不知從那時開始

	4月28日星期四唔係普通既懶


事隔十日我先再一返日記。其實有幾日我得閒架，但都冇打日記。(汗")上回講到連測3科啦，終於知道2科成績啦，電腦好似考到93分(比預期既高)，紙樣就考到90分(比預期既低)。QA就仲未派。死啦，由邊到講起呢...... 就22號啦，太遠古個d唔記得啦。 --------------------------------- 22/4 星期五星妹，我對你唔住。 23/4 星期六因為星期一係老爸生日，所以今日成家難得出去食飯。我地落單個陣落到好似鬧哂交咁，個部長仲話我地感情好好。(笑)仲有唔講唔知，原來我老爸七十歲架啦，真係估佢唔到。 25/4 星期一今日tracy生日，點知負責蛋糕既嘉欣訓死左。到左lunch佢先返黎，之後我地一齊去canteen食啦。基本上今日特別既事。 26/4 星期二返左去上電腦當之後走英文堂去左neway city唱k，點知太多數都係得我同tracy仔唱，佢地就坐係到睇漫畫。不過勁抵，$33/4個半鐘，由11點半唱到4點呀。之後佢地去左tea，我陪小云去銀行。之後去信和拎碟，有里知花隻新曲+精選終於入手啦。之後join返嘉欣仔佢地逛女人街，總覺得同埋男仔行呢d地方硬係怪怪地架，佢地又唔0岩睇喎。行到6點就搭火車搵返菠菜就一齊返屋企啦。 27/4 星期三起身個陣覺得有點涼，又覺得唔係好夠訓，加上返荔景。總結係我訓到9點先起身返學，9點半出門口，返到學校都11點。返到去咪幫小云手囉，點知食野唔做野做野打爛野，佢做緊個塊布俾我移針個陣整穿左。(逃)其實小云早前已有幾個窿係到架啦!!(笑)之後同多多一齊lunch，食完出去散步吃雪糕。散完步返去繼續織，進度奇慢。小云唔俾我掂部機，咁咪同阿ling一齊睇書囉。冇耐吉左部機出黎，小云就過去織，我又要織布。織極都係得個十零塊，完全唔夠數，好彩得各界幫助終於湊夠數。5點就放左學，咪過葵芳買零食囉。點知落雨落到倒水咁，仲枉我地行過去。除左個頭無濕外其餘無一幸免，濕哂。(有遮=冇遮)早知搭地鐵過去啦，以後落雨打死都唔著布鞋。(但全屋都係布鞋)(汗)行到差唔多6點就返家啦，又係搵返菠妹一齊返屋企。今日又煮唔到飯仔啦。(哭) --------------------------------- 終於打返咁多日。講返今日，又唔願起身啦，但二家姐一喝我起身即刻成個人醒哂!!(笑)返到去都唔知佢點我/定L，不過冇所謂啦，大把quota。教一輪書話咁快又落堂，跟住普通話先好笑。我地玩倉頡字。勁講"人卜竹人土土弓"、"人戈日女尸火木"、"土戈一弓心"。玩上隱之後成個lunch就係到玩。同嘉欣仔+tracy仔上倉頡字碼速成班，見到咩字都要拆一拆。勁攪笑。lunch又去左第二間食，已經食到熟哂囉。一坐低已經知道阿ling想要咩啦，勁!!所以今個lunch就一直玩拆倉頡碼咁過啦。(笑)點知返到去竟然話唔駛上QA堂，話教哂書啦喎。有一樣野仲得人驚，我明明未返；miss竟然/左我，但小云佢地之後點返好似L。究竟miss點解咁攪笑??或者佢順手/左但原來我地唔係到掛。去後落圖書館陪佢地send野俾miss，攪到2點幾先走。返到上水都成3點幾，唔知點解走個陣好累，係火車到差點訓死，跟手咪幫嘉欣放漫畫。但價錢太低啦，最終冇放到。返到屋企play左陣電腦就不停咁打日記。補打日記真係一件苦事!! 唉~~一到月尾先都唔先，太大洗了，但又好似冇乜點駛過，總知今個月都算儲到唔少錢啦。(大心) --------------------------------- 18/4 噫~~我呢隻懶鬼又好耐冇打日記啦bor。襯今日咁得閒就打日記啦，免得班fans們成日話我唔打日記。=口= 今日測驗測QA，尋日我都仲係到打機。(勁懶)於是夜晚浪漫滿屋都唔睇走去溫書，溫到1點先去訓覺。今日終於不負眾望，將我所記得既都寫哂落去。呢幾日勁慘呀，測驗多到測死左。上星期五測左電腦(測完放學同左同學仔去行街)，之後個果星期六又要返學測pattern。以為自己溫得好熟啦，點知都仲係有d唔識。今日就輪到QA啦，溫左幾個鐘竟然測左我9個字就測完，寫左2頁字咁大把。=口=咁辛苦溫佢都好都冇乜字寫到出黎既?! 今日勁唔抵呀!!唔記得帶八達通，蝕哂俾九鐵啦!!我張月票......好彩有張"士啤(八達)通"用，但見到佢扣錢好心痛呢。(哭)去到九龍塘竟然見到小鈴，係佢見到我唔係我見到佢，之後咪一齊返學囉。返到去，小云少有地早到，奇蹟終於發生了!!畫完pattern咪繼續溫書囉，溫到我地個個痴哂線。終於測完，唔知點解冇份空虛感呢。(下個禮拜又有merchan test啦)lunch去左下村食啦，食完返去上"立體剪裁"，上4個鐘。補堂補死了。放學立即返屋企諗住play我那可愛的電腦啦!!點知大家姐冇返工霸住部電腦玩。(哭)終於有得玩啦，不過隻game已經打爆機，玩左幾個結局。玩完都好似冇咩好玩咁，打下日記囉。 --------------------------------- 13/4 唉，其實我好忙架。(笑) 就係自己懶啦，成日唔打日記。加上又忙啦(忙住打機)，上星期五、六先考完會考(paper2唔夠時間做)(哭)。呢幾日又咪係咁，前幾日先有時間拾好間房，搵返好多野呢!!點知一收埋哂d冬天返竟然又開始返風，得返一件褸，要著成個禮拜了。(反正外套沒所謂啦)今日約左阿ling一齊返學，點知佢早左出門口，我明明準時到的，變相好似我遲到咁。(汗")之後返到去食下早餐先開始織野，今日又係去荔景上knitting啦。嘩!!織2x1羅紋打雞，超易耶。半晏就織好十塊了，lunch後諗住繼續織架嘛。(傳聞話15塊)點知交10塊咋喎，我同同學校一早織哂了。跟住咪幫阿Ling做返上次份功課。攪到3點搵miss傾返d野，之後傾完即閃。約左阿星，攪到遲到。阿星你大人有大量原諒我一次咁多啦!至多我陪你去許留山啦，不過費用自備。之後咪同阿星一齊搭火車囉，佢呀，成個大鄉理出城咁，真係出到街唔好話識我呀。(逃~~)返到上水就分道揚鑣。我返到屋企睇左陣卡通片(都好耐冇睇過啦?!)睇多陣書6點零就去補眠，7點幾起身食飯。跟住睇電視，做埋marketing份功課，溫下書咁。沖完涼跟手上下網咁啦，咁呀一日啦。 --------------------------------- 6/4/05 secret base~有你的夏天~ 與你在夏未約定將來的夢想遠大的希望別忘記我相信十年後的8月我們還能再相遇共創美好的回憶‧‧‧ 相識是在那麼不經意的瞬間我在回家途中的十字路口聽見你的一聲 "一起回家吧" 我當時有點尷尬還拿書包遮著臉其實我心裡好高興啊煙火在夜空中燦爛盛開幾許傷感啊風隨著時光流逝滿心歡喜的興致沖沖地我們四處探險就在我們的秘密基地中與你在夏末的約定將來的夢想遠大的希望別忘記我相信十後的8月我們還能再相遇我知道一直到最後你仍在心底呼喊著 "謝謝你" 強忍著淚水笑著說再見無限感嘆湧現那一段最美好的回憶啊暑假就要過完了啊太陽和月亮默契十足想起來令人悲傷或許有些寂寞我們也多有爭吵就在我們的秘密基地中我知道一直到最後你仍在心底呼喊"多謝你" 強忍著淚水笑著說再見無限感嘆湧現那一段最美好的回憶你突然要轉學你我都無可奈何我會給你寫信也會打電話給你千萬別忘記永遠別忘記那段秘密基地中的日子與你在夏末聊了那麼多從黃昏到繁星點點流過你雙頰的淚水我永遠不會忘記直到最後你緊緊握住我的手這感覺也將長在我心中就這樣讓我們永遠在夢中相會吧與你在夏未約定將來的夢想遠大的希望別忘記我相信十年後的8月我們還能再相遇我知道一直到最後你仍在心底呼喊著 "謝謝你" 強忍著淚水笑著說再見無限感嘆湧現那一段最美好的回憶 --------------------------------- 6/4 嗚....我又好多日冇打日記啦。唔知仲有冇人睇呢?!自己又懶喎，但我又唔想摺左個網....呢個係我多年來既心血...... 唉呀，其實近期發生左好多事，但都廢事打返啦，都無從入手囉。係啦，前個排副眼鏡竟然裂開左，我一篤佢就一分為二啦。=口=。但冇人陪我配眼鏡，攪到今時今日我都仲未配過副。(長戴架嘛,梗係要搵人俾意見架啦) 4月4日兒童節做完merchan project就同阿柴逛旺角。勁攪笑呀佢，我地係仙果園食完飯咁我去俾錢啦，阿柴就去左隔離七仔扭蛋(係冇入錢架!!)竟然扭左兩隻winnie出黎。=口=(呆左)之後去信和買左MIZ隻碟同訂碟啦。(希望"有里"隻碟有貨啦)跟住咪行旺中囉，行完就歸家啦。之後4月5日清明節，不用去拜山。係屋企竟然訓到3點先起身?!諗住食野啦，點知屋企咩都冇得食，陰公。本來想溫書，但又睇睇下電視咁呀睇左一日。今日又咪係如常咁返學，都冇乜事發生。放學同左菠菜一齊去惠康上倉。(唔驚係屋企都會餓死啦)咁又Hea左成晚。死啦，星期五同星期六就考colthing理論啦，我都好似冇乜點溫過咁?!死得啦，死得啦。