地鐵東涌線> 欣澳站 > 地鐵迪士尼線 > 迪士尼樂園 > 探險世界 (木筏 / 泰山樹屋)

迪士尼線

因為唔想太早迫入場，所以我地 11:30左右先開始由九龍坐地鐵東涌線去欣澳站轉迪士尼線去迪士尼樂園。

欣澳站設計得好環保，冇冷氣，用玻璃天幕透光。站內有提款機，行到對面就可以乘迪士尼線。

唔使等好耐就見倒無人駕駛既迪士尼列車 "(右圖)，中午時間唔係太多人，我地好容易搵倒位坐，座位非常舒適。沿途各人都把握機會影相。

大約七至八分鐘就到達迪士尼站，一個設計得好有童話感覺既車站。

由迪士尼站步行大約 7分鐘就到達迪士尼樂園門口，沿途有座椅供遊客休息。

香港迪士尼樂園

迪士尼售票處未見人龍，不過售票處地方唔大，可以想象如果人多都會幾迫，幾辛苦。

經過簡單手提袋檢查，12:00p.m 就進入左迪士尼，正所謂 "到迪士尼要做足準備！"，我一早就上左網睇資料 (例如:各場show既表演時間 ) Plan 定行程。

香港迪士尼樂園內共有四大主題公園 (大約有18樣遊樂設施) - 為避開人潮，我地選擇順時針玩 : 探險世界 > 幻想世界 > 明日世界 > 美國小鎮大街

# 日本迪士尼樂園有七大主題公園 (大約有37樣遊樂設施)，迪士尼海洋亦有七大主題公園(大約有22樣遊樂設施)

睡公主城堡

入場之後，有左右兩個大門進入美國大街，我地由左門入去，因為較靠近 市鎮會堂 City Hall 及 Fire Dept. (入面有洗手間，借用 BB 車/輪椅，訂位食飯，詢問等服務，如果你當日生日，仲可以獲得生日徽章)。

進入美國小鎮大街前見倒有好多人於拍照亭外排隊同米奇米尼合照。

經過美國小鎮大街後，就見倒迪士尼地標"睡公主城堡"，當然又影左Ｄ相啦！

睡公主城堡唔係遊樂設施，只係通往"幻想世界"既大門，公主會在城門右邊的拍照亭同遊客合照架！

#日本既灰姑娘城堡比香港大好多，而且有導遊講灰姑娘故事。

探險世界 (Adventureland)

我地冇入城堡，而係向左行，入去"探險世界"，先行商店，然後到"獅子王慶典"門口取快証"Fast Pass"， 快証訂左 2:30既表演，不過服務大使話可以排隊睇第一場 show，開 1:00。

我地見仲有時間，就去坐"木筏"到"泰山樹屋"，等坐木筏既人唔多。"泰山樹屋"主要係參觀，行木樓梯吊橋到樹屋探泰山，都幾特別，由樹屋可以睇倒"探險世界"全景架！

日本有"魯賓遜樹屋"，香港"泰山樹屋"靚Ｄ！

參觀完泰山樹屋，就回到 "獅子王慶典" 門口，當時已經有好多人等緊入場。

"探險世界"有一間紀念品商店及兩間餐廳。