話都無人得閒聽..日日係咁OT...不過都好既..起碼好多平時無機會/ 好耐無接觸既野依家又可以做返..諗起都係一件好事....因為依家只係掛住做野既我先係我...之前咩都求其既根本就唔係自己...真係好想快D清晒/ 搵晒我之前做錯既既做返好佢..之後就做個唔做錯野既人..WOWO..咁就正喇...最好就係D做晒我D野既人唔好返公司住..俾我跟多幾日就好喇...佢一返黎我 又無野好做.... 今日無啦啦上左去舊既留言板...原來佢已經死左2個月喇..我仲以為之前係9唔9上唔到係正常(因為有D網都9唔9係咁架嘛...)...好可憐呀...有D留言係無機會再留到架喇...點解會咁... "那天 不小心洗去你的口訊 才有欲哭的衝動..."...唉... 依家真係有d搞笑..連船公司既PIERRE都叫我做亞比..M..係唔係D男仔真係咁鐘意叫我做亞比既呢..叫親既大部份都係男仔....不過算啦..我都慣晒..但第日老左既時候..(老?!!)..真係有D.... 不過最搞笑既係今日台灣雙十節無人返工..我竟然唔記得仲同人講..今日禮拜4做乜放假...搞笑..正一白痴妹.. 今日終於可以聽完露絲瑪莉之後聽再見露絲瑪莉...M..個人認為比向左走, 向左走向右走同向右走好聽好多..可能後者既曲借野孩子所以無乜特別啦..而且千千既獨白感覺上...麻麻啦..個人認為好既歌最好唔洗要獨白啦....開始鐘意韻B多D TIM...HOHO... 人總要認輸一次..認輸完就要知錯 原來自己不聰明 原來甚麼都沒有 原來應該了解的道理 現在才知道 原來輸給了世界 原來輸給了自己 原來錯在不承認失敗 誰可以原諒我 知錯後又要飛 |
| 10/5/02 大個女喇 其實大個女應該係由9月30號晚開始..多謝2佬同我傾計...傾完返工..先發現原來自己近來做野真係好差好差...基本上近期既態度真係可以用呃飯食黎形容...依家會開始改返好..我都唔想俾人咁就炒左架...不過我驚我改緊既時候就俾人....咁就慘慘喇.. 不過最緊要係改我個d叫做青年失憶症...乜都唔記得..唉...仲有..一定要有非常好足夠既睡眠..如果唔係就會成隻鬼咁..好得人驚...(諗極唔明點解朋友仔會視之為得意..鬼都得意?!?!) 呢期好鐘意 認輸, The best is yet to come, 熊貓, 再見露絲瑪莉, I never told you, 好想聽下 Candy 既大細路, Gigi既"你救哪一位"都ok既..不過好勝Gigi太深刻喇..完全代入唔到係Gigi既歌 有樣野好開心..婆婆就出院.. |