I want to
say...
| 2/24/03 放心..我好返好多.. 今日返到公司..知道下月開始到6月就係繁忙時間..無得放假...係咁OT..真係有些緊張..其實會忙成點真係唔知囉..希望我應付到啦....仲有OT有錢喎..$40一個鐘..正...唔知可唔可以O到有1700蚊買AGNES B錶呢...好想要呀... 放工見到林生..好似好返好多..都唔知點解見到佢就會開心返... 仲有一個月就生日...好想.. 21號唔洗OT啦..22號無人同我轉長短周要我返工啦... 23號開開心心睇棟篤笑啦...24號唔洗OT啦... 暫時係咁多.. 多謝恩同美...我地幾時睇樓搬呀....2年好快到架咋....好想試下搬出去玩呀..哈哈...旺角係我既首選... |
| 2/23/03 你講得無錯... 昨晚終於聽到一些說話........但係太眼訓...都無點理到...起身返左教會...唔係大佬叫我都唔返...見到佢地一對對咁..一齊左咁多年感情都咁好..點解我果時唔識咁做既...之後走左去做傻事...聽多次就夠...其實我明你點諗...信唔過既人係唔應該再信...就算佢今次真係好真好真都好..你都有理由唔信佢... 仲有一個月又大一歲喇...慢慢習慣自己就大一歲既事實...我只係想我今年生日會開開心心...唔想好似上年咁喊住黎過...生日都喊好辛苦... 唔好問我點解估到你地2個一齊...之前係咁形影不離..點會唔知有野...你地出街唔好叫我...我唔想發光..(其實一早我已好光好光..係你地2個唔覺..)..如果你地2個想我習慣3人行既日子都要俾時間我架... 我估我撐到架...唔好問我發生咩事做乜咁樣就撐到架喇...由我發傻自閉啦...如果我想出街買衫會叫你架喇..傻婆..不過唔好叫佢囉..費時一係我串你地..一係就我唔知點咁.. 如果你地想我笑既..我都會笑到..但唔好問我係唔係真心地笑.. 頭先睇電視睇到個馬戲表演...諗起2000年年頭果段時間既事..果時真係好辛苦..日日都喊...依家睇返..都唔算好可憐...咁我幾時先可以話依家既我唔可憐.. |
| 2/22/03 SNOWIE生日...生日快樂... 今日SNOWIE生日...生日快樂...希望你永遠幸福快樂.....估唔到咁快一年喇....好想見下你呀....掛住你.. 我終於知咩叫宿醉未醒....今日一早起身...10點幾以為12點幾...仲諗緊昨晚發夢講既野係唔係真係講過...以為係真既..係咁諗係咁諗..個頭又WING WING下..好在今日唔洗返工...如果唔係都幾係大鑊..一定做錯野...原來飲得太多酒係會無胃口既...早幾日已經無胃口..以為自己唔舒服...原來係飲酒太多...唔飲喇...依家都有D想嘔既感覺... 今日WING下WING下咁同爸媽行街街..見到我好鐘意既怪誕城JACK既8達通套...第一時間買左..好野..呢個係我第2個JACK既產品..其實仲好想要FIGURE或者好似LEGO果D TIM呀..HEHE..死啦..真係好鐘意呢D無為野TIM...救命呀.. 同2佬ICQ...唔想聽喇..我知我會點做..你話過唔想教我點行..你話我大個喇..唔想教嘛..我唔係你既公仔嘛....俾我試下決定啦...最多衰左俾你罵囉... 終於睇晒EMAIL喇...係咁睇真係有D辛苦...不過俾我知你地個個都掛住我..記得我...我真係好開心... 好在細佬無搞出人命....你下次真係小心D得唔得呀...呢D野玩上癮...老左無得玩你就死...AHHAHH 好想搞清楚一些事..始終...事情都要有圓滿既答案.. 係唔係我好玩d..我係真係信晒你地所講既野..但你地成日咁玩我...想我點... |
| 2/21/03 今日好開心.. 返到公司..知道平時唔出聲既LA LA同女仔出街..結果我地係咁問佢...佢又笑住口話邊有...AHAH....仲要我TEAM既爸爸話我鐘意佢..見佢同女仔出街唔開心...HAHAH..我又話係...AHAH..玩死佢..到收工果時我地9樓知佢件事啦..隔離座7樓又有人知啦..唔知明天樓下8樓同10樓有無人知呢...好好玩呀...原來公司D人都係傻既.. 今日又同朋友仔唱K加飲酒..3個禮拜去4次K..一個禮拜去2次同一間K同同一個人去飲酒...一個禮拜飲3次酒..都可以叫係記錄喇...飲完好WING..3罐喜力原來仲勁過溝酒飲.....唔飲喇...真係唔飲喇....飲完好得人驚..原來..我真係唱唔到 [身體健康]...一唱我就好想喊...返到屋企..屋企人好似唔知我飲過酒黎..其實..我估佢地知既..不過唔出聲..唔好意思.. 林生返左大陸玩...禮拜日先返...難得短周可以見耐D都見唔到..算啦.. |
| 2/19/03 醒d唔醒d.. 今日又係訓左4個鐘都無...昨晚同朋友仔傾完ICQ好似好訓D..但..真係咩..今日起身真係唔想返工..但有野做..無計.. 今日同一個客發生一d事...佢本來昨日要千幾個label..之後我咪今日出貨俾佢啦..點知佢今日一早fax黎話..我要600幾咋...咁我又要同A/C啦..倉啦..SHIPPING講..又要取消張單再落過..本來真係無野既..但佢張單太細喇..要佢自己拎貨...問題就黎喇...[咁不如我加大佢啦..咁我地咪唔洗送貨囉..]..我當時真係好嬲...玩呀依家你...又係你要千幾野..之後改做600幾..都算喇..幫你做..依家要你拎貨之嘛...你又想唔拎貨加單...你知唔知我地公司既SYSTEM呀...發左個客少少脾4...不過無人話我..好9呢.. 發完脾4覺得...我好似佢....我真係好似唔知...愛情既玩法....愛情唔係你想點就點...我想要咩..你就俾...我依家唔要喇..你就走開...到我依家想要返...你估...真係可以咩....人地唔發你脾4罵你話你賤格咪算好囉....無啦啦..好似醒左D.. 收工同林生飲酒...都..唔算多既....發覺真係好鐘意飲LONG ISLAND..好似凍檸茶.....不過醉左都唔驚..佢暫時都仲算係正人君子..遲D就..唔知喇..好在..今日無醉..俾禮拜日仲WING 少左.. 發現..依家見到林生就無咁多野諗同煩...但...... 同女友傾計.....每聽一句...就痛一次....本來平復既心情又再撐唔到....想聽...但好痛...唔聽又痛........... 我做唔到咁大方..我講唔到話無事...... |
| 2/18/03 俾D時間我 又係訓左4HR都唔知有無就返工...好在...仲撐到..未死得.. 俾2個好姐妹罵完.....俾D時間我...就得架喇....無野喎..眼訓之嘛... |
| 2/17/03 唔好理我 當屋企人都覺得自己有事既時候...我仲可以做些什麼東西話俾人知我無事....唔好問我發生咩事...我唔想答...我真係答唔到...俾D時間我......仲有...我好想飲水....水...原來可以好好飲.....我要大量既水...唔該.... |
| 2/16~17/03 你倆開心..我就開心..
禮拜日同朋友仔發生既事唔想講...要講既....都係K房唱晒...祝你地開心..你地開心..我就開心..返到屋企...好勁咁只係訓左3個鐘都唔知有無就返工...出奇地有精神唔眼訓..可能呢d真係迴光返照吧.....收工仲要同SIMPSON係藍田搵模型...唉...咁對個飲左酒又無訓過既人....過份呀!!!!!....不過起碼聽到句...真係要珍惜依家既野....好似醒左D... |
| 2/14~15/03
情人加元宵節 呢2日發生左好多事..有好有唔好既...好多野都講晒出黎..好舒服.....依家會做個乖乖女友仔..hehe..唔會喊..只係識笑既....好想之後都會好開心好開心...好想收到花呀...唔知幾時收到... 朋友仔同女友仔一齊左...感覺上有d怪怪的...如果佢地結婚...咁..係唔係要多謝我呢..呢個問題真係要好好咁諗下.. 馬拉松無我份...唔開心呀..算啦..唔去都好既..有得訓覺好既....不過..有得做總好過無得做... 愈黎愈掛住B女..開始覺得自己似小王子...放低左佢唯一既玫瑰.. 之後就好掛住..好掛住..雖然同B女得幾日既感情..但係真係有D擔心B女俾人蝦.... 903搞左個馬拉松播歌反戰....真係唔想打仗...神呀...點解咁既...可唔可以唔打仗呀... 我前路會點...又係時候諗下喇.. |
| 2/11/03 大佬文生日....生日快樂!!!!!!!!!! 今日大佬生日...點都要出黎慶祝既...做人個妹都8年喇..原來好似無同佢慶過..真係有d唔係咁好囉....好開心..真架..見返大佬同志龍..仲有後來既2佬..令自己有d似返左明基既感覺..諗返起細個無野煩..不知幾開心..依家..大個左..煩既野又多左..諗既又要多左...不過人始終都要大個既..仲細咩.. 公司開始好亂...感覺上好多野都變緊..其實自己過左3個月係咪真係咁安全..好似唔係...諗起就真係頭都大.... 今日放左b女係公司...就放工既時候聽到有人話有閒人入我地公司搞野....死啦..會唔會搞我既b女架...好擔心b女既安全呀...我仲未同b女影相tim....愈黎愈鍾意大頭b女喇...... 早上先同2佬話自己有決定...但...仲係唔開心既..我估友人已經有佢既新天地...佢好多野都轉左...我估..我都唔係太好意思搞到人...話晒...係自己做錯先... |
| 2/10/03 唔好問我點解喊..我真係唔識答.... |
| 2/9/03 好好玩.. 今日無啦啦幫朋友仔公司搞function..原來真係好好玩..唔知幾時再有得玩..好多朋友都病左..希望你地快D好返啦.. 買左隻B女返屋企..好得意呀..死啦..開始發現自己愛上FIGURE..好想係咁買係咁買..點算.. |
| 2/8/03 大鄉里去ANNUAL
DINNER記 今日係我地公司既ANNUAL DINNER..去到有D似人地做戲個D咁..有人SERVE你飲野啦..D大粒既就係度吹水啦..又見到好多人係度打麻雀啦..會展打麻雀都第一次見..之後開始入去坐...嘩...好得人驚呀..洗唔洗咁大呀..好多人呀..100圍呀..!!!之後又無啦啦圍圍都有盒冬菇..做禮物...真係大吉利是..好在唔係自己拎到...食第一味既時候叫"飲杯"既時候..好似玩緊人浪咁..呢邊叫完到果邊...好搞笑..我地叫完之後聽到其他圍又叫既時候勁笑..IN 我既KITTY姐姐做MC..原來都幾靚架..不過樓上既LISA姐仲正..第一次見老細..乜原來咁既樣..不過真係好熱鬧..好希望下年都可以咁多人..公司一路賺錢..唔好似其他公司咁..被收購就玩重組炒人啦... 其實近來都好唔開心..除左ICQ啦...同幾個朋友之外..仲有以前那個對自己好好既人..我知那個人會睇呢個網..我只可以係呢度對你說對不起..以前做左D好傷害你既事..講左D好傷害你既說話..,以前以為應份既..原來唔係囉...對唔住... |
| 2/7/03 3個月喇...加人工.. 正確黎講係11號先3個月既..但今日亞SIR同我講加人工+正式轉長工..好開心呀!!!!!!!!!!!!!!!!! |
| 2/3/03 新年記趣 今年既新年話咁快就過左..(雖然自己初6先返工..但大把朋友初4返工..即係無人同我玩..同完左新年無乜分別)..今年新年都幾開心既..起碼無啦啦涼茶變可樂(定可樂變涼茶..好難明)..無啦啦俾個3歲幾既細路騙利是....玩大細贏錢..打麻雀一次過見晒d奇牌..係街度玩到傻... 今日睇小銀既網頁..先知原來唔係我蠢搵唔到佢個wonder book..原來已經係無左..都好既..起碼自己寫既野真係唔洗理人點諗....見到佢咁都幾係開心既..依家自己要個留言板...其實真係要黎做乜呢... 無左ICQ都好多日lu....以前唔覺自己咁迷ICQ..依家開始發現自己原來都幾依賴左佢..無左佢..就好似無左朋友咁.....好似自己唔識用電話搵朋友咁..係都要ICQ先得...朋友既近況亦只可以係ICQ先見到...好得人驚...唔怪得D專家話玩得多會自閉啦... 呢幾日本來好唔開心..唔該晒咁多位氹返自己..開心返..有時..俾人摸摸頭都已經好舒服...條路係自己選既...無論開心唔開心..都會去行落去..或者..一個禮拜都有可能行完LU..因為我係好依賴..你唔係..唔係無信心..係唔敢賭..我驚我輸唔起.. 近期好鍾意林一峰..關心妍..AT17..好正.. 就返工..可唔可以問亞SIR拎利是呢..SAT既ANNUAL DINNER會係點既呢...好緊張呀好緊張呀.. |
| 2/1/03 恭喜發財... 上wk走左去睇人體展..好似d分提咁..好搞笑...亞森原來都係一個搞笑..可惜又就走啦..唔係又可以玩耐d... 之後又見返CINDY...好耐無見喇...依然係一個細路咁..最多咪大我地少少..唔知幾時可以再見多次.. 呢幾日日日去銅鑼灣行街但係都無買到野..係今日行年宵同美美買左個吹氣帽同財神仔..好得意k呀..hahah..今年既12點係條橋上面過..3條友仔..(仲有2佬)一齊好似痴左咁係咁玩係咁笑..好開心..希望大家新既一年都開開心心...工作順利...心想事成...身體健康...不勞而獲...財色兼收...hahah... |
| 1/23/03 雜河 上wk既事都唔係好記得lu..只係記得嬲過人(其實只係好少好少既事..都唔知點解..)同俾人串..原來我咁衰既以前..)..又見返okra同kitｗｉｎｇ啦．．大家一齊傻下傻下咁坐係老麥傾計．．．人地關門都唔想走．．．之後同美美飲野..好high呀..以為自己幾飲得原來都唔係..人地一睇就知我地已經係死死地..但好想再飲呀..之後又走去打波..好耐無打波lu..打到好倦..無晒力...仲要走去嘉年華玩....原來最正係d10蚊既ride..好似king loop啦...簡直係嚇個半死...有人陪我玩多次我都要諗諗呀.. 近來同2佬一齊返工..fd左好左..講左好多野..如果８年前無識到佢．．我依家會唔會咁呢．． 明天亞旺就大結局喇......好好睇...早幾日仲睇到想喊.....亞旺好可憐呀.....佢會同老婆仔一齊定同老師一齊呢．．不過我都知個結局．．．唔開心．．．不過如果我係佢．．都唔知點囉．． 同ｍａｇｇｉｅ傾計既時候大家都擔心佢依家既工作．．但．．可以做得咩．．佢唔想聽／唔想見我既話．．我可以點．． |
| 1/12/03 甲加乙=!? 今日玩大富翁..終於做左大贏家..不過太少人玩都無意思既..如果下次多d人玩就好喇... 上年今日就係將近結束..今日就係開始...唔理將來點...開心既咪得囉.... |
| 1/11/03 雜記.. 7號返左CARNIVAL..好開心..多謝KEVIN..你依家真係好得意呀..HAHAH..唔好意思..唔想用得意呢個字..但係真係好得意..又玩多次唔洗錢既EVOLUTION..多謝晒...不過唔記得幫你大叫..SORRY...個鬼屋又把鬼喎..鬼呀鬼..你下次出快D嘛... 9號走左去同Bosco睇LORD OF THE RING..好正...第一集好悶架..但第2集真係好正..如果叫我睇多次..我估都會睇....又見到隻好得意既金毛鬆獅狗...好似公仔呀...唔知點解..近來成日都見到鬆獅..真係開心死...好想養狗仔呀... 呢幾日係咁聽到公司好多小道消息..又知道亞頭既事...危機又好似多左咁..係時候又要睇睇乳酪喇... 見到D同事又讀書又做野..依然唔明點解自己唔識分身..有咩SHORT COURSE有用呢.. |
| 1/5/03 好心分手.. 今日聽CANDY唱好心分手...無啦啦好有FEEL..可能今日有DD唔開心啦.. 回頭望 伴你走 從來未曾幸福過 赴過湯 蹈過火 沿途為何沒愛河 下半生 陪住你 懷疑快樂也不多 沒有心 別再拖 好心一早放開我 從頭努力也坎坷 通通不要好過 來年歲月那么多 為繼續而繼續 沒有好處還是我 若注定有一點苦楚 不如自己親手割破 咁多年係聖誕新年都會諗起同一個人..早幾日有人問我記唔記得千禧倒數係邊做緊乜..我諗都唔洗諗就已經講左出黎..唔係因為第一年出去倒數所以記得..而係那個人..咁多年都仲記住佢..好煩好倦..唔知為乜要記住..人地係唔知..可能已經唔記得自己LU..聽完隻歌..好似醒左...我諗我真係要放手...諗咁多年..會痴線既....由今日開始...唔再俾自己有聖誕新年症..我要年年都好開心咁過... |
| 1/5/03 灰灰的.. 唔知有無留意到我呢個日記愈黎愈短...寫黎寫去都係玩呀.玩呀..係咁玩....其實自己對住呢個網都有D倦....又可能依家係自己發生既事都係差唔多..又係返工放工去玩睇戲...連玩既人都係個幾個...好似返工咁見法..而且有DD唔開心就即刻搵人傾電話..傾完又無野..真係唔知有咩係度講..有D灰灰... 其實唔只對個網灰..有時對住自己既生活無咩突破都有D灰灰....由依家開始..一直到6月左右..都無機會去搵野讀..因為公司既旺季就開始...有人話3月先開始..有D就1月..一見工已經講明旺季最好就唔好讀書..好想讀返日文..唯有依家自己學返D生字先啦..到SUMMER先算.. 至於朋友方面..係30號先睇清楚原來自己一路都唔了解老細..平時ICQ都係我講多過佢..一講佢既LB就FEEL到佢好開心..原來唔只生活上有分歧..連諗野都咁大分歧..... 同另一個朋友又係一個灰..我情願佢之前無同我講過...咁我會舒服好多..講左又係咁..好倦呀..想講清楚又怕講多錯多..唔講..又唔知自己係度做緊乜..似還似....無講清楚就唔係...諗真D...行多步但係同依家一樣既未必係好事...煩呀...灰呀... 好想換晒書枱上面D相...但我可以放咩係度... 唔係好想再寫呢個日記喇...... 朋友們...放心啦..我無咩既..只係D聖誕加新曆新年症又病發姐.....只係今年多左1,2個少少唔開心既事咁姐...過左15號我又無事架喇...唔好問我點解...我都問左自己幾年都唔知點解未好返.. |
| 12/31/ 02~1/1/03 大富翁 我既02~03大倒數就係一個見左2次既人屋企過左..玩叫大富翁既GAME..原來都真係幾好玩..好想再玩呀... 新年願望...無諗到TIM... |
| 12/25/02 聖誕快樂 今年係第2年係戶外過聖誕節....BBQ..好開心..第一次係赤柱BBQ..仲要自己整爐..仲要無野食..仲要就被水浸..都唔知點解會咁既..見到恩恩, IVAN, 亞浩, 肥仔, 佢地咁搞笑..我同美美都笑死......咩10號風球, 流星花園..真係好開心.. 唔知下年會點呢..會唔會都咁開心呢.. 好似無許聖誕願望..新年先啦.. |
| 12/24/02 平安夜好平安 今日一收工就走左去打麻雀..一打就打到點幾..就黎變賭徒喇..好開心..多謝IVAN哥果24蚊啦..無你我點嬴呀..聖誕又係見你地..真係有D悶呀..AHAH.. 下午收到一個人既電話..先知道原來我真係唔得.. 對唔住呀..我諗我唔只對唔住1個人..其實應該有3個.... 一路以黎我以為可以HANDLE..但我係唔得..我好自私..黑同白之間我要左灰..太清楚反而唔鐘意....其實到依家自己鍾意邊個都唔知..或者可能係無..又可能係唔鍾意得..但我只知道如果依家有咩開始既話..結果應該唔係HAPPY ENDING.. 我諗我要多謝那位問我有無返CARNIVAL玩既人.雖然聽完好煩..但起碼聽完後我知我差D做錯事又害人.. 多謝同我講聖誕快樂既下午人, 晚上人同12點人..可能男性朋友先係呢個階段係最重要既人..男朋友..暫時唔想.. |
| 12/21/02 最後的歌 今日同MEI MEI唱K..好耐無唱過喇..原來"最後的歌"已經係3年幾前既歌..但..每次都一定要唱..無啦啦又諗返3年前..不過只係諗諗姐.... |
| 12/20/02 聖誕大聯歡 今日係我公司既Christmas Party..幾開心啦..咁大個女第一次去D好似ball既野..一人一份禮物..又睇到好多好現實既野...我估如果我係大team既人情況一定有分別...做大team前做唔成..擦鞋又唔識...做好本份啦.. 之後又同睇戲專員睇英雄...唔好睇架..故事係不停重複李生點殺子丹兄, 張小姐同梁生..章小姐去報復..足夠喇..好悶呀... |
| 12/15/02 反23大遊行 咁大個人第一次行遊行....好正..起碼日後我可以大大聲咁講..我無侮..行咪行囉..雖然知道行完政府唔會因為我地而即係話唔立法..但我已表明反對.... 一路上見到好多人..李柱銘, 鄭大班, 甘神父等等..最好笑都可以話係甘神父..無啦啦咩[反對23, 還我24]..好彩聽到怪怪的唔跟住叫..原來24係居留權....甘仔..咪玩野啦..人行你又行..都唔知講咩好..街上既人真係有D得意..既然支持..但係又只係企係度..拍手...點解唔行呢.... |
| 12/14/02 嘉年華返黎喇... 今日一收工就同MEI MEI去嘉年華..好想好想見到DEREK同CHUNK同JOE..其實一早已經有人同我講見唔到佢地..但..唔親眼見到既唔信..結果..算啦..返唔到黎都未必係壞事既....不過真係好掛住肥CHUNK個大肚腩..仲有哎O也老公..DEREK.. 去到玩左好多RIDE...用左百幾蚊..幾好啦..估唔到一路玩一路笑..真係有D低低地..而且又見返上年嘉年華既人..好多都認得我..好似好大咁..一路行一路見到識既人係咁傾計...MARK都ROSA都無我咁勁呀..最開心係聽到VICTOR叔同ANDREW叔都搵到工..幾驚你地仲要返去做呀..好在..PART TIME..好想見ANDREW呀..我要影靚相..HAHAH.. 一路行一路諗返上年嘉年華..咁就一年..真係好快.... |
| 12/12/02
全人類期待好電影!!!!!!!!
好開心呀..睇劉華同朝偉呀..yeah!!..好耐未睇過咁正既戲喇.........無間道...真係唔HARD
SELL都唔得呀...完全係得呀.....!!!!!!!好LIKELY志偉啦,
亞澤啦..仲有劉華啦..個個都正..D女角要唔要都無所謂啦...好彩導演係SAMMI同千嬅之中要SAMMI...如果唔係即刻搞差部戲... |
| 12/11/02 MAMMY..生日快樂.. |
| 12/8/02 OCEAN PARK..都唔驚既.. 我估我一年前點都估唔到一年後既我會去玩OCEAN PARK..仲要玩完大叫..都唔驚既... 上年今日CARNIVAL第一日開..眼見咁多RIDE..好驚呀..會死人架喎...(玩RIDE死人都係第一次聽)..點知一年後我去OCEAN PARK玩..都唔驚既...回水呀..HAHAH.. 玩左1次過山車, 3次新既過山車..2次海盜船, 1次千秋, 1次增高RIVER... 可惜無玩跳樓機..如果Bosco叫我耐D可能都會玩既...HEHE...不過算啦..又凍又落雨係上面吹風會死呢..HAH... 註: |
| 12/7/02 做文化人... 朋友COCO做話劇..第一次企係台上面..點都要支持既..個話劇叫 [成人不宜的兒童故事..]..好睇..但有D長..而且後半部不停講一D好有深度既說話..要一下子記下去明..真係有D難...ANYWAY..我都覺得佢地好成功..AT LEAST係下午3點都有7~8成既觀眾...而且見到COCO咁耐以黎所做既事......睇落真係好開心..雖然今次做唔成主角..但你得既..下次無野阻到你....有得睇話劇就叫我啦.. |
| 12/5/02 都唔好睇既... 今日同BOSCO走左去睇雙瞳...以為好得人驚...要大叫架啦...點知.......點解咁有深度既...點解套sell鬼既片無鬼...點解咁深...點解又係2個唔識睇既人話想睇之後睇完唔明大叫無癮既...唉..下次D深戲唔搵你喇.. |