美國小鎮大街 / 星夢奇緣 (煙花表演)

美國小鎮大街

玩完巴斯光年，已經差不多 7:00，離 8:00 (平日 7:00) 煙花表演仲有一小時，我地就到美國小鎮大街 ，呢條街話長唔長，話短唔短，係迪士尼既購物區，大部份於其他幾個主題區入面商店有既產品，呢度既百貨店都有，價錢唔貴。

呢條街有兩間靚餐廳，一間有蛋撻賣既餅店，相片沖印店，水晶店，珠寶店 (周生生經營)，幾間百貨店及一間介紹香港迪士尼既館 "迪士尼樂園的故事"。

百貨店都幾大，有好多貨品選擇，如 T-恤，文具，包裝得好靚既糖果等。水晶店貨品都好精緻，更有師傅即造水晶擺設。珠寶店有好多好靚手功又精細既手飾選擇，價錢由數佰圓起！

星夢奇緣

我地買左Ｔ恤，糖果及徽章，Ｄ徽章好靚但係幾貴，成 $50-60 一個。

接近 8:00，美國小鎮大街Ｄ燈光開始被較暗，好多人企滿整條街，我地走到接近城堡前的有利位置睇 星夢奇緣 煙花表演。表演開始，睡公主城堡成為主角，煙花及燈光效果非常精彩！令城堡變得特別靚！遊客都熱烈歡呼！15分鐘表演有廣東話旁白，好有氣氛！

煙花表演後，人群開始離去，我地想到小鎮大街的兩大餐廳食飯，可惜 booking 已經 full 左。其他園內餐廳已經 close，惟有到餅店買小食，約 8:45就搭迪士尼線離去，車站唔多人。

香港迪士尼雖然細左Ｄ，遊戲少左Ｄ，不過感覺好好，幾好玩，設計都好靚！