探險世界 (獅子王慶典 / 森林河流之旅) > 幻想世界 (米奇幻想曲 / 小熊維尼歷險之旅 / 皇室宴會廳 / 夢想花園)

獅子王慶典

我地入場睇 1:00 開 show 既 獅子王慶典 - Festival of the Lion King，雖然場內有好多坐座位 (冇劃位)，但亦差不多全場爆滿。

圓型舞台，座位編排幾好，大部份座位都可以清楚欣賞表演，不過始終係前排好Ｄ。我地算排得後入場，亦可坐在中排位置。

表演長約30分鐘，全英語對白，間中會用中文，不過唔使擔心，冇乜特別野講，主要睇歌舞，花車，卡通人物，雜技，空中飛人等表演。幾精彩！

"獅子王慶典"係香港迪士尼獨有既設施及表演，唔好錯過！

森林河流之旅

睇完表演就去坐船玩森林河流之旅 - Jungle River Cruise，碼頭分開三個入口排隊，一個係排隊坐有講英文導遊既船，一個係講普通話，另一個係講廣東話，有清楚指示，唔好攪錯。

排廣東話船既人唔多，所以排左約15分鐘就可以上船。普通話船最多人，打晒蛇餅，英文船亦唔多人。

之前嚮日本玩過，不過都唔及香港肥妹船長講廣東話咁生鬼全神！

沿途入去森林探險，睇下預設左既機關，最後遇上火山，幾迫真過癮！

#沿途雖然冇日本迪士尼果個咁多野睇，不過香港有火山，好玩Ｄ！

幻想世界 (Fantasyland)

玩完坐船，經過歷奇噴水池，就到達幻想世界。幻想世界好似一個小型遊樂場，有旋轉木馬，旋轉杯，小飛象等經典機動遊戲。不過我地都冇玩呢Ｄ遊戲。

我地 2:00 先排隊睇"米奇幻想曲" - Mickey's PhilharMagic，2:15開場，人唔算好多，而且一場可以容納好多人，所以唔使等就有得睇。入場要取立體眼鏡。

"米奇幻想曲"係一套 4 D 立體電影，主角係唐老鴨，短短 20分鐘，有好多意想不到既效果，好似會飛出屏幕既珠寶，香噴噴既蛋糕等，非常精彩！

右圖 - "米奇幻想曲"入口處

#香港呢套立體電影好睇過日本！

小熊維尼歷險之旅

全日排隊時間最長就係玩小熊維尼歷險之旅，足足排左一個鐘，其實入面冇歷險，只係坐架車，入去欣賞下小熊維尼等卡通人物及活動佈景，不過設計好靚！

卡通車可載 4 人，入面有自動相機替你拍照，出口有電視可以睇倒照片，如果 OK 可以買回來留念。

我地同另外兩遊客一架車，所以冇買照片。

玩完 小熊維尼已經 4:00，錯過左 3:00 既巡遊，我地就到 皇室宴會廳食飯 ，呢度係自助式，先取食物後比錢，水及茶任飲，約$40-50。

設計好似入左古堡咁。(下圖)